- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
20 წ. | მსოფლიომდე ინგლისთან
<p>ბოლო წლების ტრადიცია უცვლელია - მსოფლიო რაგბის 20-წლამდელთა ჩემპიონატზე გამგზავრებამდე, "უმცროსი ბორჯღალოსნები" თბილისში დასკვნით გასახურებელ მატჩს ინგლისთან, 14 ივნისს თბილისში გამართავენ. შეხვედრა "ავჭალის" სტადიონზე 18 საათზე დაიწყება.</p> <p> </p> <p>წინა ორი წლისგან განსხვავებით, ამჯერად 20-წლამდელთა მოქმედ ჩემპიონთან მხოლოდ ერთი თამაში გვექნება. 11 ივნისს მეტოქეები "შევარდენზე" ერთობლივ, მართვად ვარჯიშს გამართავენ, სამი დღის თავზე კი "ავჭალაზე" ერთმანეთს შეერკინებიან. შესაბამისად, გულშემატკივარს კიდევ ერთხელ მიეცემა შესაძლებლობა, უქომაგოს ჩვენს გუნდს და დადებითი ემოციებით დამუხტული გააცილოს 20-წლამდელთა მთავარ ტურნირზე.</p> <p> </p> <p>აქამდე ასე იყო - ორი თამაშიდან პირველს ინგლისელები იგებდნენ, მეორეში კი ლადო კილასონიას შეგირდები რევანშის აღებას ახერხებდნენ. ბრიტანელთა პირველი სტუმრობისას, 2023 წელს ორი მოგებაც შეიძლებოდა, მაგრამ ბოლო წუთზე გაშვებული გარდასახული ლელოს შედეგად ინგლისმა 41:35 მოიგო. მეორე მატჩში "უმცროსმა ბორჯღალოსნებმა" რევანში აიღეს და ყველა ასაკობრივ კატეგორიაში ინგლისი პირველად დაამარცხეს - 40:38.</p> <p> </p> <p>შარშან ივნისში მეტოქე ექვსი ერის ჩემპიონის რანგში გვეწვია და პირველი თამაში დამაჯერებლად, 31:7 მოიგო. ლადო კილასონიას შეგირდებმა 5 დღეში საოცარი ტრანსფორმაცია განიცადეს და ინგლისის 45:17 დამარცხებით სრულფასოვანი რევანში აიღეს.</p> <p> </p> <p>"ქართულმა გამოცდილებამ" ინგლისელებს დიდი სამსახური გაუწია და შარშან მათ მეოთხედ მოიგეს 20-წლამდელთა ჩემპიონატი. რაც შეეხება წლევანდელი ფორმაციის ინგლისის 20-წლამდელთა ნაკრებს, მათ ექვსი ერის ჩემპიონობა დასკვნით ტურში დათმეს, როდესაც უელსთან 13:23 დამარცხდნენ და საფრანგეთს (რომელიც ურთიერთშეხვედრაში 27:10 დაამარცხეს) სატურნირო ცხრილში 2 ქულით ჩამორჩნენ.</p> <p> </p> <p>რაც შეეხება ლადო კილასონიას შეგირდებს, მათ 2025 წლის მსოფლიო რაგბის ჩემპიონატისთვის მზადების ადრეულ ატაპზე (თებერვალში) სამხრეთ აფრიკელ თანატოლებთან თბილისში ორი თამაში გამართეს და პირველი 29:38, ხოლო მეორე 12:27 დათმეს.</p> <p> </p> <p>2025 წლის 20-წლამდელთა ჩემპიონატს იტალია (მესამედ 2011 და 2015 წლების შემდეგ) უმასპინძლებს. ის 29 ივნისს დაიწყება და 19 ივლისს დასრულდება, თამაშები კი ლომბარდიისა და ვენეტოს ოთხ ქალაქში გაიმართება: კალვიზანო, როვიგო, ვერონა და ვიადანა.</p> <p> </p> <p>საქართველო გ ჯგუფში მოხვდა და 29 ივნისს კალვიზანოში ირლანდიას შეხვდება; 4 ივლისს ახალ ზელანდიას ვიადანაში ეთამაშება; 9 ივლისს კი იტალიას კალვიზანოში შეერკინება. ნახევარფინალური თამაში 14 ივლისს ვერონაში, ან ვიადანაში გვექნება, ხოლო ფინალური თამაშები 19 ივლისს კალვიზანოსა და როვიგოში გაიმართება.</p> <p> </p> <p>20-წლამდელთა ჩემპიონატის ა ჯგუფში ინგლისი, ავსტრალია, სამხრეთ აფრიკა და შოტლანდია; ხოლო ბ ჯგუფში საფრანგეთი, არგენტინა, უელსი და ესპანეთი მოხვდნენ.</p> <p> </p> <p>2016 წლიდან მოყოლებული, საქართველო 12-გუნდა ელიტის უცვლელი მონაწილეა და საუკეთესო შედეგი 2023 წელს აჩვენა (მე-8 ადგილი), შარშან და 2018 წელს მე-9 ადგილი დაიკავა, ხოლო 3-ჯერ მე-10-ე (2016, 2017 და 2019) იყო. 2020-2022 წლებში ტურნირი კოვიდ-პანდემიის გამო ვერ ჩატარდა.</p> <p> </p> <p><strong>Rugby.ge</strong></p>
-
.
ჩვენი პრობლემა ის არის,რომ მსოფლიოს ჩემპიონატისათვის მოსამზადებლად აუცილებელი სერიოზული თამაშების რაოდენობას ვერ ვაგროვებთ,მაშინ როცა ფავორიტები თავის გათამაშებებში საკმარისს თამაშობენ.ინგლისელებმა ჩემი აზრით,პირველი თამაში სრული ძალით ითამაშეს,მეორეში კი,სქემების დახვეწას და გამოუცდელი ბიჭებისათვის მეტი სათამაშო პრაქტიკის მიცემას დაუთმეს.ჩვენებმაც რა თქმა უნდა მთელი სული და გული ჩადეს,განმეორებით თამაშებში.ჰო და მოვიგეთ.წელს მხოლოდ ერთი თამაში გვექნება და რა თქმა უნდა იმ მიზნებისათვის გამოიყენებენ რაც ახლა სჭირდებათ.ჩვენ ისევ თამაშების დეფიციტის ფაქტის წინაშე ვდგავართ და ვნახოთ,რამდენად გვეყოფა სრულფასოვანი მომზადებისათვის.წარმატებებს ვუსურვებ ჩვენ ბიჭებს,უკვე აქედანვე!
18 წ. | ირლანდიას თამაშით ვაჯობეთ, ანგარიშით ვერა
18 წ. | ცვლილებებით და გადაადგილებებით ირლანდიასთან
18 წ. | ორი იძულებითი ცვლილება
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა