<p>საქართველოს XXIX ჩემპიონატი. ეროვნული ლიგა. VI ტური <br> ძალიან, ძალიან დასანანი მარცხი იწვნია "საბურთალომ", "ჩიხურამ" კი მეტად საჭირო 3 ქულა ჩაიწერა აქტივში. ფეხბურთში ასე არცთუ იშვიათად ხდება: იგებს ის, ვინც მეტს ითმენს, ელის საგოლე შანსებს და მეტოქეზე უკეთ იყენებს.</p><p>"საბურთალოს" ძირითადი შემადგენლობის 5 მცველი აკლდა და არ შეიძლებოდა, ამ გარემოებას გია ჭიაბრიშვილის გაწვრთნილი გუნდის თამაშისთვის დაღი არ დაესვა. საბოლოოდ, ასეც მოხდა. ეროვნული ჩემპიონატის ერთ-ერთმა გამორჩეულმა შემტევმა დიმიტრი ტატანაშვილმა ორი გოლი შეაგდო. ორიდან ერთი - ნომინალურ სტუმართა აშკარა შეცდომას მოჰყვა, როცა გამოცდილმა ზურაბ არზიანმა თავით უხეიროდ მოიგერია ბურთი.</p><p>არც მეორე გაშვებული გოლისას გარჯილან მთლად იდეალურად "საბურთალოს" მცველები...</p><p>საერთო ჯამში, თბილისური კლუბისთვის გადამწყვეტი აღმოჩნდა თედორე გრიგალაშვილის, ნოდარ იაშვილის, ცოტნე ნადარაიას, გრიგოლ ჩაბრაძისა და ელვინ ტერას დანაკლისი. ბოლო მატჩებში ამპლუით საყრდენ ნახევარმცველ ტერას ჭიაბრიშვილი მცველად იყენებდა. ის დისკვალიფიცირებული იყო ისევე, როგორც საჩხერელი ლაშა ჩიკვაიძე.</p><p>პირველ ტაიმში "საბურთალო" აშკარად სჯობდა მეტოქეს. შეუჩერებელი იყო გუნდის ლიდერი გიორგი ხარაიშვილი. მეორე ნახევარში კი საჩხერელთა გამოცდილებამ იძალა. თუნდაც, იმავე ტატანაშვილის მომენტები რომ ავიღოთ - ახალგაზრდა საბურთალოელებმა გადამწყვეტ სიტუაციებში ასეთი ცივსისხლიანობა ვერ გამოავლინეს.</p><p>რა თქმა უნდა, პირველ ტაიმში ყველას ძალიან მოგვეწონა ხარაიშვილის შესანიშნავი გარჯა, მაგრამ ამ უდავოდ ნიჭიერი ფეხბურთელით კმაყოფილი მაშინ ვიქნებით, როცა ის თამაშის ორივე ნახევარს ერთნაირად კარგად ჩაატარებს.</p><p>მეორე ტაიმში "ჩიხურა" უკეთესი თუ არა, უარესი ნამდვილად არ იყო მეტოქეზე, თუმცა ვეჭვობთ, გუშინდელი მატჩის შინაარსი იმერელთა დამრიგებელ სოსო ფრუიძეს კმაყოფილს მაინც არ დატოვებდა. გამარჯვება კარგია, მაგრამ ამ თამაშში საჩხერული კლუბი, რომელიც საქართველოს ჩემპიონატში საუკეთესოა შემადგენლობით, მაინც ვერ იყო ისეთი, როგორსაც მისგან ელიან.</p><p>რა თქმა უნდა, "საბურთალოს" ჰქონდა მიზეზი, რომ არბიტრის ქმედებით უკმაყოფილო დარჩენილიყო. ვგულისხმობთ პირველ ტაიმში ხარაიშვილის ეპიზოდს, როცა ის საჯარიმოში წაიქცა. რა თქმა უნდა, არაფერს ვამტკიცებთ, მაგრამ შემტევი ისეთ კარგ პოზიციაში იყო, "გონივრული ეჭვი" გვაქვს, იმ მდგომარეობაში არ "გააფორმებდა" ეპიზოდს.</p><p>და მაინც, არბიტრს გადამწყვეტი გავლენა არ მოუხდენია თამაშის შედეგზე და მომენტებში აშკარად უკეთესი "საბურთალო" საგოლე შანსების რეალიზაციის დაბალმა პროცენტმა დააღალატა.</p><p><span style="color: #3366ff;"><strong>მატჩის სტენოგრამა</strong></span></p><p><strong>3'</strong> - ხარაიშვილი სახიფათოდ შეიჭრა მეტოქის საჯარიმოში და წაიქცა. საეჭვო ეპიზოდი იყო, თუმცა არბიტრმა დუმილი არჩია.</p><p><strong>5'</strong> - რიკოშეტის შემდეგ ბურთი ოდნავ ასცდა "ჩიხურას" კარს.</p><p><strong>7'</strong> - ჰამზიჩმა ჯერ ხარაიშვილს აუღო რთული ბურთი, მერე იმნაძესაც არ გაატანინა.</p><p><strong>16'</strong> - გორგიაშვილის დარტყმა კუპატაძემ მოიგერია.</p><p><strong>17'</strong> - შინდაგორიძის გადაცემის შემდეგ ვაგნერმა ვერ გაიტანა.</p><p><strong>38'</strong> - სარდალიშვილის ჩაწოდების შემდეგ კუპატაძემ კაკუბავას თავური არ გაატანინა.</p><p><strong>48'</strong> - 0:1! საბურთალოელთა კუთხური ვაგნერმა მოაწოდა. ცნობილაძემ საჰაერო ბრძოლა მოიგო და ანგარიში გახსნა.</p><p><strong>54'</strong> - 1:1! არზიანი შეცდა ბურთის მოგერიებისას, რაც კარგად გამოიყენა ტატანაშვილმა და ანგარიში გაათანაბრა.</p><p><strong>57'</strong> - 2:1! კორიფაძემ სარდალიშვილს დაუგდო ბურთი, მისი დარტყმა კუპატაძემ მოიგერია, თუმცა დამატებაზე ტატანაშვილმა იმარჯვა და დუბლი გაიფორმა.</p><p><strong>65'</strong> - კუპატაძის შეცდომის შემდეგ დეკანოიძე ხელსაყრელ სიტუაციაში აღმოჩნდა, თუმცა ბურთი გარედან გაარტყა კარის ბადეს.</p><p><strong>73'</strong> - ტატანაშვილს "საბურთალოს" მეკარემ არ გაატანინა.</p><p><strong>89'</strong> - ფიფიას თავური ჰამზიჩმა მოიხელთა.</p><p><span style="color: #3366ff;"><strong>ეროვნული ლიგა. VI ტური</strong></span></p><p>09.04. ზესტაფონი. "დავით აბაშიძე"</p><p><em><strong>ჩიხურა-საბურთალო 2:1</strong></em></p><p>გოლები: 0:1 ცნობილაძე (48), 1:1 ტატანაშვილი (54), 2:1 ტატანაშვილი (57)</p><p><span style="text-decoration: underline;">ჩიხურა (4-5-1):</span> ჰამზიჩი - შ. კაშია, კაკუბავა, ლ. ჭელიძე, კორიფაძე - ივანიშვილი, სარდალიშვილი (60. განუგრავა), გორგიაშვილი, დობროვოლსკი, გეგეჭკორი (52. დეკანოიძე) - ტატანაშვილი (77. გელაშვილი).</p><p>სათადარიგოები: სეფიაშვილი, მირცხულავა, ლეკვთაძე</p><p>მწვრთნელი: სოსო ფრუიძე</p><p><span style="text-decoration: underline;">საბურთალო (4-4-2):</span> ლ. კუპატაძე - მალი, მარგველაშვილი, ცნობილაძე, ლაკვეხელიანი - ვაგნერი (65. ბიძინაშვილი), მამუჩაშვილი, არზიანი (71. ფიფია), ხარაიშვილი - შინდაგორიძე, იმნაძე (60. კოხრეიძე).</p><p>სათადარიგოები: გოშაძე, ალთუნაშვილი, სოფრომაძე, ჩოგაძე</p><p>მწვრთნელი: გია ჭიაბრიშვილი</p><p><span style="text-decoration: underline;">გაფრთხილება:</span> შ. კაშია (35), კაკუბავა (69)</p><p><span style="text-decoration: underline;">არბიტრი:</span> ბ. ნინუა.</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">12 აპრილი</span></p><p>ლოკომოტივი-დილა</p><p><span style="text-decoration: underline;">13 აპრილი</span></p><p>კოლხეთი-სამტრედია</p><p>დინამო (თბ)-შუქურა</p><p>საბურთალო-დინამო (ბთ)</p><p>ტორპედო-ჩიხურა.</p><p><span style="color: #3366ff;"><strong>ბომბარდირები</strong></span></p><p>ი. სიხარულიძე (ლოკომოტივი) 6</p><p>მ. გავაშელიშვილი (ლოკომოტივი) 5</p><p>მ. კოვტალიუკი (კოლხეთი) 4</p><p>გ. ჯანელიძე (კოლხეთი) 3</p><p>ნ. საბანაძე (ტორპედო) 3.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩემი ფეხბურთელები სასურველი შედეგისთვის მზად არიან" - "იბერიას" მწვრთნელმა "მალმიოსთან" დაპირისპირებაზე ისაუბრა
გიტის პაულაუსკასმა ბათუმის "დინამო" დატოვა და სლოვაკეთში გადაბარგდა
აზაროვმაც ითამაშა და გოჩოლეიშვილმაც - "შახტარის" მომავალი მეტოქე "ბეშიქთაშია"
მცირე პროგრესი იგრძნობა - ევროთასების შესარჩევი ეტაპის პირველი რაუნდის მიმოხილვა
შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა
პსჟ შეიძლება მალე დონარუმას გარეშე დარჩეს
ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში
გრანიტ ჯაკა შესაძლოა, პრემიერლიგაში დაბრუნდეს
"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა
"რეალს" ალაბასთან კონტრაქტის გაწყვეტა სურს
აღფრთოვანება შეცდომის მიუხედავად - ქოჩორაშვილმა "სპორტინგში" სადებიუტო მატჩი ჩაატარა
საქართველოს 20-წლამდელთა ნაკრებს 3 ლიდერი გამოაკლდა
ერთი მოედანზე, მეორე ჯერ ტრიბუნაზე - ფრანგულ გუნდში ორი ქართველი ითამაშებს?
"ეს საქმეს მიმარტივებს" - თოფურიამ ახსნა, როგორ ახერხებს მეტოქეების დანოკაუტებას
"ლივერპული ამით ყველა გრანდს ჯობნის" - რა განაცხადა ფერდინანდმა?
პსჟ-ს კიდევ ერთი ფეხბურთელი დატოვებს
დიეგო ლონგო: ერთ-ერთი მთავარი მიზანია გულშემატიკარმა ჩვენით იამაყოს
"ნაპოლის" თავდამსხმელი შეიძლება სერია А-ში გადასულ გუნდში ჩაირიცხოს
რა მოქაჩა თმაზე ასეთი - პსჟ-ს ნახევარმცველს დისკვალიფიკაცია ემუქრება
პსჟ-დან "მანჩესტერში" - ბრაზილიელმა ლეგიონერმა შეიძლება პარიზული გუნდი დატოვოს
დირკ შუსტერი: აქ ყველას ჩვენი დამარცხება სურს
რა გეგმა აქვს შუსტერს? - დღეს 2 ქართული კლუბი ითამაშებს
ირაკლი სიხარულიძე: "სლოვაცკოში" გადასვლა ვლადიმირ ვაისმა მირჩია
ტატანაშვილი, თარგამაძე და იაშვილი "საბურთალოს" დაემშვიდობნენ
ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას
ეროვნული ლიგა. XXVIII ტური. "ლოკომოტივი" - "საბურთალო" [LIVE]
ეროვნული ლიგა. XVII ტური. "ჩიხურა"-"დინამო თბ" [LIVE]
ექსკლუზივი: ცხადაძე "დინამოდან" წავიდა, მას ჭიაბრიშვილი ცვლის? - "ლოკომოტივის" ყოფილი მწვრთნელი პირველ კომენტარს Sportall-თან აკეთებს
"ლოკომოტივიდან" ფეხბურთელები მიდიან - 3 ახალწვეული "საბურთალოში"
დიმიტრი ტატანაშვილი კარიერას "თელავის" რიგებში გააგრძელებს
ევროტურნირების წინ, "საბურთალო" მთავარმა მწვრთნელმა დატოვა
"სამტრედია" დაჩი ცნობილაძემაც დატოვა
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ორი 11:0 ქართული კლუბების მონაწილეობით - მოსამზადებელი ეტაპი
ჭიაბრიშვილი: ძალიან მოტივიერებულები ვართ და ვალდებულნი ვართ, "პაიდეს" ბარიერი გავიაროთ
"მე და ჩემმა ოჯახმა საკმაოდ რთული პერიოდი გავიარეთ" - გიორგი ჭიაბრიშვილი გულზე ჩატარებული ოპერაციის შემდეგ სამუშაო პროცესს დაუბრუნდა
მხოლოდ 2 მატჩი გუნდის სათავეში - სოსო ფრუიძემ "ლოკომოტივი" დატოვა
რევაზ ჩელებაძე: სხვაგვარად ამ სეზონში კატასტროფულ მდგომარეობაში აღმოვჩნდებით
"საბურთალომ" ვლადიმერ დვალიშვილი და დავით თარგამაძე დაიმატა
"ორი მატჩის შემდეგ ნული ქულა გვაქვსო, მაგრამ იცით, რა არის მთავარი შედეგი?!" - გია ჭიაბრიშვილი ეროვნულ ნაკრებზე საუბრობს
სოსო ფრუიძე ფეხბურთში დაბრუნდა და უმაღლესი ლიგის გუნდს ჩაიბარებს
5 ყველაზე უხეში ფეხბურთელი ეროვნულ ლიგაში
დიმიტრი ტატანაშვილი "საბურთალოს" ფეხბურთელი გახდა
"საბურთალო": დავით ვოლკოვი, თორნიკე თარხნიშვილი და ბრაზილიელი
თორნიკე გორგიაშვილი "საბურთალოს" ფეხბურთელი გახდა
"საქართველო არაჩვეულებრივი ქვეყანაა" - ჰამზიჩი ეროვნულ ლიგას უბრუნდება
"შერიფთან" მატჩის წინ "საბურთალოს" ფეხბურთელების განწყობა საბრძოლოა - მეტოქის თამაში გაშიფრულია
დაჩი ცნობილაძე თბილისის "ლოკომოტივში" განათხოვრების წესით ითამაშებს
სოსო ფრუიძე: 6 ქულა კარგია, მაგრამ ყველაფერი თავიდან დასაწყებია
"სოსო ფრუიძის მწვრთნელად მოსვლას არ დავუშვებთ" - "ტორპედოს" გულშემატკივრის განცხადება
კოლხეთი-საბურთალო 3:0 - დამაიმედებელი კოლხური გაზაფხული [VIDEO]
"ბოდიში! ასე არ შეიძლება... ვიღებ პასუხისმგებლობას..." - ჭიაბრიშვილი "პაიდესთან" მარცხის შემდეგ
"პირველ მატჩში გარკვეული წნეხით ვითამაშეთ..." - რა თქვა ჭიაბრიშვილმა "პაიდესთან" განმეორებითი მატჩის წინ
ეროვნული ლიგა. პლეი-ოფი: "ჩიხურა" - "სამგურალი" [LIVE]
ეროვნული ლიგა. XVI ტური. "მერანი" - "ჩიხურა" [LIVE]
"ჩიხურამ" ძალიან ლამაზი გოლითა და მეკარის სასწაული "სეივებით" მოიგო [VIDEO]
ეროვნული ლიგა. XXX ტური. "ტორპედო" - "საბურთალო" [LIVE]
საჩხერის "ჩიხურას" ახალი მთავარი მწვრთნელი ჰყავს!
საფეხბურთო დავების ტრიბუნალმა ფოთის "კოლხეთის" 3 ფეხბურთელს სასჯელი შეუმსუბუქა
თემურ შალამბერიძე: ყველას არ შეუძლია, ფული გადაიხადოს და ფეხბურთზე იაროს
უმაღლესი ლიგა. XII ტური: "სამტრედიამ" საჩემპიონო პლეი ოფი გაინაღდა [VIDEO]
სოსო ფრუიძე: მოსაგებად ძალა აღარ გვეყო
დიმიტრი ტატანაშვილი "სიონისთვის" გაიტანს
შედეგზე მანიპულირება - სფფ-მ "კოლხეთი" და გუნდის 5 ფეხბურთელი დასაჯა