<p>31 ოქტომბერს, სასტუმრო "თბილისი რუმსში", საქართველოს ფუტსალის ლიგის 2017/18 წწ. სეზონის პრეზენტაცია გაიმართა <br> 31 ოქტომბერს, სასტუმრო "თბილისი რუმსში", საქართველოს ფუტსალის ლიგის 2017/18 წწ. სეზონის პრეზენტაცია გაიმართა.</p><p>საქართველოს ფეხბურთის ფედერაციასა და სპორტულ სააგენტო SBM-ს შორის 2016 წლის 10 თებერვალს გაფორმებული ურთიერთთანამშრომლობის მემორანდუმის საფუძველზე, ფუტსალის ლიგის რიგით მესამე სეზონსაც მხარეები ერთობლივ ორგანიზებას გაუწევენ. ახალი სეზონიდან ლიგის პარტნიორი იქნება საქართველოს ფეხბურთის განვითარების ფონდი, რომლის თანადაფინანსებითაც ჩატარდება აღნიშნული ჩემპიონატი.</p><p>ახალი სეზონი სტარტს 3 ნოემბერს, თბილისის ოლიმპიურ სასახლეში აიღებს. წლევანდელ გათამაშებაში მონაწილეობას რვა გუნდი მიიღებს, რომლებიც ერთმანეთს სამ წრედ დაუპირისპირდებიან. პლეი-ოფში თამაშის უფლებას საუკეთესო ოთხეული მოიპოვებს. 1/2-ფინალურ, ფინალურ და III ადგილისთვის შეხვედრებში გამარჯვებული ორი მოგების შედეგად გამოვლინდება.</p><p>ახალ სეზონზე იზრდება საპრიზო ფონდი - ფრის და მოგების შემთხვევაში, გუნდებს გაზრდილი ბონუსები დაერიცხებათ. ასევე დამატებითი ფულადი წახალისების მიზნით, ორგანიზატორების გადაწყვეტილებით, გუნდები გათავისუფლდებიან საწევრო გადასახადისგან.</p><p>რაც შეეხება ფუტსალის ლიგის სატელევიზიო გაშუქებას, სფფ-ის, SBM-სა და ტელეკომპანია "სილკის" პარტნიორობის ფარგლებში, ყოველკვირეული მიმოხილვის გარდა, გულშემატკივარს საშუალება ექნება, ყოველ პარასკევს ტურის ცენტრალური შეხვედრა "სილკ უნივერსალის" პირდაპირ ეთერში იხილოს.</p><p>დავით მუჯირი, ფეხბურთის ფედერაციის გენერალური მდივანი: "დღეს ზოგადად ვისაუბრეთ იმ სიახლეებზე, რომლებითაც იქნება გამორჩეული 2017/18 წლების სეზონი. ჩვენ ყველაფერს ვაკეთებთ, რათა ავყვეთ მსოფლიო ფუტსალის სიახლეებს. მათ შორის, გვინდა, რომ მომავალი წლიდან ფუტსალის 19-წლამდელთა ნაკრები ჰყავდეს საქართველოს. ახალი სეზონი 3 ნოემბერს აიღებს სტარტს. ჩვენ ყოველთვის ვამბობდით და ეს დაგვანახა წინა შესარჩევმაც, თუ რა დიდია ფუტსალის ლიგის როლი ეროვნული ნაკრების ფორმირებასა და მის შემდგომ წარმატებაში".</p><p>ზაზა დოლიძე, ფეხბურთის განვითარების ფონდის დირექტორი: "ფეხბურთის განვითარების სახელმწიფო პროგრამის ფარგლებში, ფუტსალის სახით გაჩნდა მიმართულება, რომელიც საქართველოში აუცილებლად განვითარდება. მას ბევრი მაყურებელი ჰყავს, მასობრივია, საინტერესო და დინამიკური და ჩვენ გადავწყვიტეთ, რომ მხარში დავდგომოდით სპორტის ამ სახეობას. ფუტსალის ლიგას ყოველწლიურად ექნება დაფინანსება, ეს სტაბილურობა კი გულისხმობს ჩემპიონატის მაღალ დონეზე ჩატარებას".</p><p>ზაალ ჩიტალაძე, სპორტული სააგენტო სბმ-ის დირექტორი: " ფუტსალის ლიგის გათამაშება სტარტს 3 ნოემბერს აიღებს. ლიგაში 8 გუნდი მონაწილეობს, რომლებიც სამ წრედ ითამაშებენ. წლევანდელი სეზონი ძალიან საინტერესო იქნება, რადგან ნაკრების შემადგენლობა რამდენიმე გუნდშია გადანაწილებული და ვფიქრობ, ეს დაძაბულობაზეც აისახება. ვისარგებლებ შემთხვევით და წარმატებებს ვუსურვებ მონაწილე გუნდებს".</p><p>ავთანდილ ასათიანი, საქართველოს ფუტსალის ნაკრების მთავარი მწვრთნელი: "უპირველესად, მინდა, წარმატება ვუსურვო ყველა გუნდს. ვფიქრობ, რომ წლევანდელი სეზონი გამორჩეული იქნება. ყველა გუნდი საკმაოდ ძლიერია, გვყავს დებიუტანტიც. ჩემპიონატი იქნება დაძაბული და ეს ძალიან კარგია, რადგან აიწევს დონე და კლასი. ჩემპიონატი ყოველ წელს უმჯობესდება და სწორედ ეს პროგრესია სასიხარულო".</p><p><strong></p><p>მომზადებულია GFF.GE-ს მიხედვით</strong></p>
ლუის ენრიკე: ნამდვილი შეჯიბრი ახლა იწყება
ქართველი მსაჯები 21-წლამდე ევროპის ჩემპიონატის 1/4-ფინალს განსჯიან
ლუის ენრიკე: ჩვენი დამარცხება ყველას უნდა
20 წ. | ირლანდია ირლანდიამდე
"უდინეზეს" მეკარეს 4-წლიანი დისკვალიფიკაცია ემუქრება
"სპაერმა" "ტორპედო" დაამარცხა და სუპერთასის ფინალში ითამაშებს
სუპერკომპიუტერმა საკლუბო მუნდიალის ფავორიტი დაასახელა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
ფუტსალის ლიგა 2016/17: პრინციპული ტური!
ფუტსალის ლიგა 2016/17: XII ტურის თბილისური ნაწილი და სუპერმატჩი, სუპერგოლით! [VIDEO]
ფუტსალის ლიგა: III ტურის ცენტრალურ შეხვედრაში ერთმანეთს "აგორა" და "ტატიშვილი" დაუპირისპირდებიან
ფუტსალის ლიგა 2017/18: ცენტრალური შეხვედრა, საოცარი ფინიშით!
ლევან კობიაშვილი: SBM არის მაგალითი, როგორ შეიძლება მოიზიდო კერძო სექტორი სპორტში
ფუტსალის ლიგა: უხვგოლიანი ტური, საფეხბურთო თრილერით