
"მილანს" "არსენალის" განაპირა მცველის, ოლეკსანდრ ზინჩენკოს დამატება სურს, ამის შესახებ ინფორმაციას Corriere dello Sport-ი ავრცელებს.
წყაროს ცნობით, "მეთოფეებმა" 28 წლის ფეხბურთელის სანაცვლოდ 10 მილიონი ევრო მოითხოვეს, რაც "როსონერისთვის" მისაღები ფასია და კლუბებმა ფეხბურთელის თაობაზე ოფიციალური მოლაპარაკებები უკვე დაიწყეს.
"არსენალის" დატოვების წინააღმდეგი არც უკრაინელი მცველია, რადგან მას მეტი სათამაშო დროის მიღება სურს.
ზინჩენკომ გასულ სეზონში "მეთოფეების" მაისურით ყველა ტურნირზე 23 მატჩი გამართა, თავი კი 1 გატანილი გოლითა და 1 შედეგიანი პასით გამოიჩინა.