წარმოუდგენელი უსამართლობა - UFC-ში ქუთათელაძეს გამარჯვება მოპარეს [VIDEO]

UFC-ის მსუბუქი წონის მებრძოლმა გურამ ქუთათელაძემ ორგანიზაციაში მეორე ჩხუბი ყაზახი დამირ ისმაგულოვის წინააღმდეგ ჩაატარა და მსაჯების საოცარი გადაწყვეტილებების შედეგად დამარცხდა.თავად ბრძოლა, ცხადია, ძალიან თანაბარი გახლდათ და ნებისმიერი შედეგი მოსალოდნელი იყო, თუმცა ჯერ შეხვედრის მთავარმა მსაჯმა "აურია", შემდეგ სამმა რეფერიმ და დიქტორმა.მატჩის დასრულებამდე ნახევარი წუთით ადრე გურამმა მეტოქე პარტერში გადაიყვანა და მომგებიან პოზიციაში იყო, ამ დროში მეტოქეზე დომინაცია მესამე რაუნდის მოსაგებად სრულად საკმარისი იქნებოდა. თუმცა შეხვედრის მთავარმა მსაჯმა ჰერბ დინმა ბრძოლა შეაჩერა (დროც უნდა გაეჩერებინა, მაგრამ ეს არ გააკეთა), ჩათვალა, რომ ქუთათელაძემ ძირს მყოფ ისმაგულოვს მუხლი თავში განზრახ ჩაარტყა, არა და გამეორებაზე გამოჩნდა, რომ ყაზახს ქართველის ფეხი მკერდსა და ყბის ნაწილში ერთდროულად მოხვდა, თავი რომ არ ჩამოეწია, დამირს მუხლი მკერდში მოხვდებოდა და გურამს წაქცეული მეტოქისთვის ფეხი თავში განზრახ არ დაურტამს.ისმაგულოვმაც სამსახიობო ელემენტებიც გამოიყენა, ცოტა ხანი ვერ ადგა, მერე ძალიან ტანჯული სახით გაიარა და თითქოს, შემიძლია ჩხუბი აღარ გავაგრძელო, მაგრამ ძალიან ღირსეული ვარ და ასე მოგება არ მინდაო, ბრძოლის გაგრძელებას დათანხმდა. აღსანიშნავია, რომ გურამმა მოწინააღმდეგეს ჩხუბის განახლებამდე მოუბოდიშა, მსაჯმა კი ქართველს გაფრთხილება მისცა, მოგებული პოზიცია კი წაგებულად ჩაუთვალა, რითიც მესამე რაუნდი უფრო სადავო გახადა, თუმცა, რეალურად, რაუნდი მაინც გურამმა მოიგო.დინის ეს დაუსაბუთებელი და არასწორი გადაწყვეტილება რომ არა, გურამი ჩხუბს რეალურად მოიგებდა, თუმცა სავარაუდოდ, შეხვედრაში მინიმუმ ფრე დაფიქსირდებოდა. ამის მიზეზი კი ის გახლავთ, რაც მატჩის დასრულების შემდეგ მოხდა. დიქტორმა მსაჯების გადაწყვეტილებები ამგვარად გამოაცხადა: 1-ლი რეფერი: 29-28 ისმაგულოვის სასარგებლოდ, მე-2 რეფერი: 28-28 და მე-3 რეფერი: 30-27 ისმაგულოვის სასარგებლოდ და ყაზახი მსაჯთა უმრავლესობის გადაწყვეტილებით გამარჯვებულად გამოაცხადა. ვინც ამ სპორტში ერკვევა, დაგვეთანხმება, შეუძლებელია პრობლემა არ იყოს მსაჯობაში, როცა ერთი რეფერი შეხვედრის შედეგად ფრეს აფიქსირებს, მეორე კი სამივე რაუნდის გამარჯვებულად ერთ მებრძოლს ასახელებს.საბოლოოდ, აღმოჩნდა, რომ გურამმა არა მსაჯებით უმრავლესობის გადაწყვეტილებით, არამედ მსაჯების გაყოფილი გადაწყვეტილებით წააგო და მეორე რეფერიმ 29-28 ქართველის სასარგებლოდ დაწერა. მაგრამ, მესამე მსაჯის გადაწყვეტილება რომ დედამიწის მიღმა სამყაროშია, ამაზე ყველა თანხმდება. სპორტის ამ სახეობაში ვერ ნახავთ შემთხვევას, როცა შეხვედრის გამარჯვებული გაწყოფილი გადაწყვეტილებით გამოვლინდება, ხოლო ერთი მსაჯი ყველა რაუნდს ერთ-ერთ სპორტსმენს მიაკუთვნებს.შედეგების შესაფასებლად, ცხადია, უმნიშვნელოვანესი სტატისტიკაა. პირველ რაუნდში გურამმა მეტოქეს 26 ძლიერი დარტყმა მიაყენა, თავად 21 მიიღო. ქართველი მეტოქეზე 17 წამის განმავლობაში დომინირებდა, ისმაგულოვი 15 წამი. ამას გარდა, ქუთათელაძემ ყაზახი ერთხელ ნოკდაუნში გაუშვა (დამირს გურამი ნოკდაუნში მთელი მატჩის მანძილზე არ გაუშვია), ერთი თეიქდაუნი გაუკეთა (საპასუხოდ 0!!!) და ამის შემდეგ, როგორ შეიძლება ვთქვათ, რომ ეს რაუნდი გურამმა დათმო?! მსგავსი გადაწყვეტილების დაწერა, უბრალოდ, სამარცხვინოა. ამ რაუნდში ორმა მსაჯმა გურამის გამარჯვება (10-9) დაწერა, ერთმა მოგებულად ყაზახი გამოაცხადა (10-9).მეორე რაუნდი სადავო არ ყოფილა - ის ისმაგულოვს დარჩა, მცირე უპირატესობით (10-9) და ბოლო 5 წუთის წინ რაუდნებში ანგარიში გათანაბრდა. შემდეგ კი ძალიან სადავო მესამე რაუნდი გაიმართა. ყაზახმა პრესკონფერენციაზე თქვა, დარწმუნებული ვარ, მესამე რაუნდში მე უფრო მეტი დარტყმა მივაყენე, დომინაციაც მეტხანს მქონდა და გამარჯვება დავიმსახურეო. რეალურად რა მოხდა? რეალურად გურამმა ისმაგულოვს 1-ით მეტი ძლიერი დარტყმა მიაყენა, ვიდრე თავად მიიღო. დომინაციაში სრული თანაფარდობა იყო: 20-20 წამი. უსამართლოდ წართმეულ თეიქდაუნსა და დომინაციის წამებს რომ თავი დავანებოთ, დაფიქსირებული შედეგითაც რაუნდი ქართველს უნდა მოეგო.როგორც ნამდვილ მეომარს შეეფერება, გურამ ქუთათელაძეს მსაჯების გადაწყვეტილების გამოცხადების შემდეგ რეფერების შესახებ არაფერი უთქვამს, ინსტაგრამზე გამოქვეყნებულ პოსტში საკუთარი თავი გააკრიტიკა: "რა უნდა ვთქვა?... უნდა ვისწავლო. მსაჯების გადაწყვეტილებამდე საქმე აღარ მივიყვანო. ბოდიშს ვუხდი ჩემს ოჯახსა და გუნდს, რომლებიც ძალიან ვანერვიულე და ბოლოს იმედგაცრუებული დავტოვე. მხარდაჭერისთვის კი ყველას მადლობას გიხდით, თქვენი გურამი!"ისმაგულოვმა კი UFC-ში ზედიზედ მეხუთე გამარჯვება ჩაიწერა და ალბათ, მსუბუქი წონის საუკეთესო 15-ეულშიც შევა. ბრძოლის შემდეგ UFC-ის პრეზიდენტმა დანა უაითმა განაცხადა, საოცრად ტექნიკური ჩხუბი იყოო, თუმცა მსაჯებზე დასმულ შეკითხვას არ უპასუხა... რეალურად, ორივე სპორტსმენი მსუბუქი წონის, მინიმუმ, საუკეთესო 10-ეულში ყოფნას იმსახურებს. სავარაუდოდ, ქართველი შანსს წელს ისევ მიიღებს და იმედია, წლის ბოლომდე ყველაზე ვარსკვლავური წონის ტოპ 15-შიც შევა...

რონი

რა სისულელე დაახეთქე? ჩხუბია ერთი შეიძლება ისეთი გაგეპაროს გაგიხიოს თავპირი და ამიტომ უეჭველი წაგებულიხარ აღარ უნდა იჩხუბო? ვინ უფრო გალამაზებულია მაგით რო ფასდებოდეს ქულებს კიარ დაითვლიდნენ! გურამი დაიჩაგრა ფეხზე წამოდგომის მერე ერთი დარტყმა გურამმა გაუშვა და ჩხუბივ დაამთავრეს და იქნებ ეგ ერთმა დარტყმამაც იქონია წაგებაზე გავლენა..
fraternity

ზედმეტ სუბიექტივიზმში ვართ გადავრდნილი. მესამე მსაჯი რომ ასტრალში გავიდა ეგ ყველასთვის გასაგებია, მაგრამ შედეგი როგორც ასეთი ჩემთვის სავსებით გასაგებია, რაც არ უნდა მტკივნეული იყოს. მეტოქეს ერთი დარტყმით მეტი მიაყენე თუ ნაკლები ეგ საერთოდ არაფერს ნიშნავს, მაგრამ სამაგიეროდ ზიანი ნიშნავს ძალიან ბევრს. შეხედეთ გურამს და შემდეგ ისმაგულოვს. გურამი გავს ნაცემს და ისმაგულოვს სისხლი არ გამოსვლია. ეგ იყო გადამწყვეტი ფაქტორი, მსაჯები უყურებენ ასე და სწორიც არის, იგებს ის ვინც მეტი ზიანი მიაყენა მეტოქეს და არა ის ვინც ერთით მეტი ჯები გადააგდო ან ერთით მეტი ლოუ ქიქი გააკეთა.
რატი

ნაგვები! გურამს კი წარმატებას ვუსურვებ.
odala

არ მეკუთვნოდაო იმდენი ილაპარაკა იმ პოლონელთან ჩხუბის მერე, რომ 'გამოასწორეს' მსაჯებმა

"ეს საქმეს მიმარტივებს" - თოფურიამ ახსნა, როგორ ახერხებს მეტოქეების დანოკაუტებას

"თუ ეს მოხდება, დიდი ალბათობით, თოფურიასა და მახაჩევის სუპერ ჩხუბს ვიხილავთ" - დეინა უაითი

"რუსეთ-საქართველოს ომზე არაფერი ვიცოდი, ყველაფერი კი ასე დაიწყო..." - პიმბლეტმა თოფურიასთან დაპირისპირების მიზეზი ახსნა

პსჟ-ს თავდამსხმელის გაყიდვა სურს და შეთავაზებებს ელის

20 წ. | ცვლილებები რაზმში

დიეგო ლონგო: "დილა" თავისი შესაძლებლობების მაქსიმუმისგან ჯერ კიდევ შორს არის

"მილანს" რასმუს ჰოილუნის შეძენა სურს

[PHOTO] მორიგი ბრწყინვალე ჟესტი - "ლივერპული" ჟოტას არ ივიწყებს

დირკ შუსტერი: უზომოდ ბედნიერი ვარ და თითოეული ფეხბურთელით ვამაყობ

აზაროვმაც ითამაშა და გოჩოლეიშვილმაც - "შახტარის" მომავალი მეტოქე "ბეშიქთაშია"

შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა

მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ

"დილამ" "რასინგს" ისევ მოუგო და მეორე ეტაპზე "რიგას" შეხვდება

[VIDEO] მიკერძოებული მსაჯობის მიუხედავად "ტორპედომ" "ორდაბასის" ბარიერი გადალახა და მეორე ეტაპზე გავიდა

Nuovo Kvara - "ნაპოლიმ" ქართველის შემცვლელი შეიძინა

პსჟ შეიძლება მალე დონარუმას გარეშე დარჩეს

Giorgi² - ფრანგული "მეცი" ქართული ფრთებით შეუტევს

ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში

გრანიტ ჯაკა შესაძლოა, პრემიერლიგაში დაბრუნდეს

"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა

"რეალს" ალაბასთან კონტრაქტის გაწყვეტა სურს

"თუკი კვარაცხელიას ხელი არ შეუშალეს, ოსიმენს პრობლემებს რატომ უქმნიან?!" - ნიგერიელის მეგობარმა დე ლაურენტისი გააკრიტიკა

რეტეგის მიქაუტაძე შეცვლის? - "ატალანტა" ქართველ ფორვარდზე ოცნებობს

"გუშინ ვისპარინგეთ მე და ილიამ, ეს ვიდეო თუ დამიდეს..." - რას აცხადებს მერაბ დვალიშვილი? [VIDEO]

"საქართველოსთან ომზე საუბარს თავი დაანებე" - ქართველი მებრძოლების პასუხი მაგომედოვს

გურამ ქუთათელაძე კაუე ფერნანდესთან დამარცხდა

UFC-ში ქუთათელაძის მორიგი მეტოქე გაირკვა

ქუთათელაძე ტექნიკური ნოკაუტით დამარცხდა

გურამ ქუთათელაძე UFC-დან გაუშვეს