ევრო 2026. საქართველოს ნაკრები კენჭისყრაზე მეოთხე კალათაშია
<p>გაირკვა ევრო 2026 ის კენჭისყრის კალათები. შეგახსენებთ ფინალურ ეტაპს, რომელიც იანვარში გაიმართება, სამი ქვეყანა - დანია, შვედეთი და ნორვეგია უმასპინძლებს.</p> <p> </p> <p><strong>1 კალათა:</strong> საფრანგეთი (ევროპის ჩემპიონი) დანია, შვედეთი (მასპინძლები), გერმანია, უნგრეთი, სლოვენია.</p> <p><strong>2 კალათა:</strong> პორტუგალია, ნორვეგია (მასპინძელი), ისლანდია, ხორვატია, ესპანეთი, ფარერები.</p> <p><strong>3 კალათა:</strong> ავსტრია, ნიდერლანდები, მონტენეგრო, ჩეხეთი, პოლონეთი, ჩრდილო მაკედონია.</p> <p><strong>4 კალათა:</strong> საქართველო, სერბეთი, შვეიცარია, რუმინეთი, უკრაინა, იტალია.</p> <p> </p> <p>კალათებში გუნდები ასეთი პრინციპით გადანაწილდნენ:შესარჩევ ეტაპზე პირველ ადგილზე გასული - გერმანია, უნგრეთი და სლოვენია რეიტინგით მოხვდნენ პირველ კალათაში, ევროპის ჩემპიონ (საფრანგეთი) და ორ მასპინძელთან (დანია, შვედეთი) ერთად. დანარჩენი 5 პირველადგილოსანი, მასპინძელ ნორვეგიასთან ერთად მეორე კალათაში განითესა. მეორე ადგილოსანი 6 გუნდი რეიტინგის მიხედვით იკავებს ადგილს მესამე კალათაში, ხოლო ორი მეორე ადგილოსანი, საქართველო და სერბეთი, 4 მესამეადგილოსანთან ერთად მეოთხე კალათში მოთავსდება.</p> <p> </p> <p>კენჭისყრა 15 მაისს დანიაში გაიმართება, სადაც ექვსი ოთხგუნდიანი ქვეჯგუფი გამოვლინდება. საქართველოს ნაკრებს თითო მეტოქე შეხვდება 1, 2 და 3 კალათიდან. ჯგუფიდან შემდეგ ეტაპზე 2-2 გუნდი გადის.</p> <p> </p> <p><strong>geohandball.ge</strong></p>