ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას

საქართველოს ეროვნული ნაკრების ბოლოდროინდელ მდგომარეობასა და პერსპექტივებზე Sportall.ge-სთან გამოცდილმა ქართველმა მწვრთნელმა სოსო ფრუიძემ ისაუბრა.- პირველ რიგში, როგორ შეაფასებდით ჩრდილოეთ მაკედონიასთან ჩატარებულ შეხვედრას? თქვენი აზრით, რა იყო მთავარი განმაპირობებელი, რის გამოც ისტორიული შანსი ვერ გამოვიყენეთ?- რაც თვალშისაცემი იყო და გამოიკვეთა, არის ის, რომ საქართველოს თამაში ფეხბურთელთა ინდივიდუალურ ოსტატობაზეა დამოკიდებული. არ იგრძნობოდა, რომ ნაკრებს კომბინირებული ფეხბურთის თამაში შეეძლო. ამის ფონზე, ისეთი დონის ფეხბურთელების დანაკლისი, როგორებიც კვარაცხელია, ჩაკვეტაძე, შენგელია და კიტეიშვილი არიან, ლოგიკურია, რომ აღმოუფხვრელი აღმოჩნდა.ბოლო პერიოდში გატანილი გოლების აბსოლუტური უმრავლესობა ან თერთმეტმეტრიანს უკავშირდება, ან ერთი მოთამაშის ოსტატობას. გუნდურობის თვალსაზრისით, სერიოზული პრობლემები გვაქვს. პირველ რიგში, იგრძნობა კრეატიული ფეხბურთელის საჭიროება, რომელმაც ნახევარდაცვის ცენტრი უნდა გააკონტროლოს, ნაკრების შეტევებს კი სწორი მიმართულება მისცეს.ჩრდილოეთ მაკედონიასთან, ვფიქრობ, რომ სხვა სტრატეგიით თამაში შეიძლებოდა. მეორე ნომრად თამაში აბსოლუტურად გამართლებადი მოცემულობაა, იმ დროს, როდესაც რეალობა აქეთკენ გიბიძგებს. უფრო უნდა დავლოდებოდით და გვეცადა, რომ მეტოქის შეცდომები მაქსიმალურად გამოგვეყენებინა.მიუხედავად ამისა, არის მეორე ვარიანტიც. თუ მთელი შეხვედრის განმავლობაში დომინირების სურვილი გვქონდა, მაშინ, ნომინალური ფორვარდის გარდა, შეტევითი ფუნქციები ე.წ. ცრუ ცხრიანს უნდა შეეთავსებინა. თითქოს ორ შესაძლო ვარიანტში, ვერ გადავწყვიტეთ, როგორ უნდა გვემოქმედა.- ვაისის ცვლილებებმა ქართველი გულშემატკივრის აღშფოთება განაპირობა. როგორ შეაფასებდით სლოვაკი სპეციალისტის მოქმედებას მატჩის მიმდინარეობისას? - ვაისი ეროვნული ნაკრების მწვრთნელი რამდენიმე წლის განმავლობაში იყო და არ მინდა, რომ მისი გადაწყვეტილებები რადიკალური კუთხით შევაფასო. შეცვლებს რაც შეეხება, ჩემი აზრით, რა თქმა უნდა, შეიძლებოდა, უკეთ ემოქმედა, მით უმეტეს, როდესაც მინიმუმ ერთი გოლის გატანა გვჭირდებოდა.როგორც უნდა იყოს, ნებისმიერ მწვრთნელს სპეციფიკური ხედვა აქვს. მან აღნიშნული საკითხი სათადარიგოთა სკამზე არცთუ ბევრი ალტერნატივით ახსნა.- ერთა ლიგის პირობებში საქართველოს ეროვნულმა ნაკრებმა სტატისტიკა რომ გაიუმჯობესა, ფაქტია. თქვენი აზრით, ეს გამოწვეულია იმით, რომ შედარებით სუსტ გუნდებთან ვიასპარეზეთ თუ იმით, რომ ნაკრები სწორად ვითარდება?- ცალსახად ამ საკითხის გადაწყვეტა რთულია. პრინციპში, ჩრდ. მაკედონიასთან წაგებით არაფერი მთავრდება. მეტიც, ამ შეხვედრის გაანალიზებით შეგვიძლია, რომ ის განმაპირობებელი მიზეზები ვიპოვოთ, რის გამოც ევროპის ჩემპიონატზე ვერ გავედით. ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას. განვმეორდები, რომ გუნდურად თამაში გვიჭირს და ყველაზე დიდ პრობლემას, მე პირადად, ამ კომპონენტში ვხედავ.- საქართველოსა და ესტონეთის შეხვედრას, სატურნირო ცხრილის მხრივ, არანაირი მნიშვნელობა არ აქვს. მიუხედავად ამისა, რამდენად მნიშვნელოვანია ეს მატჩი ფეხბურთელებისა და რა თქმა უნდა, ქართული ფეხბურთის ქომაგისთვის? - საქართველოს ეროვნული ნაკრების აბსოლუტურად ყველა შეხვედრა ისტორიაა. საერთო ფონზე, უმნიშვნელოა გუნდის წინასამატჩო მდგომარეობა, სათამაშო სტრატეგია თუ შემადგენლობა. მთავარია, რომ ნაკრებმა ყველაფერი გააკეთოს იმისთვის, რომ ისტორიული სტატისტიკა გააუმჯობესოს. მაკედონიასთან წაგების შემდეგ, მესმის, რომ ფეხბურთელებისთვის მოედანზე გასვლა საკმაოდ რთულია, თუმცა ყველა მატჩი სათანადოდ უნდა შევაფასოთ და შეცდომები გამოვასწოროთ.ესტონეთის ნაკრების წინააღმდეგ, რა თქმა უნდა, ფავორიტები ვართ. მიუხედავად იმისა, რომ სატურნირო თვალსაზრისით ეს მატჩი არაფერს ცვლის, საჭიროა, რომ მოვიგოთ. იმედი მაქვს, მოცემულობას სწორად გავაანალიზებთ და ქართული ფეხბურთის განვითარებისკენ მიმავალი გზიდან არ გადავუხვევთ.

leo

დიდი სიამოვნებით ვიხილავდი ამ კაცს ნაკრების მწვრთნელად. ჩიხურა ყოველთვის ღირსეულად გამოდიოდა ევროპაზე იმ მცირე რესურსით, რაც მას ჰყავდა. ბოლოს რა მოხდა არ ვიცი. მარა ასეთ ხალხს ამხელა პოსტზე არ ნიშნავენ, სამწუხაროდ. იგი ტორპედოშიც კარგად მუშაობდა. რატო ვერ ხედავენ, არ ვიცი
ჩიხუ ფან

გუნდი მიატოვა უღალატა არადა ამ გუნდით მოიწყო ცხოვრება რას იზამ უმადურობას არააქვს საზღვარი
kaxa

ფრუიძე არის განათლებული და განსწავლული პიროვნება, რომელსაც ბევრი რამ დაეჯერება. დღეს არცერთ ქართულ კლუბში არ გვყავს იმ დონის ანალიტიკოსი, როგორიც ისაა. ნებისმიერ გუნდს გამოადგება ამ კუთხით, შეიძლება ტრენერის უნარებში ცოტა მოიკოჭლებს, მაგრამ მას შეუძლია ზუსტად დაგიხატოს მომავალი თამაშის სცენარი, თითოეული ფეხბურთელის დონეზე ასარჩევი სტრატეგია და ა.შ. დღეს კლუბებში მუშაობენ ახალგაზრდა ანალიტიკოსები, რომელთაც მხოლოდ ინფორმაციული ტექნოლოგიების ცოდნით გამოარჩევ სამწუხაროდ.
gia

შენ თვითონ ვინ ხარ რა შეგიქმნია საერთოდ.თუ გაინტერესებს იმასაც გეტყვი კომუნისტების დროს ყვაოდა ქართული ფეხბურთი, თუ კი ვინმე არის საამაყო სწორედ მაგ პერიოდის ფეხბურთელები.მაგრამ შენი შეფასება ფრუიძესთან მიმართებაში საერთოდ რა მოსატანია.ანალიზის უნარი ეტყობა არ გაგაჩნია, ვაი შენს პატრონს უბედურს......
გელადი

ფრუიძეს უნდა იცნოიბდე პირადად რომ იცოდე რა დონის არამზადაა,საჩხერეც როგპრ მიაგდო როგორც კი დაფინანსება შემცირდა :)) ძვირფასი აპოლონოვიჩი :))))) ასეთები რომ კარგი ხახლი გვგონია მაგიტომ არ გვეშველება არაფერი
kakoie

რომელ სამხეცეში გაიზარდე ასეთი ტუტუცი და არამზადა რომ დამსახურებულ კაცს ამას აკადრებ? შენ რა გაგიკეთებია ცხოვრებაში სასარგებლო და ხეირიანი შე კლავიატურის ვირთხავ?
saguramo

ეს ბებერი კომუნისტი სად გამოქექეს
sachxere

გინახავტ ჰიხურას პირველ ნომრად ეტამაჰოს სტილია მაგ ფრუიდის დიხანია აკლია ნაკრებს მეორე ტაიმი წაგეს პირწმინდატ
papa

ვეთანხმები რომ მე2 ნომრად უნდა გვეთამაშა... 0-0ზე. შემთხვევას დავლოდებოდით ან 11მეტრიანებამდე მიგვეყვანა. ისინი ზუსტად მაგას ელოდნენ რომ შევუტევდით... ნუ ეხლა რაღა აზრი აქვს

ანშლაგი ქუთაისში - საქართველო - კაბო-ვერდე | 7 ივნისის განრიგი

სანიოლი: საუკეთესო ლობჟანიძე გახლდათ - მეორე ტაიმში მეტი ემოცია და ნაკლები მონდომება იყო

ფარერების მწვრთნელი: დასანანია, ფრეს რომ ვერ გამოვრჩით

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ

"მესი თუ რონალდო?" - იგუაინმა უცნაური არჩევანი გააკეთა

[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა

შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს

ნიონში გოგონათა ასაკობრივი გუნდების წილისყრა შედგა

კაპაძის ხელმძღვანელობით - უზბეკეთი პირველად გავიდა მსოფლიოს ჩემპიონატზე

[VIDEO] 5:4 - ესპანეთმა საფრანგეთს მოუგო და ფინალში გავიდა

ფარერების მწვრთნელი: დასანანია, ფრეს რომ ვერ გამოვრჩით

[VIDEO] ლორიას ბოლო და 16 წლის ხარებაშვილის პირველი მატჩი - საქართველოს ნაკრებმა ფარერებს მოკრძალებული ანგარიშით მოუგო

[VIDEO] პირველი ტაიმის შემდეგ საქართველოს ნაკრები ფარერებს 1:0 ამარცხებს

პსჟ-ს თავდამსხმელი შეიძლება "მანჩესტერში" გადავიდეს

ფარერებთან საქართველოს ნაკრების შემადგენლობა ცნობილია

FIFA Arena - გლდანის საფეხბურთო ცენტრში ახალი მოედანი გაიხსნა

ქართველი მსაჯები 21-წლამდე ევროპის ჩემპიონატის საკვლაიფიკაციო ეტაპის მატჩზე

3x3Tbilisi Challange საქართველოს ნაკრების წევრებით შემდგარმა თბილისმა მოიგო

"იცოდა, რომ პსჟ-ზე ჰკითხავდნენ და დაიმალა" - როტენმა მბაპე გააკრიტიკა

საქართველოს ნაკრები ესპანეთთან დამარცხდა [VIDEO]

PREVIEW: საქართველო - ესტონეთი

PREVIEW: საქართველო-ჩრდილოეთი მაკედონია

რა დანაკლისით ითამაშებს საქართველო სომხეთის წინააღმდეგ?

ვაისი: "ვინ უნდა გახდეს საქართველოს ეროვნული ნაკრების მწვრთნელი"?

სოსო ფრუიძე: 6 ქულა კარგია, მაგრამ ყველაფერი თავიდან დასაწყებია

[წარდგენა] ფრუიძის გარეშე - საჩხერელთა ახალი გამოწვევა

შენგელია: "ვერ დავნებდებით - ეს გულისწყვეტა ბევრი სიხარულით უნდა შეიცვალოს"

მხოლოდ 2 მატჩი გუნდის სათავეში - სოსო ფრუიძემ "ლოკომოტივი" დატოვა

"სოსო ფრუიძის მწვრთნელად მოსვლას არ დავუშვებთ" - "ტორპედოს" გულშემატკივრის განცხადება

სოსო ფრუიძე: მოსაგებად ძალა აღარ გვეყო

სოსო ფრუიძე ფეხბურთში დაბრუნდა და უმაღლესი ლიგის გუნდს ჩაიბარებს