<p>"შავმა ლომმა" წლევანდელი რაგბი ევროპის სუპერთასის პირველ მატჩში ესპანური "იბერიანსი" რეკორდული სხვაობით, 54:3 დაამარცხა.</p><p>ეს იყო ამ გუნდების მეხუთე დაპირისპირება. აქამდე ოთხივე შეხვედრა თბილისში, "ავჭალაზე" გაიმართა და ბოლო თამაში 41:0 დასრულდა, ესპანეთში, კერძოდ ბურგოსში გამართულ პირველ მატჩში კი ახალი რეკორდი დამყარდა.</p><p><p><p>აღსანიშნავია, რომ "სან ამარო სთედიუმის" ტრიბუნებზე მრავლად იყვნენ ქართველი გულშემატკივრები და მათ მოლოდინი არც "შავმა ლომმა" გაუცრუა – 8 გატანილი ლელო და არცერთი მიღებული ის შედეგია, რასაც ნებისმიერი ქომაგი ინატრებდა. მონაგარს 7 ზუსტი გარდასახვით 14 ქულა შემატა ლუკა მატკავამ, რომელსაც მხოლოდ ერთი დარტყმა გაუცუდდა.</p></p></p><p><p><p><strong>დებიუტანტები</strong></p><p>აღსანიშნავია, რომ წლევანდელ სეზონს "შავი ლომი" მნიშვნელოვნად გადახალისებული შემადგენლობით შეხვდა. გუნდის მთავარი მწვრთნელის პოსტზე ოფიციალური "იბერიანსთან" ოფიციალური დებიუტი ჰქონდა რიჩარდ კოკერილს. მისმა გაწვრთნილმა გუნდმა სანახაობრივი რაგბი ითამაშა და რამდენიმე ლამაზი ლელო გაიტანა.</p><p>გარდა ამისა შემადგენლობაში იყო 9 დებიუტანტი. ამირან შვანგირაძემ, გიორგი ცუცქირიძემ (2 ლელო) და დავით ხუროშვილმა დებიუტი ლელოებით აღნიშნეს. მართალია ქულები არ აუღიათ, მაგრამ კარგი თამაში ჩაატარეს სხვა დებიუტანტებმაც. ტრავმიდან დაბრუნება ლელოთი აღნიშნა კვაჭმა შალვა მამუკაშვილმაც. აღებული ქულებით თავი გამოიჩინეს დავით აბდუშელიშვილმა, თორნიკე კახოიძემ და დემე თაფლაძემ.</p><p><strong></p><p>სრული დომინაციით</strong></p><p>ბურგოსის ხელოვნურსაფარიან მოედანზე "შავი ლომი" თავიდანვე დაეუფლა ინიციატივას და ის მატჩის ბოლომდე ხელიდან აღარ გაუშვია. ქართველები მასპინძლებს ყველა კომპონენტში ჯაბნიდნენ და რომ არა ტექნიკური წუნი, რაც სეზონის სადებიუტო თამაშით იყო გამოწვეული, სხვაობა კიდევ უფრო დიდი იქნებიდა.</p><p>ანგარიში მე-4 წუთზე გაიხსნა. მეტოქის 22-ში ფორვარდების რამდენიმე დარტყმის შემდეგ, ბურთი ხაზზე გავიდა, ის მარჯვენა ფრთაზე ამირან შვანგირაძემდე ჩათამაშდა, რომელმაც მბოჭავი კონტაქტით ჩამოიშორა და სადებიუტო ლელო გაიტანა. "იბერიანსმა" 3 ქულა მე-8 წუთზე, 40 მეტრიდან გატანილი ჯარიმით აიღო, რის შემდეგაც მონაგარის გაზრდის შანსი პრაქტიკულად აღარ ჰქონია.</p></p></p><p><p><p>სტუმრებმა თამაში ეტაპობრივად დაალაგეს, მე-16 წუთზე მოლი ააგორეს, რომელიც ზედ ლელოს ხაზთან შეგვიჩერეს, თუმცა საქმეში დავით აბდუშელიშვილი ჩაერთო და მისი ძალისმიერი ლელო მატკავამ გარდასახა. 31-ე წუთზე გიორგი სინაურიძემ შეუტია კარგად, იერიში ლუკა ცირეკიძემ გააგრძელა, მეტოქის 22-ში ბურთი მარცხენა ფრთაზე ჩათამაშდა, სადაც მას გიორგი ცუცქირიძე დაეუფლა და "შავი ლომის" კვართით თავისი პირველი ლელო გაიტანა. მატკავა რთული პოზიციიდან ზუსტი იყო.</p><p>ტაიმის ბოლოს კარგი ხელდახელ შეტევა წამოვიწყეთ და "იბერიანსმა" ის ჯარიმის ხარჯზე შეაჩერა, მაგრამ ლელოს ვერ გადაურჩა – დერეფნიდან აგორებული მოლი შალვა მამუკაშვილის 5 ქულით დასრულდა. მატკავას ეს გარდასახვა გაუცუდდა და ტაიმი 26:3 დასრულდა.</p></p></p><p><p><p><strong>4 ლელო მეორე ტაიმშიც</strong></p><p>თამაშის განახლების შემდეგ "შავ ლომს" თამაშის დასალაგებლად გარკვეული დრო დასჭირდა. შეცვლაზე შესული მორაგბეები მალე შეთამაშდნენ და დასკვნით 22 წუთში კიდევ 4 ლელო გაიტანეს.</p><p>განსაკუთრებით სანახაობრივი აღმოჩნდა ჩვენი გუნდის მე-5 ლელო. "იბერიანსმა" მოლით სცადა ლელოს გატანა, სტუმრები ამას მომზადებული დაუხვდნენ, ირაკლი ქვათაძემ ბურთი წესების დაცვით მოიპარა და კონტრშეტევა წამოიწყო, ხელდახელ ბურთაობით გუნდმა თავისი 22-იდან მეტოქის 22-მდე იარა, იქ კი მატკავამ ფეხით მოზომილად გადაკიდა და მას ლელოში თორნიკე კახოიძე შეჰყვა. ეს იყო 100-მეტრიანი ლელო, რომელიც ნებისმიერ თამაშს დაამშვენებდა.</p><p>შეხვედრა თითქოს დაწყნარდა, მაგრამ დასკვნით წუთებში "შავმა ლომმა" ისევ იფეთქა. 74-ე წუთზე დავით ხუროშვილმა კონტრშეტევა წამოიწყო, მარცხენა ფრთაზე ბურთი დემე თაფლაძესთან გაითამაშა და სადებიუტო ლელო გაიტანა. ბოლოსწინა წუთზე ლელო თავად თაფლაძემაც გაიტანა, გაწითლებულ დროზე კი ცუცქირიძემ რაქიდან გამოვარდნილი ბურთი აიტაცა და ლელომდე 55 მეტრი ირბინა. მატკავამ მეორე ტაიმში ყველა პოზიციიდან უშეცდომოდ ურტყა – 54:3.</p><p>"შავი ლომი" სუპერთასის ზედიზედ მეოთხე ტიტულის დაცვას ერთი კვირის თავზე პორტუგალიაში გააგრძელებს. 21 სექტემბერს ის ლისაბონში "ლუზიტანუშს" ერკინება, რომელმაც პირველ ტურში "იბერიანსს" 36:18 სძლია.</p></p></p><p><p><p><strong>რაგბი ევროპის სუპერთასი 2024</p><p>A ჯგუფი. II ტური</p><p>15 სექტემბერი. კვირა.</p><p>ბურგოსი. სან ამარო სთედიუმი</p><p>იბერიანსი (ესპანეთი) – შავი ლომი (საქართველო) 3:54 (3:26)</p><p>შავი ლომი</p><p>ხაზი: </strong>15. ლუკა ცირეკიძე, 14. ამირან შვანგირაძე, 13. დემურ თაფლაძე, 12. თორნიკე კახოიძე, 11. შალვა აფციაური, 10. ლუკა მატკავა, 9. თენგიზ პერანიძე;</p><p><strong>შერკინება:</strong> 1. დათო აბდუშელიშვილი, 2. შალვა მამუკაშვილი, 3. ბაჩუკი ჭუმბაძე, 4. დემურ ეფრემიძე, 5. ვლადიმერ ჩაჩანიძე, 6. გიორგი სინაურიძე, 7. გიორგი ცუცქირიძე, 8. ლუკა ივანიშვილი (კაპ.).</p><p><strong></p><p>მარქაფა: </strong>16. ირაკლი ქვათაძე, 17. ვასილ კაკოვინი, 18. ნიკოლოზ ხატიაშვილი, 19. გუგა ღანიაშვილი, 20. გიორგი ნიკოლაძე; 21. დავით ხუროშვილი, 22. იოანე მეტრეველი, 23. ალექსანდრე თოდუა.</p><p><strong>8 ლელო: </strong>შვანგირაძე, აბდუშელიშვილი, ცუცქირიძე (3, 8), მამუკაშვილი, კახოიძე, ხუროშვილი, თაფლაძე</p><p><strong>7 გარდასახვა:</strong> მატკავა</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> <p></strong></p></p><br></p>
პაატა
იბერიანსი ამოიცვეს ფეხებზე ჩექმებივით და იშლიგინეს მოედანზე როგორც უნდოდათ და რამდენიც უნდოდათ... აბა რაა! მაგრები ხართ ბიჭებო! რაგბი ყველაზე ვაჟკაცური სპორტის სახეობაა და ის ჩვენი თამაშია❤️
ფეოლა
მომეწონა მოლის აგორება, აუტების მოწოდებაა საგრნობლად გაუმჯობესებული, შერკინებაც დიდებული იყო. ყველაფერში ვაჯობეთ, დისციპლინაშიც და გუნდურ თამაშშიც. ყველგან ასწრებდნენ ჩვენი ბიჭები გადაადგილებას. ამიტომაც დაუდეს 8 ლელო! ყველას მადლობა და კვლავაც წარმატებები! არ მოდუნდეთ!
მარიამ გოგუაძე: გულშემატკივარს მეორე ეტაპზე ბევრად უკეთეს თამაშს ვაჩვენებთ
ნინო ელოშვილი მოლდოვაში იმსაჯებს
7-კაცა და 7-ქალა | ჯგუფები და შემადგენლობები ჰამბურგში
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ჩელენჯ თასი | ორ-ორი ცვლილებით ედინბურგში
„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები
"შავი ლომი" | "იბერიანსთან" ბევრ ახალ სახეს ვიხილავთ" – რიჩარდ კოკერილი
"შავი ლომი" | 9 დებიუტანტით "იბერიანსთან"
"შავი ლომი" | ზედიზედ მეორედ ბრიტანეთში
"შავი ლომი" | მესამედ ლისაბონში
ჩელენჯ თასი | ქოქრილის ყოფილ გუნდთან ედინბურგში
"შავი ლომი" | ინტერვიუ კაპიტნებთან
"შავი ლომი" | ლამაზ სტილში "იბერიანსთან"
რიჩარდ ქოქრილი: ვეცდებით ვიყოთ უფრო ზუსტები
"შავი ლომი" | ექვსი ცვლილება და ერთი დებიუტანტი "იბერიანსთან"
"შავი ლომი" შოტლანდიაში "ედინბურგთან" დამარცხდა