ქართველები
  • ქართველი სპორტსმენები
  • ფეხბურთი
    • ეროვნული ნაკრები
    • ეროვნული ლიგა
    • ეროვნული ლიგა 2
    • ლეგიონერები
    • თასი
    • ასაკობრივი ნაკრები
    • სხვადასხვა
    • ევროპა ლიგა
    • კონფერენს ლიგა
    • ინგლისი
    • ესპანეთი
    • იტალია
    • გერმანია
    • საფრანგეთი
    • მსოფლიო
    • ჩემპიონთა ლიგა
    • ევროპის ჩემპიონატი
    • სხვადასხვა
    • ქალთა ფეხბურთი
    • ტრანსფერები
    • კალათბურთი
      • ეროვნული ნაკრები
      • სუპერლიგა
      • თასი
      • NBA
      • ლეგიონერები
      • ევრო ლიგა
      • ევროპის ჩემპიონატი
      • მსოფლიოს ჩემპიონატი
      • ასაკობრივი ნაკრები
      • სხვადასხვა
      • ჭიდაობა
        • ძიუდო
        • თავისუფალი
        • კლასიკური
        • ქართული
        • სუმო
        • სამბო
        • ქალთა ჭიდაობა
        • ბერძნულ-რომაული
        • ჩოგბურთი
          • როლან გაროსი
          • უიმბლდონი
          • ავსტრალიის ღია პირველობა
          • ამერიკის ღია პირველობა
          • მონტე კარლო
          • ATP ცინცინატი
          • მადრიდის მასტერსი
          • რომის მასტერსი
          • მაიამის მასტერსი
          • რაგბი
            • ეროვნული ნაკრები
            • დიდი 10
            • თასი
            • ლეგიონერები
            • 6 ერი
            • ტესტები
            • ერთა თასი
            • მსოფლიო თასი
            • ასაკობრივი ნაკრები
            • სხვადასხვა
            • ფორმულა 1
              • მონაკოს გრან-პრი
              • ბრიტანეთის გრან-პრი
              • იტალიის გრან-პრი
              • ბელგიის გრან-პრი
              • ბაჰრეინის გრან-პრი
              • საუდის არაბეთის გრან-პრი
              • იაპონიის გრან-პრი
              • ჩინეთის გრან-პრი
              • მაიამის გრან-პრი
              • ემილია-რომანიის გრან-პრი
              • აბუ დაბის გრან-პრი
              • MMA
                • UFC
                • სხვადასხვა
                  • კრივი
                  • ველოსპორტი
                  • ტანვარჯიში
                  • ცურვა
                  • ჭადრაკი
                  • მძლეოსნობა
                  • ძალოსნობა
                  • მკლავჭიდი
                  • ტყვიის სროლა
                  • კარატე
                  • ნიჩბოსნობა
                  • მშვილდოსნობა
                  • ფარიკაობა
                  • წყალბურთი
                  • ხელბურთი
                  • ფრენბურთი
                  • ავტოსპორტი
                  • ჰოკეი
                  • თხილამურებით სრიალი
                  • ფიგურული სრიალი
                  • საინტერესო ამბები
                  • სხვადასხვა
                  • ფიტნესი
                  • ფიგურული ციგურაობა
                  • სხვა სახეობები

ძიუდო. მსოფლიოს ჩემპიონატი ჭაბუკებში: გოგონები ბიჭებს უთანაბრდებიან [VIDEO]

ძიუდო. მსოფლიოს ჩემპიონატი ჭაბუკებში: გოგონები ბიჭებს უთანაბრდებიან [VIDEO]

<p>საქართველოს ჭაბუკ ძიუდოისტთა ნაკრები სანტიაგოში დასრულებულ მსოფლიოს ჩემპიონატზე გუნდური ტურნირის ბრინჯაოსპრიზიორი გახდა <br> საქართველოს ჭაბუკ ძიუდოისტთა ნაკრები ჩილეს დედაქალაქ სანტიაგოში დასრულებულ მსოფლიოს ჩემპიონატზე გუნდური ტურნირის ბრინჯაოსპრიზიორი გახდა.</p><p>ჯამში, საქართველოს ძიუდოს ჭაბუკთა ნაკრებმა მსოფლიოს ჩემპიონატზე გამოსვლა 1 ოქროს, 2 ვერცხლისა და 2 ბრინჯაოს მედლით დაასრულა. გუნდურ ჩემპიონატში მონაწილეობა ჯამში 18-მა ნაკრებმა მიიღო, ინდივიდუალურ შეჯიბრში კი მედლებისთვის მსოფლიოს 64 ქვეყნის 428 სპორტსმენი იბრძოდა.</p><p><p><div style="text-align: center;"><span style="color: #ff0000;"><strong>ბექაურის დუბლი და წაქცეული იაპონელი</strong></span></div></p> მსოფლიოს ჩემპიონატის ბოლო ორ დღეს ჩვენებმა სამი მედალი მოიპოვეს - ყველა სხვადასხვა სინჯის. აქედან ერთი ოქრო ბიჭების მონაგარია - ჩემპიონი <strong>ლაშა ბექაური</strong> გახდა 73 კილოგრამში, ვერცხლ-ბრინჯაო კი გოგონებმა მოიპოვეს: ფინალში მძიმეწონოსანი <strong>სოფიო სომხიშვილი </strong>დამარცხდა, მესამეზე კი <strong>მარიამ ჭანტურია</strong> (63) გავიდა.</p><p>შეგახსენებთ, რომ პირველ დღეს ბიჭებმა კიდევ ერთი ვერცხლი მოიპოვეს, რაც <strong>ლუკა კაპანაძემ</strong> (55) შეძლო.</p><p>ამდენად, ჩვენმა გუნდმა მსოფლიოს ჩემპიონატის ინდივიდუალურ შეჯიბრში გამოსვლა 4 მედლით დაამთავრა, რამაც საქართველოს ნაკრებს გაერთიანებულ გუნდურ ჩათვლაში მეექვსე ადგილი მოუტანა. ცალკე ბიჭებში ჩვენი გუნდი მესამეა იაპონიისა და რუსეთის შემდეგ, გოგონები კი მერვეზე აღმოჩნდნენ, თუმცა, გასათვალისწინებელია, რომ მათგან მხოლოდ სამი მონაწილე გვყავდა.</p><p>ბიჭებმა და გოგონებმა მედლები თანაბრად გაინაწილეს, მაგრამ ხარისხობრივად უპირატესობა ბიჭების მხარესაა - მათ ოქრო აქვთ. სამაგიეროდ, გოგონებმა სამი მონაწილით მიაღწიეს ამდენს, ბიჭები კი ათი ძიუდოისტით იყვნენ წარმოდგენილნი. არადა, ფინალში სომხიშვილსაც რომ ემარჯვა ხორვატ ელენა ვუკოვიჩთან, მაშინ გოგონებიც მესამეზე გავიდოდნენ გუნდურში.</p><p>ჩილეში ბიჭების ამ ნაკრებიდან ბექაურს და <strong>მიხეილ ბახბახაშვილს</strong> (66) შანსი ჰქონდათ, მიმდინარე სეზონი დუბლით დაემთავრებინათ - თვე-ნახევრის წინ ორივე ევროპის ჩემპიონი გახდა, რაც ამჯერად მხოლოდ ბექაურმა გაიმეორა. ამდენად, მას უკვე შეგვიძლია, დუბლის გაკეთება მივულოცოთ. ამ ბიჭმა ახლაც ისევე დამაჯერებლად იასპარეზა, როგორც - ევროპის ჩემპიონატზე.</p><p>არადა, თავიდან ბოლომდე ძალიან დატვირთული ბადე ჰქონდა: პირველივე წრეში უნგრელთა ევროპული ფესტივალის მესამეპრიზიორი გერგელი ნერპელი, მერე ბრაზილიელი მარსელო გომესი, რუსი არმენ აგაიანი, ნახევარფინალში პოლონელი ადამ სტოდოლსკი და ფინალში სულაც იაპონელი დაიკი ნაკაჰაში, რომელიც ჩინებულად დააიპონა.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/galerea/videogalerea.html?view=video&video=10027" target="_blank"><img src="/media/images/new_photo/01/2017/UCXOURI/1-15AUGUST/004/0111%20lasha.jpg" border="0" alt="Sportall.Ge" title="ძიუდო. მსოფლიოს ჩემპიონატი: ბექაურის ოქრო, ჭანტურიას ბრინჯაო [VIDEO]" width="297" /></a></strong></span></span></div></p></p><p>ჩვენებური ძალიან თამამად ეჭიდავა მრისხანე აზიელს, საერთოდ არად ჩაუგდია მისი წარმომავლობა და თავიდანვე შეუტია, თავისი სტილი მოახვია თავს. მართალია, მსაჯებმა ჩვეულებას არც აქ უღალატეს და პირველი ბექაური გააფრთხილეს (თუმცა სამართლიანობისთვის უნდა აღინიშნოს, რომ ამჯერად, რამდენჯერმე ჩვენ სასარგებლოდაც მიიღეს სრულიად სამართლიანი გადაწყვეტილება, ანუ ნამუსს არ უღალატეს), მაგრამ ქართველმა გონს მოსვლა არ აცალა მეტოქეს და შეხვედრის განახლებისთანავე მოგვერდით დაახეთქა ტატამს.</p><p>სანტიაგოში გამართული ამ ხუთი პაექრობიდან ბექაურმა სამი მოიგო წმინდად - ბრაზილიელი და პოლონელიც დააიპონა, უნგრელთან და რუსთან კი ქულებით იმარჯვა. ამ ტიტულოვანი და ძლიერი ქვეყნების წარმომადგენელთა კამპანიაში პოლონელი, თითქოს, "ანსამბლიდან ამოვარდნილი" ჩანს, რადგან პოლონეთი არ მიეკუთვნება გრანდებს, მაგრამ სტოდოლსკიმ წლეულს თანატოლთა საერთაშორისო შეჯიბრებებში ყველგან დიდი წარმატებით იჭიდავა, ხოლო ჩილეში ქვეჯგუფში იტალიელთა ევროპის მედალოსანი დაამარცხა. ეგეც არ იყოს, მსოფლიოზე ნახევარფინალში შემთხვევითი ხალხი არ გადის.</p><p>ერთი სიტყვით, ბექაურმა ამ წარმატებით ბევრი რამე დაამტკიცა. ის ამ წონას თუ შეინარჩუნებს (და ჯერჯერობით საქმე აქეთკენ მიდის), 73 კილოგრამში დასაყრდენი ფალავანი გვეზრდება.</p><p><p><div style="text-align: center;"><span style="color: #ff0000;"><strong>ტრიპლეტის ზღურბლთან </strong></span></div></p> ბექაურს დუბლის, სომხიშვილს კი სულაც ტრიპლეტის შესრულება შეეძლო: ევროპის ჩემპიონატიც ტრიუმფით მოიგო და - ევროპის ახალგაზრდობის ოლიმპიური ფესტივალიც. ის ჩილეშიც ფავორიტად ჩავიდა და იმიჯს ბოლომდე პირუთვნელად ამართლებდა, მაგრამ, ბედის ირონიით, მის მიზანს ზედ ბოლო წამის წინ ისევ ევროპელი გადაეღობა. კიდევ უფრო დასანანია იმის გახსენება, რომ სომხიშვილმა ვუკოვიჩს ევროპის ჩემპიონატის ნახევარფინალში დამაჯერებლად აჯობა...</p><p>არადა, წინა შეჯიბრებებიდან გამომდინარე, თითქოს სომხიშვილს ევროპაში ტოლ-სწორი კონკურენტი არ ჰყავდა, მაგრამ ეტყობა, ხორვატებმა კარგად შეისწავლეს მისი ჭიდაობა...</p><p>ჩილეში საქმე ისე წარიმართა, ჩვენებურს ძირითადად არაევროპელებთან მოუწია ჭიდაობა, რასაც წარმატებით გაართვა თავი: მხოლოდ თავიდან შეხვდა ევროპელს, პოლონელ კინგა ვოლსცზაკს და დააიპონა, მერე კი მეორე წრეში საკმაოდ ძლიერი ბრაზილიელი, პან-ამერიკის ჩემპიონი და ბერლინის ტურნირის გამარჯვებული, ანტალიის შეჯიბრების ფინალისტი ლუიზა კრუზი ილეთზე დააგდო, ნახევარფინალში კი ტუნისელი აბიდი ფატმა მოახსნევინა.</p><p>ერთი სიტყვით, ისე ჩანდა, რომ არაევროპელებსაც იოლად უსწორდებოდა, მაგრამ ხორვატმა მომენტით ისარგებლა... გასათვალისწინებელია ისიც, რომ სომხიშვილს წელიც სტკიოდა და წასვლამდე ამ ტრავმას მკურნალობდა.</p><p>სეზონი აქტივში ეთვლება ჭანტურიასაც, ვინც ევროპის ჩემპიონატი კი ჩააგდო, მაგრამ ოლიმპიურ ფესტივალზე გაიმარჯვა, ახლა კი ბრინჯაო მოიპოვა.</p><p>შეგახსენებთ, რომ ის ჯგუფში ისევ იმ სერბთა ევროპის ჩემპიონ ანია ობრადოვიჩთან მოხვდა, ვისაც ფესტივალის ფინალში მოუგო, თუმცა ამჯერად მასთან შეხვედრა არ დასცალდა - სერბი მანამდე იაპონელ აიანო იუკისთან დამარცხდა. სწორედ ამ მომავალ ჩემპიონ იაპონელთან წააგო მეოთხედფინალში ჭანტურიამაც მას შემდეგ, რაც მასპინძელი ხავიერა მუნოსი და ამერიკელი ერიკა პაციონე დააიპონა.</p><p>ჭანტურიამ დამამშვიდებელშიც იპონებით მოიგო - კოლუმბიელ სინდი მერასა და ჩრდილოკორეელ სუ იონ კიმთან.</p><p><p><div style="text-align: center;"><span style="color: #ff0000;"><strong>ბიჭების მარცხი </strong></span></div></p> ალბათ, ბიჭების ნაკრებისგან ჩილეში ყველა მეტს ელოდა, მაგრამ ეტყობა, ევროპის ჩემპიონატის შემდეგ ვერ შეძლეს ძალების მობილიზება, სათანადოდ დასვენება და ახალი სტარტისთვის მომზადება. მათგან განსაკუთრებით მოულოდნელი ევროპის ჩემპიონ ბახბახაშვილის, ევროპის ვიცე-ჩემპიონისა და ოლიმპიური ფესტივალის გამარჯვებულ <strong>მიხეილ ბექაურისა</strong> (90) და ამ შეჯიბრებების ბრინჯაოსპრიზიორ <strong>ლევან ჭელიძის </strong>(+90) წაგებები იყო.</p><p>სამწუხაროდ, ჩვენი ლიდერები უშანსოდ დამარცხდნენ და ყველაზე დამაფიქრებელიც ეს გარემოებაა - ერთია, როცა ბრძოლაში აგებ და მეორე - ასეთი წაგება. ჩანს, მათ ვერ მოასწრეს დასვენება. განსაკუთრებით - ბექაურმა და ჭელიძემ, რომლებმაც ზემოაღნიშნულ თვე-ნახევარში ორკვირიანი შუალედებით სამივე ტურნირზე იჭიდავეს - ევროპის ჩემპიონატსა და ოლიმპიურ ფესტივალზე...</p><p>სიმართლე გითხრათ, ყოველთვის მეშინოდა, გაუძლებდნენ თუ არა ისინი ასეთ ტემპს, მაგრამ ეტყობა, საქმე მარტო ამაშიც არაა - მათი სხვა თანაგუნდელები ხომ ფესტივალისგან ისვენებდნენ, თუმცა ახალი ტურნირისთვის მობილიზება ყველას გაუჭირდა. მართალია, გოგონებმაც სამივე ამ დიდ ტურნირზე იასპარეზეს, მაგრამ რიგი ობიექტური მიზეზების გამო (მაგალითად, შედარებით ნაკლებია კონკურენცია), ისინი უფრო უძლებენ ასეთ დატვირთვას.</p><p>ისიც გასათვალისწინებელია, რომ გუშინ გუნდურში გაცილებით უკეთ იჭიდავეს. მაგალითად, ჭელიძემ იაპონიასთან ანგარიში გაათანაბრა, მანამ კი ბახბახაშვილმა ისევ მოუგო აწ უკვე მსოფლიოს ჩემპიონ რენტო კაცურას.</p><p><p><div style="text-align: center;"><span style="color: #ff0000;"><strong>გუნდური ბრინჯაო</strong></span></div></p> საქართველოს ნაკრებმა ჩილეში გუნდურ ტურნირში ბრინჯაოს მედალი მოიპოვა, რაც კაცნაკლული გუნდისთვის არაა ცუდი შედეგი. თან ჩვენებმა ჯგუფურ ეტაპზე ერთი გმირობაც შემოგვთავაზეს, როცა მეოთხედფინალში თვით იაპონიას მოუგეს. ისინი ნახევარფინალში რუსეთთან დამარცხდნენ, ბრინჯაოსთვის შეხვედრაში კი გერმანიას სძლიეს.</p><p>გუნდური შეჯიბრება პირველად ჩატარდა ახალი ფორმატით - შერეული ნაკრებით, რომელშიც 8 მონაწილეა - 4 გოგო და ამდენივე ბიჭი. გოგონების წონებია 44, 52, 63 და +70, ხოლო ბიჭებისა - 55, 66, 81 და +100. თუმცა ჩვენ მხოლოდ 7 ძიუდოისტით გამოვდიოდით, რადგან გოგონებში ერთი მონაწილე არ გვყავდა - 44 კილოგრამში. ამიტომ ყველა გამოსვლას უარყოფითი ბალანსით ვიწყებდით.</p><p>ქართველები რომ გუნდურს ბევრად უკეთ ჭიდაობენ, ეს სანტიაგოში კიდევ ერთხელ დამტკიცდა - რამდენიმე ისეთმა ფალავანმა გაიბრწყინა, ვინც პირადი პირველობა ჩააგდო. მაგალითად, მიხეილ ბახბახაშვილმა (66), <strong>ვლადიმერ ახალკაცმა</strong> (81). გოგონებმაც აქაც გამოიჩინეს თავი, განსაკუთრებით - მარიამ ჭანტურიამ (63).</p><p>ჩვენმა კაცნაკლულმა გუნდმა პირველ წრეში უპრობლემოდ დაამარცხა იტალია - 6:2, რაც გასაკვირი სულაც არ იყო. აი, ნახევარფინალში კი პატარა გმირობა ჩაიდინეს, სადაც მეტოქედ თვით იაპონია ჰყავდათ. ეს შეხვედრა თავიდან მეტოქემ 3:0 წაიყვანა, მაგრამ საბოლოოდ ფრედ დასრულდა - 4:4, თუმცა ქულების მიხედვით გამარჯვება ჩვენს ნაკრებს დარჩა - 32:25, ვინაიდან ერთით მეტი იპონი გვქონდა.</p><p>ამ შეხვედრაში სწორედ ჩვენი იპონები გახდა გადამწყვეტიც და გარდამტეხიც. შესანიშნავი გდებით დაგვამახსოვრა თავი ბახბახაშვილმა, ვინც დგომიდან აიყვანა და ისე გადააგდო მსოფლიოს ჩემპიონი რანტო კაცურა. ასევე შესანიშნავი ბრუნით დაამარცხა მეტოქე ჭანტურიამ (63).</p><p>სამწუხაროდ, ნახევარფინალში ჩვენები ვერაფერს გახდნენ რუსეთის გუნდთან და 2:6 წააგეს. სავარაუდოდ, ესეც უფრო გადაღლილობის ბრალია, ეს სენი კი მათ აქაც დაეტყოთ და სხვა შეხვედრებშიც. ალბათ, ისიც გასათვალისწინებელია, რომ იაპონიასთან მოგებას დიდი ძალა შეალიეს.</p><p>ჩვენს გუნდს ბრინჯაოსთვის პაექრობაშიც გვარიანი ჯაფა დაადგა გერმანიასთან, თუმცა საბოლოოდ 4:3 მაინც იმარჯვა. გადამწყვეტ შეხვედრაში მძიმეწონოსანმა <strong>ალექსი სვიანაძემ</strong> დასრულებამდე 10 წამით ადრე გადააგდო კონტრილეთზე მეტოქე და ვაზარი მოიპოვა.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>

  • ია

    არ ვიცი, ვინ არის სტატიის ავტორი, მაგრამ კარგად კი წერს---ძარღვიანი ქართულით, ისეთი სიტყვებით, დღეს რომ აღარ იხმარება .ასე გააგრძელეთ, თორემ სულ განიორწყლდა ენა .

  • gori 2

    მადლობა ყველას.სპორტსმენებსაც და მწვრთნელებსაც! ამ დღეებში სანაქებოდ გაისარჯნენ.შედეგიც მშვენიერია.ჩვენ ყოველთვის უფრო მეტი გვინდა მაგრამ ეგრე არ ხდება სამწუხაროდ.ამ ახალგაზრდებს მომავალი წინ აქვთ და კიდევ ბევრჯერ ასახელებენ სამშობლოს! მართლაც ღირსეული თაობა გვეზრდება!

  • Lsd

    ვულოცავ ჩვენს ნაკრებს. ისე გუნდურის პერეპიტიები წეგეძლოთ უფრო კონკრეტულად განგეხილათ. ძალიან დრამატული წეხვედრა იყო. ყველამ მაგრად იმუშავა. და გადამწყვეტწი სვიანაძემ ძლიერ მეტოქეს დაძაბულ წეხვედრაში ბოლომდე ბრძოლით მოუგო.

  • დემე

    ეს ტატუნაშვილი არ გეცოდებათ მწვრთნელებს? ტრიაპკად წაიყვანეთ ბავშვი და სამასხარაოდ? თუ მზად არ არის, რა აუცილებელი იყო ამხელა ტურნირზე წაყვანა და სხვებისთვის დასაცინად მიგდება?

  • Abc

    Baxbaxam kacura kacunasavit abzriala... chanturia saocrebaa

  • s

    დააბრუნეთ ძველი სპორტალი

  • QQ

    მაგარი და ნიჭიერი თაობა მოდის,აქედან ბევრი დიდი სპორტსმენი გახდება,მაგრამ კიდევ უფრო მეტი შრომა და მუშაობაა საჭირო

"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე

"ყვე­ლა­ნი მე­უბ­ნე­ბოდ­ნენ, ქალს რა უნდა ძი­უ­დო­ში, ეს კა­ცე­ბის სპორ­ტია და თავი და­ა­ნე­ბეო" - ინტერვიუ ძიუდოში პირველ ქართველ მსოფლიო ჩემპიონ ქალთან

[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!

გუგეშაშვილი "პაოკში" წარადგინეს - ძირითადი მეკარე გუნდს ტოვებს

38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი

"ლივერპულმა" "ნაპოლის" თავდამსხმელი ძვირად დაუფასა

"დილა" სუპერთასის პირველი ფინალისტია

ლუნინი "რეალს" მხოლოდ ერთ შემთხვევაში დატოვებს

2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს

ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები

კასანომ "ნაპოლის" კვარაცხელიას შემცვლელი ურჩია

"ალ ნასრმა" სტეფანო პიოლი გაათავისუფლა

"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ

ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა

ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]

მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო

ტეო ერნანდესი "მილანიდან" "ალ ჰილალში" გადავა

"წაეთრიე" - "ლიონის" ფანები კლუბის ამერიკელ მფლობელს აუმხედრდნენ

"ტოტენჰემი", "რომა" და სხვები - მიქაუტაძის შეძენის სურვილი რამდენიმე კლუბს აქვს

მოისწრაფიშვილმა "სპარტაკთან" კონტრაქტი გააფორმა

ნიკოლოზ ბასილაშვილი უიმბლდონის კვალიფიკაციის ფინალში გავიდა

გაირკვა სად ჩატარდება თურქეთისა და საქართველოს ნაკრებების მატჩი

მარიამ გოგუაძე: გულშემატკივარს მეორე ეტაპზე ბევრად უკეთეს თამაშს ვაჩვენებთ

საქართველოს ძიუდოისტთა ნაკრები მსოფლიოს ჩემპიონატის ფინალში გავიდა

[VIDEO] არის! საქართველოს ძიუდოისტთა ნაკრებმა იაპონია დაამარცხა და მსოფლიო ჩემპიონატის ფინალში გავიდა

[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!

ძიუდო. მსოფლიოს ჩემპიონატი ჭაბუკებში: ვერცხლს წაგებები მოჰყვა

"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე

სომხიშვილი მერვედფინალში დიკოსთან დამარცხდა და ოლიმპიადას გამოეთიშა

საქართველოს ძიუდოისტთა ნაკრები ევროპის გუნდური ჩემპიონატის ფინალში საფრანგეთთან დამარცხდა

საქართველოს ჩემპიონატი ჭაბუკებში: საიმედო ცვლა მოდის

პოლონეთის ტურნირმა ჭაბუკები დაგვიხარისხა

ევროპის ჩემპიონატი. II დღე: ფინეთში ქართული ფინალი გაიმართება!

ძიუდო. მსოფლიოს ჩემპიონატი ჭაბუკებში: შორეულ ჩილეში, ნაცნობი მეტოქეები

ევროპის ჩემპიონატი. II დღე: ქართულ ფინალში ტატო გრიგალაშვილმა იმარჯვა [VIDEO]

ახალგაზრდული მსოფლიოს ჩემპიონატი: 4 ქართველი მედლებისთვის იბრძოლებს!

ძიუდო. ევროპის ჩემპიონატი ახალგაზრდებში: კაუნასში სომხიშვილი დაასახელეს

მადრიდის ღია პირველობაზე ბექაური ოქროს, ახალკაცი კი ვერცხლის მედლის მფლობელი გახდა

ლაშა ბექაური და ვლადიმერ ახალკაცი მსოფლიოს ჩემპიონები გახდნენ [VIDEO]

სუპერბიჭები საქმეში - ბექაური და მაისურაძე ბუდაპეშტში ოქროს შეუტევენ

U23. გრიგალაშვილი და სულამანიძე ევროპის ჩემპიონები გახდნენ [VIDEO]

[VIDEO] ეფექტურ სტილში - მაისურაძემ მსოფლიო ჩემპიონატზე ბრინჯაოს მედალი მოიპოვა

8 მედალი და საქართველოს ნაკრების გუნდური პირველი ადგილი ევროპირველობაზე [VIDEO]

ქართველმა ძიუდოისტებმა ევროპის ღია პირველობაზე 4 ოქროს და 2 ბრინჯაოს მედალი მოიპოვეს [VIDEO]

ძიუდო. მსოფლიოს ჩემპიონატი ჭაბუკებში: კაპანაძის ვერცხლით დავიწყეთ

რევანშის შანსი - სულამანიძე ევროპის ჩემპიონატის ფინალშია და კოცოევს შეხვდება

თელ-ავივის გრან-სლემზე საქართველოს სახელით 6 ძიუდოისტი იჭიდავებს

თუშიშვილი VS ტასოევის ფინალის მოლოდინში - მსოფლიო ჩემპიონატის მეშვიდე დღეს ორი ქართველის მოლოდინში

ბრინჯაოს მედლისთვის ბრძოლაში ინანეიშვილი და სომხიშვილი დამარცხდნენ

სულამანიძემ ფინალში იპონით იმარჯვა და ევროპის ჩემპიონი გახდა [VIDEO]