"ნაპოლის" ქართველი გარემარბის, ხვიჩა კვარაცხელიას მამამ, ბადრი კვარაცხელიამ Il Mattino-სთან ექსკლუზიურ ინტერვიუში იმ მიზეზებზე ისაუბრა, თუ რატომ მიიღო ხვიჩამ "პარტენოპეიში" გადასვლის გადაწყვეტილება და არა სხვა კლუბში.

"ხვიჩათი უამრავი კლუბი იყო დაინტერესებული, თუმცა ყველას "ნაპოლის" მსგავსი თანმიმდევრულობა არ გამოუჩენია. "პარტენოპეი" მას დიდი ხნის განმავლობაში აკვირდებოდა, გარდა ამისა, გადამწყვეტი თავად ფეხბურთელის ნება იყო.

რატომ "ნაპოლი"? საქართველოში დიეგო მარადონა ყველას უყვარდა და ახლაც უყვართ. იმაზე ფიქრი, რომ ჩემი შვილი ოდესმე დიეგოს გუნდის ფორმას მოირგებდა და მისი სახელობის სტადიონზე ითამაშებდა... ეს ნამდვილად ოცნების ასრულებას ჰგავდა.

შეგახსენებთ, ხვიჩა კვარაცხელია მიმდინარე სეზონში "ნაპოლის" მაისურით ყველა ტურნირზე ჯამში 32 მატჩი გამართა, თავი კი 6 გატანილი გოლითა და 5 საგოლე პასით გამოიჩინა.

მომზადებულია Napolipiu-ს მიხედვით

"ნაპოლის" ნაადრევი მატჩი - როცა კვარაცხელიამ გამარჯვების გოლი გაიტანა...

"ნაპოლი" ოსიმენს ემუდარება - ნიგერიელმა გადაწყვეტილება მიიღო

მიზეზი ფულია - თურქი ჟურნალისტი ოსიმენის "მანჩესტერ იუნაიტედთან" შეუთანხმებლობაზე და ნიგერიელის სატრანსფერო საგაზე

ოსიმენმა გადაწყვეტილება მიიღო - ნიგერიელის ახალი გუნდი საბოლოოდ გაირკვა?

თეგები:

ნაპოლი

ბადრი კვარაცხელია

ხვიჩა კვარაცხელია

გაზიარება:

(0)

/

(0)