<p>ხვალ, 8 აგვისტოს, გერმანიის ქალაქ მიუნხენში ევრობასკეტ 2025-ის საკვალიფიკაციო ტურნირის წილისყრა გაიმართება, სადაც ევროპის 32 ქვეყნის ნაკრები 8 ჯგუფში გადანაწილდება და კონტინენტის პირველობის 24 საგზურისთვის გააჩაღებს ბრძოლას. დღეს კი მომავალი ტურნირის წინ განთესვა გამოქვეყნდა და სავარაუდო მეტოქეთა ვინაობა საქართველოს ნაკრებმაც შეიტყო.</p><p>ქართველი კალათბურთელები მე-5 კალათაში მოხვდნენ და უკვე ცნობილია, რომ მეტოქეები 1-ელი, მე-4 და მე-8 კალათებიდან ერგებათ. შესაბამისად, დანარჩენი ჯგუფები მე-2, მე-3, მე-6 და მე-7 კალათებიდან დაკომპლექტდება.</p><p><strong>1-ელი კალათა:</strong> ესპანეთი, საფრანგეთი, სერბეთი, სლოვენია.</p><p><strong>მე-2 კალათა:</strong> ლიეტუვა, საბერძნეთი, იტალია, გერმანია.</p><p><strong>მე-3 კალათა:</strong> ჩეხეთი, პოლონეთი, თურქეთი, მონტენეგრო.</p><p><strong>მე-4 კალათა:</strong> ფინეთი, ხორვატია, უკრაინა, ლატვია.</p><p><strong>მე-5 კალათა:</strong> ბელგია,<strong> საქართველო</strong>, ისრაელი, ბოსნია-ჰერცეგოვინა.</p><p><strong>მე-6 კალათა:</strong> უნგრეთი, ესტონეთი, ნიდერლანდები, ბულგარეთი.</p><p><strong>მე-7 კალათა: </strong>დიდი ბრიტანეთი, ისლანდია, შვედეთი, ჩრდ. მაკედონია.</p><p><strong>მე-8 კალათა: </strong>პორტუგალია, დანია, სლოვაკეთი, კვიპროსი.</p><p>გათამაშების ფორმატი და თამაშების ჩატარების თარიღები ცნობილია. როგორც აქამდე, საკვალიფიკაციო ციკლი 3 ფანჯარაზე გადანაწილდება.</p><p>პირველი ფანჯარა 2024 წლის 19-დან 27 თებერვლის ჩათვლით გაიმართება და მის ფარგლებში გუნდები 2-2 მატჩს ითამაშებენ. მე-2 ფანჯრის თამაშები 2024 წლის 18-26 ნოემბერს ჩატარდება, ხოლო ბოლო ფანჯარა 2025 წლის 17-25 თებერვალს გაიმართება.</p><p>24-დან 4 საგზური დაკავებულია. მათი მფლობელები ევრობასკეტ 2025-ის მასპინძლები – კვიპროსი, ლატვია, ფინეთი და პოლონეთი არიან. ეს ნაკრებები საკვალიფიკაციო ტურნირში მაინც მონაწილეობენ, თუმცა ჯგუფებში, სადაც მოხვდებიან, რომელი ადგილიც გინდა დაიკავონ, ევრობასკეტზე მაინც ითამაშებენ.</p><p>გარდა იმ ჯგუფებისა, რომლებშიც ევრობასკეტ 2025-ის მასპინძლები იქნებიან, საგზურებს 3-3 საუკეთესო გუნდი მოიპოვებს; კვიპროსის, ლატვიის, პოლონეთისა და ფინეთის ჯგუფებიდან კი - ამ გუნდებს დამატებული 2 საუკეთესო. მაგალითისთვის, თუკი, დავუშვათ, პოლონეთმა ჯგუფში მე-2 ადგილი დაიკავა, მასთან ერთად ევრობასკეტზე ჯგუფში პირველ და მე-3 ადგილებზე გასული გუნდები გავლენ.</p><p>ევრობასკეტ 2025-ის საკვალიფიკაციო ტურნირის წილისყრა 8 აგვისტოს, თბილისის დროით, 13:30 საათზე გაიმართება და მისი ტრანსლაცია FIBA-ს ოფიციალური Youtube-ის არხით გადაიცემა.</p><p><strong>GBF</strong><br></p>
ღუტუნა
მეოთხედან და მერვედან ერთდროულად, კვიპროსი სწორედ მერვე კალათიდანაა. იმედია 2 მასპინძელს ერთ ჯგუფში არ მოახვედრებენ
დათო
სავარაუდოდ ორ მასპინძელ გუნდს ერთ ჯგუფში არ მოახვედრებენ.
ბნელი გრუზინი
სერბეთი ლატვია საქართველო დანია ესე მგონია რომ დაჯდება
ეეე
ისეთი მომავალი მოდის ჩვენს კალათბურთში, ეს ბოლო ევრობასკეტია სადაც გასვლის შანსი ასე თუ ისე გვაქვს.DD მერე კაი ხანს ჩვენი ჭაჭანებაც არ იქნება მანდ.
დავითი
ერთდროულად როგორ ამოვლენ? მარტო მეოთხე კალათიდან არის შანსი რომ ამოვიდეს,არც პირველში და არც მერვეში მასპინძლები არარიან და კალათიდან თითო-თითო ნაკრები ამოდის !
ღუტუნა
ე.ი. თუ მაგალითად ერთდროულად ლატვია - კვიპროსი ან ფინეთი - კვიპროსი ამოვიდა ჩვენთან ჯგუფში, იქიდან გამომდინარე რომ პირველ კალათაში უძლიერესი ნაკრებები არიან, ევროს გარეშე დავრჩებით.
თურგაი დემირელის და კამილ ნოვაკის შეფასებები საქართველოს კალათბურთის ფედერაციას ევრობასკეტის მასპინძლობასთან დაკავშირებით
ევრობასკეტ 2025-ის მომავალმა მასპინძლებმა წინამორბედებისგან სიმბოლურად ევროპის ჩემპიონატის მასპინძლობის ესტაფეტა გადაიბარეს
ფიბას აღმასრულებელი დირექტორი: ამ ევრობასკეტის ყველაზე დიდი მემკვიდრეობა არის ახალი არენა თბილისში
"ორდაბასის" მწვრთნელი: უნდა ვიგლოვოთ - უფალმა "ტორპედოს" შემდეგ ეტაპზე გასვლა გადაწყვიტა
დირკ შუსტერი: უზომოდ ბედნიერი ვარ და თითოეული ფეხბურთელით ვამაყობ
შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა
ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში
გრანიტ ჯაკა შესაძლოა, პრემიერლიგაში დაბრუნდეს
"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა
"რეალს" ალაბასთან კონტრაქტის გაწყვეტა სურს
აღფრთოვანება შეცდომის მიუხედავად - ქოჩორაშვილმა "სპორტინგში" სადებიუტო მატჩი ჩაატარა
საქართველოს 20-წლამდელთა ნაკრებს 3 ლიდერი გამოაკლდა
ერთი მოედანზე, მეორე ჯერ ტრიბუნაზე - ფრანგულ გუნდში ორი ქართველი ითამაშებს?
"ლივერპული ამით ყველა გრანდს ჯობნის" - რა განაცხადა ფერდინანდმა?
პსჟ-ს კიდევ ერთი ფეხბურთელი დატოვებს
დიეგო ლონგო: ერთ-ერთი მთავარი მიზანია გულშემატიკარმა ჩვენით იამაყოს
"ნაპოლის" თავდამსხმელი შეიძლება სერია А-ში გადასულ გუნდში ჩაირიცხოს
პსჟ-დან "მანჩესტერში" - ბრაზილიელმა ლეგიონერმა შეიძლება პარიზული გუნდი დატოვოს
დირკ შუსტერი: აქ ყველას ჩვენი დამარცხება სურს
"ლევერკუზენმა" გრანიტ ჯაკას საუდის არაბეთში გაყიდვაზე უარი განაცხადა
ბელინგემი დღეს ოპერაციას გაიკეთებს - ჯუდს სეზონის დასაწყისი გაუცდება
"მილანმა" სათადარიგო მეკარე შეცვალა - "როსონერიში" სპორტიელოს ნაცვლად ტერაჩიანო იქნება
რა გეგმა აქვს შუსტერს? - დღეს 2 ქართული კლუბი ითამაშებს