ინგლისის რაგბის კავშირის ახალი შეფი სტივ ბრაუნი ექვსი ერის ქვეყნებს მოუწოდებს, უფრო პროგრესულად შეხედონ ამ ტურნირის გაფართოების თემას
ინგლისის რაგბის კავშირის ახალი ხელმძღვანელი სტივ ბრაუნი ექვსი ერის გათამაშებაში მონაწილე ქვეყნების რაგბის კავშირებს მოუწოდებს, უფრო პროგრესულად შეხედონ ამ ტურნირის გაფართოების თემას.

dailumail.co.uk-მა პუბლიკაციას შემდეგი ქვესათაურები დაურთო:

* სტივ ბრაუნს სურს, ევროპელმა ბოსებმა განიხილონ ექვსი ერის გაფართოების საკითხი.

* საქართველო ყველაზე რეალური კანდიდატია, რომელიც შეიძლება ტურნირს მეშვიდე ერად დაემატოს.

* საქართველო მსოფლიოს რეიტინგში იტალიაზე წინაა და თბილისში თამაშზე 60 ათას ქომაგს უყრის თავს.

* საქართველოს შეუძლია ოფიციალური განცხადებით მოგვმართოს მას შემდეგ, რაც მომავალ წელს იტალიასთან ტესტმატჩს გამართავს.

"ჩვენ უნდა ვიყოთ უფრო გახსნილები. მსოფლიო იცვლება, იცვლებიან ქომაგები, მათი ინტერესები და ეს ყველაფერი სულ უფრო რთული ხდება", - თქვა სტივ ბრაუნმა.

ინგლისის რაგბის კავშირის შეფი საკმაოდ ამბიციური პიროვნებაა. თუ ის, ანუ ინგლისი საქართველოს ექვს ერში ჩართვას მხარს დაუჭერს, ვფიქრობთ, ექვსი ერის სხვა წევრები ვერ შეეწინააღმდეგებიან. იტალია კი, სავარაუდოდ, გაფართოების ყველაზე აქტიური მხარდამჭერი იქნება, ოღონდ კი ექვსი ერის დატოვება არ მოუწიოს.

ყოველდღიური სპორტული გაზეთი "ლელო"

თეგები:

ბორჯღალოსნები

ექვსი ერი

სტივ ბრაუნი

გაზიარება:

(0)

/

(0)