<p>ჰოკეის ეროვნულმა ლიგამ 2016-17 წლების სეზონი შეაჯამა <br> ჰოკეის ეროვნულმა ლიგამ ლას ვეგასში, T-mobile-ს არენაზე საზეიმო ცერემონიით შეაჯამა 2016-17 წლების სეზონი და გამოავლინა საუკეთესოები ტრადიციულ ნომინაციებში.</p><p>"ბოსტონის" ფორვარდი პატრის ბერჟერონი კარიერაში მეოთხედ გახდა "სელკე ტროფის" მფლობელი. ეს პრიზი გადაეცემა დაცვითი ყაიდის საუკეთესო ფორვარდს. ბერჟერონმა მოგებების რაოდენობით ბობ გეინის რეკორდი გაიმეორა.</p><p>ამ ნომინაციაში მეორე ადგილზე გავიდა რაიან კესლერი ("ანაჰაიმი"), მესამეზე - მიკო კოივუ ("მინესოტა").</p><p>* * *</p><p>"ლედი ბინგ ტროფი" მოიპოვა "კალგარი ფლეიმზის" ფორვარდმა ჯონი გოდრომ. ამ პრიზის მიხედვით, ის არის ჰოკეისტი, რომელიც პატიოსანი სპორტული ბრძოლისა და ჯენტლმენური საქციელის მაგალითი იყო.</p><p>ჯილდოზე ასევე პრეტენზიას აცხადებდნენ "სენტ ლუისისა" და "მინესოტას" ფორვარდები ვლადიმირ ტარასენკო და მიკაელ გრანლუნდი.</p><p>გასულ სეზონში გოდრომ 72 მატჩში 61 ქულა (18+43) დააგროვა და მხოლოდ ორჯერ იქნა გაძევებული მოედნიდან.</p><p>* * *</p><p>სეზონის საუკეთესო დებიუტანტი გახდა "ტორონტოს" ფორვარდი ოსტონ მეტიუსი. "კოლდერ ტროფის" 19 წლის მფლობელმა გასულ რეგულარულ ჩემპიონატში 69 ქულა (40+29) დააგროვა.</p><p>საუკეთესო მეკარის პრიზი ("ვეზინა ტროფი") მიიღო "კოლამბუსის" რუსმა ლეგიონერმა სერგეი ბობროვსკიმ.</p><p>საუკეთესო მცველი ("ნორის ტროფი") გახდა "სან ხოსეს" წევრი ბრენტ ბერნსი. მან ამ ნომინაციაში აჯობა შვედებს - ერიკ კარლსონსა ("ოტავა") და ვიქტორ ჰედმანს ("ტამპა ბეი"). ბერნსი საუკეთესო ბომბარდირი იყო მცველებს შორის - 79 ქულა (29+47).</p><p>* * *</p><p>საღამოს ტრიუმფატორი გახდა "ედმონტონის" ფორვარდი კონორ მაკდევიდი. ის ჯერ "ტედ ლინდსეი ევორდის" გამარჯვებული გახდა. ეს არის პრიზი, რომელიც ყოველ წელს გადაეცემა საუკეთესო მოთამაშეს ჰოკეისტთა პროფკავშირების ვერსიით.</p><p>ბოლოს კი მაკდევიდმა ლეგენდარული უეინ გრეტცკისგან მიიღო სეზონის მთავარი პრიზი - "ჰარტ ტროფი", რომელიც გადაეცემა საუკეთესო მოთამაშეს. ამ ნომინაციაში მაკდევიდმა აჯობა სიდნი კროსბისა ("პიტსბურგი") და ბობროვსკის.</p><p>მაკდევიდი 2016-17 წლების რეგულარული სეზონის საუკეთესო ბომბარდირი გახდა. 82 მატჩში მან 100 ქულა (30+70) დააგროვა.</p><p>* * *</p><p>ლიგამ ასევე გამოავლინა სეზონის პირველი და მეორე სიმბოლური ნაკრებები.</p><p>I ნაკრები: სერგეი ბობროვსკი ("კოლამბუსი"), ბრენტ ბერნსი ("სან ხოსე"), ერიკ კარლსონი ("ოტავა"), კონორ მაკდევიდი ("ედმონტონი"), პატრიკ კეინი ("ჩიკაგო"), ბრედ მარშანი ("ბოსტონი").</p><p>II ნაკრები: ბრეიდენ ჰოლტბი ("ვაშინგტონი"), ვიქტორ ჰედმანი ("ტამპა ბეი"), დანკან კიტი ("ჩიკაგო"), სიდნი კროსბი ("პიტსბურგი"), ნიკიტა კუჩეროვი ("ტამპა ბეი"), არტიომი პანარინი ("ჩიკაგო").</p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
სუპერკომპიუტერმა საკლუბო მუნდიალის ფავორიტი დაასახელა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
ჰოკეი. NHL. რეგულარული ჩემპიონატი: კაპიტნები გაარკვიეს
ჰოკეი. NHL. რეგულარული ჩემპიონატი: მაკდევიდი აგებს და ლიდერობს
NHL. რეგულარული ჩემპიონატი: კვირის სამი ვარსკვლავი
სიდნი კროსბი პირველი აღარ არის
ჰოკეი. NHL. რეგულარული ჩემპიონატი: კონორის 100 ქულა
ჰოკეი. NHL. რეგულარული ჩემპიონატი: კონორის გადამწყვეტი შაიბა