"ჩემი მამა კიევში იბრძვის - მადლობა თელავს და მიყვარხარ საქართველო!" - ინტერვიუ ბოგდან ბეზკროვნისთან

"თელავმა" გუნდის უკრაინელ მეკარესთან, ბოგდან ბეზკროვნისთან ინტერვიუ თავის "ფეისბუქის" გვერდზე გამოაქვეყნა:სპორტი, პოლიტიკა არააო, ხშირად გაგვიგონია, მაგრამ, როგორ გინდა განაცალკევო ერთმანეთისგან, როცა დღეს უკრაინაში გაქანებული, საშინელი ომია და როცა ჩვენ, საფეხბურთო კლუბი "თელავი", როგორც ერთი ოჯახი, განვიცდით მის მდგომარეობას და ვგულშემატკივრობთ ჩვენი გუნდის უკრაინელ მეკარეს, ბოგდან ბეზკროვნის.უბრალოდ, წარმოიდგინეთ, 23 წლის ბიჭს, მართლაც, რომ რკინის ნერვები უნდა გქონდეს, როცა შენი სამშობლო აგრესორი მტრისგან იბომბება, იხოცება მშვიდობიანი ხალხი, შენს ოჯახს მოწყვეტილი ხარ და ამ დროს შენ, შენს საქმეს სიყვარულით, საქმისადმი უდიდესი პასუხისმგებლობით და ზეპროფესიონალურად უდგები - მადლობა ბოგდან!- თავიდანვე გვითხარით, როგორ გყავთ ოჯახი? ჩვენ ვნერვიულობთ და განვიცდით და წარმოგვიდგენია, თქვენი მდგომარეობა, სამშობლოში ომია... უღრმესი მადლობა თანადგომისთვის და მხარდაჭერისთვის. ჩემი ოჯახი, დედა და უმცროსი და-ძმა ამწუთას გახიზნულები არიან კიევიდან დასავლეთ უკრაინაში, სადაც შედარებით სიმშვიდეა, არ ისვრიან და რაც მთავარია, არ ესვრიან მოსახლეობას, მამა კი კიევში დარჩა, იბრძვის და რაც შეუძლია, ყველანაირად ეხმარება ხალხს, უკრაინას.- ასეთ ვითარებაში თქვენ მართლაც ყოჩაღ, კონცენტრირებას მაინც ახერხებთ და საყვარელ საქმეს დიდი სიყვარულით და პასუხისმგებლობით, პროფესიონალურად უდგებით. რა გაძლევთ მოტივაციას? - ისევ და ისევ ჩემი ოჯახი და მეგობრები, ყოველდღე, დღეში რამდენჯერმე ვუკავშირდებით ერთმანეთს და ვამხნევებთ. მამა ყოველი თამაშის წინ მეუბნება, რომ მშვიდად ვიყო და ვაკეთო ჩემი საქმე ისე, რომ არავინ დავაღალატო, რომ ჩემი გუნდისთვის არაფერი დავიშურო და ჩემი წარმატებები მისთვის სიამაყე და ბედნიერებაა. იგივეს მეუბნებიან ჩემი მეგობრებიც - ოჯახს, მეგობრებს ჩვენი გუნდის თამაშის ვიდეოლინკს ვუგზავნი და ისინი ამ მძიმე პერიოდშიც კი მიყურებენ და მქომაგობენ.- და ამ ყველაფრიდან გამომდინარე, თქვენი განწყობა ზუსტად აისახება მოედანზეც: მშვიდად და ცივსისხლიანად, სრულად ხართ ჩართული თამაშში... ეს კი ჩვენი გუნდის და მცველების დამსახურებაა და დიდი მადლობა მათ: მართლაც ძალიან ძლიერი მცველები გვყავს, რომელთაც მშვენივრად ესმით ერთმანეთის და როცა თამაშის დროს ვკარნახობ, ჩვენი ურთიერთგაგება უფრო მამშვიდებს. ზოგადად, ძალიან დაბალანსებული, საკმაოდ მეგობრული და კარგი გუნდი გვყავს, არაჩვეულებრივი მწვრთნელი და მისი სტაფი, მონდომებული და საქმეზე უსაზღვროდ შეყვარებული კლუბის ხელმძღვანელობა გვყავს.- ბოგდან, ჩვენთან ადრეც თამაშობდით, თუმცა მაშინ იჯარით მოგიწიათ წასვლამ. ამ სეზონის დაწყების წინ კი, ხაზგასმით აღვნიშნავთ, რომ დიდი სიხარულით დაბრუნდით. რას ნიშნავს თქვენთვის "თელავი"? - ჩემთვის "თელავი" მართლაც ძალიან ბევრს ნიშნავს, რადგან პირველი უცხოური კლუბია ჩემს კარიერაში და მოხდა ისე, რომ პირველ დიდ წარმატებას, სწორედ "თელავთან" ერთად მივაღწიე, როცა უმაღლეს ლიგაში გადავედით - ის სასწაული ემოციები დღემდე განუმეორებელია. დღემდე მომყვება ის სასიამოვნო დრო, თელაველი ხალხის სიყვარული და პატივისცემა და როცა დაბრუნება შემომთავაზეს, მართლაც ძალიან დიდი სიხარულით დავთანხმდი: მიყვარს თელავი, აქაური ხალხი და გულშემატკივრები, ძალიან მსიამოვნებს და მომწონს აქაურობა- გულშემატკივრები ახსენეთ და მართლაც: "თელავს" ძალიან მაგარი და ერთ-ერთი გამორჩეული ქომაგი ჰყავს, ბოლნისში, "სიონთან" მატჩისას რამდენჯერმე განსაკუთრებულად გაგამხნევეს... დიახ, მესმოდა მათი შეძახილები და ახლაც ჟრუანტელი მივლის, ძალიან სასიამოვნო და ამაღელვებელი იყო ქომაგთა მხარდაჭერა. არ დავმალავ, თამაშის დროს, სიამაყისგან და ბედნიერებისგან ცრემლიც კი წამსკდა. დიდი მადლობა მათ თანადგომისთვის და ზოგადად, მინდა, უღრმესი მადლობა გადავუხადო სრულიად საქართველოს და ქართველ ხალხს: აქ ვარ, ვხედავ და ვგრძნობ ყველაფერს, როგორ გულშემატკივრობთ უკრაინას, ჩემს სამშობლოს, როგორ ემოციურად განიცდით და რეაგირებთ - მადლობა თელავს, მადლობა ქართველებო, გაფასებთ და მიყვარხარ საქართველო!

alexandre

SLAVA UKRAINE! GEROIAM SLAVA!
G.LA

Слава Украине.❤️❤️
G.LA

Слава Украине.❤️❤️

დინამოების დაპირისპირება და სადებიუტო გოლები

"დილამ" და "ტორპედომ" გაიმარჯვეს

კრისტალბეთ ეროვნული ლიგა განახლდა: მოგებები 10 კაცით

"ნაპოლიმ" სიმეონე "ტორინოში" გაანათხოვრა

ფიფას ტალანტების განვითარების სქემის კოორდინატორის ვიზიტი საქართველოში

"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს

"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა

"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით

პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს

ოდიშარია განაცხადში არ იყო - რფს სახლში "კუპსთან" დამარცხდა

ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა

ქართველი მსაჯები კონფერენს ლიგის მატჩს მოემსახურებიან

არაბიძემ კორეულ კლუბს ფიფაში უჩივლა და 2.88 მილიონს მიიღებს

საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი

თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს

შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს

"ბარსელონა" ლა ლიგაში სეზონის დაწყებას საკუთარ სტადიონზე გეგმავს

დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს

ლუკა იოვიჩი კარიერას საბერძნეთის ჩემპიონატში განაგრძობს

Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს

[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

U19 | მონტენეგრო 2:1 საქართველო

"დილამ" სტუმრად "ტორპედოს" მოუგო; ორი მატჩი ფრედ დასრულდა

კახური დერბი "თელავმა" მოიგო

ეროვნული ლიგა. V ტური. "დილა" - "თელავი" [LIVE]

საქართველოს თასის ისტორიაში მეკარის საუკეთესო თამაში?! მარცხი, თუმცა უამრავი "სეივი" [VIDEO]

ეროვნული ლიგა. II ტური. "თელავი" - "კოლხეთი 1913" [LIVE]

ეროვნული ლიგა. IV ტური. "თელავი" - "დინამო" (თბ) [LIVE]

ეროვნული ლიგა. III ტური. "ტორპედო - "თელავი" [LIVE]