- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
საქართველო-რუმინეთი 4:7 - ევროპის მატარებელმა ჩაგვიქროლა [VIDEO]
![საქართველო-რუმინეთი 4:7 - ევროპის მატარებელმა ჩაგვიქროლა [VIDEO]](images/new_photo/01/2017/UCXOURI/16-30-SEP/5555.jpg)
<p>ფუტსალი. ევრო 2018. პლეი-ოფი. საპასუხო მატჩი <br> ევროპის ჩემპიონატის პლეი-ოფის განმეორებით დაპირისპირებაში საქართველოს ფუტსალის ნაკრები რუმინეთთან დამარცხდა და ევრო 2018-ის მიღმა დარჩა.</p><p>თამაში დასრულებული იყო. მედიაცენტრში <strong>ავთანდილ ასათიანს</strong> ველოდებოდით. ის დაგვიანებით, მაგრამ მაინც მოვიდა და როდესაც ყველანი კომენტარის ჩასაწერად მოვემზადეთ, საქართველოს ფუტსალის ნაკრების მთავარი მწვრთნელი მოულოდნელად გასახდელისკენ მიმავალი კარისკენ შეტრიალდა.</p><p>მაშინ ვერავინ მიხვდა ასათიანის ამ საქციელს. ორი წუთის შემდეგ დაბრუნდა და პასუხი მისი გაწითლებული თვალებიდან უსიტყვოდ ჩანდა - ეს მომენტი ახალ სპორტის სასახლეში გუშინ დატრიალებულ დრამას ყველაზე ცხადად ასახავდა. ასათიანმა ზედმეტი მღელვარებისგან ლაპარაკი ვერ შეძლო...</p><p>არადა, თამაში, რომელიც ჩვენი ფუტსალის ნაკრებს ევროპის ჩემპიონატისგან სულ რაღაც 40 წუთით გვაშორებდა, იმდენად დამაიმედებლად მიმდინარეობდა, ბევრს უკვე ჩვენი გუნდი ევროპის ჩემპიონატზე გასული ეგონა. რუმინეთში პლეი-ოფის პირველი დაპირისპირების 2:2-ით დასრულებისა და კარგი თამაშის შემდეგ ჩვენი გუნდის ევროპის ჩემპიონატზე გასვლის იმედად დარბაზი ლამის გაივსო.</p><p>საწყის წუთებში უპირატესობა ჩვენმა გუნდმა მოიპოვა და რამდენიმე მწვავე მომენტი შექმნა, მაგრამ ანგარიში მე-4 წუთზე სტუმრებმა გახსნეს: რუმინელებმა კონტრშეტევა გამოიყენეს, გოლი სავიომ დააგვირგვინა - 0:1.</p><p>საქართველოზე ამან არ იმოქმედა და კუთხურის გათამაშების შემდეგ <strong>მურთაზ კაკაბაძემ</strong> საჯარიმოს გარედან ძლიერი დარტყმით ანგარიში გაათანაბრა - 1:1.</p><p>აქედან დაიწყო გასაოცარი 5 წუთი, რომელიც ჩვენმა ნაკრებმა ჩაატარა: ჩვენი გუნდის ბომბარდირმა <strong>არჩილ სებისკვერაძემ</strong> მეტოქის შეტევა ჩაშალა, მეკარესთან პირისპირ გავიდა და მახვილი კუთხიდან დარტყმით დაგვაწინაურა - 2:1.</p><p>მე-12 წუთზე, კუთხურის გათამაშების შემდეგ კვლავ სებისკვერაძემ გაისროლა და ანგარიში 3:1 გახდა. ეს ისეთი ანგარიში იყო, ევროპის ჩემპიონატისკენ "ცალი ფეხით" რომ გაგვახედა, მაგრამ როგორც შემდეგ გამოჩნდა, სწორედ ამ ნაადრევმა გახარებამ საბედისწერო როლი ითამაშა.</p><p>ამის მერე რუმინეთი იმიტომ გააქტიურდა, რომ ჩვენებმა კონცენტრაცია დაკარგეს - პაულო ფერეირას დარტყმისას მცველი მჭიდროდ არ ეთამაშა, მეკარეც შეცდა და 3:2.</p><p>ყველაზე დასანანი ამბავი პირველი ტაიმის უკანასკნელ წამზე მოხდა: სტუმრებმა კუთხურის გათამაშების უფლება მიიღეს, მსაჯის სასტვენამდე კი 1 წამი იყო დარჩენილი. მაგრამ კარის წინ დუმიტრუ სტოიკა სრულიად უმეთვალყურეოდ დარჩა და ქუსლით გოლი "გასახდელში" გაგვაყოლა - 3:3.</p><p>რეალურად, ამან რუმინელები შოკიდან გამოიყვანა და ამ ორმატჩიან დაპირისპირებაში საუკეთესო ტაიმი ჩაატარეს, ჩვენებმა კი თამაში აშკარად ჩააგდეს. შესაძლოა, კლასმა და სავიო ვაალდარესმა თავისი გაიტანეს - პირველ შეხვედრაშიც რუმინელებმა ფრეს ნატურალიზებული ბრაზილიელის დუბლით მიაღწიეს და გუშინ 4-ჯერ გაიტანა - მან ერთი შეცდომაც არ გვაპატია. მაგრამ მთავარი ისაა, რომ ჩვენები რატომღაც უჩვეულოდ ანერვიულდნენ, თავდაჯერება და აგრესია დაკარგეს და 4:7 წავაგეთ. ევროპის ჩემპიონატზე გასვლის ეს რეალური შანსიც ხელიდან გავუშვით - ეს სევდიანი ისტორია ასათიანის გაწითლებულ თვალებში იკითხებოდა.</p><p>ზოგადი პრობლემაა - ქართველებმა რუბიკონის გადალახვა უნდა ვისწავლოთ. უფრო სწორად, უნდა გავიხსენოთ. ეს გუნდი კი, წაგების მიუხედავად, ჩვენი გუნდია და მაინც მგონია, რომ ამ ბიჭებს და მის სამწვრთნელო შტაბს მადლობა ეკუთვნით - ნაკრები, რომელსაც ევროპის ჩემპიონატზე გასვლის შანსი ჰქონდა, ჩამოყალიბდა ქვეყანაში, სადაც ეროვნული ლიგის რეფორმამდე ფუტსალს პროფესიონალურ დონეზე მაქსიმუმ 60 კაცი თამაშობდა. ეს კი ძალიან მცირე მაჩვენებელია. არადა, ამ სახეობაში პერსპექტივა აშკარად არის.</p><p><span style="color: #3366ff;"><strong>მატჩის შემდეგ </strong></span></p><p><strong>ავთანდილ ასათიანი</strong>, საქართველოს ნაკრების მთავარი მწვრთნელი:</p><p>"უპირველესად, ყველაფერზე მე ვარ პასუხისმგებელი, იმიტომ, რომ ჩემმა ბიჭებმა მართლაც გმირობა ჩაიდინეს. ძალიან კარგი გულშემატკივარი გვყავს. მათ ჩვენი იმედი ჰქონდათ. წავაგეთ და ამის მიუხედავად, თამაშის შემდეგ ტაშით გაგვაცილეს. წარმომიდგენია, რომ მოგვეგო, რა მოხდებოდა. ეს ჩემს ცხოვრებაში ყველაზე კოშმარული საღამო იყო. ყველაზე მეტად გული იმაზე მწყდება, რომ 3:1-ს ვიგებდით და მიზანთან ასე ახლოს ვიყავით...</p><p>შეცდომები ჩვენი მხრიდან იყო, სამწვრთნელო შტაბს რაღაც უნდა შეგვეცვალა, მაგრამ პლეი-ოფში პირველად გავედით და გამოცდილება დაგვაკლდა. ამ შეხვედრას ისე ველოდებოდით, როგორც ბავშვი - თოვლის ბაბუას. გასახდელში ბევრი ცრემლი და გულისტკივილი იყო, თუმცა ეს წაგება კიდევ უფრო გაგვაერთიანებს.</p><p>დიდი ბოდიში მთელ საქართველოს - ვერ გავაკეთეთ ის, რასაც ჩვენგან ხალხი ელოდა".</p><p><strong>ზვიად კუპატაძე</strong>, საქართველოს ნაკრების მეკარე:</p><p>"მოსაგებად კარგ ფორმაში მყოფი კუპატაძე დაგვაკლდა. ამდენი გოლი რომ გავუშვი, პასუხისმგებლობა ჩემზეც არის.</p><p>ადრე დავიწყეთ ზეიმი და ასეთ მაღალ დონეზე თამაშის გამოცდილება დაგვაკლდა. ვეუბნებოდი ბიჭებს, რომ რუმინეთში 2:2 არაფერს ნიშნავდა, რადგან პლეი-ოფის პირველ თამაშში ორივე გუნდი საპასუხო მატჩისთვის ძალებს ინახავს და მეტოქეს აკვირდება. ვერც რუმინელთა ბრაზილიელი ლეგიონერის შეჩერება შევძელი, რომელმაც ოთხი გოლი გაიტანა.</p><p>ვიბრძოლეთ, ვიგებდით, მაგრამ პირველი ტაიმის ბოლო წამზე გაშვებულმა ბურთმა გაგვტეხა. მადლობა გულშემატკივრებს თანადგომისთვის. მჯერა, ჩვენ კიდევ ბევრ კარგ თამაშს ჩავატარებთ და მათ გავახარებთ".</p><p><span style="color: #3366ff;"><strong>ფუტსალი. ევრო 2018. პლეი-ოფი. საპასუხო მატჩი</strong></span></p><p>26.09. თბილისი. ოლიმპიური სპორტის სასახლე. 3 400 მაყურებელი</p><p><em><strong>საქართველო-რუმინეთი 4:7</strong></em></p><p><a href="/fekhburthi/fekhburthii/skhvadaskhva/109078-ruminethi-saqarthvelo-22-akhlos-evropasthan-video.html" target="_blank"><span style="color: #0000ff;"><strong>პირველი მატჩი 2:2</strong></span></a></p><p>გოლები: 0:1 სავიო (03:41), 1:1 კაკაბაძე (05:51), 2:1 სებისკვერაძე (06:33), 3:1 სებისკვერაძე (11:35), 3:2 პაულო ფერეირა (12:06), 3:3 სტოიკა (20:00), 3:4 სავიო (21:07), 4:4 კურტანიძე (22:48), 4:5 სავიო (26:34), 4:5 სავიო (36:43), 4:7 რადუცუ (34:20)</p><p><span style="text-decoration: underline;">საქართველო:</span> კუპატაძე - თოფურია, რონინიო, ჭანუყვაძე, ფუმასა - ბუკია, ლუკავა, კურტანიძე, ბობოხიძე, კაკაბაძე, ნიშნიანიძე, კობაიძე, თოდუა, მაისაია</p><p>მწვრთნელი: ავთანდილ ასათიანი</p><p><span style="text-decoration: underline;">რუმინეთი:</span> იანჩუ - ფ. მატეი, მ. მატეი, რადუკუ, სავიო - ტონიცა, ლუპუ, იგნატი, პინტუ, სტოიკა, პაულო ფერეირა, სუჩი, ჩომო, პანზარუ</p><p>მწვრთნელი: რობერტ ლუპუ</p><p><span style="text-decoration: underline;">გაფრთხილებები:</span> სებისკვერაძე (1), სავიო (9), ლუპუ (14), ჩომო (16), ჭანუყვაძე (23), ლუკავა (33), თოდუა (40)</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
Dato
მწვრთნელი და ფუმასა სად იყვნენ, რას აკეთებდნენ კაციშვილმა არ იცის
-
ჯიჯი
ფეხბურთელებს მადლობა ბრძოლისთვის და თავდადებისთვის. თუმცა ერთმანეთს რომ უყვიროდნენ უხეშად ეს მწვრთნელის სისუსტეზე მიანიშნებს.ბობოხიძე რომ საერთოდ არ ათამაშა ეგეც გაუგებარი დარჩა ფუტსალში ჩახედული ხალხისთვის. ფუმასა რო შეხედა დადიოდა მოედანზე სჯობდა დაესვა და სხვა ეთამაშებინა. ასევე სხვა შეცდომები. ყველაზე სუსტი რგოლი მწვრთნელი იყო. ჩამოიყვანეთ უცხოელი ძლიერი სპეციალისტი და ამ ბიჭებით შედეგი იქნება
-
ალეკსანდრე
"ჩაგვიქროლა მატარებელმა"- როგორც ყოველთვის
საქართველოს ამერიკული ფეხბურთის ნაკრების წარმატება
"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს
მიზანი ერთია, დიადი ნათელი - ცნობილი გახდა ანჩელოტის ამოცანა და ხელფასი
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
ავთანდილ ასათიანი: წინ ბევრი თამაშია და მთავარია ეს მუხტი შევინარჩუნოთ
საქართველოს ფუტსალის ნაკრები: ვარჯიში და კომენტარები
საქართველო-იტალია 2:2 - ერთი ნაბიჯი ევროფინალამდე! [VIDEO]
ჯორჯიანსი-რეკორდსი 0:1 - წავაგეთ, მაგრამ შანსი რჩება [VIDEO]
ფუტსალი: საქართველოს ნაკრები პირველი ტაიმის შემდეგ ჰოლანდიას ამარცხებს
ავთანდილ ასათიანი: აუცილებლად პირველი ადგილით უნდა გავიდეთ ჯგუფიდან
ფუტსალი: საქართველომ ევროპის ჩემპიონატის საკვალიფიკაციო ეტაპი ფრით დაიწყო
რუმინეთი-საქართველო 2:2 - ახლოს ევროპასთან! [VIDEO]
ფუტსალი | საქართველო 3:0 რუმინეთი
ფუტსალი | ნაკრები რუმინეთთან ამხანაგური მატჩებისთვის ემზადება
მატჩის დღე! ავთანდილ ასათიანი: ბოსნიასთან მატჩისთვის გუნდი ძალიან კარგ მდგომარეობაშია
ფუტსალი | ბულგარეთი 1:5 საქართველო
ევრო 2022. ავთანდილ ასათიანი: რუსეთის ნაკრები შევისწავლეთ და ზედმეტი წნეხიც მოხსნილია
ზვიად კუპატაძე: ესპანეთთანაც მოსაგებად გავალთ
ფუტსალი | საქართველოს ნაკრები ორ ამხანაგურ მატჩს გამართავს
ავთანდილ ასათიანთან ახალი კონტრაქტი გაფორმდა
რუსეთთან მატჩის წინ კაპიტანმა ისაუბრა: მსოფლიოს ვიცე-ჩემპიონები ფავორიტები არიან, მაგრამ...
ავთანდილ ასათიანი: მიყვარს ჩემი გუნდი - რუსეთთან შედეგი, ალბათ, კანონზომიერია, მაგრამ...
ზვიად კუპატაძე: ისტორია მსოფლიო ჩემპიონატზე უნდა გადავწეროთ
ავთანდილ ასათიანი საქართველოს ფუტსალის ნაკრებს 2024 წლამდე უხელმძღვანელებს
საქართველო - რუმინეთი | ფუტსალის ნაკრებმა მატჩისწინა ვარჯიში გამართა
რუმინეთი VS საქართველო - ისტორიის დასაწერად
საქართველოს ფუტსალის ნაკრებმა ბელგიას დამაჯერებლად სძლია
რუსეთის წინააღმდეგ რევანშის მოლოდინში!
საქართველო-შოტლანდია 11:0 - ვისკის გამოცლილი ბოთლივით... [VIDEO]
ჯორჯიანსი-კნოპუნტი 2:1 - საქართველოს ჩემპიონმა მოგებით დაიწყო [VIDEO]
საქართველოს ფუტსალის ეროვნულმა ნაკრებმა მსოფლიო ჩემპიონატის საკვალიფიკაციო ეტაპის მეინ-რაუნდი გამარჯვებით დაიწყო
საქართველო 2:0 რუმინეთი
ევრო 2018. პლეი ოფი: საქართველოს ფუტსალის ნაკრებმა რუმინეთში ფრედ ითამაშა [VIDEO]
ფუტსალის ლიგა. III ტური. TOP 5 გოლი [VIDEO]