"ჩიხურამ" "მარიბორი" ვერ გატეხა და ევროპა ლიგის გათამაშებას გამოეთიშა [VIDEO]

ევროპა ლიგის მეორე საკვალიფიკაციო რაუნდის საპასუხო მატჩში "ჩიხურა" 0:2 დამარცხდა "მარიბორთან" და გათამაშებას გამოეთიშა."მარიბორის" 13 000-იანი სტადიონი 2/3-ით შეივსო, გულშემატკივრები აქტიურად უჭერდნენ მხარს თავის გუნდს. "ჩიხურამ" მეტოქეს შტურმის საშუალება არ მისცა, თუმცა მის კართან რამდენიმე სახიფათო მომენტი კი შეიქმნა: მე-10 წუთზე ზაჰოვიჩი დაუსხლტა მარჯვენა ფლანგზე მეურვეს, ცენტრში ბურთი ტავარესს უპასა, რომელიც ცენტრალურ მცველებს გაექცა და მეკარესთან პირისპირ გასულმა ანგარიშის გახსნის კარგი შესაძლებლობა ვერ გამოიყენა. 27-ე და 30-ე წუთებზე კი საჩხერელთა მეკარე ჰამზიჩმა გადაარჩინა თავისი გუნდი.ამის შემდეგ სოსო ფრუიძის შეგირდებმა თამაშის გათანაბრება და მოწინააღმდეგის ნახევრზე აწევა მოახერხეს, შეუტიეს კიდეც. უშედეგოდ და შესვენებაზე გუნდები 0:0-ზე გავიდნენ.მეორე ტაიმი სლოვენიელებმა აქტიურად დაიწყეს, მაგრამ "ჩიხურა" თავს ორგანიზებულად იცავდა და თან მოწოდების სიმაღლეზე იდგა ჰამზიჩი, რომელმაც სულერის თავური მოიგერია. თუმცა, "მარიბორმა" მაინც მოახერხა გოლის გატანა - ზაჰოვიჩი ცენტრალურ მცველებს გაექცა, ჩვენს გოლკიპერთან ერთი ერთზე გავიდა და 1:0.საჩხერელებმა უმალ შეუტიეს და სარდალიშვილმა კარის აღების ორი კარგი შესაძლებლობა ვერ გამოიყენა. დამატებულ წუთებში მეტოქემ კონტრშეტევაზე დაგვიჭირა და ტავარესმა მეორე გოლიც გაგვიტანა, თამაშიც დასრულდა.მარიბორი. "ლიუდსკი"მარიბორი - ჩიხურა 0:0გოლები: 1:0 ზაჰოვიჩი (70), 2:0 ტავარესი (90+6)მარიბორი: ჰანდანოვიჩი, პიჰლერი, სულერი, ივკოვიჩი, ვილერი, ვრჰოვეცი, დერვიშევიჩი, ბაიდე (მესანოვიჩი 74), ჰოტიჩი (ვრსიჩი 88), ტავარესი, ზაჰოვიჩი (გრეტუ 86)ჩიხურა: ჰამზიჩი, ჩიტეიშვილი, მირცხულავა, მაისაშვილი, ჩიკვაიძე (ჩიხლაძე 81), კაკუბავა (ბუხაიძე 86), სარდალიშვილი, ბუღრიძე, მარკოზაშვილი, კახაბრიშვილი (მეგრელიშვილი 67), გაბედავა

ანესთეზიოლოგს

შესანიშნავი მსჯელობაა ქართულ ფეხბურთში არსებული პრობლემების ანალიზისთვის, თუმცა მხოლოდ უარყოფითზე ორიენტირებული ადამიანის პოზიციიდან დანახული.რაც შეეხება ჩიხურას თამაშს, გულდასაწყვეტია, რომ ცოტა დააკლდათ და ეს ცოტა კი 1-2 მაღალი დონის გამოცდილი ფეხბურთელია პირველ რიგში. გამოუყენებელი მომენტების გაფუჭების გამო ვინმეს ანტიგმირად გამოცხედება კი მეტისმეტია, მითუმეტეს 20 წლის ბუღრიძის, რომელიც სულ რამდენიმე თვის წინ უ19-ის ჩემპიონატში თამაშობდა და ასეთი რანგის მატჩებში თავის გამოჩენისთვის მარტო ნიჭი არაა საკმარისი, გამოცდილებაც უცილებელია ასეთი ძლიერი ფსიქოლოგიური დატვირთვის დასაძლევად.
შოკირებული გულშემატკივარი

ბოლოსკენ ძალიან დაიღალენ ჩვენები თორე სხვა შედეგი იქნებოდა. იმათი თავდამსხმელი 34 წლისაა და როგორ უძლებს ბოლომდე აი ეს არის გასარკვევი და მერე ჩვენებისთვის სასწავლებელი. ფრუიძე ალბათ საუკეთესო მწვრთნელის ტიტულს მოიგებს.
: )))))))

რა სჭირთ და ვაჭრუკანობა ! ფიფიას რომ დინამოს გაძლიერება უნდოდეს, მარტინიკის კუნძულიდან არ მოიყვანდა ფორვარდს. როდესაც ინტერესი არა აქვს, ვერ აიძულებ. მთავარი სურვილია და მშვენიერ გუნდს შექმნის, რასაც სამწუხაროდ ვერ ვხედავთ
ანესთეზეოლოგი

ვინც "დისლაიქს" აძლევს ამ კომენტარს, ძალიან საინტერესო იქნებოდა მათი პოზიციის მოსმენა:):)
georgian

ჯიგრიკ აქ იმაზეა საუბარი რომ რაც ქართულ ფეხბურთში ხდება იმის გათვალისწინებით ბრავო ეკუთვნის ჩიხურას. შეადარე ბიუჯეტი, მომზადება, მოთამაშეები, ინფრასტრუქტურა და ნახავ.. კარგი შედეგი რა არის ჩემზე უკეთ შენ არ იცი!
სოსო

ათას ცოცხალსა ზოგჯერა,ბევრად სჯობს ერთი მკვდარია.თქვენი საყვედურები გუნდის ხელმძღვანელებისაკენ მიმართეთ,ბიჭები კი თავს ვეღარ გადაახტნენ,თუმცა ბოლომდე დაიხარჯებოდნენ.დაიხარჯებოდნენო იმიტომ ვამბობ,რომ არ აჩვენებდა,საერთო ჯამში სულ 3 წუთამდე ვუყურე და შესვენებაზე ჩაირთო ჩვენება.მაგრამ ვიცი ჩიხურას ხასიათი და გულშემატკივარიც ადასტურებს ბოლომდე ბრძოლას.როცა ადამიანი თუ გუნდი იმაზე მეტს აკეთებს,ვიდრე შეუძლია,ეს ყოველთვის უნდა დაუფასო.ისე ნახევრად შავი,მაგრამ მწარე იუმორით გეტყვით,საქართველოს მთავრობა გმირის წოდებას,მხოლოდ დაღუპულ მებრძოლებს ანიჭებს,გადარჩენა დანაშაულია,ხოლო ფეხბურთში დამარცხებული,თუნდაც თავისზე გაცილებით ძლიერთან ღირსეულ ბრძოლაში,დამნაშავეა?ანუ თუ ფინალში არ გავიდნენ და იქაც არ გაიმარჯვეს,საქები სიტყვა არ უნდა წამოგვცდეს?ვისაც რისი აწევა შეუძლია,იმდენი უნდა მოვთხოვოთ,თორემ ვირს თუ აქლემის საპალნეს ავკიდებთ,დაგვივარდება.ჩიხურამ კი რეალურად იმაზე მეტი გააკეთა,ვიდრე შეეძლო და ეს უნდა დ ა ვ უ ფ ა ს ო თ!
ანესთეზეოლოგი

ჩემი აზრით აღსანიშნავია მხოლოდ და მხოლოდ ჩიხურას ბრძოლისუნარიანობა მაგრამ არავითარი ქება საჭირო არ არის. გუნდმა წააგო და გამოვარდა ისეთ მოწინააღმდეგესთან რომელთანაც მინიმუმ 3 გოლის გატანა შეეძლო თუნდა წუხელ. პირველ თამაშზე აღარაფერს ვამბობ. ეს ნამდვილად არ ნიშნავს იმას, რომ აი ჩვენზე აშკარად ძლიერი იყო მოწინააღმდეგე და ვიომეთ, თავი არ შევირცხვინეთ. მაინტერესებს სირცხვილი არ იყო ის, რომ შესრულების ელემენტარული უნარის არქონის გამო ორი თამაშის ჯამში 7-8 90% მომენტებს ვერ იყენებ? თამაშს რაც შეეხება კიდევ ერთხელ ვამბობ (ვინც ორივე თამაში ნახა) ხაზგასასმელია გუნდის ხასიათი, დანარჩენი არაფერი. არანაირი აქტიურობა ფლანგებზე რათა მეტი სიმწვავე წამოსულიყო, შეტევის ფაზაში არანაირი გახსნის აზროვნება, არანაირი მწვავე გაგრძელების გადაწყვეტილების უნარი. დამაგვირგვინებელ ფაზაზე აღარაფერს ვამბობ. 77 და 20 ნომრები სარდალიშვილი და ბუღრიძე, ეს ბიჭები სამწუხაროდ ორივე თამაშის ანტიგმირები იყვნენ. მათ შეეძლოთ გამხადრიყვნენ გმირები, მაგრამ ამას ცოტა მეტი ვარჯიში სჭირდება. ამდენი მომენტის გამოუყენებლობას უკვე უიღბლობა კი არა, შესრულების არცოდნა ქვია. ამ ყველაფრის თავი კი არის ის, რომ ჩვენს ჩემპიონატში ფეხბურთელის შეფასების სტანდარტი და თამასა საშუალოზე დაბლა დავიდა. ძალიან მოვიკოჭლებთ საფეხბურთო აზროვნებაშიც. როდესაც ნახევარმცველს ბურთი მიაქვს შეტევაში, აზრზე უნდა იყოს საით გააკეთოს პასი, რომ გაგრძელება კიდევ უფრო მწვავე აღმოჩნდეს. და ვინც თავისუფალია, ისიც მინიმუმ იმის აზრზე უნდა იყოს თუ სად გაიხსნას და დახვდეს ბურთს. ასე რომ, საქებარი და სავაჟკაცო არაფერი გაგვიკეთებია. ჩიხურა იყო, სამტრედია, დინამო თუ ტორპედო (ვიკინგურთან არ ვგულისხმობ) უბრალოდ დარბოდნენ და მორჩა, რაც უნდოდათ იმისათვის როგორ მიეღწიათ არ იცოდნენ. ელემენტარული გეგმის ნასახიც არ ჩანდა მათ მოქმედებაში. ამ ყველაფრის შემხედვარენი კი ჟურნალისტებიც და ჩვენც გულშემატკივრებიც კი პატარა მონდომების გამოვლინებასაც კი მადლობებით ვხვდებით და სწორედ ამით ჩამოყალიბდა სტერეოტიპი, რომ ჩვენ ძალიან სუსტი გუნდები გვყავს და ჩვენთან ყველა ფავორიტია! ამან იქ ითამაშა შარშან, იმან იქ ითამაშა და მორჩა, ჩვენთან ფავორიტები არიან. დინამომაც ითამაშა 2004-ში უეფას ჯგუფი მაგრამ რა? დღეს ნიშნავს ეს რამეს? სწორედ ასეთი საუბრებისა და შეფასებების ბრალია ის, რომ მწვრთნელებიც კი პრესკომფერენციებზე ისეთ ინტერვიუებს იძლევიან თითქოს რომას ან ლაციოს ხვდებოდნენ (არადა ტობოლი ან სტრედაა მოწინააღმდეგე:))) და ვინ იყვნენ ის "ფავორიტები" ვინც ბდღვირი გვადინა? შერიფი? ტობოლი? დუნაისკა სტრედა? თუ გუშინდელი მარიბორი რომელსაც ჩიხურამ 8 უეჭველი საგოლე მომენტი შეუქმნა და ისევ თავისი უნიათობის გამო ვერ გაუტანა? დღეს ამ გუნდებიდან ყველა გამოთიშულია და ვინ გამოთიშა ეს "ფავორიტები"? ალბანურმა შკენდიამ, სომხურმა პიუნიკმა და მინსკის დინამომ:):):) ჩვენთან კი ეს ყველა გუნდი ფავორიტი იყო და თავიდანვე გულშემატკივრიან-მწვრთნელებიან-ჟურნალისტებიან-ფეხბურთელებიანად ყველა "მანდრაჟით" იყო განწყობილი. ეს მენტალიტეტი კიდევ უფრო ანადგურებს იმ ფსიქოლოგიას რაც ჯერ კიდევ შემორჩენილი აქვთ ქართულ გუნდებს. არანაირი ქება, ყველას შეეძლოთ ერთი ადგილის განძრევა და ყველა ამ მოწინააღმდეგის გაგდება ვისთანაც შერცხვა! აი ასეთი უნდა იყოს მიდგომა! ბელორუსში, ალბანეთში, სლოვაკეთში, მოლდოვაში ან სომხეთში არანაირად არ არის საქართველოს ჩემპიონატზე მაღალი დონე და ამის დამტკიცებას ნურავინ დაიწყებს. მხოლოდ ერთი ნიუანსია რაშიც ჩვენზე ოდნავ წინ აღმოჩდნენ: ევროტურნირებზე ყელა ამ გუნდს აღმოაჩნდა მინიმუმ ერთი ისეთ თავდამსხმელი, რომელიც გასატანს იტანს! აი ეს იყო სხვაობა და მეტი არაფერი. ეს ასეთი რთული მისახვედრია? ამიტომ ცოტა ტვინი გაანძრიონ კლუბების მესვეურებმა და იმდენი მაინც შეძლონ, რომ თუ საერთაშორისო ასპარეზზე ქვეყნის სახელით გასვლაზე პრეტენზია აქვთ, თითო ასეთი ფეხბურთელი მიიყვანონ გუნდში რომელიც მომენტს შედეგიანად დაასრულებს...
999

ფულის შოვნაა მაგათი პატრიოტობა
pepe

2008-ში რუსეთიც დაამარცხეს და ვინ დარჩა გამარჯვებული ყველამ ნახა, მაგარი მენტალიტეტის მქონე ერია არა?
zmo

ვკითხულობ კომენტარებს და გული მიკვდება ჩვენ მგონია მართლა აღარასოდეს გვეშველება, როდესაც ერს დამარცხების აღარ სცხვენია და დამარცხებული იძახის გამარჯვებულები ვართო ნამდვილად იმედი აღარაფრის უნდა გქონდეს ამ ქვეყანაში ეს მარტო ფეხბურთს რომ ეხებოდეს რა გვიჭირდა
levo

რა უცნაური ხალხი ხართ. თუ ასეთი შედეგები გაკმაყოფილებთ (როცა გუნდები საკვალიფიკაციო ეტაპებს ვერ ლახავენ), მაშინ რაღაზე გაჰკივით ქართული ფეხბურთი მკვდარიაო? კარგად ყოფილა კაცო საქმე და მეც თვქენსავით ბედნიერი ვყოფილვარ
gaga

ყველაფერში 0 ზე ვარტ მრცხვენია ერი არ გვივარგა უპატრიოტუ, უთავმოყვარე ერი გავხდით. ამდენი მილიონერები გვყავს თითომ თიტო გუნდი რო გააძლიერონ მაგაზე დიდ საქმეს ვერ გაუკეთებენ ქვეყანას. მაგრამ არა მხოლოდ იპარავენ და ქვეყნისათვის თეთრსაც არ ხარჯავენ. ივანიშვილს, კალაძეს, ბჯუაშვილებს, ხაზარაძეებს, და დანარჩენებს თითო გუნდი რო გააძლიერონ მაგაზე დიდი სიყვარული არ ექნებათ ქართველებისგან. მაგრამ არა მხოლოდ იპარავენ ერი გადაგვარდა და ტუ მალე გონს არ მოეგა გაქრება ქვეყნიდან და დარჩებათ გადამთიელებს
Irakli Apkhaidze

4 თამაშში 1 მოგება, 2 ფრე, 1 წაგება... უკეთესი ჯობდა, მაგრამ მადლობა ამ გუნდს სარეიტინგო ქულებისთვის
krazana

იძახეთ აწი შაიტან შაიტანოოოოოოოოოოოოოოო
999

მომავალში ტორპედოც ბრავოთი გააცილეტ, რა ბრავო რისი ბრავო უკვე მერამდენე სეზონია საკვალიფიკაციო ეტაპი ვერ გადაულახიათ და თქვენ კი გვირგვინებით და ბრავოს შეძახილებით შეამკეთ. რასაც იმსახურებთ ის გაქვთ
kako

შეირცხვინა რას ნიშნავს, გუნდი გავარდა და მეტი შერცხვენა რა გინდა? სავალდებულო ხომ არ იყო -------------------------
41

გუნდი გავარდა და რას გიქვიან წარმატება? აქეტ რამდენიც გინდათ ფაქტი სახეზეა, რიგში ტორპედოაა
მერაბი

საწყენია ეს წაგება, მაგრამ "ჩიხურა" ძალიან კარგი გუნდია. იმედია, შემდგომში უფრო კარგად იასპარეზებს.
Georgian

მადლობა ბიჭებს! თქვენ საკუთარ თავებს გადაახტით, იბრძოლეთ, იომეთ, თუმცა კლასში დიდია სხვაობა და ამჯერად არ გაჭრა. ფრუიძე ერთ-ერთი საუკეთესოა საქართველოში და ფიფია თუ დაუძახებ გუნდში კარგს იზამ. ეს გუნდი ნამდვილად იმსახურებს მეტ ყურადღებას. დღემდე ვერ ვხვდები ივანიშვილი რატომ არ აფინანსებს.. კიდევ ერთხელ მადლობა და წარმატებები!
Ziqenbud

34 წლისაა ის მარიბორის ბრაზილიელი ლეგიონერი და 90 წუთი ჩაატარა უმაღლეს დონეზე, მთელი თამაში სხიფათოდ უტევდა, საგოლე გადაცემა შეასრულა და გოლიც გაიტანა. სტატისტიკაც რომ ვნახე მთელი კარიერა მარიბორში აქვს გატარებული და ყველა სეზონში ნორმალურად გააქვს გოლები და ერთ-ერთი ლიდერი გუნდის. იქ თუ ნახულობენ ასეთ ლეგიონერებს ჩვენს კლუბებს რა ჯანდაბა ჭირთ ამის დედაც...
გულშემატკივარი

77 ნომერი იყო სარდალიშვილი, რომელმაც შექმნა მომენტები, რაც ფეხბურთელისათვის დიდი პლიუსია. რაც შეეხება მომენტების ვერგამოყენებას, ეს შემთხვევაა და ყოველთვის ასე არ იქნება, მთავარია მწვრთნელმა (რომელიც მართლა მწვრთნელია და არა ვითომ მწვრთნელი) და გუნდმა გააგრძელოს ერთობლივი მუშაობა.
Georgia

ბრავო ბიჭებო , თქვენ ძალიან ბევრი შეძელით და მომავალში მეტს ველით კიდევ
ROMA

სულით და გულით ვქომაგობდი ჩიხურას.ძალიან მინდოდა შემდეგ ეტაპზე გასულიყო.მაგრამ კარში ზუსტად თუ არ დაარტყი,ბურთი თავისით არ გაეხვევა ბადეში.ვინ იყო ის 77 ნომერი,რამდენი ასპროცენტიანი გოლები ვერ შეაგდო,ასე არ შეიძლება,ასეთი ფეხბურთელები გუნდიდან უნდა მოკვეთო,გაგეთ ბატონო სოსო,ასეთები შანსის მიცემასაც არ იმსახურებენ,გასკდა პირდაპირ გული,ამაღამ,როგორ დავიძინებ არ ვიცი,არა მარტო მე,არამედ ნახევარ საქართველოს გაუხეთქა იმ კაცმა გულები.სირცხვილია, დიდი სირცხვილი ასეთი ფეხბურთელის გუნდში ყოლა.
არა

ეს ის შემთხვევაა როდესაც, შეგიძლიათ თავაწეულები ჩამოხვიდეთ!
ზურა

ჩიხურამ როგორი ბრძოლისუნარიანობაც გამოამჟღავნა, იმის ნახევარი რომ იყოს ნებისმიერი ქართული კლუბი რაღა უჭირს.. წარმატებისთვის საჭიროა 1 მწვრთნელი რამდენიმე წლის განმავლობაში და ბირთვის შენარჩუნება!!! ფიფიას გასაგონად ეს!!
გულშემატკივარი

გულდასაწყვეტია, თუმცა ჩიხურამ თავი არ შეირცხვინა და ესეც წარმატებაა.
გგგ

ჩიხურა სხვა გუნდებთან შედარებით ღირსეულად გამოიყურებოდა. უბრალოდ როდესაც შინ გოლს ვერ გაიტან და გასვლითი თამაშის იმედად ხარ, ძნელია ბარიერის დაძლევა. წარმატებები ჩიხურას !
ვაი

მადლობა ბიჭებო ბრძოლისთვის :)

საქართველოს ამერიკული ფეხბურთის ნაკრების წარმატება

"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს

მიზანი ერთია, დიადი ნათელი - ცნობილი გახდა ანჩელოტის ამოცანა და ხელფასი

20 წ. | მსოფლიომდე ინგლისთან

თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

"შედარება მესისთან?" - რა თქვა ლამინ იამალმა

დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

ეროვნული ლიგა. პლეი-ოფი: "ჩიხურა" - "სამგურალი" [LIVE]

ეროვნული ლიგა. XVI ტური. "მერანი" - "ჩიხურა" [LIVE]

ევროპა ლიგა. II საკვალიფიკაციო ეტაპი. მარიბორი-ჩიხურა [LIVE-ს ბმული]

პირველი ტაიმი "მარიბორსა" და "ჩიხურას" შორის 0:0 დასრულდა

"ჩიხურამ" ძალიან ლამაზი გოლითა და მეკარის სასწაული "სეივებით" მოიგო [VIDEO]

იოსიპ ილიჩიჩმა ახალი გუნდი მალევე იპოვა

"საქართველო არაჩვეულებრივი ქვეყანაა" - ჰამზიჩი ეროვნულ ლიგას უბრუნდება

საჩხერის "ჩიხურას" ახალი მთავარი მწვრთნელი ჰყავს!

"მარიბორის" მწვრთნელი: სარდალიშვილს კარგი მომენტი ჰქონდა, მაგრამ გადავრჩით

"მარიბორის" ფანებს თამაშის ხარისხი არ მოეწონათ და მესანოვიჩის ბრწყინვალე ფინტით აღფრთოვანდნენ

ეროვნული ლიგა. XVII ტური. "ჩიხურა"-"დინამო თბ" [LIVE]

სოსო ფრუიძე: "მარიბორის" ბარიერის დასაძლევად სწორედ ეს დაგვაკლდა