
"ბარსელონას" ყოფილი მთავარი მწვრთნელი ჩავი ერნანდესი შესაძლოა, სათავეში "ლევერკუზენს" ჩაუდგეს, ამის შესახებ ინფორმაციას Kicker-ი ავრცელებს.
მოგეხსენებათ, "ლევერკუზენის" ამჟამინდელი მწვრთნელი ჩაბი ალონსო დიდი ალბათობით, მალე "რეალს" გაწვრთნის, ჩავი კი მის შემცვლელად სახელდება.
გამოცემის ინფორმაციით, მხარეებს შორის პირველი შეხვედრა უკვე შედგა და ჩავი მზადაა "ლევერკუზენის" წინადადებას დათანხმდეს.
ესპანელი სპეციალისტის გარდა, "ფარმაცევტები" "მანჩესტერ იუნაიტედის" ყოფილი დამრიგებლის, ერიკ ტენ ჰაგის კანდიდატურასაც განიხილავენ.
"ლევერკუზენი" ბუნდესლიგის სატურნირო ცხრილში 67 ქულით მეორე ადგილს იკავებს და ლიდერ მიუნხენის "ბაიერნს" 8 ქულით ჩამორჩება.