- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფუტსალის ლიგა 2017/18: ცენტრალური შეხვედრა, საოცარი ფინიშით!
<p>საქართველოს ფუტსალის ლიგის 2017/18 წწ. გათამაშების, VIII ტურის შეხვედრები სამ დღეზე გადანაწილდა და საკმაოდ საინტერესოდ წარიმართა <br> საქართველოს ფუტსალის ლიგის 2017/18 წწ. გათამაშების, VIII ტურის შეხვედრები სამ დღეზე გადანაწილდა და საკმაოდ საინტერესოდ წარიმართა.</p><p>მეორე წრემ სტარტი 6 თებერვალს ქუთაისში აიღო. ადგილობრივმა "მართვემ" მოქმედ ჩემპიონ "სტუ-თელასს" უმასპინძლა და 4:8 დამარცხდა. "ენერგეტიკოსების" რიგებიდან ორ-ორი გატანილი ბურთით ავთანდილ ასათიანი და ნუკრი ჭუმბურიძე გამოირჩნენ, ხოლო ქუთაისის "მართვედან" დუბლი თამაზ გოგსაძემ გაიფორმა.</p><p>ტური 9 თებერვალს, თბილისის ოლიმპიურ სასახლეში გაგრძელდა. "აფხაზურ დერბიში" "აფხაზეთი" "კოლხი-გულრიფშს" დაუპირისპირდა და 2:10 დამარცხდა. გამარჯვებულებს მათმა კაპიტანმა ამირან ცხომარიამ ულიდერა, რომელმაც ოთხ გოლთან ერთად თავის აქტივში ორი საგოლე გადაცემაც მიითვალა.</p><p>მატჩისშემდგომი კომენტარი:</p><p><strong>ამირან ცხომარია</strong>, "კოლხი": "მიუხედავად ანგარიშისა, ეს მარტივი თამაში არ ყოფილა, პირველი პერიოდი იყო რთული, თუმცა, როდესაც შესვენებაზე გასახდელში შევედით, მივიღეთ მწვრთნელისგან შესაბამისი დავალებები და ვფიქრობ, მეორე ნახევარში შევასრულეთ კიდეც ამოცანა. ვემზადებით შემდეგი თამაშებისთვის. ჩვენი მთავარი მიზანი ამ პერიოდისთვის, პლეი-ოფში თამაშია".</p><p>სრულად გაამართალა გულშემატკივართა იმედები ტურის ცენტრალურმა შეხვედრამ, რომელშიც გათამაშების ერთპიროვნული ლიდერი "აგორა" ბათუმის სახელმწიფო უნივერსიტეტის გუნდს დაუპირისპირდა.</p><p>მატჩის საწყისი წუთები ფავორიტის უპირატესობით წარიმართა და უკვე მე-8 წუთისთვის ალიკ სარქისიანის შეგირდები ორი ბურთით დაწინაურდნენ, თუმცა ამის შემდეგ "სტუდენტებმა" საოცარი ბრძოლისუნარიანობა გამოავლინეს და პირველ ნახევარში სხვაობა მინიმუმამდე შეამცირეს.</p><p>მეორე ტაიმში თამაში კიდევ უფრო საინტერესო გახდა, რასაც ხელი 24-ე წუთზე "აგორას" ლიდერის, დავით ბობოხიძის გაძევებამაც შეუწყო. წითელ ბარათს 6-მეტრიანი საჯარიმო დარტყმაც მოჰყვა, რომელიც "შავიზღვისპირელებმა" ზუსტად გამოიყენეს და ანგარიში გაათანაბრეს.</p><p>სამართლიანობა მოითხოვს აღინიშნოს, რომ ამ ეპიზოდებში მსაჯები უხეშად შეცდნენ - გამეორებისას ნათლად გამოჩნდა, რომ ბობოხიძე ხელით საჯარიმოს გარეთ თამაშობდა. მალევე, ეფექტური კონტრშეტევის შედეგად, ბსუ-მ წინ გასვლაც შეძლო და კიდევ ერთ ხმაურიან სენსაციას "მიუახლოვდა". მატჩი ორმხრივი იერიშებით გაგრძელდა, ორივე გუნდი ახლოს იყოს გოლის გატანასთან და საბოლოოდ ეს "აგორას" ფეხბურთელებმა მოახერხეს. ჰეთ-თრიკი გიგა დანელიამ გაიფორმა.</p><p>დროის გასვლასთან ერთად ფრეც სრულიად ლოგიკურ შედეგად მოჩანდა, რაც უდავოდ ბათუმელთა აქტივი უფრო იყო. თუმცა მატჩის დასასრული საოცარი გამოდგა - დროის ამოწურვამდე ორი წამით ადრე, "აგორას" მეკარე ალი ასლანმა ხელით მეტოქის კარისკენ გაგზავნა ბურთი, რომელიც ჯერ ხარიხას მოხვდა, შემდეგ ბსუ-ს მეკარეს და ისე გადაკვეთა კარის ხაზი - მიუხედავად იმისა, რომ საფინალო სირენა ბურთის ჰაერში ყოფნის დროს გაისმა, მსაჯებმა წესების სრული დაცვით ბსუ-ს კარის აღება დააფიქსირეს, რამაც "აგორას" მნიშვნელოვანი სამი ქულა მოუტანა - 4:3.</p><p>მატჩისშემდგომი კომენტარი:</p><p><strong>ბაჩანა ცხადაძე</strong> , ბსუ: "პირველ რიგში, მინდა აღვნიშნო, რომ ძალიან დაძაბული თამაში იყო, ფავორიტს ვეთამაშებოდით და ეს ასეა სატურნირო ცხრილითაც. ჩვენ ბოლომდე ვიბრძოლეთ, დავამუშავეთ ის კომბინაციები, რომლებიც "აგორასთან" გამოგვადგებოდა, თუმცა ბოლო წუთზე გასული სადავო გოლის საშუალებით დავმარცხდით.</p><p>ფრე ჩვენთვის სასურველი შედეგი იყო. რაც შეეხება გოლს, ჩვენს გუნდსაც რომ გაეტანა მსგავსი გოლი, ჩვენც გვექნებოდა პრეტენზია, რომ აუცილებლად ჩათვლილიყო. არა უშავს, ყველაფერი წინ არის".</p><p><strong>გიგა დანელია</strong>, "აგორა": "ძალიან დაძაბული და სანახაობრივი თამაში იყო. ბევრი ვიბრძოლეთ. თავიდან ვიგებდით, თუმცა, ალბათ, შემდეგ მოვეშვით და მოწინააღმდეგემ ჯერ ანგარიშის გათანაბრება, შემდეგ კი წინ გასვლა მოახერხა. უცნაური, თუმცა ჩვენი გუნდისთვის ძალიან მნიშვნელოვანი გოლი გავიდა ბოლო წამზე. თქვენს კითხვაზე, ბსუ-ს მოთამაშე რომ ვყოფილიყავი, მექნებოდა თუ არა მოწინააღმდეგის მსგავსად პრეტენზია, არ ვიცი, რადგან მეც სათამაშო ეპიზოდში ვიყავი და ვერ დავინახე. მადლობა მინდა ვუთხრა მეტოქეს ღირსეული თამაშისთვის".</p><p>ცენტრალური შეხვედრის შესვენებისას, adjarasport.com-მა VII ტურის საუკეთესო ფეხბურთელი დააჯილდოვა, რომელიც sbm.ge-ს მკითხველთა გადაწყვეტილებით, "აგორას" ლიდერი გიგა დანელია გახდა.</p><p>მერვე ტური 10 თებერვალს, "თბილისისა" და "ტატიშვილის" დაპირისპირებით დასრულდა. მიუხედავად სერიოზული საკადრო პრობლემებისა, "მედიკოსებმა" უმძიმეს ბრძოლაში მაინც შეძლეს სამი ქულის მოპოვება - 3:2. "ტატიშვილის" რიგებში საუკეთესო მატჩი ჩაატარა გიორგი ლუკავამ, რომელიც თავის გუნდს ორი გატანილი გოლით დაეხმარა.</p><p>სატურნირო ცხრილს 19 ქულით ერთპიროვნულად კვლავ "აგორა" ლიდერობს, რომელსაც თითო ქულით ჩამორჩებიან "თელასი" და "ტატიშვილი". 17 ქულით მეოთხე პოზიციაზე "კოლხი" იმყოფება, რომელი 8 ქულით უსწრებს უახლოეს მდევრებს, "თბილისსა" და ბსუ-ს.</p><p><span style="text-decoration: underline;">06.02.2018. ფუტსალის ლიგა. VIII ტური (ქუთაისის სპორტის სასახლე)</p><p></span><em><strong>მართვე (ქუთაისი) - სტუ-თელასი 4:8 (0:3)</strong></em></p><p>გოლები: 03:12’ გეგეშიძე (0:1), 14:44’ ჭუმბურიძე (0:2), 18:36’ ასათიანი (0:3), 23:12’ სოზაშვილი (0:4), 23:49’ ასათიანი (0:5), 24:00’ ესებუა (0:6), 27:03’ კიკნაველიძე (1:6), 29:56’ გოგსაძე (2:6), 33:42’ ჭუმბურიძე (2:7), 38:06’ ტყემალაძე (2:8), 38:41’ გოგალაძე (3:8), 39:12’ გოგსაძე (4:8)</p><p><span style="text-decoration: underline;">09.10.2018.ფუტსალის ლიგა. VIII ტური (ოლიმპიური სასახლე)</p><p></span><em><strong>აფხაზეთი - კოლხი-გულრიფში 2:10 (2:4)</p><p></strong></em>გოლები: 04:03’ ს.ლომიძე (1:0), 09:49’ ცხომარია (1:1), 12:54’ ცხომარია (1:2), 14:11’ ჭოხონელიძე (1:3), 17:10’ ი.მამაგულაშვილი (2:3), 19:05’ ცხომარია (2:4), 22:47’ რეხვიაშვილი (2:5), 26:40’ ი.მამაგულაშვილი (ს.კ 2:6), 29:13’ ჰოსეინზადე (2:7), 36:11’ ცხომარია (2:8), 38:21’ ღუდუშაური (2:9), 39:24’ ალავერიქჰანი (2:10)</p><p>გაფრთხილება: 18:47’ კუხიანიძე (აფხ)</p><p><em><strong>ბსუ (ბთ) - აგორა 3:4 (1:2)</p><p></strong></em>გოლები: 05:41’ დანელია (0:1), 07:04’ დანელია (0:2), 10:24’ დოლიძე (1:2), 24:02’ ასამბაძე (6მ.2:2), 25:29’ ჯალაღანია (3:2), 35:45’ დანელია (3:3), 40:00’ გორგოშაძე (ს.კ.3:4)</p><p>გაფრთხილება: 19:57’ ხინიკაძე (ბსუ), 33:22’ გაბუნია (ბსუ), 34:54’ ცეცხლაძე (ბსუ), 38:21’ გორგოშაძე (ბსუ)</p><p>გაძევება: 24:00’ ბობოხიძე (აგო)</p><p><span style="text-decoration: underline;">10.02.2018. ფუტსალის ლიგა. VIII ტური (ოლიმპიური სასახლე)</p><p></span><em><strong>თბილისი - ტატიშვილი 2:3 (1:2)</p><p></strong></em>გოლები: 07:18’ ლუკავა (0:1), 10:47’ გოგოხია (1:1), 17:04’ ლუკავა (1:2), 23:53’ კუხალეიშვილი (2:2), 32:42’ ჭიაბერაშვილი (ს.კ 2:3)</p><p>გაფრთხილება: 36:50’ ონიანი (ტატ), 39:48’ წოწკოლაური (თბ)</p><p><span style="color: #3366ff;"><strong>ბომბარდირები</strong></span>: გიგა დანელია (აგორა) – 13, ამირან ცხომარია (კოლხი) – 11, გიორგი სილაგავა (ტატიშვილი)– 10, ნუკრი ჭუმბურიძე (თელასი), ჰოსეინზადე (კოლხი) - 9</p><p><span style="color: #3366ff;"><strong>* * *</strong></span></p><p>ღონისძიების პარტნიორები და მხარდამჭერები არიან: "სოკარი", ტელეკომპანია "SILK", "ნაბეღლავი", იურიდიული ჯგუფი "McGill", "ტატიშვილის სამედიცინო და სპორტული რეაბილიტაციის ცენტრი"</p><p>მედიაპარტნიორები: რადიოები, "იმედი", JAKO FM, "კომერსანტი", "თანამგზავრი", ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, tsff.ge, გაზეთი "ლელო".</p><p><strong></p><p>სპორტული სააგენტო SBM-ის პრესსამსახური</strong></p>
"მოსკოვზე შეყვარებული ვარ" - დიდიე დროგბა
საქართველოს ამერიკული ფეხბურთის ნაკრების წარმატება
"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
საქართველოს ფუტსალის ლიგის 2017/18 წლების სეზონის პრეზენტაცია გაიმართა
ფუტსალის ლიგა 2016/17: პრინციპული ტური!
ფუტსალის ლიგა 2016/17: XII ტურის თბილისური ნაწილი და სუპერმატჩი, სუპერგოლით! [VIDEO]
ფუტსალის ლიგა: III ტურის ცენტრალურ შეხვედრაში ერთმანეთს "აგორა" და "ტატიშვილი" დაუპირისპირდებიან
ლევან კობიაშვილი: SBM არის მაგალითი, როგორ შეიძლება მოიზიდო კერძო სექტორი სპორტში
ფუტსალის ლიგა: უხვგოლიანი ტური, საფეხბურთო თრილერით