- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
მერაბ კვირიკაშვილს ქუთაისის შემოვლით გზაზე მომხდარი ავარიის საქმეზე ბრალი წარედგინა
<p>საქართველოს მორაგბეთა ეროვნული ნაკრების წევრ მერაბ კვირიკაშვილს ქუთაისის შემოვლით გზაზე მომხდარი ავარიის საქმეზე ბრალი წარდგენილი აქვს <br> საქართველოს მორაგბეთა ეროვნული ნაკრების წევრ მერაბ კვირიკაშვილს ქუთაისის შემოვლით გზაზე მომხდარი ავარიის საქმეზე ბრალი წარდგენილი აქვს, - ამის შესახებ "ინტერპრესნიუსს" კვირიკაშვილის ადვოკატმა ნუკრი კვინიკაძემ განუცხადა.</p><p>მისივე ინფორმაციით, კვირიკაშვილს ბრალი 2017 წლის ოქტომბერში, საქართველოს სისხლის სამართლის კოდექსის 276-ე მუხლის მე-7 ნაწილით წარუდგინეს, რაც ტრანსპორტის მოძრაობის ან ექსპლუატაციის წესების დარღვევას გულისხმობს, რამაც გამოიწვია 2 ან მეტი ადამიანის სიცოცხლის მოსპობა (დანაშაული ითვალისწინებს 10 წლამდე თავისუფლების აღკვეთას).</p><p>ადვოკატის განმარტებით, კვირიკაშვილს ამ ეტაპზე 15 000 ლარის ოდენობის გირაო აქვს შეფარდებული.</p><p>მისივე თქმით, კვირიკაშვილი არ არის დამნაშავე.</p><p>"საქმის მასალებში არსად ფიგურირებს, რომ მერაბ კვირიკაშვილი დიდი სისწრაფით მოძრაობდა. პირველივე ჩვენებაში კვირიკაშვილი ამბობს, რომ ის მოძრაობდა 90-100 კმ/სთ სიჩქარით. საქმის მასალების მიხედვით, მას 30-40 მეტრით უკან მოჰყვებოდა ავტომობილი. მისი მძღოლიც ამბობს, რომ მივყვებოდი BMW X5-ს 30-40 მეტრის მოშორებით და ვმოძრაობდი იმავე სიჩქარითო (90-100 კმ/სთ). იგი წინა მანქანის სიჩქარეს აფიქსირებს იმით, რომ ჩვენ შორის მანძილი არ იცვლებოდაო. ის ინფორმაცია, რაც არის საქმის მასალებში, რაც არის შემთხვევის ადგილზე დაფიქსირებული, ადასტურებს, რომ მერაბი არ არის დამნაშავე. ერთი არის სამართლებრივი მხარე, მეორეა მორალური. მერაბ კვირიკაშვილი ყველას შეურიგდა, თუმცა პაპასკირის ოჯახი არ ურიგდება. მას არ უცდია, თავი აარიდოს სასამართლოს, გამოძიებას და ცდილობს, ადვოკატთან ერთად საქმეზე დადგინდეს ობიექტური გარემოება", - განაცხადა კვინიკაძემ.</p><p>რაც შეეხება ექსპერტიზას, დაცვის მხარის მიერ ჩატარებული ექსპერტიზით დგინდება, რომ კვირიკაშვილის ბრალეულობა არ ყოფილა.</p><p>"გამოძიებამ ჩაატარა ექსპერტიზა. ჩვენც ჩავატარეთ ექსპერტიზა და სასამართლომ მისი დასკვნა დასაშვებად ცნო. ამის შემდეგ ბრალდების მხარემ, ანუ პროკურატურამ თვითონ მოითხოვა ჩატარებულიყო კომისიური ექსპერტიზა. ექსპერტიზა დაინიშნა შსს-ში და სამხარაულის ექსპერტიზის ეროვნულ ბიუროში. თავდაპირველ ექსპერტიზაში ჩაიწერა, რომ კვირიკაშვილს არანაირი ხელისშემშლელი პირობები არ ჰქონდა გზაზე, გადავიდა საპირისპირო მხარეს და დაეჯახა, რასაც არ დავეთანხმეთ. თუმცა, რეალურად, ეს ავტომობილი მეორე მხარეს გადავიდა მოცურებით და ამას ადასტურებს ჩვენ მიერ ჩატარებული ექსპერტიზა. არიან მოწმეები, რომლებიც პირდაპირ ამბობენ, რომ არანაირი ავტოსატრანსპორტო საშუალება მერაბის წინ არ მოძრაობდა და შესაბამისად, გასწრების მანევრს არ აკეთებდა. გამოძიების მიერ ჩატარებული ექსპერტიზით გამოიკვეთა, რომ თითქოს მერაბის ბრალეულობა იყო. ჩვენ ჩავატარეთ ექსპერტიზა, არის თუ არა საქმეში არსებული მასალებით მერაბის ბრალეულობა და ექსპერტიზა მივიდა დასკვნამდე, რომ მერაბის ბრალეულობა არ არის", - განაცხადა კვინიკაძემ.</p><p>შეგახსენებთ, რომ ქუთაისის შემოვლით გზაზე, 2016 წელს მომხდარი ავტოსაგზაო შემთხვევის შედეგად ერთ-ერთი გარდაცვლილის, გიორგი პაპასკირის დედა ნანა თოდუა ავარიაში მონაწილე მორაგბის, მერაბ კვირიკაშვილის დასჯას მოითხოვს.</p><p>როგორც ნანა თოდუა სოციალურ ქსელში წერს, ავარია სწორედ მერაბ კვირიკაშვილმა გამოიწვია, რომელიც BMW X5-ის მარკის ჯიპით 170-180 კმ/სთ სიჩქარით მოძრაობდა. მისივე თქმით, კვირიკაშვილი და მისი ადვოკატი განმეორებითი ექსპერტიზებით ცდილობენ კვირიკაშვილის გამართლებას, ხოლო ერთ-ერთ მოწმეს მხოლოდ თვეების შემდეგ "გაახსენდა", რომ კვირიკაშვილი არა 170-180 კმ/სთ სიჩქარით მოძრაობდა, არამედ - 90-100-ით.</p><p>2016 წლის ზაფხულში, ქუთაისის შემოვლით გზაზე მომხდარ ავტოსაგზაო შემთხვევას გიორგი პაპასკირი, მისი მეუღლე, მათი მეგობარი და თავად კვირიკაშვილის მეუღლე ემსხვერპლნენ.</p><p>საქმეს ქუთაისის საქალაქო სასამართლო იხილავს. პროცესი ხვალ, 15:00 საათზეა ჩანიშნული.</p><p><strong>წყარო: interpressnews.ge</strong></p>
-
eldars
ელდარ გეთანხმები, ძალიან რთულია მაგ დროს ადამიანი ციხეში ჩასვა როდესაც თავისი დაუდევრობით ამხელა ტრაგედია შეემთხვა, 3 შვილის დედა და მეუღლე დაკარგა. მაგრამ როგორც მეორე მხარის გამწარებული მშობლის პოსტიდან ჩანს მეკოს არც მოუბოდიშებია ოჯახისთვის, პატიება არ უთხოვია და როცა ესეთ გამწარებულ ხალხს კიდევ ბოდიშსაც არ უხდი და ელემენტარულად თავს დამნაშავედ არ თვლი ძალიან რთულია მეორე მხარეს გაჩუმება და პატიება მოსთხოვო.
-
ზურა
ნებისმიერი ჩვენგანი რომ ყოფილიყო კვირიკაშვილის ადგილას, იმ დღესვე დაგვიჭერდნენ და რა გირაო, რის გირაო მინიმუმ 10 წლით ჩაგვაყუდებდნენ ვირის აბანოში. ეს არის შერჩევითი სამართალი. შემთხვევა 2 წლის წინ მოხდა და ტიპი დღესაც გარეთ არის. შვილებით მანიპულირება კიდევ არის უმსგავსო საქციელი, ძალიან ბევრი შვილიანი ადამიანი ზის ციხეში, მაგრამ თუ იმსახურებ უნდა მოიხადო კიდევაც სასჯელი, გინდა რაგბისტი კვირიკაშვილი იყავი და გინდა პრემიერი კვირიკაშვილი. ერთხელ და სამუდამოდ დროა საქართველოში შერჩევითი სამართალი დასრულდეს!
-
გიორგი
არ ვიცი მანდ რა მოხდა რეალურად, მაგრამ ის კი ვიცი რომ ვინ ეგ გზა გახსნა ისაა დასაჭერი. ძალიან დიდი ძალისხმევა იყო საჭირო რომ გაგერკვია გზა რომ ორმხრივი იყო. პოპულისტები არიან და მაგის ბრალია. დაასხამენ 15 კილომეტს ერთ ზოლს გახსნიან, მერე ისევ 15ს და გახსნიან დ აასე შემდეგ.
-
odala
ელდარ, პრეცედენტია მთავარი, რომ დამნაშავე დაუსჯელი ვერ გადარჩება და რომ სხვებმაც ასე მარტივად არ დაარღვიონ წესები დაუსჯელობის მოლოდინით. სულ არ მიხარია არც ამ კაცის და არც არავის დასჯა, მაგრამ როცა ასეთი საშინელი მსხვერპლი გვაქვს შედეგად, საქმე უნდა იქნას გამოძიებული.
-
odala
ასეც მოიხსენიებენ ხოლმე ამ ტიპის ავტომობილებს. კი ბატონო ჯიპი ცალკე ბრენდია, მაგრამ SUV-ს (sports utility vehicle) ტიპის მანქანებს ხშირად ჯიპსაც ეძახიან.
-
mamulo
რა შუაშია აქ მერაბის შვილები? დააშავა,პასუხი უნდა აგოს თუნდაც 40 შვილი ჰყავდეს.მხოლოდ ასე ავაშენებთ სამართლიან სახელმწიფოს.აბა თქვენი ოჯახის წევრები ჩაეხოცა ავტოავარიაში (წარმოიდგინეთ 1 წამით)მერე თუ დაიწყებდით მერაბის გამართლებას 4შვილი ჰყავსო და ამის მსგავსი ზღაპრებით.ისე მე უფრო ვაშკაცი მეგონა,არ ყოფილა სამწუხაროდ.ამდენი ხალხი დაიხოცა და ეს ურცხვად გაიძახის ჩემი ბრალი არ იყოო,ე.ი.დაღუპულების ბრალი იყო?საპირისპირო მხარეს მიმავალ ხალხს დაეჯახე და მათი ბრალი იყო?რომ არ გადასულიყავი საპირისპირო მხარეს,ხომ არ დაეტაკებოდი?(მოგიცურდა თუ რაც მოხდა ეს თავის გამართლების მცდელობაა).რომც გაგამაეთლონ ქართულ ვაი სასამართლოში,მაინტერესებს ასე დაუსჯელად როგორ ივლი ქვეყანაზე?სინდისი არ შეგაწუხებს?უფალს რას ეტყვი,როცა მის წინაშე წარდგები?
-
ტორინო
კანონი უზენაესია!!! მეკოს და ყველა რაგბისტს მე საზოგადო მოღვაწეებს გავუთანაბრებ... მაგრამ როდესაც პასუხისმგებლობას გაურბიხარ (ვგულისხმობ ადვოკატის მიერ მეკოს გამამართლებელი ფრაზებს...) ეს უფრო დიდი დანაშაულია, მითუმეტეს ცნობადი ფიგურისგან, თვითონ ხო იცის რაც მოხდა?! თუ სენი ბრალია აღიარე შე დალოცვილო, იმ ოჯახსაც ხო ორმაგად ტკივა მის მიცვალებულს რო ახოცავ ხელს ან არ ახოცავ მარა ირიბად აღიარებ მის ბრალეულობას რაღაცნაირად. ჩემი აზრით უფრო ვაჟკაცური ჟესტია თუნდაც ასეთ რთულ მდგომარეობაში აღიაროს თუ მართლა მისი ბრალია და მერე იმ ოჯხნაც უნდა გამოიჩინოს გულისხმიერება-ქართველობა-ადამიანობა და დათმოს პოზიციები მორიგების მიზნით ცოცხალს ნუღარ დაღუპავს, ახალგაზრდა კაცია, ისედაც მძიმე ტვირთად დააწვება მისი წარსული მთელი ცხოვრების მანძილზე...
-
Lagashi
მერაბის ადგილზე ყოფნას მტერსაც არ ვუსურვებ, ღმერთმა ქნას მისი ბრალეულობა გამოირიცხოს, მაგრამ თუ დადგინდა მისი ბრალეულობა მაშინ ჯობია არც ეცადოს სასჯელის შემსუბუქებას. ღირსება ისედაც არ აკლია, მაგრამ სასჯელის "მიღებით" კიდევ უფრო ღირესული პიროვნება იქნება.
-
eldari
ძალიან რთული მომენტია რა. ჩემი აზრით მეკო დამნაშავეა მაგრამ მისი დაჭერით ვის რა ემატება? მით უმეტეს უპატრონოდ დარჩება დედით დაობლებული 3 ბავშვი. მეორეს მხრივ კი სავსებით მესმის მეორე მხარის ტკივილი, ამოწყდა ახალგაზრდა ოჯახი და მათი მეგობარი. ჯობია მხარეები მორიგდნენ და მეკომ იშრომოს თავისი და მეორე მხარის ოჯახის სარჩენად
-
Guadua
BMW X5-ის მარკის ჯიპი ანუ "ჟიგულის მერსედესი" ... ავტორ ასე ცუდად როგორაა შენი განათლების საქმე რომ ვერ გაარჩიო ჯიპი სხვა ავტომწარმოებელია ხოლო ბმვ სხვა? ვინ დაგიქირავა ასეთი "მცოდნე" ამ რედაქციაში ა? საერთოდ ყველაფერზე ხელი როგორ გაქვთ აღებული?
-
დათ
სხვა დაღუპულებსაც ყავდა შვილი და ობლად დარჩა. და დაისაჯა ვიღაცის გაუბრთხილებლობის გამო.
-
ანდრი
არ ვიცი 100-ით თუ 200-ით მიდიოდა, მაგრამ მერაბის შვილებს რატო ვსჯით?
„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები
"შავი ლომი" | 30 მორაგბით შოტლანდიაში
სარაგბო კლუბის ვარსკვლავი ტრაგიკულად დაიღუპა
პირველი ტაიმის შემდეგ პსჟ "ოსერთან" 0:1 მარცხდება
"ოსერთან" მატჩში პსჟ-ს სასტარტო შემადგენლობა ცნობილია
ცნობილი გახდა სად შეიძლება გააგრძელოს კარიერა ლაკაზეტმა
"ასტონ ვილას" "ბარსელონას" შემტევის დამატება სურს
[VIDEO] 25 წლიანი პაუზის შემდეგ "ნიუ იორკ ნიქსი" კონფერენციის ფინალში გავიდა
"ვილა პარკზე" ბოლო მატჩი ჩაატარა და ცრემლები ვერ შეიკავა - მარტინესი "ასტონ ვილას" ტოვებს
მორიგი ტრანსფერი ალონსოს თხოვნით - "რეალი" კიდევ ერთ მცველს იფორმებს
"ილია, მე მზად ვარ, ქამარს დაღესტანში დავაბრუნებ" - ჰასბულამ თოფურიას მიმართა
სამი ფრე და "დილას" მოგება ბათუმში
რონალდინიო: დიდი სიყვარული ვიგრძენი - მადლობა, საქართველო!
ორ ნაბიჯში ლა ლიგასთან - ქოჩორაშვილის "ლევანტემ" ისევ გაიმარჯვა
იქნება თუ არა კვარაცხელია "ოსერთან" სასტარტოში? - "პარიზიენის" პროგნოზი
დე ძერბი: პსჟ - "ინტერის" მატჩისას კინოს ვუყურებ
[VIDEO] საქართველოს ნაკრებისა და „ბარსელონას“ ლეგენდების მატჩი სტუმართა გუნდის გამარჯვებით დასრულდა
"კვარას" მედლის გარეშე დატოვება უსამართლობა იქნება - მან "ნაპოლიში" წარუშლელი კვალი დატოვა" - იტალიელი ჟურნალისტი
ძველი ბასილაშვილი ბრუნდება - ნიკოლოზმა ტოპ 30-ის წევრი 2022 წლის შემდეგ პირველად დაამარცხა
20 წ. | მსოფლიომდე ინგლისთან
ზედიზედ მეორედ - კიტეიშვილი ავსტრიის ბუნდესლიგის საუკეთესო მოთამაშედ დაასახელეს
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
მერაბ კვირიკაშვილი სასამართლოში ადვოკატთან და მეგობრებთან ერთად იმყოფება
სასამართლომ მერაბ კვირიკაშვილი უდანაშაულოდ ცნო
მორაგბე მერაბ კვირიკაშვილის პროცესი სასამართლოში 19 მარტისთვის გადაიდო
არტურო ვიდალს მანქანის მართვა ორი წლით აუკრძალეს
ავარიისას დაღუპულის მამა - მერაბ კვირიკაშვილს თუ ასე უნამუსოდ, თავხედურად გაამართლებდნენ, არ მეგონა
ავარიისას გარდაცვლილის მამა: მეც გამიჩნდა მერაბ კვირიკაშვილის მიმართ სიბრალულის განცდა, მაგრამ დანაშაული უნდა ეღიარებინა
მამუკა გორგოძე სტეფანწმინდის "ყაზბეგს" ეწვია და მორაგბეებს საკუთარი გამოცდილება გაუზიარა
მორაგბე მერაბ კვირიკაშვილის საქმეზე განაჩენი გამოცხადდება
ყველაზე სულელური ავარია ავტოსპორტის ისტორიაში [VIDEO]
არტურო ვიდალი თავისი "ფერარით" ავარიაში მოყვა [PHOTO]
კრიშტიანო რონალდოს თვითმფრინავს ბარსელონაში ავარია მოუვიდა
მორაგბე გიორგი ლომინაძე - სულ ერთად ვართ და მერაბ კვირიკაშვილს ჩქარა არასდროს უვლია