<p>დღეს ბაჰამის კუნძულების დედაქალაქ ნასაუში ახალგაზრდა ძიუდოისტთა ინდივიდუალური და გუნდური მსოფლიოს ჩემპიონატი იწყება, რომელშიც საქართველოდან 10 ბიჭი და 4 გოგონა მიიღებს მონაწილეობას. ბიჭებში ამჯერადაც გამოვტოვებთ 73 კილოგრამს.</p><p>დღეს გოგონებში 44-48, ბიჭებში კი 55-60 კილოგრამების ფალავნები იჭიდავებენ.</p><p>ხვალ, შესაბამისად, 52-57 და 66-73; 19 - 63-70 და 81-90, ხოლო 20 ოქტომბერს 78-+78 და 100-+100 კილოგრამების ფალავნები ეცდებიან მედლების მოპოვებას.</p><p>ჩემპიონატის დასკვნითი დღე, 21 ოქტომბერი გუნდურ პირველობას დაეთმობა, რომელიც ისევ შერეული პრინციპით ტარდება, ანუ გოგონების და ბიჭების გაერთიანებული გუნდები იასპარეზებენ.</p><p>ძალიან არ გაუმართლა 55 კილოგრამში ჩვენს ერთადერთ მონაწილეს, ჭაბუკებში მსოფლიოს პრიზიორ <strong>ვანო ხუბაშვილს</strong>, რადგან პირველივე წრეში მეტოქედ იაპონელი ჰაიატე ჰანდა ერგო. ამათში მოგებულს მეორე წრეში თურქი ოგუჟან ოზისიკი ელოდება.</p><p>ამჯერად 60 კილოგრამში იასპარეზებს ახალგაზრდებში მსოფლიოს შარშანდელი ჩემპიონი <strong>ჯაბა პაპინაშვილი</strong>, რომელმაც შარშან 55-ში მოიპოვა ეს ტიტული, ამ წონაში კი წლეულს ევროპის პრიზიორი გახდა. ის პირველ წრეში ამერიკელ ენტონი ბრედს შეხვდება, მოგების შემთხვევაში კი არგენტინელ კარლოს მალდონადოს გაეჯიბრება.</p><p>ამ წონაში <strong>თემურ ნოზაძეც</strong> გვყავს, ვინც მეორე წრიდან ჩაებმება შეჯიბრებაში, სადაც კოლუმბიელ კრისტიან იბარბოს დაეჭიდება.</p><p>დიდად არც ევროპის კიდევ ერთ წლევანდელ ბრინჯაოსმედალოსან <strong>ბაგრატ ნინიაშვილს</strong> (66) გაუმართლა (ის ახალგაზრდებში მსოფლიოს შარშანდელი მესამეპრიზიორია) - პირველ წრეში ბრაზილიელი ვილიან ლიმა. მას თუ მოუგებს, მერე, დიდი ალბათობით, იაპონელი იუჯი აიდა.</p><p>81 კილოგრამში ორი მონაწილე გვყავს, რომლებმაც წლეულს ევროპირველობაზე ფინალში იჭიდავეს: ჩემპიონი <strong>ლუკა მაისურაძე</strong> და ვიცე-ჩემპიონი <strong>ტატო გრიგალაშვილი</strong>. ისინიც მეზობელ ჯგუფებში განლაგდნენ, ანუ, საუკეთესო შემთხვევაში, მათი გზები ნახევარფინალში იკვეთება. თუმცა იქამდე მისასვლელად ორივეს დიდი ომი ელოდება.</p><p>გრიგალაშვილი ჯგუფში იაპონელ ჰირომასა კასაჰარასთან მოხვდა, თუმცა მას მეოთხედფინალამდე არ შეხვდება. ახალგაზრდებში მსოფლიოს შარშანდელი მესამეპრიზიორი გრიგალაშვილი მეორე წრიდან იწყებს გამოსვლას, სადაც ჰოლანდიელი კოენ ვან ვინდენის ძლევას შეეცდება.</p><p>მაისურაძეც მეორე წრიდან ჩაებმება შეჯიბრებაში, სადაც მეტოქედ მექსიკელი ფროკერ ტინტოსის ძლევას შეეცდება, ხოლო მომდევნო წრეში გასვლისას სავარაუდო მეტოქედ აზერბაიჯანელთა ევროპის წლევანდელი მესამეპრიზიორი მურად ფატიევიც ჰყავს, ვისაც ევროპაზე ნახევარფინალში გრიგალაშვილმა მოუგო.</p><p>90-ში <strong>ლაშა ბექაურიც</strong> იაპონელთან - კოსუკე მაშიამასთან გამწესდა ჯგუფში, თუმცა მას მეოთხედფინალამდე არ ხვდება. ჩვენებური ჯერ კანადელ ბენჯამინ კენდრიცკის დაეჭიდება, მოგების შემთხვევაში კი - ლატვიელ ემილს გერკენსს ან სლოვაკ დენის ტურაცკს.</p><p>ჩვენს ნაკრებში მესამე გაორებული წონა 100 კილოგრამია. ევროპის მოქმედი ჩემპიონი <strong>ონისე სანებლიძე</strong> თავიდან ისვენებს, მისი მეტოქე კი აზერბაიჯანელი ევროპის წლევანდელი ბრინჯაოსმედალოსანი ადილ კარიმლისა და გერმანელ ივო ვიტასეკს შორის მოგებული იქნება.</p><p>შეგახსენებთ, რომ სანებლიძემ კარიმლის ევროპირველობაზე მეოთხედფინალში მოუგო.</p><p>ამ წონაში <strong>ზაურ კენჭაძეც</strong> მეორე წრეში იჭიდავებს, სადაც გერმანელთა ევროპის წლევანდელ მესამეპრიზიორ დანიელ ზორნს შეხვდება - სანებლიძემ ევროპაზე მასაც მოუგო ნახევარფინალში.</p><p>მძიმე წონაში ევროპის კიდევ ერთი მოქმედი ჩემპიონი - <strong>გელა ზაალიშვილიც</strong> რთულ ბადეშია - პირველ წრეში კი ისვენებს, მაგრამ მისი მეტოქე იაპონელ ტაცურო საიტოსა და მონღოლ ცეცეცენგელ ოდხუუს პაექრობაში გამოვლინდება. ზაალიშვილმა ეს ბარიერი თუ გაიარა, მერე ნახევარფინალში გასვლა არ უნდა გაუჭირდეს.</p><p>გოგონებში <strong>ნატალია ყიფშიძე</strong> (48) პირველ წრეში ყაზახ აკმარალ ნაუატბეკს ხვდება. მეორე წრეში თუ გავიდა, არც მეტი, არც ნაკლები, დიდი ალბათობით, იქ თვით უფროსებში მსოფლიოს ახალთახალ და ყველაზე ახალგაზრდა ჩემპიონს, უკრაინელ დარია ბილოდიდს შეხვდება!</p><p>ევროპის ვიცე-ჩემპიონი <strong>ეთერ ლიპარტელიანი</strong> (57) პირველ წრეში საკმაოდ ძლიერ ხორვატს, 20 და 23-წლიანებში ევროპის მესამეპრიზიორ ტიეა ტოპოლოვეჩს დაეჭიდება, მეორე წრეში გასვლისას კი - ბრიტანელთა ევროპის შარშანდელ ვიცე-ჩემპიონ ალესია ტოპრაკსა და გერმანელ იანა ზიგლერს შორის უძლიერესს.</p><p>ევროპის პრიზიორი <strong>მარიამ ჭანტურია</strong> (70) თავდაპირველად ამერიკელ ჯულია სიმონიანს დაეჭიდება, ამათში მოგებულს კი ბრაზილიელი ელენ სანტანა ელოდება. ჩვენებურს ნახევარფინალში გასვლის კარგი შანსი აქვს.</p><p>დაბოლოს, ევროპის კიდევ ერთი წლევანდელი მესამეპრიზიორი <strong>სოფიო სომხიშვილი</strong> (+78), ვინც მაინცდამაინც იაპონელ ჰიკარუ კოდამასთან მოხვდა, მსოფლიოს შარშანდელ ფინალისტთან. თუმცა მანამდე ავსტრიელი მარია ჰოლვარტი უნდა დაამარცხოს.</p><p>შეჯიბრი ჩვენი დროით 19:00 საათზე დაიწყება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
პაპინაშვილი ბაქოს გრანდ-სლემის გამარჯვებულია [VIDEO]
ჯაბა პაპინაშვილმა ევროპის ახალგაზრდულ ჩემპიონატზე ბრინჯაო მოიპოვა
საქართველოს ახალგაზრდა ძიუდოისტთა ნაკრების შემადგენლობა ევროპის ჩემპიონატისთვის ცნობილია
2 ქართული მედლის შანსი - ევროპის ჩემპიონატის პირველი დღე
ვის შეარჩევს შესარჩევი? ძიუდოს აკადემიაში ევროპის 23-წლიანთა ჩემპიონატის შესარჩევი ტურნირი გაიმართება
ძიუდო. მსოფლიოს ჭაბუკთა ჩემპიონატი: ოქრო არც გუნდურში გვერგო
მსოფლიოს ახალგაზრდული ჩემპიონატი: პაპინაშვილი ბრინჯაოს მედალს დაეუფლა [VIDEO]
გამარჯვება იპონით - ეთერ ლიპარტელიანი ევროპის ჩემპიონატზე ბრინჯაოს მედალს დაეუფლა [VIDEO]
ვერცხლის მედალი ანტალიიდან - ჩხვიმიანი ფინალში დამარცხდა [VIDEO]
პარიზის გრანდ სლემი. პაპინაშვილმა აზერბაიჯანელ მეტოქეს იპონით სძლია და ბრინჯაოს მედალი მოიპოვა [VIDEO]
8 მედალი და საქართველოს ნაკრების გუნდური პირველი ადგილი ევროპირველობაზე [VIDEO]
ძიუდო. მსოფლიოს ჭაბუკთა ჩემპიონატი: ქართველების გუნდური ბრინჯაო!