<p>ტეპლიცეში გამართულ ჭაბუკთა "ევროპის თასზე" მარიამ ჭანტურიამ - ოქრო, სოფიო სომხიშვილმა კი ბრინჯაო მოიპოვა <br> <span style="font-size: x-small;"><span style="color: #888888;"><strong>ფოტოზე: სოფიო სომხიშვილი, მწვრთნელი კახა მოცრაძე და მარიამ ჭანტურია</strong></span></span></p><p>ჩეხურ ტეპლიცეში ამ უქმეებზე ჩატარებულ ჭაბუკთა "ევროპის თასზე" საქართველოდან მხოლოდ გოგონების ნაკრები გამოდიოდა, რომელმაც წარმატებითაც იასპარეზა - 2 მედალი (თითო ოქრო და ბრინჯაო) მოიპოვა, რითაც საერთოგუნდურ ჩათვლაში მე-10, ხოლო ცალკე გოგონებში მეხუთე ადგილზე გავიდა. ჩემპიონი <strong>მარიამ ჭანტურია</strong> (63) გახდა, მესამეზე კი მძიმეწონოსანი <strong>სოფიო სომხიშვილი</strong> გავიდა.</p><p>ჭაბუკებში ევროპის მესამეპრიზიორი ჭანტურია წლეულს ანტალიაშიც კარგად გამოვიდა, თუმცა მაშინ ბრინჯაო მოიპოვა, ახლა კი გაცილებით უკეთესი შედეგი აჩვენა. ცხადია - ჭიდაობის ხარისხიც, შედეგად კი ხუთიდან სამი შეხვედრა იპონით მოიგო.</p><p>ტეპლიცეში მან პირველივე შეხვედრა ძალიან ძლიერად ჩაატარა - გერმანელ მარაიკე რედიგს ჯერ ორი გდება გაუკეთა, ბოლოს კი პირდაპირ დააიპონა. უკრაინელი კარინა სარქისიანი ბევრად კი გაუძალიანდა, თუმცა წმინდა გდების და იპონისგან თავი მაინც ვერ დაიხსნა. სამაგიეროდ, ამ ხვედრს ბრიტანელი ემილი კოპერი გადაურჩა მეოთხედფინალში, ვისაც ჭანტურიამ ვაზარით მოუგო, ნახევარფინალში კი ქართველმა ძველებურად გაილაღა და ისევ წმინდა მოგება მიითვალა ლუქსემბურგელ ანეტა მოსრთან.</p><p>ფინალი შედარებით ფრთხილი გამოდგა გერმანელ ანაბელ ვინზიგთან და მსაჯმა გაფრთხილებებიც არიგა, მომგებიანი გდება კი ისევ ჭანტურიამ მიითვალა, რამაც ვაზარი და ოქროს მედალი მოუტანა.</p><p>ჭანტურიას მსგავსად, სომხიშვილიც ქართული ძიუდოს უახლოესი მომავლის ერთ-ერთი გამოკვეთილი ლიდერია და ისიც ამართლებს ამ იმედებს.</p><p>ამ ასაკში მსოფლიოს ვიცე-ჩემპიონი ტეპლიცეში შარშანაც მესამე იყო, ამჯერად კი უკეთესი სინჯის მედლის მოპოვების რეალური შანსი ჰქონდა, მაგრამ ნახევარფინალში თურქ მინე კალენდერთან მარცხი უფრო უიღბლობას ან, იქნებ, გამოუცდელობასაც უნდა დავაბრალოთ. სომხიშვილი ყველანაირად ჩაგრავდა მეტოქეს და ორი გაფრთხილებაც მიაღებინა. შეხვედრის მიმდინარეობა თურქს სულაც მოხსნას უქადდა, რადგან ჩვენი სპორტსმენი აქტიურად უტევდა და იქნებ სწორედ ეს იყო მისი შეცდომა - რაკი დრო იწურებოდა, აჯობებდა, შეტევებით არ გაერისკა დროის გაყვანაზე, ანგარიშის შენარჩუნებაზე ეჭიდავა. დასრულებამდე სულ რაღაც 3-4 წამი რჩებოდა, როცა კონტრილეთზე მოჰყვა - თურქმა კისრულით ვაზარზე დააგდო.</p><p>იქამდე ჩვენმა ლიდერმა ორი შეხვედრა მოიგო წმინდად, თუმცა საიპონე გდებამდე უნგრელ ჟილვია ფარკაშსაც და ესპანელ სარა კამპილო ფერნანდესსაც ორ-ორი ვაზარი აართვა. საბედნიეროდ, თურქთან წაგებამ ქართველი ვერ გატეხა და მისი ჯავრი ბრინჯაოსთვის შეხვედრაში მეორე უნგრელ პეტრა ფარაგოზე იყარა - ვაზარი და იპონი.</p><p>მთლიანობაში, სომხიშვილმა ყველა მოგებულ შეხვედრაში ილეთები შეასრულა, რაც მისასალმებელი ფაქტია. მან სამი პაექრობა მოიგო და 8 გდება შეასრულა - 3 იპონი და 5 ვაზარი.</p><p>თუმცა უილეთოდ ჭიდაობას ქალებს ვერ დავაბრალებთ - ვერც ერთ ასაკში. პირიქით - ყველანი ძალიან ლამაზად და ტექნიკურად ჭიდაობენ. მაგალითად, <strong>სალომე ბლიაძე </strong>(48) უმედლოდ დარჩა, მაგრამ ერთ შეხვედრაში ჰაერში ისეთი მტკივნეული გაუკეთა მეტოქეს, თქვენი მოწონებული.</p><p>ამავე წონაში საკმაოდ კარგად გამოვიდა დებიუტანტი <strong>მარიამ გულედანიც</strong>, ვინც ორი შეხვედრა მოიგო.</p><p>ჩვენი გუნდიდან ტეპლიცეში <strong>მარიამ გურგულიანი, ეკატერინე ტატუნაშვილი</strong> (ორივე - 52), <strong>თინათინ რევაზიშვილი</strong> (57), <strong>ინდირა სილაგაძე</strong> (63) და <strong>სალომე მაყიშვილიც</strong> (+70) გამოდიოდნენ, თუმცა მედალოსნების შემდეგ, შედარებით წარმატებით რევაზიშვილი გამოვიდა.</p><p>მან ჯგუფში სამი შეხვედრა წმინდად მოიგო - ავსტრიელ სარა შმორანცსა და თურქ ჰაბიბე აფიონლუს ერთნაირი ანგარიშით აჯობა: ვაზარის შემდეგ დააიპონა, ბრიტანელ დარციე ჰანკოკს კი ვაზარი გაუქვითა და მესამე იპონი მიითვალა. რევაზიშვილი მეოთხედფინალში გერმანელ კაროლინე ფრიტზესთან ასევე წმინდად დამარცხდა და სანუგეშოში კი გადაერთო, მაგრამ პირველივე ბრძოლა წააგო ბელგიელ მანონ ლეხსარლისთან. ჩვენებური საბოლოოდ მეცხრეზე გავიდა.</p><p>მთლიანობაში, ტეპლიცეში გამოჩნდა, რომ ქალთა ძიუდოში კარგი თაობა მოდის, თუმცა იქვე მათი ნაკლიც ცხადად დავინახეთ - გამოუცდელობა, რასაც ხშირი სატურნირო პრაქტიკა უშველის.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
[VIDEO] საქართველოს ძიუდოისტთა ნაკრებმა ევროპის ჩემპიონატზე ვერცხლის მედალი მოიპოვა
საქართველოს ძიუდოისტთა ნაკრები ევროპის გუნდური ჩემპიონატის ფინალშია!
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
საქართველოს ძიუდოისტთა ნაკრები ევროპის გუნდური ჩემპიონატის ფინალში საფრანგეთთან დამარცხდა
სუპერ-ლიპარტელიანი! - ინტერვიუ გია თენაძესთან
ძიუდო. "გოლდენ გორმა" ჩემპიონთა ლიგაზე ბრინჯაოს მედალი მოიპოვა
ჭაბუკ ძიუდოისტთა ნაკრები დიორში გადახალისებული გუნდით გამოვა
ძიუდო. მსოფლიოს ჩემპიონატი ჭაბუკებში: კაპანაძის ვერცხლით დავიწყეთ
იაპონიაში 13 ძიუდოისტით - ტოკიოს გრანდ სლემისთვის საქართველოს ნაკრების შემადგენლობა ცნობილია
უძლიერესი შემადგენლობით - ავსტრიის გრან პრიზე ბევრი მედლის მოლოდინში...
ჩემპიონთა დუეტი - რას ჰყვებიან ოლიმპიური ფესტივალის გმირი გოგონები
ევროპის ჩემპიონატი. III დღე: 3 ქართველი ძიუდოისტი ოქროსთვის, ხოლო 2 ბრინჯაოსთვის იბრძოლებს!
"ბევრმა არ იცის, რა მდგომარეობაში იყო შეჯიბრებამდე" - ლიპარტელიანმა სომხიშვილზე ისაუბრა
[VIDEO] არის! საქართველოს ძიუდოისტთა ნაკრებმა იაპონია დაამარცხა და მსოფლიო ჩემპიონატის ფინალში გავიდა
[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!
ქართველი ძიუდოისტი გოგონების ტრიუმფი მსოფლიოს თასზე!
ძიუდო. მსოფლიოს ჩემპიონატი ჭაბუკებში: ვერცხლს წაგებები მოჰყვა
მსოფლიო ჩემპიონატზე საქართველოს ძიუდოისტთა ნაკრების შემადგენლობა ცნობილია
ძიუდო. მსოფლიოს ჩემპიონატი ჭაბუკებში: შორეულ ჩილეში, ნაცნობი მეტოქეები
[VIDEO] ქართველი ძიუდოისტების წარუმატებელი დღე მსოფლიო ჩემპიონატზე
ლაშა ბექაური და ვლადიმერ ახალკაცი მსოფლიოს ჩემპიონები გახდნენ [VIDEO]