<p>საქართველოს ნაკრების ყოფილი ნახევარმცველი კახა გოგიჩაიშვილი ტექნიკური თამაშით გამორჩეული იყო და საინტერესო საკლუბო კარიერა ჰქონდა. 54 წლის გოგიჩაიშვილს არაერთი ქართული გუნდი გაუწვრთნია, ბოლოს ის "გარეჯს" თავკაცობდა, 2022 წლის შემდეგ კი უმუშევარია.</p><p><strong>- უფრო მეტ წარმატებას ე.წ. პატარა კლუბებში აღწევთ, სადაც კონკრეტულ მიზნებს ასრულებთ. ეს შემთხვევით ხდება თუ თქვენი ერთგვარი ხელწერაა?</strong></p><p>- ამ მოსაზრებაში, შესაძლოა, დაგეთანხმოთ. წარმატების მიღწევა უფრო მარტივი მაშინაა, როცა ხელმძღვანელობასთან დალაგებული, ბოლომდე შეთანხმებული ურთიერთობა გაქვს, საერთო მიზნისკენ ერთად მიდიხართ. როგორც ჩანს, გარკვეულ კლუბებში ამის მიღწევა უფრო რთულია.</p><p><strong>- გვახსოვს, თბილისის "დინამოდან", სადაც მრავალი წელი ასპარეზობდით, მთავარი მწვრთნელობიდან მოულოდნელად გაგათავისუფლეს. რა მოხდა მაშინ?</strong></p><p>- მიუხედავად იმისა, რომ კლუბისგან დასახული მიზანი - საქართველოს თასზე გამარჯვება და ჩემპიონატის სამეულში მოხვედრა წარმატებით შევასრულეთ და ევროსეზონისათვის ვემზადებოდით, უკანასკნელი ტურის წინ მოულოდნელად გამათავისუფლეს.</p><p>რა თქმა უნდა, ეს საწყენი იყო. არც კი მსმენია, მწვრთნელს ასე მოქცეოდნენ და ამ პერიოდში გაუშვან...</p><p>ჩვენი კლუბების უმრავლესობა, სამწუხაროდ, ასე მუშაობს - თავის გამოსაჩენად დიდ დროს არავის აძლევენ, ერთი ფეხის დაცდენა და კარისკენ მიგითითებენ. გრძელვადიან გეგმებზე მუშაობა ნაკლებადაა. იგივე დამოკიდებულებაა ფეხბურთელების მიმართაც, როცა ყოველ ექვს თვეში, ფაქტობრივად, ახალ გუნდს აკეთებენ.</p><p><strong>- როგორ ფიქრობთ, თქვენ მიერ ნახსენები საკითხი ხელს რამდენად უშლის კლუბებს, ევროტურნირებზე მაქსიმალურად შორს გავიდნენ?</strong></p><p>- სტაბილური გუნდების გარეშე წარმატებაზე ფიქრი უტოპიაა. გარდა ამისა, კლუბების ბიუჯეტიც არაა საკმარისი და მისი ზრდა აუცილებელია... გუნდებს არ ჩამოჰყავთ სათანადო კვალიფიკაციის ლეგიონერები. ყველა ამ დეტალის გათავისება თუ მოიტანს საერთო წარმატებას.</p><p><strong></p><p>- მთავარი მწვრთნელი იყავით კიდევ ერთ ყოფილ და ისტორიულ კლუბში, ლანჩხუთის "გურიაში", თუმცა დიდი ხანი არც იქ გაგრძელებულა...</strong></p><p>- "გურიაში" მუშაობისას გუნდის ხელმძღვანელობისგან იყო მწვრთნელის საქმიანობაში პირდაპირი ჩარევები. მაშინ კიდევ უფრო მეტად დავრწმუნდი, რომ ყველა კლუბი კერძო საკუთრებაში უნდა იყოს. მუნიციპალური კლუბების განვითარება სწორედ ამ დამოკიდებულების გამოა შეუძლებელი.</p><p><strong></p><p>- თქვენი საფეხბურთო კარიერის ძირითადი ნაწილი სამშობლოში გაატარეთ, იყო ისრაელში გამოსვლაც. რატომ ვერ მოხერხდა უფრო მაღალი დონის ჩემპიონატებში ასპარეზობა?</strong></p><p>- გარდამტეხ პერიოდში ვთამაშობდი, როცა საბჭოთა კავშირი იშლებოდა და დამოუკიდებლობის პირველი წლები იყო, ეს კი გარკვეულ სირთულეებს ტრანსფერსაც უქმნიდა.</p><p>1996 წელს მე და გოჩა ჯამარაული "საუთჰემპტონში" ვიყავით სინჯებზე, თუმცა თანამშრომლობა არ შედგა. ამის შემდეგ უკვე პატარა ასაკშიც აღარ გახლდით და სადმე გადაბარგება კიდევ უფრო რთული გახდა.</p><p><strong>- საფეხბურთო კარიერიდან დასამახსოვრებელი ეპიზოდი ბევრი გექნებათ...</strong></p><p>- თბილისის "დინამო" მაშინ საქართველოს ნაკრების ტოლფასი იყო და განსაკუთრებული პატივისცემა გახლდათ. ძალიან კარგად მახსოვს 1989 წელს, მოსკოვის "სპარტაკთან" სტუმრად, "ლუჟნიკებზე" გატანილი გოლი.</p><p>ზოგადად, ჩემი თაობის რამდენიმე ფეხბურთელს პატივი გვქონდა, გარკვეული პერიოდი 1981 წლის "დინამოს" ფეხბურთელებთან ერთადაც გვეთამაშა.</p><p><strong>- არაერთ ქართველ მწვრთნელთან გიმუშავიათ. უპირველესად, მათთან ურთიერთობამ რა შეგძინათ?</strong></p><p>- დავით ყიფიანთან, მურთაზ ხურცილავასთან, ალექსანდრე ჩივაძესთან ურთიერთობით შეუძლებელი იყო, ბევრი რამ არ გესწავლა როგორც მინდორზე, ასევე მის გარეთაც და არ გამომადგეს სამწვრთნელო ასპარეზზე.</p><p><p><br></p>
Levani
მე არ მგონია რომ ვიჩქარეთ გასვლა დამოუკიდებლად, უბრალოდ ამას მოჰყვა 91-93 წლების ამბები,დაქცეული დაბუგული ქვეყანა და შესაბამისად ასევე განადგურებული ეროვნული ჩემპი. აბა ეგუგუნა ქვეყანას,ყოფილიყო ყველა ქალაქში ფაბრიკა-ქარხნები კი ვიქნებოდით ახლა ჰოლანდია-ბელგიაზე წინ (+ტურიზმი და ბევრი სხვა სიკეთე რაც შეიძლებოდა).
კ ო მ ბ ლ ე
მართლა უძნელესი წლები იყო, იმ ბობოქარ წლებში, მშიერ კუჭზე სირბილის გარდა ვერაფერი ვისწავლეთო. ჟურნალისტის კითხვაზე; კი მაგრამ ეხლაო? ეხლა გაძღნენ და გამაძღარი ქართველი როდის იყო დარბოდა. ააა? ეგ ხომ სასწაულის ტოლფასიაო სიმონ?! გიჟის მეტი მაძღარი ვინ ოხერი ირბენს? რას ერჩით სიმართლეს ამბობს, მარა ვის უნდა ესეთი სიმართლე? ხპედერაციას? არა მგონია.
G.LA
ჩემი ქურუმი წონაში იმატებს
G.LA
კი ალბათ ავჩქარდით როგორც აღმოჩდა. მაშინ ყველას გაგვიხარდა და მოგვეწონა მაგრამ გამოდის არ ''მოეწონა'' უეფას....
G.LA-ს
ამიტომ იყო ნაჩქარევი სპორტულად დამოუკიდებლად გასვლა და ამას რომ ვამბობ, ვინმემ ახლა პრორუსობა არ დამაბრალოთ, რეალობა იყო ეს რომ დავკარგეთ ის წლები და იმ დაკარგულია თაობები დაგვაკარგვინა
G.LA
კახას არ გაუმართლა ისეთ დროს დაიბადა ფეხბურთის თვალსაზრისით. მშვენიერი ფეხბურთელი იყო, მაგრამ მან რომ თამაში დაიწყო სსრკ დაიშალა და მერე 5 წელი საქართველო იზოლაციაში იყო ფეხბურთში. ეს დაგვმართეს ოკუპანტებმა სხვა დანარჩენ უბედურებასთან ერთად. არ გვცნეს დამოუკიდებელ ფედერაციად და დიდად დავზარალდით ამით. ფეხბურთს ახლაც დაღათ ამჩნევია ის წლები. რომ არ ის წლები ჩვენი საკლუბო ფეხბურთი მეტად უკეთესი იქნებოდა ახლა.
ლუის ენრიკე: ნამდვილი შეჯიბრი ახლა იწყება
ქართველი მსაჯები 21-წლამდე ევროპის ჩემპიონატის 1/4-ფინალს განსჯიან
ლუის ენრიკე: ჩვენი დამარცხება ყველას უნდა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
რატომ წავიდა პრეზიდენტი? ...არ სურდათ, ეს საკითხები რომ გამეკონტროლებინა
[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"
პრო ლიგა 2. ტყიბულის "მეშახტე": სიურპრიზებს კიდევ უნდა ველოდოთ?
ოთარ კობახიძე - "ჩელე-არენის" მორიგი მსხვერპლი
[ლელოს სტუმარი] "ჯერ საქართველოში უნდა დაამტკიცო, რა შეგიძლია!"
"მარკ სტარსის" თასი: ტყიბულის "მეშახტის" ტრიუმფი