- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლადოს მიზანდასახულობა და გენოს ტვირთი - ინტერვიუ ნუგზარ სხირელთან
<p>კონტინენტის ჩემპიონატზე თავისი შეგირდების გამოსვლის შესახებ ამ ორი სახელოვანი მოჭიდავის პირად მწვრთნელს ნუგზარ სხირელს ვესაუბრეთ <br> გორის თავისუფალი ჭიდაობის დარბაზის აღზრდილი ფალავნების წარმატება არავის უკვირს.</p><p>საქართველოს ნაკრების რიგებში ისინი გამორჩეულად კარგად გამოდიან და ხშირად მხოლოდ მათი შედეგებითაც იწონებს თავს ჩვენი ეროვნული გუნდი. ცოტა ხნის წინ გამართულ ევროპის ჩემპიონატზე ჩვენი ნაკრების გუნდური შედეგიდან გამორჩეული ისევ გორელების შედეგები გახლდათ - <strong>ლადო ხინჩეგაშვილი</strong> ევროპის ჩემპიონი (უკვე მესამედ) გახდა, <strong>გენო პეტრიაშვილმა</strong> კი შარშანდელი ოქროს შემდეგ ამჯერად ბრინჯაო იკმარა. კონტინენტის ჩემპიონატზე თავისი შეგირდების გამოსვლის შესახებ ამ ორი სახელოვანი მოჭიდავის პირად მწვრთნელს <strong>ნუგზარ სხირელს</strong> ვესაუბრეთ.</p><p><strong>- მოდით, ხინჩეგაშვილის და ჩაკაევის ფინალური შეხვედრით დავიწყოთ, რომელმაც დაამშვენა ეს ევროპის ჩემპიონატი და ჭიდაობის მსოფლიო ორგანიზაციამ იგი წლის საუკეთესოდ აღიარა...</p><p></strong>- ლადომ ჩაკაევთან პირველ ყოვლისა მიზანდასახულობის ხარჯზე მოიგო. ყველამ იცის, რომ ხინჩეგაშვილი პირველ პერიოდს თითქმის ყოველთვის თმობს და მეორე პერიოდში ავლენს სრულად თავის შესაძლებლობებს.</p><p>თუმცა, ჩაკაევთან პირველ პერიოდშივე 5 ქულით ჩამორჩენა აბსოლუტურად მოულოდნელი იყო. ისე, მართალია, დაღესტნელისთვის იმ გდებაში 4 ქულა უნდა მიეცათ, მაგრამ არც 4 იქნებოდა იოლად გასაქვითი დარჩენილ დროში.</p><p>მომდევნო ილეთზე, როდესაც ლადოსაც და ჩაკაევსაც 2-2 ქულა მისცეს, იქაც მსაჯისგან სხვაგვარი განსჯა იყო საჭირო. კერძოდ, უნდა გათვალისწინებულიყო, ვინ წამოიწყო ფანდი. თუ ილეთის შესრულებისას რისკის ფაქტორი არსებობს ჩვენს სახეობაში და როდესაც მიდიხარ ნაკადზე, ადრე არ იყო დაშვებული თავდამსხმელი მოჭიდავისგან ბეჭებზე გადაგორება. ახლა ეს ნებადართულია.</p><p>ასეთ შემთხვევაში ანგარიშში სხვაობა მაშინ უკვე უნდა შემცირებულიყო, არადა ორივე მოჭიდავეს 2-2 ქულა მისცეს. საბედნიეროდ, დარჩენილ დროში ლადომ მაინც დიდებულად იასპარეზა და საქმე გამარჯვებამდე მიიყვანა.</p><p><strong>- თქვენ თუ მიეცით ლადოს კონკრეტული დავალება შესვენებისას?</strong></p><p>- ლადოს დიდი დარიგება და რჩევები აღარ სჭირდება. თვითონაც შესანიშნავად იცის, რა უნდა მოიმოქმედოს კონკრეტულ მომენტში, მაგრამ რადგან შევნიშნე, რომ მოწინააღმდეგის სუსტი წერტილი უფრო კოჭები იყო, ვურჩიე, ლადოს სწორედ იქიდან ემუშავა.</p><p>არ ვიცი, მან ეს გაითვალისწინა, თუ თავადაც მიხვდა, მაგრამ დარჩენილ დროში მის მიერ შესრულებული თითქმის ყველა ფანდი კოჭში შესვლით გაკეთდა. ძალიან ჭკვიანად მოიქცა, როცა შეხვედრის მიწურულს არჩია, ჩაწოლილიყო და ორი ქულა დაეთმო მეტოქისთვის, გართულების ნაცვლად.</p><p>ხომ შეიძლებოდა ბოლო წამებზე ყველაფერი ცუდად დატრიალებულიყო, გავიხსენოთ, როგორ დრამატულად დამარცხდნენ დასრულებამდე ორიოდ წამით ადრე თუნდაც მხოლოდ ამ ჩემპიონატზე ტლაშაძე, კენჭაძე, მარსაგიშვილი. როგორც ლადოსგან არის ყოველთვის მოსალოდნელი ერთგვარი აფეთქება, რომლითაც შეიძლება შეხვედრა მოიგოს, ისე ჩაკაევისგან არ გახლდათ ეს გამორიცხული.</p><p><strong>- ევროპის ჩემპიონატზე მის მიერ ჩატარებული და მოგებული დანარჩენი სამი შეხვედრისას ამდენი არ გვინერვიულია...</strong></p><p>- ლადო ხალიჩაზე შედის მოსაგებად და არა მეტოქის ქულათა დიდი სხვაობით გასანადგურებლად. ყველა შეხვედრაში მან დამაჯერებლად გაიმარჯვა და გაიღო იმდენი, რაც ცალკეული პაექრობის მოსაგებად იყო საკმარისი. მისი ჭიდაობა მისაბაძი უნდა იყოს ახალგაზრდა თაობისთვის. უნდა უყურონ და ისწავლონ მისგან ენერგიის რაციონალურად ხარჯვა.</p><p>თუ ოლიმპიადებზე მოჭიდავეთა გამოსვლის ისტორიას გადავხედავთ, დავინახავთ, რომ ოლიმპიური ჩემპიონები როდესაც წონას იცვლიან, უჭირთ უწინდელი წარმატებების გამეორება, განსაკუთრებით თავიდან მაინც, მაგრამ ხინჩეგაშვილმა ეს ეტაპიც ჩინებულად გაიარა.</p><p>ყველა შეჯიბრებაზე, რაც ოლიმპიადის შემდეგ 61 კგ-ში ჩაატარა, კარგად იასპარეზა და აგერ ზედიზედ მოიგო კონტინენტის ჩემპიონატი.</p><p><strong>- გენო პეტრიაშვილისთვის ამჯერადაც საკვანძო იყო ტაჰა აკგულთან დაპირისპირება...</strong></p><p>- რასაკვირველია, აკგულთან სერბეთში მას არ ჩაუტარებია შეხვედრა კარგად. მოგეხსენებათ, რომ ამ უაღრესად ტიტულოვან ფალავანს შარშან ევროპის ჩემპიონატზე გენომ ბოლო წამებზე 6 ქულა ამოუქაჩა და გაიმარჯვა. თუმცა, მისთვის შარშანდელი ევროპის ჩემპიონობა წლეულს ერთგვარ ტვირთადაც იქცა და ვატყობდი, რომ ამის გამო შებორკილი ჩანდა. ფიქრობდა, რადგან ჩემპიონი იყო, არ უნდა წაეგო და ზედმეტად დაიტვირთა ემოციურად.</p><p>პეტრიაშვილი ჯერ არაა დაღვინებული სპორტსმენი. დავესწარი ჩვენი ნაკრების მოსამზადებელი შეკრების ბოლო ეტაპს და თვალში მომხვდა, რომ გენო ვერ იყო იდეალურ ფორმაში. ამასთან ერთად, სპორტსმენის ფიზიკური, ემოციური და ინტელექტუალური ბიორიტმების გამოთვლას ვაწარმოებ და ამ თვალსაზრისითაც პეტრიაშვილის მდგომარეობამ დასკვნითი შეკრების მიწურულს არ დამაკმაყოფილა.</p><p>შემიძლია ვთქვა, რომ ამ ევროპის ჩემპიონატზე მისგან ოქროს მედალს არც ველოდი, მაქსიმუმ სამეულის იმედი მქონდა. იყო ეპიზოდი, როდესაც მისმა მოქმედებამ გამაბრაზა. გენო კიდევ უნდა გაიზარდოს როგორც მოჭიდავე. ისე უნდა მივიდეს ოლიმპიურ თამაშებამდე, რომ იქამდე ყველა მოწინააღმდეგე დიდი უპირატესობით დაჩაგროს.</p><p><strong>- თქვენი კიდევ ერთი პირადი შეგირდი დათო ტლაშაძე (70 კგ) შარშან კონტინენტის ვერცხლის პრიზიორი გახდა, მაგრამ ამჯერად პირველივე შეხვედრაში დასანანად დამარცხდა...</strong></p><p>- დათო ყველაზე უკეთ იყო მომზადებული გორელებს შორის ამ ჩემპიონატზე, ლადოზე უკეთაც კი. მისთვისაც დამახასიათებელია ჭიდაობის "გვიან დაწყება", თავდაპირველი ჩამორჩენის შემდეგ.</p><p>ამაზე ვუკიჟინებდი კიდეც არენის გვერდიდან როცა თურქ იაკუპ გორს ხვდებოდა. მერე დათომ კი გაათანაბრა და წინაც გავიდა, მაგრამ უკანასკნელ წამებზე დაკარგა ქულები და დრამატულად წააგო.</p><p><strong>- წლების მანძილზე თქვენი, როგორც პირადი მწვრთნელის ყოფნა საკუთარ შეგირდებთან ევროპის თუ მსოფლიოს ჩემპიონატებზე არ ხერხდებოდა, თუმცა ბოლო ხანს ყველა დიდ შეჯიბრებაზე მათთან გხედავთ...</p><p></strong>- დიახ, ბოლო წლებია, ამ თვალსაზრისით გამოსწორდა მდგომარეობა. ვფიქრობ, რომ პირადი მწვრთნელები აუცილებლად უნდა ახლდნენ თან შეგირდებს. მთავარი მწვრთნელი შეკრებიდან შეკრებამდე ხედავს ნაკრების წევრებს, ხოლო პირადმა მწვრთნელებმა ბავშვობიდან იციან მათი ყოველი ნაბიჯი, ხასიათი, ხარვეზი. ეს ის ცოდნაა, რომელიც მოჭიდავესაც გამოადგება და საზოგადოდ ნაკრები გუნდის წარმატებასაც.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
lelo
გაიხარეთ და იბედნიერეთ!
-
ვაჟა
დიდხანს იცოცხლეთ!
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"ნაპოლიმ" სიმეონე "ტორინოში" გაანათხოვრა
ფიფას ტალანტების განვითარების სქემის კოორდინატორის ვიზიტი საქართველოში
"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს
"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა
"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით
პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს
ოდიშარია განაცხადში არ იყო - რფს სახლში "კუპსთან" დამარცხდა
ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა
ქართველი მსაჯები კონფერენს ლიგის მატჩს მოემსახურებიან
არაბიძემ კორეულ კლუბს ფიფაში უჩივლა და 2.88 მილიონს მიიღებს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს
შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს
ლუკა იოვიჩი კარიერას საბერძნეთის ჩემპიონატში განაგრძობს
Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს
[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა
ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია
U19 | მონტენეგრო 2:1 საქართველო
ქართველების სრული ტრიუმფი საფრანგეთში: 4 ოქრო, 2 ვერცხლი და 3 ბრინჯაო [VIDEO]
ირანელებმა პეტრიაშვილს შეუტიეს - ნახეთ, რა გააკეთა 2023 წელს ზარემ, ქართველ სპორტსმენთან მსოფლიო ჩემპიონატის ფინალში გამარჯვების შემდეგ [VIDEO]
ბოლომდე მოგყვები, ოლიმპიურ ჩემპიონობამდეო - ინტერვიუ გენო პეტრიაშვილთან
კენჭაძემ ოლიმპიადის საგზური საოცარი ბრძოლის შემოტრიალებით მოიპოვა [VIDEO]
მინსკი 2019: ქართველი მოჭიდავეები ოქროსა და ბრინჯაოსთვის იბრძოლებენ
ლაშა ტალახაძე და გენო პეტრიაშვილი "ქართული ოცნების" საარჩევნო სიაში არიან
ევროპის ჩემპიონატი. თავისუფალი: ელიზბარ ოდიკაძე ნახევარფინალში გავიდა
არ გაიღვიძო, გენო, არა! - ინტერვიუ გენო პეტრიაშვილთან
არის ოქრო - პეტრიაშვილმა ზარე დაამარცხა და ოლიმპიური ჩემპიონი გახდა!
ნუგზარ სხირელი: ლადოს ახალ წონაში ყველაზე მეტად ფიზიკური მომზადება მაფიქრებს
ჯონ პეტერსონი: ჭიდაობა გორელებისთვის დნმ-ის ნაწილია
ყველა ტიტული ხელახლა უნდა მოვიპოვო - ინტერვიუ ვლადიმერ ხინჩეგაშვილთან
რას ნიშნავდა გენო პეტრიაშვილის ჟესტი, რომელმაც გულშემატკივრებში გაორებული ემოცია გამოიწვია?
"ამ ძვირფას ქართველზე შეურაცხყოფას მიზანმიმართულად ახდენენ, არ ვიცი მათ ადამიანები თუ უნდა ვუწოდო..." - პეტრიაშვილმა და ლიპარტელიანმა კვარაცხელიაზე ისაუბრეს
ლადო აქეთ თუ გვასწავლისო - ინტერვიუ დავით გობეჯიშვილთან
პეტრიაშვილმა მეშვილდიშვილი დაამარცხა და ოლიმპიადის ფინალში ზარეს შეხვდება
შეხვედრა გორის მერ ხინჩეგაშვილთან - სარეაბილიტაციო ცენტრის გახსნა
ოლიმპიური ჩემპიონი ლადო ხინჩეგაშვილი პოლიტიკაში წავიდა