ჩემპიონთა ლიგა. V ტური: "სიტიმ" პსჟ-ს შემოუტრიალა, "რეალმა" "შერიფის" ზღაპარი დაასრულა, მესიასმა გაიტანა, მესიმ

00:00 / 00:00

ჩემპიონთა ლიგის ჯგუფური ეტაპის მე-5 ტური 6 მატჩით დასრულდა.

A ჯგუფში „მანჩესტერ სიტიმ“ პსჟ-ს საკუთარ მოედანზე თამაში შემოუტრიალა. მასპინძელთაგან გოლები სტერლინგმა და გაბრიელ ჟუზუსმა გაიტანეს, ხოლო სტუმართაგან - მბაპემ. პარიზულ გუნდს ნეიმარი და მესი ვერაფრით დაეხმარენ. „სიტიმ“ პირველი ადგილი გაინაღდა, ხოლო პსჟ-მა - მეორე.

„ლაიპციგმა" სტუმრად "ბრიუგე" 5:0 გაანადგურა.

B ჯგუფში „მილანმა“ შეცვლაზე შესული 30 წლის ბრაზილიელი ჟუნიორ მესიასის გოლით გასვლაზე „ატლეტიკო“ 1:0 დაამარცხა.

„ლივერპულმა“, რომელმაც პირველი ადგილი წინა ტურში გაინაღდა, „პორტუც“ არ დაინდო.

C ჯგუფში „სპორტინგმა“ „დორტმუნდს“ 3:1 სძლია და შემდეგ ეტაპზე გავიდა.

D ჯგუფში „რეალმა“ სტუმრად „შერიფთან“ რევანში აიღო და ევროპა ლიგაზე გაისტუმრა. ამ ჯგუფიდან პლეი-ოფში „რეალი“ და „ინტერი“ გავიდნენ.

A ჯგუფი

მანჩესტერი. „ეტიჰადი“

მანჩესტერ სიტი - პსჟ 2:1

გოლები: 0:1 მბაპე (50), 1:1 სტერლინგი (63), 2:1 გაბრიელ ჟეზუსი (76)

ბრიუგე. „იან ბრეიდელი“

ბრიუგე - ლაიპციგი 0:5

გოლები: 0:1 ნკუნკუ (12), 0:2 ფორსბერგი (17, პენ), 0:3 ანდრე სილვა (26), 0:4 ფორსბერგი (45+1), 0:5 ნკუნკუ (90+3)