ხელბურთში ევროპის ჩემპიონატის შესარჩევ ეტაპზე, მესამე ჯგუფში, პირველ ტურში საქართველოს ნაკრები გასვლაზე საბერძნეთთან 26:27 დამარცხდა.

თავიდან სტუმრები უკეთ თამაშობდნენ, ოთხი ქულით დაწინაურდნენ, თუმცა მასპინძლებმა ანგარიში შეამცირეს და პირველი ტაიმი 12:13 დასრულდა. შესვენების შემდეგ ბერძნები დაცვაში კარგად მოქმედებდნენ, აქტიურად გვიტევდნენ და ორბურთიანი სხვაობით წინ გავიდნენ. აღსანიშნავია, რომ მეკარე ზურაბ ცინცაძემ რამდენიმე რთული ბურთი მოიგერია. მატჩის დასრულებამდე 18 წამით ადრე გიორგი ცხოვრებაძემ თანაფარდობა აღადგინა, მაგრამ ზედ მსაჯის საფინალო სასტვენის წინ საბერძნეთმა გაიტანა და გაიმარჯვა.

საქართველოს ნაკრებიდან 11 გოლი ცხოვრებაძემ გაიტანა, 5 ორჯონიკიძემ, 4 რუსტამოვმა, 3 არსენიშვილმა, თითო-თითო კი ლაპიაშვილმა, პატაშურმა და კბილაშვილმა.

ჩვენს ჯგუფში აგრეთვე ისლანდია და ბოსნია-ჰერცეგოვინა ასპარეზობენ. მომდევნო მატჩს ტიტე კალანდაძის გუნდი 10 ნოემბერს თბილისში ისლანდიასთან ჩაატარებს.

შემდეგ ეტაპზე 8 ჯგუფიდან ორ-ორი საუკეთესო და 4 საუკეთესო მესამეადგილოსანი გადის.

ერეკლე არსენიშვილი კარიერას ფრანგულ "ტრამბლეში" გააგრძელებს

ერეკლე არსენიშვილი კარიერას ფრანგულ "ტრამბლეში" გააგრძელებს

თეგები:

საქართველოს ხელბურთელთა ნაკრები

საბერძნეთის ხელბურთელთა ნაკრები

გაზიარება:

(0)

/

(0)