<p><em>© ანი რეხვიაშვილი</em></p><p>თბილისის "ლოკომოტივმა" მარნეულის "არმაზს" დასკვნით 15 წუთში ორი ლელო გაუტანა, 22:13 დაამარცხა და ბონუს-ქულით მოგების შემდეგ, მინიმუმ ერთი დღით პირველ ადგილზე აღზევდა.</p><p>"რუსთავი არენაზე" გამართული მატჩის მოგების შემთხვევაში მარნეულელები ექვსეულში შესვლის შანსს შეინარჩუნებდნენ და საათზე მეტხანს გმირულად იბრძოლეს, თუმცა კარგად დაწყებული საქმის ბოლომდე მისაყვანად დენთი არ ეყოთ და გამარჯვება ფავორიტს დარჩა.</p><p>ანგარიში მე-16 წუთზე მასპინძლებმა გახსნეს - რეზი ჯინჭველაშვილმა 40 მეტრიდან არეკნი გაიტანა. "ლოკომოტივმა" ტემპს მოუმატა და თანმიმდევრულად უტია, თუმცა "არმაზი" თავს კარგად იცავდა და მეტოქეს დაახლოებით 20 მეტრით უკანაც დაახევინა, მაგრამ დაცვის მთლიანობა დაირღვა, რაც კარგად შენიშნა გიგა გაგოშვილმა, ხაზი გაჭრა და საახლოებით 20 მეტრი ირბინა, რამაზ ხარაზიშვილის გავლით ფრთაზე ბურთი გიორგი შკინინს მიუვიდა და ის ვეღარავინ შეაჩერა.</p><p>ბექა წიკლაურის აცილებულ გარდასახვას ჯინჭველაშვილის გაფუჭებული ჯარიმა მოყვა, ხოლო 32-ე წუთზე "არმაზმა" უპირატესობა დაიბრუნა. ბექა ფრუიძის ფეხით შეცურებულ ბურთზე შკინინს, ან ლაშა გედეხაურს უნდა ეთამაშათ, მაგრამ მცველებმა ერთმანეთს ვერ გაუგეს და თავისუფალი ბურთი თავად ფრუიძემ დაამიწა. ჯინჭველაშვილმა რთული პოზიციიდან ძელის გავლით გარდასახა, მეორე ტაიმის დასაწყისში ჯარიმა გაიტანა და მასპინძლები 13:5 დააწინაურა.</p><p>"ლოკომოტივი" გამოფხიზლდა და ორიოდე წუთში ფარნა გასვიანის ლელოთი უპასუხა. მცველებმა სტუმართა მოლი კი შეაჩერეს, მაგრამ ფორვარდის ახლოდან მიძალებას წინ ვეღარ აღუდგნენ. წიკლაურს გარდასახვა კვლავ გაუცუდდა და სხვაობა მხოლოდ 3 ქულამდე შემცირდა.</p><p>ეს ანგარიში 64-ე წუთამდე შენარჩუნდა, მერე კი, მასპინძლებმა უხეში შეცდომა დაუშვეს და რკინიგზელებს პირველი ტაიმის "ვალი" დაუბრუნეს. თავიდან "ლოკომოტივი" შეცდა და მეტოქის ლელოს სიახლოვეს საკუთარ დერეფანში ბურთი დაკარგა, მაგრამ მას ვერც მცველები გაუფრთხილდნენ, ლელოში დაუვარდათ და გიორგი ცუცქირიძემ დამიწება არ დააგვიანა. ამჯერად წიკლაურიც ზუსტი იყო. შეხვედრის მიწურულს სტუმრებმა შერკინებიდან გაშალეს შეტევა, ფლანგზე კვლავ შკინინი გაიქცა, მიმდინარე სეზონში თავისი მე-13 ლელო გაიტანა და "ლოკომოტივს" 22:13 მოგებით ბონუსიც მოუტანა.</p><p>ქუთაისის "აიას" პირველი ადგილის დაბრუნების შანსი ხვალ ექნება, როდესაც "აია არენაზე" თანაქალაქელ "ბაგრატს" შეხვდება. ხვალვე გორში "ჯიქი" თბილისის "აკადემიას" ეთამაშება.</p><p><strong>მომზადებულია rugby.ge-ს მიხედვით</strong><br></p>
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
20 წ. | ცვლილებები რაზმში
დიეგო ლონგო: "დილა" თავისი შესაძლებლობების მაქსიმუმისგან ჯერ კიდევ შორს არის
"მილანს" რასმუს ჰოილუნის შეძენა სურს
[PHOTO] მორიგი ბრწყინვალე ჟესტი - "ლივერპული" ჟოტას არ ივიწყებს
დირკ შუსტერი: უზომოდ ბედნიერი ვარ და თითოეული ფეხბურთელით ვამაყობ
აზაროვმაც ითამაშა და გოჩოლეიშვილმაც - "შახტარის" მომავალი მეტოქე "ბეშიქთაშია"
შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა
მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ
"დილამ" "რასინგს" ისევ მოუგო და მეორე ეტაპზე "რიგას" შეხვდება
[VIDEO] მიკერძოებული მსაჯობის მიუხედავად "ტორპედომ" "ორდაბასის" ბარიერი გადალახა და მეორე ეტაპზე გავიდა
Nuovo Kvara - "ნაპოლიმ" ქართველის შემცვლელი შეიძინა
პსჟ შეიძლება მალე დონარუმას გარეშე დარჩეს
Giorgi² - ფრანგული "მეცი" ქართული ფრთებით შეუტევს
ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში
გრანიტ ჯაკა შესაძლოა, პრემიერლიგაში დაბრუნდეს
"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა
"რეალს" ალაბასთან კონტრაქტის გაწყვეტა სურს
"თუკი კვარაცხელიას ხელი არ შეუშალეს, ოსიმენს პრობლემებს რატომ უქმნიან?!" - ნიგერიელის მეგობარმა დე ლაურენტისი გააკრიტიკა
რეტეგის მიქაუტაძე შეცვლის? - "ატალანტა" ქართველ ფორვარდზე ოცნებობს
"ეს საქმეს მიმარტივებს" - თოფურიამ ახსნა, როგორ ახერხებს მეტოქეების დანოკაუტებას
დიდი 10: 2018 წლის ზაფხულის ტრანსფერები
კონტინენტის ფარი: "ლოკომოტივის" ორი ცვლილება "კალვიზანოსთან"
დიდი 10: "ლოკომოტივის" ზედიზედ მე-10 გამარჯვება
კონტინენტის ფარი: "ლოკომოტივი" იტალიაში მიდის
საქართველოს ჩემპიონატში მორაგბეებს შორის მასშტაბური ჩხუბი გაიმართა [VIDEO]
დიდი 10: "ბათუმმა" თბილისის "ლოკომოტივს" 5 უპასუხო ლელო გაუტანა
კონტინენტის ფარი: "ლოკომოტივმა" თავისი გააკეთა და "ფიამე ორო" გაანადგურა