<p>ქალთა 12 და ვაჟთა 61 გუნდი მონაწილეობდა მოჭადრაკეთა ევროპის საკლუბო ჩემპიონატში (საპრიზო ფონდი 35.000 ევრო), რომელსაც ბერძნულმა პორტო-კარასმა (ჰალკიდიკი) უმასპინძლა.</p><p>18 ოქტომბერს საპრიზო ადგილებისთვის გადამწყვეტი ორთაბრძოლები გაიმართა. ქალთა ფინალში წინა წლის ჩემპიონი ბათუმის "ნონა" და მსგავსი ტურნირების მრავალგზის გამარჯვებული "მონტე კარლო" შეხვდნენ ერთმანეთს.</p><p>პირველ დაფაზე ანა მუზიჩუკმა თეთრი ფიგურებით ნანა ძაგნიძე დაამარცხა და ოქროს მედლების ბედიც ამ ორთაბრძოლამ გადაწყვიტა, რადგან მეორე დაფაზე ნინო ბაციაშვილმა პია კრამლინგს აჯობა, ხოლო ლელა ჯავახიშვილი და ბელა ხოტენაშვილი, შესაბამისად, მონიკა სოჩკოსა და დეიმანტე კორნეტეს დაუზავდნენ. გუნდური შეხვედრა დასრულდა ფრედ - 2:2. ჩემპიონობა "მონტე კარლომ" მოიპოვა, რადგან პირველ დაფაზე მათმა მოთამაშემ მოიგო. ვერცხლის მედალი "ნონას" ერგო.</p><p>მესამე ადგილისთვის პაექრობა სანკტ-პეტერბურგის (რუსეთი) SSHOR-სა და "იუგრას" (რუსეთი) შორის ფრედ - 2:2 დასრულდა. რადგანაც ოთხივე დაფაზე მეტოქეები დაზავდნენ (ანასტასია ბოდნარუკი-ანა უშენინა, ევგენია ოვოდი-ნატალია პოგონინა, დინა ბელენკაია-ოლგა გირია, ელენა სემიონოვა-ბაირა კოვანოვა), მათ შორის უძლიერესის გამოსავლენად დაინიშნა ბლიც-მატჩი. 2.5:1.5 გაიმარჯვა "იუგრამ" და ბრინჯაოს ჯილდო დაისაკუთრა.</p><p>დანარჩენი ადგილებისთვის ორთაბრძოლები ასე დასრულდა: V ადგილისთვის: "კიევი" (უკრაინა)-"ოდლარ იურდუ" (აზერბაიჯანი) 3:1, VII ადგილისთვის: "კაისა" (იტალია, PA)-"ბიირ შევა" (ისრაელი) 2.5:1.5, IX ადგილისთვის: "მარიბორი" (სლოვენია)-"ფილიდორი" (საფრანგეთი) 3.5:0.5, XI ადგილისთვის: "კაისა" (იტალია, BAM)-"გალაქსიასი" 3:1.</p><p>დაფების მიხედვით ქართველთა მონაგარი ასეთია: I დაფა: ოქროს მედალი ანა მუზიჩუკმა მოიპოვა, 6 შესაძლებლობიდან 3 ქულით ნანა ძაგნიძემ მე-6 ადგილი დაიკავა; II დაფაზე საუკეთესო იყო პია კრამლინგი, 6-დან 4.5 ქულით ვერცხლი ნინო ბაციაშვილს ხვდა. III დაფაზე 6-დან 5 ქულით პირველობა არავის დაუთმო ლელა ჯავახიშვილმა და, ცხადია, მას ოქროს მედალი ერგო. IV დაფაზე პირველი იყო დეიმანტე კორნეტე, 6-დან 5 ქულით მეხუთე ადგილზე ბელა ხოტენაშვილი გავიდა, V დაფაზე ყველას ელენა სემიონოვამ აჯობა, 4-დან 3 ქულით სალომე მელია მე-4 ადგილს დასჯერდა.</p><p>ვაჟთა შეჯიბრების ბოლო ტურში გადამწყვეტი აღმოჩნდა პეტერბურგის (რუსეთი) "მედნი ვსადნიკისა" და ნორვეგიის "ველერენგას" დაპირისპირება. პირველ დაფაზე მსოფლიოს ჩემპიონი მაგნუს კარლსენი და პიოტრ სვიდლერი დაზავდნენ. გუნდურ შეხვედრაში კი პეტერბურგელებმა გაიმარჯვეს 4:2 და 12 ქულით ჩემპიონობა მოიპოვეს. ამდენივე ქულას მოუყარა თავი ჩეხეთის "ნოვი ბორმა", რომელმაც გუშინ აზერბაიჯანის "ოდლარ იურდუ" დაჯაბნა - 4:2, მაგრამ უარესი დამატებითი მაჩვენებლებით მეორე ადგილზე გავიდა. დაზავდნენ რუსეთის "მოლოდიოჟკა" და იტალიის "პადოვა". ამ მშვიდობიანმა დასასრულმა ბრინჯაოს მედლები "მოლოდიოჟკას" მოუტანა. მართალია, მანაც 11 ქულა მოაგროვა, მაგრამ უკეთესი კოეფიციენტით აჯობა "პადოვას", "ველარენგასა" და "ალკალოიდს" (მაკედონია), რომლებმაც, შესაბამისად, მეოთხე-მეექვსე ადგილები გაინაწილეს.</p><p>პირველ დაფაზე საუკეთესო იყო ჩინელი დინ ლიჟენი (ალკალოიდი). მას მცირედით ჩამორჩა რადოისლავ ვოიტაჩეკი (ნოვი ბორი), რომელსაც მეორე ადგილი ხვდა. მესამე იყო მაგნუს კარლსენი (ვალერენგა). დანარჩენ დაფებზე პირველ ადგილებზე გავიდნენ: ნიკიტა ვიტიუგოვი, ვლადიმირ ფედოსეევი, მაქსიმ მატლაკოვი (ყველა - მედნი ვსადნიკი), დანიელე ვოკატურო (პადოვა), მარკუს რაგერი (ნოვი ბორი), ვიქტორ ლაზნიჩკა (ნოვი ბორი) და დანიილ დვირნი (პადოვა).</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
მონტენეგროში მიმდინარე 20 წლამდელთა მსოფლიო ჩემპიონატზე, ყველა ქართველმა მოიგო!
ყველაზე ახალგაზრდა ჭადრაკის ისტორიაში - თინეიჯერი ინდოელი მსოფლიო ჩემპიონობისთვის იბრძოლებს
თბილისის ჭადრაკის სასახლეში დასრულდა ლეგენდარული ქართველი ჩემპიონის, მაია ჩიბურდანიძის თასის გათამაშება
გუგეშაშვილი "პაოკში" წარადგინეს - ძირითადი მეკარე გუნდს ტოვებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
ბათუმი 2018: ქალთა ნაკრების მეოთხე გამარჯვება ვიეტნამთან
ნანა ძაგნიძემ მიუნხენის გრან-პრის მეორე ეტაპზე წარმატებით იასპარეზა
ქართული ჭადრაკის დიდი წარმატება: ნანა ძაგნიძემ მსოფლიო გრან პრი მოიგო!
ნინო ბაციაშვილს ფიდეს უახლოეს კონგრესზე ვაჟთა დიდოსტატის წოდებას მიანიჭებენ
ნანა ძაგნიძე მსოფლიო საჭადრაკო რეიტინგ-სიის ათეულშია
მსოფლიოს გუნდური ჩემპიონატი: ქართველი ქალების ბრინჯაო
"დიდი მადლობა მათ" - ნანა ძაგნიძემ მსოფლიო გრან-პრიზე გამარჯვება ამირან გამყრელიძესა და ექიმებს მიუძღვნა
ფიდემ მოჭადრაკე ქალ-ვაჟთა განახლებული რეიტინგები გამოაქვეყნა
ბათუმის "ნონა" ევროპის საკლუბო თასის მფლობელია
ჭადრაკში მსოფლიო ჩემპიონს საზოგადოების დახმარება სჭირდება - მის 1 წლის შვილს აგრესიული ფორმის ნეირობლასტომა აღმოაჩნდა
ფიდეს განახლებული რეიტინგის პირველ ასეულში ცხრა ქართველია
საქართველოს ქალ მოჭადრაკეთა ნაკრებმა მსოფლიოს გუნდურ ჩემპიონატზე ბრინჯაოს მედალი მოიპოვა
ქართული საჭადრაკო კლუბი "ნონა" ევროპის ჩემპიონია
საქართველოს ქალ მოჭადრაკეთა ნაკრებმა ევროპის ჩემპიონატზე ვერცხლი მოიპოვა
არაოლიმპიურ სახეობებში საუკეთესოები გამოვლინდნენ - ძაგნიძე, შარიქაძე...
ფიდე-ს ახალი რეიტინგი: ნანა ძაგნიძე მე-11 ადგილზეა
ლეგენდარული მოჭადრაკეები ჭადრაკის საერთაშორისო დღეს დააფასეს
ბელა ხოტენაშვილი ელვისებურ ჭადრაკში ევროპის ჩემპიონატის ბრინჯაოს პრიზიორია
ივლისის რეიტინგები: ნანა ძაგნიძე მე-11 ადგილზეა, ბაადურ ჯობავა - 36-ე