
გერმანული fupa საქართველოს ნაკრებში ნათამაშები ლუკას ჰუფნაგელის კარიერის დასრულების შესახებ იუწყება. "უნტერჰაკინგის" 27 წლის ნახევარმცველმა ტრავმის გამო, კარიერა ნაადრევად შეწყვიტა.
ჰუფნაგელმა საქართველოს ეროვნულ ნაკრებში მხოლოდ ერთხელ, ესტონეთთან წაგებულ (0:3) შეხვედრაში ითამაშა. მაშინ "ჯვაროსნებს" კახა ცხადაძე წვრთნიდა.
ლუკასმა გუნდის შემადგენლობაში უკანასკნელად 9 მაისს, "ბაიერნი-2" თან, მხოლოდ ცხრა წუთით იასპარეზა. რაც შეეხება "უნტერჰაკინგს", ჩემპიონატის დასრულებამდე სამი ტურით ადრე, ისინი უკანასკნელ საფეხურს იკავებენ.
მომზადებულია fupa-ის მიხედვით