- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"
![[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"](images/new_photo/01/2017/QARTULI/SOCCER/NAKREBI/TEAM/saba-lobjanidze-09-02-2017-2.jpg)
<p>საბა ლობჟანიძეს მართლაც გამორჩეული სეზონი ჰქონდა, რომლის პიკიც საქართველოს ნაკრებში გამოძახება იყო <br> გარდამავალი ჩემპიონატის დასრულების შემდეგ, ლაურეატები რომ დავასახელეთ სხვადასხვა ნომინაციაში, ჩემპიონატის საუკეთესო ნახევარმცველად ჩვენმა გაზეთმა <strong>საბა ლობჟანიძე</strong> მიიჩნია, იმ სეზონში "ჩიხურაში" რომ გამოდიოდა.</p><p>სწრაფი და კრეატიული შემტევი ნახევარმცველის ძალიან დიდი დამსახურებაც იყო, საჩხერელთა გუნდმა თავის ისტორიაში პირველად რომ მოიპოვა ვერცხლის მედლები. იმასაც ვიტყვით, რომ ლობჟანიძემ ის სეზონი განათხოვრების წესით გაატარა და ამჟამად ისევ თბილისის "დინამოს" დაუბრუნდა, რომლის შემადგენლობაშიც ემზადება კიდეც ახალი სეზონისათვის.</p><p><img src="pictures/artimages/image16/5dcee7f257ef4d033aa54114236319a0.jpg" border="0" style="border: 0px none; float: left; margin: 5px;" alt="Sportall.Ge" title="[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"" />ჩვენი არჩევანი, წესით, საკამათო არავისთვის უნდა ყოფილიყო: ამპლუით ნახევარმცველი საბა ლობჟანიძე (9 გოლი 11 მატჩში) ჩემპიონატის საუკეთესო ბომბარდირთა დავაში მხოლოდ "სამტრედიას" შემტევ <strong>ბუდუ ზივზივაძეს</strong> ჩამორჩა. ამას გარდა, სწორედ საბა ლობჟანიძე მიგვაჩნდა (ბათუმის "დინამოს" კაპიტან, <strong>თეიმურაზ შონიასთან</strong> ერთად) იმავე ბუდუ ზივზივაძის უმთავრეს კონკურენტად ჩემპიონატის საუკეთესო ფეხბურთელის ნომინაციაში!</p><p>საერთოდაც, საბა ლობჟანიძეს მართლაც გამორჩეული სეზონი ჰქონდა, რომლის პიკიც საქართველოს ნაკრებში გამოძახება იყო. თანაც, დებიუტიც ასეთი უნდა: პირველსავე მატჩში (უზბეკეთთან) გოლი გაიტანა!</p><p>ზოგადად, საბა ლობჟანიძე ჩვენს პირველობაზე მოთამაშე იშვიათი ინდივიდუალისტია, თამაშის გამწვავება და გოლის შექმნა რომ შეუძლია.</p><p>გარდამავალი ჩემპიონატის საუკეთესო ნახევარმცველი "ლელოს" რედაქციაში გვესტუმრა: ჩვენი გაზეთისა და კომპანია "ლიდერბეთის" მიერ დაწესებული სპეციალური პრიზიც გადავეცით და ვრცელი ინტერვიუც ჩამოვართვით...</p><p><p><div style="text-align: center;"><span style="color: #ff0000;"><strong>გოგიჩაიშვილმა და დავითაშვილმა შანსი მომცეს...</strong></span></div></p> <strong>- საბა, აქამდე ინდივიდუალური პრიზი თუ მიგიღია?</strong></p><p>- ბავშვობაში კი, მაგრამ პროფესიონალურ ფეხბურთში ეს ჩემი პირველი ინდივიდუალური პრიზია. მადლობა უნდა გითხრათ დაფასებისათვის. ეს დიდი სტიმულია ჩემთვის.</p><p><strong>- მოდი, გაიხსენე შენი პირველი ნაბიჯები ფეხბურთში...</strong></p><p>- თბილისში, "ნორჩ დინამოელში" დავიწყე ფეხბურთის თამაში. მერე გადავედი საფეხბურთო სკოლა "ოლიმპში". ჯერ ლევან გვანცელაძე იყო ჩემი მთავარი მწვრთნელი, მერე კი გია ცეცაძესთან გადავედი. 15 წლის ვიყავი, როცა "დინამოს" აკადემიაში მივედი სინჯებზე.</p><p><strong>- დაგტოვეს?</strong></p><p>- ძნელად, მაგრამ მაინც დამტოვეს - რამდენჯერმე დადგა საკითხი ჩემი გამოშვების, მაგრამ მაინც დამტოვეს.</p><p><strong>- მოვიდა დრო და იმ დროისათვის პირველ ლიგაში მოასპარეზე "დინამო 2-ში" გამოჩნდი...</strong></p><p>- თანდათან მივდიოდი წინ. 18 წლის ვიყავი, "დინამო 2-ის" შემადგენლობაში რომ აღმოვჩნდი. ამასთან ერთად, საქართველოს ახალგაზრდული ნაკრების მთავარმა მწვრთნელმა, ალექსანდრე ჩივაძემაც გამომიძახა გუნდში.</p><p><strong>- ისევ "დინამოში" დავბრუნდეთ. პირველ გუნდში მალხაზ ჟვანიამ დაგაწინაურათ?</strong></p><p>- კი, მალხაზ ჟვანიამ დამაწინაურა. ეგაა, თამაშები არ მიწევდა ძირითად გუნდში, მხოლოდ და მხოლოდ ვვარჯიშობდი.</p><p><strong>- რა მოგცა პირველ ლიგაში გატარებულმა პერიოდმა?</strong></p><p>- ძალიან დიდი გამოცდილება. თუნდაც იმ მხრივ, რომ ძალიან ცუდ მინდვრებზე ვთამაშობდით ხშირად. იქ მხოლოდ კლასით ვერ მოიგებ. სწავლობ ბრძოლას და ბოლომდე დახარჯვას.</p><p><strong>- მაშინ ბევრი ნიჭიერი ახალგაზრდა ირიცხებოდა "დინამოს" მეორე გუნდში, მთავარი მწვრთნელიც ახალგაზრდა იყო - უჩა სოსიაშვილი...</strong></p><p>- ნიკა კვეკვესკირი, ბუდუ ზივზივაძე, გუგა ფალავანდიშვილი, გიორგი ერისთავი - ეს ბიჭები თამაშობდნენ მაშინ "დინამო 2-ში". ძალიან კარგი გუნდი გვყავდა, სულ დიდი ანგარიშებით ვიგებდით თამაშებს. მერე, მიხალ ბილეკმა გადამიყვანა მთავარ გუნდში, მაგრამ თამაში რასაც ჰქვია, კახა გოგიჩაიშვილის მწვრთნელობის დროს დავიწყე. მისი და სულიკო დავითაშვილის უზომოდ მადლობელი ვარ. პირველად მათ მომცეს შანსი.</p><p><p><div style="text-align: center;"><span style="color: #ff0000;"><strong>მარცხენა ნახევარმცველად პირველად სოსიაშვილმა დამაყენა...</strong></span></div></p> <strong>- ბავშვობიდან მარცხენა ნახევარმცველად თამაშობ?</strong></p><p>- არა. ადრე სულ სხვა ადგილას ვთამაშობდი. უფრო ხშირად ცენტრალური ნახევარმცველი ვიყავი, მითამაშია საყრდენ ნახევარმცველადაც.</p><p>პირველად უჩა სოსიაშვილმა დამაყენა მარცხენა ნახევარმცველის პოზიციაზე. მერე კახა გოგიჩაშვილმაც ამ ადგილას მათამაშა "დინამოს" მთავარ გუნდში.</p><p><strong>- უმაღლეს ლიგაში სადებიუტო, 2014/15 წლების სეზონი კარგად დაიწყე...</strong></p><p>- პირველ წრეში მართლაც კარგად ვითამაშე. რვა საგოლე გადაცემა გავაკეთე. მერე ტრავმა მივიღე. "დილასთან" გვქონდა სათასო მატჩი და კუნთი დამეჭიმა. ეს ის დროა, როცა საქართველოს ჩემპიონატს ბოლომდე შევეჩვიე და ბოლომდე უნდა გავიხსნა.</p><p>ერთი თვე დავისვენე. მაინც კმაყოფილი ვარ, თასი და სუპერთასი მოვიგე იმ სეზონში.</p><p><img src="pictures/artimages/image17/1e367da5e1bfb167a68a00eb13af1a2d.jpg" border="0" alt="Sportall.Ge" title="[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"" /></p><p><p><div style="text-align: center;"><span style="color: #ff0000;"><strong>ყველაფერს მწვრთნელებს ვერ დააბრალებ...</strong></span></div></p> <strong>- "დინამოში" გია გეგუჩაძის მისვლის შემდეგ შედარებით ცოტას თამაშობდი...</strong></p><p>- კი, ძირითადად შეცვლაზე შევდიოდი. ამ დროს დაემთხვა ის გოლი, რომელიც საქართველოს ახალგაზრდული ნაკრების შემადგენლობაში გავუტანე ესპანეთს. მაშინ მეგონა, რომ ეს ჩემს სათამაშო დროს გაზრდიდა, მაგრამ ასე არ მოხდა. როგორც ჩანს, მაინცდამაინც არ ვიყავი მწვრთნელის მონახაზში.</p><p>ბუნებრივია, ყველა მწვრთნელს თავისი გამოკვეთილი ხედვა აქვს. როცა ძალიან ახალგაზრდა ხარ, სხვანაირად ხარ განწყობილი. ახლა სხვანაირად ვფიქრობ. ალბათ, მაშინ ბოლომდე ვერც მე ვავლენდი საკუთარ შესაძლებლობებს. საბოლოო ჯამში ისევ შენ გიწევს ნაკლის გამოსწორება. ყველაფერს მწვრთნელებს ვერ დააბრალებ.</p><p><strong>- "დინამოში" ისეთი ფეხბურთელების გვერდით მოგიწია თამაშმა, როგორებიც ჩისკო და ალექსანდრე იაშვილი იყვნენ...</strong></p><p>- ჩისკოს ვარჯიშებზე რომ ვუყურებდი, ძალიან ბევრს ვსწავლობდი. დიდებული ფეხბურთელი და ადამიანია ალექსანდრე იაშვილი. ძირითადში რომ ვერ ვხვდებოდი, სულ მელაპარაკებოდა, არ მაძლევდა მოდუნების საშუალებას. უდიდესი პროფესიონალია.</p><p><p><div style="text-align: center;"><span style="color: #ff0000;"><strong>ფრუიძის ნდობა პირველივე დღიდან ვიგრძენი</strong></span></div></p> <strong>- "ჩიხურაში" წასვლა სათამაშო პრაქტიკის მიღების მიზნით გადაწყვიტე?</strong></p><p>- 2015/16 წლების სეზონის მეორე წრეში "დინამოს" მთავარ მწვრთნელად იურაი იარაბეკი დაინიშნა, რომელიც საერთოდ არ მათამაშებდა. ეტყობა, მის სათამაშო მონახაზში ვერ "ვჯდებოდი".</p><p>ამ დროს გამოჩნდა "ჩიხურას" ვარიანტი. წავედი და არ ვნანობ, ეს ნაბიჯი რომ გადავდგი. ამ გუნდში ხომ კარიერაში საუკეთესო სეზონი გავატარე.</p><p><strong>- მწვრთნელის ნდობაც გქონდა...</strong></p><p>- სოსო ფრუიძის ნდობა პირველივე დღიდან ვიგრძენი. ფეხბურთელისათვის მწვრთნელის ნდობა უმთავრესია. თან ძალიან მოწყურებული ვიყავი თამაშს. კარგად ჩავჯექი გუნდის ტაქტიკურ მონახაზში.</p><p><strong>- სეზონის სტარტზე, მოლდოვურ "ზიმბრუსთან" მარცხს არავინ ელოდა...</strong></p><p>- ჩვენთვის ეს ნამდვილი შოკი იყო. დღემდე ვუყურებ ამ თამაშს და ვერ ამიხსნია, რა მოხდა.</p><p><strong>- საპასუხო მატჩის პირველ ტაიმში მოედანზე გამორჩეული იყავი, მერე კი...</strong></p><p>- მეორე ტაიმი მართლაც ვერ ვითამაშე ისე, როგორც მინდოდა. მეორე ტაიმში კუნთი დამეჭიმა და მწვრთნელმა შემცვალა.</p><p><strong>- სოსო ფრუიძეზე ცალკე უნდა გკითხოთ...</strong></p><p>- ძალიან გამოცდილი და მცოდნე მწვრთნელია. რომ ვუფიქრდები, საქართველოს მასშტაბით სერ ალექს ფერგიუსონს ვადარებ. ხუმრობა საქმე როდია, ამდენ ხანს ერთ ადგილზე იმუშაო. აქვს ფეხბურთის თავისებური ხედვა. დაცვაში ძალიან მკაცრ თამაშს ითხოვს.</p><p><strong>- ელოდი, რომ საუკეთესო ბომბარდირობის შანსი გაგიჩნდებოდა? </strong></p><p>- მე და ბუდუ ზივზივაძე ძალიან ახლო მეგობრები ვართ. ხუმრობით ვეპაექრებით კიდეც ერთმანეთს. ბუდუ ღირსეულად გახდა საუკეთესო ბომბარდირი და საუკეთესო ფეხბურთელი.</p><p><strong>- რა მოხდა საჩემპიონო პლეი ოფში "სამტრედიასთან", სადაც "ჩიხურასგან" უფრო მეტს ელოდნენ...</strong></p><p>- მთელი სეზონის განმავლობაში ძალიან სანდო იყო ჩვენი დაცვა. თუმცა, პირველსავე მატჩში ორი ისეთი გოლი გავუშვით, რომ რა ვიცი... მეტოქეს არ მინდა დავუკარგო, ძალიან კარგი ფეხბურთი ითამაშეს. მაგარი პრესინგით.</p><p><strong>- პირველ მატჩში დაფიქსირებული შედეგის (0:2) შემდეგ კიდევ გქონდათ იმედი, რომ ორრაუნდიან ბრძოლაში წარმატებას მიაღწევდით?</p><p></strong>- კი, მეც მქონდა ეს იმედი და გუნდშიც ასეთი განწყობა იყო. ვხვდებოდით, რომ ძნელი იქნებოდა ძალიან. იმედი მაინც გვქონდა.</p><p><strong>- წინა სეზონში "ჩიხურას" "დუბლის" შესრულების შანსიც ჰქონდა, მაგრამ... მარტვილის "მერანთან" სათასო მატჩში რაღა მოხდა?</strong></p><p>- ამ შემთხვევაში, ალბათ, მეტოქის შეუფასებლობა უფრო იყო. არადა, ერთი ბურთით რომ ვაგებდით, კიდევ დარწმუნებულნი ვიყავით ჩვენს წარმატებაში. "მერანი" ძალიან კარგი გუნდია. თასის ფინალში ძალიან მომეწონა მათი თამაში. ისე მოხდა, რომ ყველაზე სუსტად გადამწყვეტ მატჩებში ვითამაშეთ.</p><p><img src="pictures/artimages/image17/5ef7b1383528471452cd108379fab958.jpg" border="0" alt="Sportall.Ge" title="[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"" /></p><p><p><div style="text-align: center;"><span style="color: #ff0000;"><strong>დინამოში დიდი მოტივაციით...</strong></span></div></p> <strong>- სეზონი მორჩა და კვლავ თბილისის "დინამოს" დაუბრუნდი...</strong></p><p>- კონტრაქტით "დინამოს" საკუთრება ვარ. დიდი მოტივაციით დავბრუნდი "დინამოში". ძალიან საინტერესო, ახალგაზრდული გუნდი ვართ. ჩვენთვისაც დიდი მოტივაციაა - უნდა დავამტკიცოთ, რომ თავის დროზე შეგვეძლო მეტი სარგებლობა მოგვეტანა თბილისის "დინამოსათვის".</p><p><strong>- ვიაჩესლავ გროზნიზე რას იტყვი?</strong></p><p>- ძალიან კარგი მწვრთნელია. ჩვენგან სწრაფ თამაშს ითხოვს. ბურთი არ უნდა გაიჩერო დიდხანს. ემოციური მწვრთნელია, მაგრამ კარგი ადამიანია...</p><p><strong>- ესპანეთის ახალგაზრდულ ნაკრებთან გატანილი გოლის გახსენება უნდა გთხოვოთ - მართლაც დიდებული გოლი გამოვიდა...</strong></p><p>- ლამაზი გოლი იყო მართლაც. შემოვიტანე "შიგნით" ბურთი და მარცხენით ავჭერი. ზუსტად იქ წავიდა, სადაც მინდოდა. მაშინ ესპანეთის ახალგაზრდულ ნაკრებში ძალიან ბევრი კარგი ფეხბურთელი თამაშობდა. თუნდაც, საული, დეოლოფეუ...</p><p><img src="pictures/artimages/image17/38d7ca10c639f895da4d2add7bbba92b.jpg" border="0" alt="Sportall.Ge" title="[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"" /></p><p><strong>- რა არის ნაკლი, რომელიც საბა ლობჟანიძემ უნდა გამოასწოროს?</strong></p><p>- ჩემი აზრით, ეს არის დაცვაში თამაში. არიან ფეხბურთელები, რომლებსაც შეიძლება რაღაც ეპატიოს. მაგალითად, ჩემი წარმოდგენით, თავის დროზე მიხეილ მესხი ვერაფრით ირბენდა გაუთავებლად მთელი 90 წუთის განმავლობაში. დღეს კი სხვა მოთხოვნებია. ლიონელ მესი 8 კილომეტრს დარბის საშუალოდ თამაშში. მე მეტი უნდა ვიმუშაო დაცვაში.</p><p><p><div style="text-align: center;"><span style="color: #ff0000;"><strong>ეროვნული ნაკრები სულ სხვა განზომილებაა...</strong></span></div></p> <strong>- საქართველოს ნაკრებში გამოძახება ნებისმიერი ფეხბურთელისათვის დიდი პატივია...</strong></p><p>- ეროვნული ნაკრები სულ სხვა განზომილებაა. საქართველოს ჰიმნზე რომ დავდექი, თვალწინ წარმომიდგა ყველაფერი. რა და როგორ იყო ადრე, თუნდაც 6 თვის წინ. ზოგადად, ძალიან სპეციფიკურია ფეხბურთელის ცხოვრება. ერთ დღეში შეიძლება ყველაფერი რადიკალურად შეიცვალოს.</p><p><strong>- უზბეკეთთან მატჩი სადებიუტო იყო შენთვის საქართველოს ნაკრების შემადგენლობაში. დებიუტი გოლით აღნიშნე: ზუსტი თავური დარტყმით, ცენტრფორვარდის პოზიციიდან. თავიდან, ტრანსლაციის ცუდი ხარისხის გადამკიდეებს, არც კი გვეგონა, თუ შენ გამოიჩინე თავი...</strong></p><p>- არა, მართლა მე გავიტანე (იცინის). ბუდუ ზივზივაძეს გავუცვალე ადგილი იმ ეპიზოდში. ლადო დვალიშვილმა მომცა საგოლე პასი. მეორე მატჩშიც ძირითადში ვიყავი იორდანიასთან. ორივე შემთხვევაში მარჯვნივ დამაყენა ვლადიმირ ვაისმა. არანაირი უხერხულობა - ვითამაშებ იქ, სადაც ნაკრებს დასჭირდება.</p><p><img src="pictures/artimages/image17/8e3997bcde38bbb744b8eb329b9e5962.jpg" border="0" alt="Sportall.Ge" title="[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"" /></p><p><strong>- როგორ ფიქრობ, მოხვდები იმ 2-3 ფეხბურთელს შორის, ვაისი სერბეთთან მატჩისწინა შეკრებაზე რომ გამოიძახებს?</strong></p><p>- ყველას აქვს იმედი. არც მე ვარ უიმედოდ...</p><p><strong>- არადა, საქართველოს ნაკრებში შენს პოზიციაზე ძალიან დიდი კონკურენციაა - ოქრიაშვილი, ყაზაიშვილი, ანანიძე...</strong></p><p>- ასეთი ფეხბურთელების გვერდით თამაშის შანსი ჩემთვის ძალიან დიდი სტიმულია. რა თქმა უნდა, მათ არ ვედრები ამ ეტაპზე. ჩემი მხრივ, ყველაფერს გავაკეთებ იმისთვის, რომ საქართველოს ნაკრებს სარგებლობა მოვუტანო.</p><p><strong>- ვინ არის ფეხბურთში შენი იდეალი?</strong></p><p>- 5 წლიდან დელ პიეროს ფანი ვარ. მან შემაყვარა ფეხბურთი. რაც შეეხება დღევანდელობას, ლიონელ მესი საუკეთესოა. ჩემს კერპად კი დელ პიერო რჩება.</p><p><strong>- რომელია შენთვის საოცნებო ჩემპიონატი?</strong></p><p>- ჩემი ოცნება "იუვენტუსში" თამაშია. სიამოვნებით ვითამაშებდი ასევე ესპანურ პრიმერაში...</p><p><span style="color: #888888;"><strong>ალეკო კაკაურიძე</p><p>გია ტუხაშვილი</p><p>შალვა ბუაჩიძის ფოტოები</p><p></strong></span></p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
Jango
კაი ბაღანეა,ღმერთმა ხელი მოუმართოს, გაიზრდება კიდევ ხარისხში.არაა მისი ადგილი დინამოში,დაბრუნდეს ჩიხურაში სჯობს.
-
gizog
გაიხარე საბა, უფალმა აღგახდენინოს ოცნება
გურამ კაშიამ და ნიკა კვეკვესკირმა ფეხბურთის ფედერაციას თხოვნით მიმართეს
კაბო-ვერდესთან საქართველოს ნაკრების მატჩზე ყველა ბილეთი გაიყიდა
"ქართველ ფეხბურთელებს რუსეთთან თამაშის გამბედაობა არ ეყოფათ" - ამბობს დუმის დეპუტატი
20 წ. | მსოფლიომდე ინგლისთან
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
ქოჩორაშვილის შეძენას "ნაპოლი" და "სპორტინგი" შეეცდებიან
"უბრალოდ მეტი, ვიდრე ფეხბურთი" - ქოჩორაშვილმა სევიკიანთან გადაღებული ფოტო გამოაქვეყნა
საქართველოს ნაკრებთან დამარცხების გამო სომხეთში აღშფოთებული არიან
"ნიუკასლის" ფეხბურთელი ლობჟანიძის თანაგუნდელი გახდება
ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას
ოთარ კობახიძე - "ჩელე-არენის" მორიგი მსხვერპლი
ვინ რა მიზეზით არ იქნება ივნისში საქართველოს ნაკრებში?
ალექსანდრე იაშვილი: ყველას დავანახეთ, რომ შეგვიძლია ასეთ გუნდებთან თამაში და მათი დამარცხება
ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები
ერთ-ერთი მეტოქე ცნობილია - ვისთან გამართავს ამხანაგურ მატჩს ივნისში საქართველოს ნაკრები
ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]
უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]
იაშვილი: მიზანია ვიბრძოლოთ პლეი-ოფის საგზურისთვის, მინიმუმ მეორე ადგილისთვის
მხოლოდ 2 მატჩი გუნდის სათავეში - სოსო ფრუიძემ "ლოკომოტივი" დატოვა
[ლელოს სტუმარი] "ჯერ საქართველოში უნდა დაამტკიცო, რა შეგიძლია!"
სოსო ფრუიძე ფეხბურთში დაბრუნდა და უმაღლესი ლიგის გუნდს ჩაიბარებს
"მარკ სტარსის" თასი: ტყიბულის "მეშახტის" ტრიუმფი
ველით სისტემის შეცვლას - ვილი სანიოლი და საქართველოს ნაკრები სომხეთისთვის ემზადებიან
პრო ლიგა 2. ტყიბულის "მეშახტე": სიურპრიზებს კიდევ უნდა ველოდოთ?
[VIDEO] ლობჟანიძემ MLS-ში საგოლე პასი შეასრულა
სოსო ფრუიძე: 6 ქულა კარგია, მაგრამ ყველაფერი თავიდან დასაწყებია
კვეკვესკირის როლი გასახდელში დიდია... ეს კონკურენციაა... ბათუმში კარგი საფარი იქნება - სანიოლისა და იაშვილის პრესკონფერენცია
"სოსო ფრუიძის მწვრთნელად მოსვლას არ დავუშვებთ" - "ტორპედოს" გულშემატკივრის განცხადება
ლობჟანიძის საგოლე პასი - საბა MLS-ის ახალ სეზონს შედეგიანად იწყებს [VIDEO]
რატომ წავიდა პრეზიდენტი? ...არ სურდათ, ეს საკითხები რომ გამეკონტროლებინა
ლობჟანიძის საგოლე პასი - "ატლანტამ" და "ცინცინატიმ" ფრედ ითამაშეს [VIDEO]
"არ მინდოდა პირადი რაღაცების თქმა, მაგრამ ბუდუზე ეს უნდა მოგიყვეთ..." - რა განაცხადა იაშვილმა ზივზივაძეზე
"საუთჰემპტონში" ყოფნა, უსამართლობა "დინამოსგან" და მწვრთნელის კომპეტენციაში ჩარევები - კახა გოგიჩაიშვილი ქართულ რეალობაზე
ალექსანდრე იაშვილი: ანტალ იაკობაშვილთან საუბარი გვქონდა, მაგრამ სამწუხაროდ, მას უნგრეთის ნაკრებში სურს თამაში
სოსო ფრუიძე: მოსაგებად ძალა აღარ გვეყო