საფრანგეთის ჩემპიონატის დასრულებასთან სულ სამი ტური გვაშორებს. თუკი ხვიჩა კვარაცხელიას პსჟ ყოვლითურთ უმოტივაციოა, გიორგი მიქაუტაძის (მატჩისწინა პრესკონფერენციაზე იმყოფებოდა) "ლიონი" ჩემპიონთა ლიგაზე მოსახვედრად გააფთრებული იბრძვის, ზურიკო დავითაშვილის "სენტ ეტიენი" კი გადარჩენას ლამობს.

პარიზელებმა გასულ ტურში პირველად წააგეს, მათი დღევანდელი (19:00 სთ) მეტოქე "სტრასბურგი" უბრალოდ მშვენიერ ფორმაშია, 11-მატჩიანი დაუმარცხებელი სერიითა და ოთხეულისთვის ბრძოლით.

2025 წელს პსჟმ 38 ქულა აიღო, "სტრასბურგმა" კი - 37. "დე ლა მეინუზე" (26 109), სადაც გუნდები ითამაშებენ, მასპინძლები განსაკუთრებით  ყოჩაღობენ. 32 წელია, გუნდს, რომელსაც ინგლისელი როსენიორი წვრთნის, ასეთი სერია არ ჰქონია. 

პსჟს "სტრასბურგთან" ყოველთვის უადვილდება, რაც გრანდი გახდა მხოლოდ 2017 წელს წააგო, სადაც მარკინიოსი და კიმპემბეც თამაშობდნენ. მასპინძლები ეცდებიან, სტუმართა "არსენალზე" კონცენტრირება სათავისოდ გამოიყენონ. პარიზელებს ფიქრი მხოლოდ ერთი სერიის გაგრძელებაზე თუ უქნებათ, 39 შეხვედრაა, სტუმრად არ წაუგიათ.

გასულ ტურში ლუის ენრიკემ საბრძოლო შემადგენლობა დააყენა, ბოლომდე მისი ქმედებების გამოცნობა რთულია. რაც ნამდვილად ვიცით, უსმან დემბელე ტრავმის მიზეზით არ იქნება. ამის გამო, გონსალო რამოში სასტარტოდან დაიწყებს, მარცხნივ კი ბრედლი ბარკოლა უნდა იყოს, რომელიც სხვაზე ცოტას თამაშობს. მარჯვნიდან იქნებ 17 წლის იბრაჰიმ მბაიე ვიხილოთ. ნახევარმცველების სამეული აუცილებლად ამოისუნთქავს (ზაირე-ემერი, მაიულუ და ლია მოსალოდნელი), ისევე როგორც ფლანგის მცველები (მარცხნივ ერნანდესს ვნახავთ, მარჯვნივ ზაგეს ან ზაირე-ემერის ვარიანტიცაა), კარს კი მატვეი საფონოვი დაიცავს. 

მთავარი მსაჯი 46 წლის ბენ  ელ ჰადჯ სალემი იქნება, ვინც "კვარას" სადებიუტო მატჩში ვიხილეთ, საგოლე პასიც რომ შეასრულა (სულ 2 გოლი, 3 შედეგიანი პასი).

დღეს, 23:05 სთ

სენტ ეტიენი - მონაკო;

კვირა, 19:15

ლიონი - ლანსი.

"ბორდოს" ყიდვა მინდა" - ცნობილი მუსიკოსი დავითაშვილის ყოფილი გუნდის შეძენას აპირებს

სიის სათავეში დავითაშვილის ტრანსფერია - თურქული გუნდისთვის პრიორიტეტული ზურიკოს დამატებაა

"სენტ-ეტიენის" მწვრთნელი: დავითაშვილს მხოლოდ ამ შემთხვევაში გავყიდით

თეგები:

ზურიკო დავითაშვილი

გიორგი მიქაუტაძე

ხვიჩა კვარაცხელია, პსჟ

გაზიარება:

(0)

/

(0)