საქართველოს 16-წლამდელთა ნაკრები თურქეთთან 25 ქულით დამარცხდა

საქართველოს 16-წლამდელთა ნაკრებმა ევროპის ჩემპიონატის ფინალურ ეტაპზე მერვედფინალური მატჩი თურქეთთან დათმო, პლეი ოფიდან გამოვარდა და ახლა A დივიზიონში 9-16 ადგილებისთვის მოუწევს ბრძოლა. ჩვენი გუნდის მიზანი ელიტარულ დივიზიონში დარჩენა გახლდათ და გია კაზანჯიანის გაწვრთნილი გუნდისთვის რეალური ბრძოლაც ახლა იწყება. A დივიიოზიონში მყოფი 16 გუნდიდან ელიტაში 13 რჩება, ბოლო 3 ადგილზე გასული გუნდები კი მომავალი სეზონისთვის B დივიზიონში დაქვეითდებიან.არადა, საქართველოს ნაკრებმა თურქეთთან თამაში შესანიშნავად დაიწყო და პირველ პერიოდში მეტოქე დაჯაბნა. გიორგი ბიგანაშვილი შეუჩერებელი გახლდათ, რომელმაც 2 სამქულიანი, საჯარიმოები ჩააგდო, გარღვევაც ზუსტად დააგვირგვინა და პირველი პერიოდის ბოლო წუთზე საქართველო 12 ქულით – 26:14 დააწინაურა. ქართველებს ბოლო წამებზე მეტოქის შეტევა გაეპარათ, ხოლო სირენის თანხლებით ჩაგდებილი ბურთის წყალობით თურქებმა პირველი პერიოდი მხოლოდ 8 ქულით – 20:28 დათმეს.მეორე პერიოდიდან თურქებმა ინიციატივა ხელთ იგდეს. დაცვა გაამაგრეს, მოედანზე ტურნირზე ერთ-ერთი ყველაზე ტანმაღალი მოთამაშე – 205 სანტიმეტრიანი ფურქან ჰალტალი გამოიყვანეს და სამწამიანშიც გამაგრდნენ. თუკი ააცილებდნენ, ჩვენი ოპონენტები ბურთს ხსნიდნენ და განმეორებითი შეტევებით იხვეჭდნენ ქულებს. ეს შედეგზე უმალ აისახა – თურქეთმა 18:2 გაქცევით დაიწყო მეორე პერიოდი და 38:30 დაწინაურდა.გია კაზანჯიანმა პირველ ნახევარში გამოყოფილი ორივე წუთშესვენება შეალია მეტოქის გააქტიურების შენელებას, თუმცა საქმე მაინც ვერ გამოასწორა. თურქებმა განაგრძეს შედეგიანი თამაში და პერიოდის 33:11 მოგებით დიდ შესვენებაზე ხელჩასაჭიდი ლიდერობით გავიდნენ – 53:39. მეორე ნახევარში ქართველები ბევრს ეცადნენ, თუმცა ვითარების შეცვლა ვერ მოახერხეს. თურქებმა ლიდერობის შენარჩუნება ზედმეტი გართულებების გარეშე შეძლეს და საბოლოოდ 25 ქულით – 97:72 გაიმარჯვეს.თურქებს ულიდარა კიდევ ერთმა 205-სანტიმეტრიანმა მოთამაშემ – ალპერენ შენგუნმა, რომელმაც 19 ქულა და 20 მოხსნა (!) მოაგროვა. თურქების გამარჯვების უმთავრესი იარაღი მოხსნების სიმრავლე გახლდათ. მატჩის ბოლოს ამ კომპონენტში უდიდესი სხვაობა დაფიქსირდა. ქართველებმა 28 ბურთი მოხსნეს, თურქებმა კი – 66.საქართველოს ნაკრებში საუკეთესო შედეგი აჩვენა გიორგი ბაგანაშვილმა – 16 ქულა, 3 მოხსნა, 3 პასი. 16 ქულა და 4 მოხსნა მიითვალა ზურბა ვაშაკიძემ. 9 ქულა დააგროვა ნიკოლოზ გაფრინდაშვილმა ხოლო 8-8 – ალექსი მერკვილაძემ და ვოვა თავაქარაშვილმა.თურქეთი მეოთხედფინალში გავიდა, სადაც ლატვიას შეხვდება, საქართველოს მომავალი მეტოქე კი ლატვიასთან მერვედფინალში 81:85 დამარცხებული ისრაელი იქნება. შემდეგი მატჩის მოგება A დივიზიონში დარჩენის ტოლფასია, რადგან ისრაელი – საქართველოს მატჩის გამარჯვებული ტურნირზე საუკეთესო 12 გუნდში ადგილს გაინაღდებს. დამარცხებული კი 13-16 ადგილებისთვის ბრძოლაში გადაერთვება. როგორც უკვე გითხარით, მე-13 ადგილი იქნება უკანასკნელი, რომლის დამკავებელი გუნდი A დივიზიონში დარჩება.საქართველოსა და ისრაელის საკვალიფიკაციო მატჩი 15 აგვისტოს, თბილისის დროით 18:00 საათზე გაიმართება.მომზადებულია GBF.GE-ს მიხედვით

Musenbezi

თავმოყვარეობა მაინც არ აქვთ ყველასთან უშანსოდ რომ მარცხდებიან, სამივე ასაკობრივმა ნაკრებმა ჩაისვარა, გოგოებმა ბოლო 24-ე ადგილი დაიკავა. ფედერაცია საერთოდ რატო გვყავს? რას აკეთებენ?
სოსო

ფიზიკაც და ალბათ ფსიქიკაც და ტაქტიკაც.18-2 გაქცევა გააკეთესო,აჰა,ფარქვეშ გაჯობეს,მოხსნეს ბურთები და ჩაგიგდეს,თუ ამ სიმაღლე კაცი ჰყავდათ მოედანზე,ესე იგი სისწრაფეში უპირატესობა ჩვენ გვექნებოდა და სწრაფ გარღვევაზე უნდა გვეთამაშა,მაგრამ 18 ქულა ,სულ ცოტა 6 შეტევაა,ჩვენ კი მხოლოდ ერთი ჩავაგდეთ.ყველა ნაკრებს ერთი საერთო ნაკლი აქვს.როცა მეტოქე თამაშს სცვლის,გუნდი ბრინჯივით იშლება და ვეღარაფერს აკეთებს.ესე იგი ტაქტიკური ვარიანტები არა აქვს დამუშავებული.შეტევაში რომ კომბინაციების დამუშავება არც გაუგიათ,ეს ამათზე უფროს ნაკრებებშიც ასეა და ამათი რა უნდა გაგვიკვირდეს.ასე რომ ბოლოს ყველგან მწვრთნელების დაბალ კვალიფიკაციამდე მივდივართ, ბავშვთა კალათბურთში.
dato

ყველა მატჩი კარგად დაიწყეს და საშინლად დაასრულეს, ფიზიკა 0 ალბათ.

ასაკობრივ B ლიგებში მოსახვედრად საკვალიფიკაციო ტურნირები ჩატარდება

დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა

საქართველომ ეს შეძლო | 16-წლამდელთა ნაკრებმა ელიტაში ადგილი შეინარჩუნა

გარანტია - ბარკოლა "ლივერპულში" მხოლოდ ერთ შემთხვევაში გადავა

ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ფუტსალი | საქართველოს ნაკრები სომხეთთან დამარცხდა

დამძიმებული ფეხებით - ჩაკვეტაძემ "ლესტერთან" მატჩამდე ისაუბრა

"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია

"ბარსელონა" ბოლო წამებზე დამარცხდა - თორნიკეს ისევ არ უთამაშია

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს

კარგი ამბავი - ბათუმის "დინამოს" ახალი მფლობელი ჰყავს

უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა

[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა

[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა

საზონოვს მალე, ალბათ, "ტორინოს" დატოვება მოუწევს

დასაევი: საფონოვი რა, ასეთი დიადია?

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

საქართველოს 16 წლამდე ნაკრებმა კვიპროსი დაამარცხა