TOP.GE
ფეხბურთიევროპის ჩემპიონატი
იტალიამ უკრაინას მოუგო - სპალეტიმ შვებით ამოისუნთქა
22:31/12-09-2023
+-

ევროპის ჩემპიონატის საკვალიფიკაციო ეტაპზე, C ჯგუფში, მეხუთე ტურში, იტალიამ საკუთარ მოედანზე უკრაინა 2:1 დაამარცხა.

დუბლი „ინტერის“ ნახევარმცველმა დავიდე ფრატეზიმ შეასრულა. ეს „სკუადრა აძურაში“ მწვრთნელ ლუჩანო სპალეტის პირველი გამარჯვებაა. მან ნამატჩევს განაცხადა, რომ მეორე ტაიმში მეტოქემ სერიოზული პრობლემები შეუქმნა, თავად 4 გოლი უნდა გაეტანათ და სანერვიულოდ არ უნდა გაეხადათ საქმე, თუმცა, რაც მთავარია, მოიგეს და ახლა მშვიდადაა.

ამავე ჯგუფში ჩრდილოეთ მაკედონიამ გასვლაზე მალტას 2:0 სძლია. გოლები ელმასმა და მანევმა გაიტანეს.

ჯგუფში 13 ქულით ლიდერი ინგლისია; იტალიას, უკრაინას და ჩრდილოეთ მაკედონიას 7-7 ქულა აქვთ, ხოლო მალტა უქულოდაა. აღსანიშნავია, რომ იტალიას 1 მატჩით ნაკლები აქვს ჩატარებული.

14 ოქტომბერს იტალია მალტას უმასპინძლებს, უკრაინა კი - ჩრდილოეთ მაკედონიას.

მილანი. „სან სირო“

იტალია - უკრაინა 2:1

გოლები: 1:0 ფრატეზი (12), 2:0 ფრატეზი (29), 2:1 იარმოლენკო (41)


(0)
/
Dislike(0)
კომენტარები
0
კომენტარი ჯერ არ გაკეთებულა
სიახლეები
პრემიერ ლიგა
გუნდი
სტატისტიკა
პრემიერ ლიგა
ბომბარდირებიგოლები | ასისტები
სატრანსფერო სიახლეები
Ad c2