"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან

ეთერ ლიპარტელიანი ქართული სპორტის ისტორიაში პირველი ქალია, რომელმაც ძიუდოში მსოფლიო ჩემპიონის ტიტული მოიპოვა. საქართველოს ძიუდოისტთა ნაკრების წევრმა, 25 წლის ეთერ ლიპარტელიანმა უნგრეთის დედაქალაქ ბუდაპეშტში მიმდინარე მსოფლიოს ჩემპიონატის 57 კგ. წონითი კატეგორიის ფინალში იაპონელი მომო ტამაოკი დაამარცხა . "დაუჯერებელი იყო, როდესაც გავაცნობიერე, რომ ფინალში ასე მარტივად მოვახერხე გამარჯვება და მოვიპოვე ისტორიული მედალი. პირველ რიგში, მადლობა ჩემს მწვრთნელებს ფედერაციაში, მეგობრებს, მეუღლეს, რადგან ეს ყველაფერი ჩვენი ერთობლივი შრომის შედეგია“, - ამბობს ჩემპიონი ambebi.ge-სთან საუბარში.   ცნობისათვის: ეთერ ლიპარტელიანი პირველი ქართველი ქალი ძიუდოისტია, რომელმაც მოიპოვა მსოფლიოს ახალგაზრდული ჩემპიონის ტიტული 2019 წელს. ასევე, არის ახალგაზრდებს შორის ორგზის მსოფლიოს ჩემპიონი (2019, მარაკეში, ვანტაა, 57 კგ); ახალგაზრდებს შორის ევროპის ჩემპიონი (2016, ვანტაა, 57 კგ.) და ახალგაზრდებს შორის ევროპის თასის მფლობელი (2016, ანტალია, თურქეთი, 57 კგ.). ეთერ ლიპარტელიანი მონაწილეობდა ტოკიოს 2020 წლისა და პარიზის 2024 წლის ოლიმპიადებში და ორივე ტურნირში მე-5 ადგილი დაიკავა.   11:08 / 18-06-2025 ეთერ ლიპარტელიანი ქართული სპორტის ისტორიაში პირველი ქალია, რომელმაც ძიუდოში მსოფლიო ჩემპიონის ტიტული მოიპოვა. საქართველოს ძიუდოისტთა ნაკრების წევრმა, 25 წლის ეთერ ლიპარტელიანმა უნგრეთის დედაქალაქ ბუდაპეშტში მიმდინარე მსოფლიოს ჩემპიონატის 57 კგ. წონითი კატეგორიის ფინალში იაპონელი მომო ტამაოკი დაამარცხა. "დაუჯერებელი იყო, როდესაც გავაცნობიერე, რომ ფინალში ასე მარტივად მოვახერხე გამარჯვება და მოვიპოვე ისტორიული მედალი. პირველ რიგში, მადლობა ჩემს მწვრთნელებს ფედერაციაში, მეგობრებს, მეუღლეს, რადგან ეს ყველაფერი ჩვენი ერთობლივი შრომის შედეგია“, - ამბობს ჩემპიონი ambebi.ge-სთან საუბარში.     ცნობისათვის: ეთერ ლიპარტელიანი პირველი ქართველი ქალი ძიუდოისტია, რომელმაც მოიპოვა მსოფლიოს ახალგაზრდული ჩემპიონის ტიტული 2019 წელს. ასევე, არის ახალგაზრდებს შორის ორგზის მსოფლიოს ჩემპიონი (2019, მარაკეში, ვანტაა, 57 კგ); ახალგაზრდებს შორის ევროპის ჩემპიონი (2016, ვანტაა, 57 კგ.) და ახალგაზრდებს შორის ევროპის თასის მფლობელი (2016, ანტალია, თურქეთი, 57 კგ.). ეთერ ლიპარტელიანი მონაწილეობდა ტოკიოს 2020 წლისა და პარიზის 2024 წლის ოლიმპიადებში და ორივე ტურნირში მე-5 ადგილი დაიკავა.   ლენტეხში დავიბადე. 8 წლის ასაკში შევედი ძიუდოზე, რადგან ძალიან ცელქი ბავშვი ვიყავი, არ ვიცოდი ენერგია სად დამეხარჯა, თამაშით არ ვიღლებოდი. ჩემთან ახლოს იყო ძიუდოს დარბაზი და მეგობრებთან ერთად გადავწყვიტე ვარჯიში დამეწყო. თავიდან გასართობად მივედი, რა თქმა უნდა, იმაზე არც მიფიქრია, რომ პროფესიულ დონეზე გავყოლოდი ძიუდოს ან ჩემი მომავალი მასზე ამეწყო. ძიუდოში ასამდე ბიჭი ვარჯიშობდა და ერთადერთი გოგონა ვიყავი. რამდენიმე წელში მივხვდი, რომ ეს გართობა არ იყო, არამედ უფრო მეტი... ბიძაჩემმა მალხაზ ლიპარტელიანმა შემატყო, რომ მონაცემები მქონდა და გადაწყვიტა თბილისში წამოვეყვანე. დედა წინააღმდეგი იყო (სამი დედმამიშვილი მყავს - ერთი ძმა და 2 და), არ უნდოდა ჩემი თბილისში გაშვება, ძნელია, მშობელს შვილი მოაცილო და შორს წაიყვანო. დედას მიაჩნდა, რომ ძიუდო გოგოს საქმე არ იყო, უნდოდა ცეკვაზე მევლო ან სხვა სპორტით დავკავებულიყავი. მათ შორის, ჩემი ახლობელი ადამიანებიც - ნათესავები, მეზობლები, ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო. ჩემთვის გული რომ აეცრუებინათ, იმასაც მეუბნებოდნენ, რომ სხეული დამიმახინჯდებოდა, ვერ გავიზრდებოდი და ა.შ. მამა იმ დროს ესპანეთში ცხოვრობდა და იქიდან მგულშემატკივრობდა, ხელს მიწყობდა და ცდილობდა სპორტისთვის თავი არ დამენებებინა. მეც ძალიან მიჭირდა ოჯახის და დედის დატოვება, მაგრამ ვფიქრობ, ჩემი მიზნები და ოცნებები მაძლიერებდა - იმხანად უკვე მსოფლიო და ოლიმპიურ ჩემპიონობაზე ვფიქრობდი და ამ მიზნებთან და ოცნებებთან ერთად ვცხოვრობდი. არავის ვუსმენდი და მაინც ჯიუტად მივიწევდი წინ, მინდოდა ამ სპორტში ჩემი სიტყვა მეთქვა და სახელი დამეტოვებინა. მადლობა ღმერთს, ეს გამომივიდა და დღეს ბევრი ადამიანი მეუბნება, აი, რომ გიშლიდით, არ გვინდოდა ძიუდოზე გევლო, მადლობა ღმერთს, არ დაგვიჯერე და შენი გაიტანეო". <a href="https://www.ambebi.ge/article/328295-15-clisani-viqavit-roca-shegviqvarda-ertmaneti/" target="_blank" rel="noopener">განაგრძეთ კითხვა</a>

რევაზ გაზდელიანი

დაგლოცოს უფალმა
.

გურულებზე რომაა ანეგდოტი,გურიაში მივდივარ,მარა გული ცეკასკენ მიმიწევსო,ლიპარტელიანები რომ იბადებიან,ისე ჩანს,მაშინვე ჭიდაობისაკენ მიუწევთ გული.ღმერთმა დალოცოს ეს გვარი და გვიმრავლოს ლიპარტელიანის ჯიშის ჩემპიონები.აქამდე თუ ბიჭები ვაჟკაცობდნენ,დღეს უკვე გოგოებიც აიყოლიეს და ვინღაა მათი მომრევი.ბოლო 30 წელიწადში,ეთერი ქართული ძიუდოს უკვე მესამე ლიდერია,ლიპარტელიანების გვარიდან.ეტყობა მართლაც გენში აქვთ!
ანზ

პირველი ოლიმპიური ჩემპიონი ქალი ძიუდოისტობა მოგველოცოს ეთო
იხვი

დიდი მილოცვა ეთერ ლიპარტელიანს, დიდა ხანია ოქროსკენ მიდიოდა. ეს ერთი და სხვა მრავალი, წინ ოლიმპიური ოქროს ჯერია.
გიორგი

ძალიან მაგარი გოგო და სპორტსმენი. ძალიან წინ წავიდა. ჭიდაობის ისეთი ხარისხი აქვს უკვე აღარ არ არის იმაზე საუბარი ეს ქალის ჭიდაობაა თუ ვაჟის. თუ არ მოუკლო მუშაობას წინ ვინ დაუდგება რამდენიმე წელი ვერ ვხედავ. წარმატება, ეთერ! ნამდვილად სამაგალითო გოგოა.
Eto eto

იხარა შენმა ჯიშმა და გვარმა,შენმა შთამომავლობამ როგორც ჩვენ გაგვახარე.....
ლაშა

უმათლესი დონის სპორტული მიღწევა! იაპონელი მეტოქე ისე დაამარცა, რომ ყველას მარტივად გვეჩვენა… ბარაქალა ეთო! საამაყო ჯუდოკა და ქართველი ხარ! ჯუდო კაცების და ქალების კი არა, ქართველების სპორტია! ლეგენდარული ანა ბაჯის სულიერი შთამომავალი ხარ!

ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა

"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე

[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!

"მხოლოდ "გალა" - სტამბოლი დაბრუნებულ ოსიმენს მიესალმება

ისევ ოდიშარიას გარეშე - რფს "მალმიოსთან" ისევ დამარცხდა

იაპონელებმა "ლივერპულის" ფეხბურთელი დააჯილდოვეს

დირკ შუსტერი: პირველ მატჩში მეტოქემ გვაჯობა - ხვალ სხვა თამაშს ვიხილავთ

ალექსანდრ ჯიკიჩმა საქართველოს საკალათბურთო ნაკრებთან კონტრაქტი 2027 წლამდე გაახანგრძლივა!

მამარდაშვილის 90 წუთი და ვირცის სადებიუტო გოლი - "ლივერპულმა" "იოკოჰამას" დაუქამბექა

[VIDEO] "მამარდას" ეფექტური მოგერიება "იოკოჰამასთან" - ქართველმა "ლივერპული" გაშვებული გოლისგან იხსნა

"ეს ზედმეტად ამპარტავნულად და უპატივცემულოდ მეჩვენა" - რაბიოს დედამ ახსნა, რატომ არ გადავიდა მისი შვილი "მანჩესტერ იუნაიტედში"

გრანიტ ჯაკა პრემიერ ლიგას დაუბრუნდა

მამარდაშვილი ძირითად შემადგენლობაშია - სად შეგეძლებათ "ლივერპულის" თამაშის ყურება

ორტეგა "სიტიდან" წავა - მანჩესტერელთა სათადარიგო მეკარე ტრაფორდი იქნება

ისტორიის დასასრული - ოსიმენი დღეს სტამბულში ჩაფრინდება

ოფიციალურად: ქოჩორაშვილის "სპორტინგმა" გიოკერესის შემცვლელი დაიმატა

"არ ვაპირებ მივიღო მონაწილეობა ტურნირზე, სადაც აგრესორი ქვეყნები მონაწილეობენ" - ბერტანსმა VTB-ის სუპერლიგაში ასპარეზობაზე უარი განაცხადა

"მამარდაშვილი ევროპაში საუკეთესო ახალგაზრდა მეკარეა" - განაცხადა "ლივერპულის" მწვრთნელმა

საქართველოს 18 წლამდე ვაჟთა ნაკრებმა უკრაინას სძლია და ჯგუფიდან გასვლის შანსი დაიტოვა

სტრელეცის ზუსტი გასროლები - კაშიას "სლოვანი" ისევ იასპარეზებს ჩემპიონთა ლიგაზე?

[VIDEO] წაგების ტოლფასი ფრე "ლევადიასთან" - "იბერია 1999" კონფერენს ლიგის გათამაშებას გამოეთიშა

სპერციანმა "საუთჰემტონს" კატეგორიული უარი უთხრა

ზივზივაძის "ჰაიდენჰაიმს" ახალი მეკარე ჰყავს

ლიპარტელიანმა ვერცხლის მედალი მოიპოვა - შავდათუაშვილი ბრინჯაოსთვის ბრძოლაში დამარცხდა

ბრწყინვალე ჟესტი - ჯანო ანანიძემ ეთერ ლიპარტელიანს საჩუქრად ბინა გადასცა

ლიპარტელიანი ფინალშია, შავდათუაშვილი მერვედფინალში დამარცხდა - მსოფლიო ჩემპიონატის მესამე საშეჯიბრო დღე

[VIDEO] არის! საქართველოს ძიუდოისტთა ნაკრებმა იაპონია დაამარცხა და მსოფლიო ჩემპიონატის ფინალში გავიდა

2024 წლის საუკეთესო ქალ სპორტსმენად ეთერ ლიპარტელიანი დაასახელეს