გატუზოს "ბარსელონიზაცია", რაც მამარდაშვილს პრობლემებს უქმნის...

<p>გიორგი მამარდაშვილი "ვალენსიას" ძირითადი კიპერი გახდა და ეს ძალიან კარგია. ქართველი მეკარის პროგრესი მართლაც აღსანიშნავია. "ღამურები" ახლა საკონტროლო შეხვედრებს მართავს და შედეგს გადამწყვეტი მნიშვნელობა არ აქვს, მაგრამ "მესტალიის" ბინადრების ახალი თავკაცის, გამოჩენილ იტალიელ ფეხბურთელ ჯენარო გატუზოს ექსპერიმენტები და გერმანულ "შტუტგარტთან" დიდი ანგარიშით (2:5) მარცხი მაინც დამაფიქრებელია.</p><p><p><div style="text-align: center;">"<strong><span style="color: #008000;">ვალენსია" მუდმივი ცვლილებებით...</span></strong></div></p> <p><div style="text-align: center;"><span style="font-size: 12.16px;"></p><p></span></div></p> მიუხედავად იმისა, რომ მამარდაშვილს ნდობა სწორედ ხოსე ბორდალასმა გამოუცხადა, "ვალენსიას" ყოფილმა მწვრთნელმა გუნდს საკუთარი ხელწერა ვერ დაატყო. ვალენსიური კლუბში გამოკვეთილი არც ძირითადი შემადგენლობა ყოფილა და პრობლემები თითქმის ყველა რგოლში შეინიშნებოდა. თუკი ქართველი ფეხბურთელის კლუბი ესპანეთის თასის ფინალში გამარჯვებას მოახერხებდა, ალბათ, ბორდალასს კარისკენ არ მიუთითებდნენ, საბოლოოდ კი მათი გზები გაიყარა.</p><p>"ღამურების" უფრო წინანდელ თავკაცებზე საუბარი შორს წაგვიყვანს. გუნდის ხელმძღვანელობამ აქცენტი გამოცდილ და წარმატებულ სპეციალისტზე ისევ არ (ან ვერ) გააკეთა და გუნდში გატუზო მიიწვია. მას განსაკუთრებული შედეგები შვეიცარიულ "სიონში" (მოთამაშე მწვრთნელი), "პალერმოში", ბერძნულ "ოფში" (სადაც გიორგი ლორია თამაშობდა) და "პიზაში" არ ჰქონია. ფეხბურთელობისას მის საუკეთესო კლუბ "მილანში" და ხვიჩა კვარაცხელიას "ნაპოლიში" 44 წლის იტალიელი ყველაზე სოლიდურად და შედარებით, დიდი ხნით მუშაობდა. ჯენარო ჯერ კიდევ საკუთარი სტილის ძიებაშია.</p><p><p><div style="text-align: center;"><strong><span style="color: #008000;">როგორი გუნდია?</span></strong></div></p> <p><div style="text-align: center;"><span style="font-size: 12.16px;"></p><p></span></div></p> გატუზომ მოსამზადებელი ეტაპი კარგად დაიწყო, ჯერ დორტმუნდის "ბორუსიას" (3:1) აჯობა, შემდეგ კი (2:0) - "სტ. გალენს". 6 დღეში 3 დაპირისპირება საკმაოდ ბევრია, თუმცა "შტუტგარტთან" შეხვედრამ ბევრი ნაკლი გამოავლინა.</p><p>როგორც ჩანს, გატუზოს თამაში 4-3-3 ტაქტიკით წარმოუდგენია. არადა, გუნდი 4-4-2 ან 4-5-1 ტაქტიკით გამოსვლასაა შეჩვეული და გადართვა მარტივი არ იქნება. იტალიელი ცდილობს, მისმა მეკარემ და დაცვის ხაზმა შეტევები მოკლე პასებით დაიწყონ და უკანა ხაზი მაქსიმალურად ზემოთ აწეული იყოს. ამავდროულად, "რინო" გარემარბებისგან დატვირთული სამუშაოს შესრულებას ითხოვს.</p><p>"შტუტგარტთან" ცხადი იყო, რომ დაცვის ხაზს სიახლეებთან ადაპტირება უჭირს, რაც მეკარე მამარდაშვილს პრობლემებს უქმნის - იძულებულია, კარი დატოვოს და თამაშში ფეხით ხშირად ჩაერთოს. ქართველმა მეკარემ სერიოზული შეცდომაც დაუშვა. შეხვედრების დროს "მამარდაზე" საკმაოდ დიდი ზეწოლა მიდიოდა. რა თქმა უნდა, ყველაფერს ტაქტიკას არ ვაბრალებთ, მაგრამ არც უმაგისობაა. მწვრთნელმა საკუთარი ხაზის გატარება უნდა სცადოს, თუმცა მისი გადაწყვეტილებები მაინც არსებული კონტინგენტის შესაძლებლობებიდან უნდა გამომდინარეობდეს.</p><p>გავიხსენოთ "სტ. გალენთან" გატანილი მეორე გოლი და ამით გუნდის სტილს უკეთ გავიგებთ. "ვალენსიამ" საკუთარი ნახევრიდან ბურთი ოთხი პასით ამოიტანა, რის შემდეგაც სოლერმა გრძელი პასი მისცა მარკოს ანდრეს, მან კი გედეშს გაატანინა. გატუზო ბურთის ფლობაზე ნაკლებად ფიქრობს, მაგრამ მას იმ ადგილებში აკონტროლებს, საიდანაც მეტოქეს საფრთხეს შეუქმნის. ფეხბურთელებს ჯერ კიდევ ძალიან ბევრი აქვთ სამუშაო, რათა ყოველივე მიმდორზე კარგად გადაიტანონ.</p><p>გვარდიოლას "ბარსელონას" ტაქტიკა იმას გულისხმობდა, რომ ბურთი მოწინააღმდეგის მოედანზე დაკარგვისთანავე მოეპოვებინა და ამით შეტევაში უპირატესობა შეექმნა, დღევანდელ "ვალენსიაში" კი მსგავსი შესაძლებლობების მოთამაშეები არ არიან. ესპანეთში ხუმრობით დაიწერა, გატუზოს გუნდს "ტიკი" აქვს და "ტაკა" არაო.</p><p><p><div style="text-align: center;"><strong><span style="color: #008000;">გაძლიერება და საკადრო რესურსი</span></strong></div></p> <p><div style="text-align: center;"><span style="font-size: 12.16px;"></p><p></span></div></p> როგორც ირკვევა, ჯენაროს აუცილებლად სურს დაცვითი სტილის ნახევარმცველი და ამ მიმართულებით მუშაობს. კიდევ ერთი სატრანსფერო მიზანი გარემარბს უკავშირდება.</p><p>ფაქტია, რომ იტალიელ სპეციალისტს სჭირდება ფეხბურთელები, რომლებიც მის გეგმებს რეალობად აქცევენ. მამარდაშვილის ფაქტორიდან გამომდინარე, არ გვსურს მაგალითი მაინცდამაინც მეკარეზე მოვიყვანოთ, თუმცა ზემოხსენებულმა გვარდიოლამ ჯო ჰარტი "სიტიდან" იმის გამო გაუშვა, რომ ის ფეხით ცუდად თამაშობდა და გუნდის კარი ამ კომპონენტში გამორჩეულ ედერსონს გაუღო. ამით იმის თქმა გვინდა, ჯენარომ ზუსტად უნდა შეარჩიოს ის ტაქტიკა, რაც მის გუნდს უკეთესს გახდის. გარდა ამისა, ე.წ. მეორე გეგმაც უნდა არსებობდეს.</p><p>რაც შეეხება კონტინგენტს - გასული სეზონიდან გამომდინარე, გაბრიელ პაულისტას თამაშზე დაცვის ხაზში ბევრი რამ იქნება დამოკიდებული. "შტუტგარტს" ორივე გოლი კიდევ ერთმა ბრაზილიელმა, "ვალიადოლიდის" ყოფილმა ფეხბურთელმა, 25 წლის მარკოს ანდრემ გაუტანა, თუმცა მას "ასისტები" უკეთ გამოსდის. წელს უფრო მეტი დრო 19 წლის ამერიკელმა იუსუფ მუსამაც უნდა მიიღოს, ისევე, როგორც 20 წლის ფრანგმა ნახევარმცველმა კობა კოინდერმა. გონსალო გედეშზე კი ისევ ბევრი რამ იქნება დამოკიდებული.</p><p><p><div style="text-align: center;"><strong><span style="color: #008000;">უახლოესი გეგმები</span></strong></div></p> <p><div style="text-align: center;"><span style="font-size: 12.16px;"></p><p></span></div></p> რა თქმა უნდა, ასეთი მარცხი მოსამზადებელ ეტაპზე ჯობია, ვიდრე სეზონის დაწყების შემდეგ. გუნდმა გაძლიერების საჭიროებაც დაინახა. გატუზოს გამოსასწორებლად დრო აქვს.</p><p>"ლა ლიგის" ახალი სეზონი 14 აგვისტოს დაიწყება. მანამდე "ვალენსია" კიდევ 3 შეხვედრას ჩაატარებს - ინგლისურ "ნოტინგემ ფორესტთან", ვალენსიურ "კასტელონთან" და იტალიურ "ატალანტასთან". იმედია, ვალენსიელები და გიორგი მამარდაშვილი მომავალ სეზონში მაღალი მიზნებისთვის იბრძოლებენ.</p><p><p><p><br></p>

მერაბი

ასე მგონია, გატუზო სეზონს ვერ დაამთავრებს, გაუშვებენ.
rable

თავიდანვე გამიკვირდა გატუზო ვალენსიაში. მართალია სკეპტიკურად ვუყურებ მის სამწვრთნელო საქმეს -წარმატებას ვუსურვებ.
ქართველი

ადრეც ვთქვი და კიდევ ვიტყვი. გატუზო არის არაპროგნოზირებადი პიროვნება, რომლის მთლიანი სამწვრთნელო ფილოსოფია აგებულია ემოციებზე შესაბამისად მსგავსი ტიპის ადამიანი მამარდას არ წაადგება და სხვა ტიპის მწვრთნელის მოყვანა ბევრად კარგი იქნებოდა მისთვისაც და ვფიქრობ გუნდისთვისაც
გივი

როგორც ტაქტიკოსი დილეტანტი ვარ, :) მაგრამ მიჭირს წარმოვიდგინო კარგ მწვრთნელად ფეხბურთელი, რომელიც ჩამშლელის ფუნქციებით იყო აღჭურვილი.
ბათუმი

გატუზო ვერაა კარგი მწვრთნელი-რაღაცას თავისას იგონებს და არ გამოდის.. იმედია მამარდაზე არ იმოქმედებს ცუდად გატუზოს ტიკი :))
ბექა

ვიცოდი რო გატუზო ყველაფერს აურევდა ვაკენსიაში!!
მამარდას ფანი

მეტი ასეთი სტატია! ჩვენც შეგვიძლია კარგად ვიმსჯელოთ და სხვას არ დაველოდოთ
მირიანი

ხელთათმანზე რა კარგად აქვს ჩასმული საქართველოს დროშა!
ბილი კოსტაკურტა

უფრო თვითონ გატუზოს უქმნის ეგ საფრთხეს. ოქტომბრამდე ვერ გაატანს. არ ყავს ვალენსიას მაგ ტაქტიკისთვის შესაბამისი უნარჩვევების მცველები და ყველა გუნდათ სერიოზული პრობლემა შეექმნებათ ორესინგის დროს

ქოჩორაშვილი ისევ ტრავმირებულია - "სპორტინგმა" "პორტუს" მოუგო

[VIDEO] აუტსაიდერმა ალისონს ორი გაუტანა - "ლივერპული" დამარცხდა

მიქაუტაძემ ფრანგულ მედიასთან "ლიონში" და ლიგა 1-ში შესაძლო დაბრუნებაზე ისაუბრა

ქოჩორაშვილი ისევ ტრავმირებულია - "სპორტინგმა" "პორტუს" მოუგო

WU17 | ჩრდ. ირლანდია 3:1 საქართველო

"რეალისკენ" გზა ეხსნება? - Red Bull-მა შესაძლოა, კლოპი დაითხოვოს

პაზი "რეალში" დაბრუნებას შიშობს - არგენტინელი "კომოში" ყოფნით ბედნიერია

მოლაპარაკებები დაწყებულია - კეინი “ბაიერნთან” სავარაუდოდ, კონტრაქტს გაახანგრძლივებს

[VIDEO] "რეალი" ლა ლიგაში ზედიზედ მეორედ დამარცხდა - გულშემატკივრები პერესს გადადგომისკენ მოუწოდებდნენ

საბერძნეთი - საქართველო | საკვალიფიკაციო ეტაპის პირველი მატჩი

პირველი ტაიმის შემდეგ საქართველოს ნაკრები დანიას 12 ქულით ამარცხებს

რაგბი ევროპა | განახლებული შემადგენლობა რუმინეთისთვის

ლიგა 1-მა პსჟ-ს მატჩის გადატანის გადაწყვეტილება მიიღო

ბლექ ფორტრესმა კასპში იმარჯვა, ვინგსმა ლიბერთის აჯობა, ბურჯმა ახალციხეს მოუგო

"არ ვიცოდი კარგი ფეხბურთელი იყო თუ არა, მაგრამ რადგან "სიტის" სურდა, გადავწყვიტე მეყიდა" - "ჩელსის" მფლობელმა კუკურეიაზე ისაუბრა

[VIDEO] ლიონელ მესიმ მოწინააღმდეგე გუნდის სამწვრთნელო შტაბს დასცინა

დიდი 10 | ყაზბეგი 0:16 ხვამლი

გაწვრთნის თუ არა კერიკი "იუნაიტედს" მომდევნო სეზონშიც? - ფაბრიციო რომანომ "მანკუნიანელების" შესახებ ისაუბრა

თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები

[VIDEO] გენიალური მესი - არგენტინელმა დუბლი შეასრულა და მაიამის "ინტერს" "ორლანდოსთან" მოაგებინა

დანიასთან მატჩამდე საქართველოს ნაკრებმა "თბილისი არენაზე" ივარჯიშა

გოჩოლეიშვილი არ ათამაშეს - "ჰამბურგის" წაუგებელი სერია დასრულდა

[VIDEO] სამი გიორგი მოედანზე, მეოთხე კი ტრიბუნაზე - "მეცი" სახლში კაცნაკლულ "ბრესტთან" დამარცხდა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

"გატუზო ნამდვილი ადამიანია და პირადად გესაუბრება" - ლოკატელის მინიშნება სპალეტიზე?

იტალიაში პროტესტია და ისრაელთან მატჩის გაუქმებას მოითხოვენ - გატუზო ტექნიკურ მარცხზე საუბრობს

საგიჟეთი. გატუზომ ფეხბურთელს შეაგინა - იტალიელთა ორი ავტოგოლი და გამარჯვება

ინგლისური გამოცემა: იმედგაცრუებულ მამარდაშვილს "ლივერპულის" დატოვება სურს

წავა ალისონი? - ბრაზილიელი მსოფლიო გრანდის მთავარი სამიზნეა

[VIDEO] "ნოტინგემის" მწვრთნელი გაგიჟდა - მაკ ალისტერმა 97-ე წუთზე "ლივერპულს" 3 ქულა მოუტანა

[VIDEO] გოლების წვიმა "ენფილდზე" - "ლივერპულმა" "ვესტ ჰემი" დაამარცხა

"ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის" - 64 წლის ასაკში "ვალენსიას" ლეგენდარული მეკარე გარდაიცვალა

[VIDEO] აუტსაიდერმა ალისონს ორი გაუტანა - "ლივერპული" დამარცხდა

"ლევანტემ" ქოჩორაშვილის დაბრუნება მოისურვა

მიქაუტაძის პოსტს დიდი განხილვა მოჰყვა - ქართველის გზავნილი როგორც კრიტიკის, ასევე სიამაყის საფუძველი გახდა

"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს

გატუზო თავის სტიქიაშია - ზოგს წაუთაქა, ზოგს სილა გააწნა

"ის უბრალოდ განსაკუთრებულია" - ვალვერდემ მბაპეზე ისაუბრა

"ეს რა ჯანდაბაა? სუნამოს დაისხამ და მსოფლიო ჩემპიონატზე წახვალ?!" - გატუზო კანავაროს უზბეკეთის ნაკრებში დანიშვნას გამოეხმაურა

გატუზო: ჭრილობებს ვიშუშებთ, ბოდიშს ვიხდით