
მაკელელემ ბელგიის ჩემპიონატის აუტსაიდერი "ეიპენი" ჩაიბარა
"ეიპენი" 14 ტურის შემდეგ ბელგიის პირველობაზე უკანასკნელ, მე-16 ადგილზეა და ესპანელი მწვრთნელი ხორდი კონდომა აული მოხსნეს, მის ნაცვლად კი საფრანგეთის ნაკრების ყოფილი ნახევარმცველი კლოდ მაკელელე დანიშნეს.
44 წლის მაკელელე ახალ გუნდს პირველად ხვალ ავარჯიშებს, ხვალვე ჩაატარებს პრეს-კონფერენციას, პირველ მატჩს კი "ეიპენი" მისი ხელმძღვანელობით 18 ნოემბერს სახლში "ანტვერპენთან" გამართავს.
ცნობისათვის, კლოდი ადრე პსჟ-ში, "ბასტიაში", "მონაკოსა" და "სუონსიში" მუშაობდა.