[VIDEO] პსჟ GALACTICS! - "კვარას" გუნდმა "რეალი" გაანადგურა და ფინალში გავიდა

მსოფლიოს საკლუბო ჩემპიონატის ნახევარფინალში პსჟ-მ &bdquo;რეალი“ 4:0 დაამარცხა   პსჟ-ს მწვრთნელმა ლუის ენრიკემ დისკვალიფიცირებული პაჩოს ნაცვლად ძირითად შემადგენლობაში ბერალდო, ბარკოლას მაგივრად კი დემბელე დააყენა. ტურნირზე პირველად მოხვდა სასტარტოში &bdquo;რეალის“ შემტევი მბაპე, ხოლო მისმა თანაგუნდელმა ალეკსანდერ-არნოლდმა მატჩში მონაწილეობა ტრავმის გამო ვერ მოახერხა.   პარიზელებმა თავიდანვე შეუტიეს, კურტუამ ორჯერ გადაარჩინა თავისი გუნდი, რის შემდეგაც მისი კარი ფაბიან რუისმა და დემბელემ დალაშქრეს. &bdquo;პარი სენ ჟერმენი“ სრულ უპირატესობას ფლობდა და 25-ე წუთზე ფაბიან რუისმა დუბლი შეასრულა. კვარაცხელია მარცხენა ფლანგიდან ამწვავებდა თამაშს, ოთხჯერ დაარტყა, მაგრამ ორჯერ მიზანს ვერ უწია, ორჯერ კი მცველებმა დაუბლოკეს.   მეორე ტაიმში თამაშის სურათი არ შეიცვალა, პსჟ ისევ დომინირებდა, ხვიჩა დაცვას კვლავ აქტიურად ეხმარებოდა, დიდი მოცულობის შავ სამუშაოს ასრულებდა, რაც პაპანაქება სიცხეში ადვილი ნამდვილად არ იყო. მან დემბელე ხელსაყრელ პოზიციაზე გაიყვანა, რომელმაც დუეს გაატანინა, თუმცა თამაშგარე დაფიქსირდა. რადგან შეხვედრის ბედი გადაწყვეტილი იყო, 59-ე წუთზე ლუის ენრიკემ &bdquo;კვარა“ და დემბელე ბარკოლათი და რამუშით შეცვალა. 88-ე წუთზე კურტუას რამუშმაც გაუტანა და &bdquo;პარი სენ ჟერმენმა“ დიდი ანგარიშით გაიმარჯვა.    პარიზული კლუბის საიტმა მატჩის მიმოხილვა ნიშნის მოგებით მოკლედ დაასათაურა - GALACTICS! ასე მიანიშნა, რომ "გალაქტიკოსი" ამჟამად პსჟ-ა.   13 ივლისს, ფინალში პსჟ &bdquo;ჩელსის“ დაუპირისპირდება.    ისტ რატერფორდი. &bdquo;მეტლაიფი“ პსჟ - რეალი 4:0 გოლები: 1:0 ფაბიანი (6), 2:0 დემბელე (9), 3:0 ფაბიანი (25), 4:0 რამუში (88)

რეალობა

ჩვენი შანსები ისედაც 0 მსოფლიოზე და ამაზე არც იდარდოთ. ყველა თამაშს წავაგებთ
,

3-0-ს შემდეგ,ფეხბურთელებმა, მომენტებში თამაშის საკუთარ თავზე აღების ნება მისცეს და ამის გამო რამდენიმე მომენტი დაიკარგა.ეს არ ნიშნავს,რომ ვერ თამაშობს.აი სირბილის ტექნიკა კი,თითქმის ყველა ქართველ სპორტსმენს დასახვეწი აქვს.საქართველოში მძლეოსნობა,როგორც სპორტის ერთერთი მთავარი დარგი,მკვდარია და არც არავინ ფიქრობს მის აღორძინებას.შემთხვევითი არ არის,რომ ეროვნულ სტადიონზე სარბენი ბილიკების აღებას მოუწოდებენ ბევრნი.ბევრმა აღარც კი იცის,ამ ბილიკების დანიშნულება.ერთი,ზილბერნშტეინია მგონი,ვინც კიდევ ავარჯიშებს საშუალო და გრძელ მანძილზე მორბენლებს.მძლეოსნობა ის ბაზისია,რომელზეც უნდა დაშენდეს სპორტის დანარჩენი სახეობები.მძლეოსნობის სპეციალისტების მომზადების და საქმეში ჩართვის გარეშე,ჩვენ სპორტსმენებს კუნთებზე პრობლემები არ მოაკლდებათ და ვერც სისწრაფეს,ან გამძლეობას განივითარებენ,მაქსიმალურ დონეზე.კვარას და ქოჩორაშვილს საკუთარი მწვრთნელები ჰყავთ დაქირავებული და შედეგებიც სახეზეა,თუმცა ბავშვობიდანვე სწორად ნასწავლ სირბილს,მაინც უკეთესი ეფექტი ექნება.კი,დღევანდელი კვარა,ძალიან ბევრს მოძრაობს,დაცვასაც მაგრად ეხმარება და წინაჩ ძალიან საშიშია,მაგრამ მეორე ტაიმში მისი თამაში სიზუსტეს და სიმწვავეს მაინც ჰკარგავს ხოლმე,დაღლილობის გამო და აქ,უკვე გუჯა კახაძე მახსენდება,რომელიც ასწავლის, უშუალოდ სირბილის დროს როგორ დაისვენოს და შეინარჩუნოს სისხარტე და სიზუსტე.ხვიჩას,დამაგვირგვინებელ ფაზაში,გულგრილობის მომატებაც სჭირდება,რადგან ცხადია,რომ კარში დარტყმის დროს,ბურთისათვის მეტი სიზუსტის და ძალის მიცემაა საჭირო.
art

კვარას და პესეჟეს(კვარას ხათრით) ვულოცავ გამარჯვებას, და თან როგორს! მაგრამ საერთო სიხარულის ფონზე მაქვს გარკვეული უკმაყოფილება. 1. კვარას ნამეტანი "აპახავებს" ენრიკე დაცვაში. გასაგებია, რომ ეს გუნდისათვის ძალიან სასარგებლოა, მაგრამ ასეტივე სასარგებლო არ არის ხვიჩასათვის. არც დეზირე დუე, არც დემბელე ამდენს არ მუშაობს დაცვაში. თანამედროვე ფლანგის თავდამსხმელმა, რა თქმა უნდა, უნდა იმუშაოს დაცვაშიც, მაგრამ ყველაფერს აქვს თავისის დოზა. ეს გადამეტებული დაცვაში ბრძოლა აზარალებს ხვიჩას შემტევ პოტენციალს. ხვიჩა ვარსკვლავური შემტევია და არა უბრალოდ "ბოქს-თუ-ბოქს" მუშა ფეხბურთელი. 2. ის რაც ხდება არ არის კარგი საქართველოს ნაკრებისათვის. ამ ზაფხულს ხვიჩას არა თუ არ ეძლევა დასვენების შესაძლებლობა, არამედ პესეჟეს ყველა ფეხბურთელთანაც შედარებით ყველაზე დიდი სამუშაოს გაწევა უწევს. გავიხსენოთ, რომ ხვიჩას სუპერთასზეც მოუწევს თამაში აგვისტოს შუაში ტოტენხემთან, ჩვენ კი სექტემბერში გვაქვს გადამწყვეტი თამაში თურქეთთან, რომელიც, თუ გასვლა გვინდა მსოფლიოზე, აუცილებლად მოსაგებია. ხოდა თურქეთთან თამაშისატვის თუ ხვუჩა ლიმონივით გამოწურული იქნა, ჩვენი შანსები ძალიან დაიკლებს.
ელიასი

ამათზე უკეთეს ფეხბურთს დღეს არავინ თამაშობს. მათთან ახლოს არიან: ესპანეთის ნაკრები და ბარსელონა, რომელიც უსახურმა ინტერნაციონალემ ჩაძირა, რითაც ჩ-ლიგის ზღაპრული ფინალი გამოგგვლიჯა ხელიდან. ხვიჩა თითქმის ყველა თამაშში კარგი იყო, მაგრამ ძალიან კარგი არც ერთხელ. იქნებ, ფინალში მაინც გაიბრწყინოს.
კახა

კროოსის წასვლამ დაანგრია რეალი! აბა სხვა ახსნა რა უნდა მოუძებნო ამ საკითხს. გუნდი ლიგას ცალი ფეხიტ იგებდა და დღეს პლიუს მბაპე დაიმატეს და ვერაფერი. საოცარი სპორტია ფეხბურთი.
ამატაკი

არა მამაცო ბიჭო,ეს ,,ჩვენი ფეხბურთის თამაში " აღარაა.ხვიჩა, თამაშამდე ამას დაგვპირდი, მაგრამ ეს მოწინააღმდეგეს გაბახებაა. ამ კოხტაპრუწა რეალს ნამუსი ახადეს.
ბეჩო

სულ ცალკარათი რომ იგებს რა მაგია აქვს ეგეთი პსჟ-ს ერთი გოლი მაინც გაეტანა რეალს ,იმედია ფინალი ეგეთი არ იქნება
გიო

აჰა საღოლ:))
სირბილის სწავლების ცენტრი

გადაიღალა და ცოტა დასვენება სჭირდება. ფინალში იფრენს, მაგრამ სირბილის ტექნიკა შესაცვლელი რომ აქვს ეს ფაქტია.
ალექსა

ჩელსისაც თუ მოუგეს, ბარემ პრემიერ ლიგაც უნდა ჩაახუტონ პსჟ-ს :))) სიტი, ლივერპული, ასტონ ვილა, არსენალი, ჩელსი
?!!

ისეთი შთაბეჭდილება დამიტოვა მადრიდის "რეალი"-ს თამაშმა და განსაკუთრებით დაცვის არაფრის კეთებამ, რომ თითქოს ჩაწყობილ თამაშს თამაშობდნენ!!!
lasha

კვარაცხელიას აქვს ძალიან არაზუსტი დარტყმა. ეს როგორმე უნდა გამოასწოროს. მე პირადად არ ვარ მესის ფანი მარა ვაღიარებ რომ არასდროს მინახავს ფეხბურთელი ისეთი ზუსტი დარტყმით რაც მესის აქვს ეგ თუ ურტყამს 10 დან 9 გოლია :)
ჟორა გაბრიჭიძე

პსჟ ეს მაღალ სიჩქარეზე ჩართული მანქანაა, სადაც არც ერთი რგოლი არასდროს არ ეთიშება თამაშის რიტმს. თამაში, რომ გააკეთეს სიჩქარეს დაუკლეს და თავი ფინალისთვის შეინახეს, თუ არა 2-3 ბურთს კიდევ გაიტანდენ.
მადრიდისტა

კროსი და მოდრიჩი ყოფილა მთელი რეალი და 6 ჩემპიონთა ლიგა
ბონდო

აუ ჩელსის შავი დღე ელოდება ნიკოლას ჯექსონისნაირი არა გუნდური მოთამაშის იმედზე გორის დილაც ვერ იქნება
გოჩა

ჩელსი შეიძლება მაგრად გაანადგუროს დიდი ანგარიშით,პსჟ დაცვის ხაზში თამაშობს ტიკი-ტაკას და მაგით ღლიან თავდამსხმელებს ეგაა მაგათ საიდუმლო
სირბილის სწავლების ცენტრი

ხვიჩა ართმევების კუთხის საუკეთესო ფეხბურთელად ჩამოყალიბდა. კარგია ბოლომდე რომ არ ათამაშა და შეცვალა. ფინალამდე კარგად დასვენება უნდა მოასწროს და გოლით და საგოლე გადაცემით გაგვახაროს!
ვერ თამაშობს

ფინალში ბარკოლა ძირითადში და კვარა სათადარიგოზე იქნება. მორჩა კინო
პეტუხი კრიშტიანუ

არ დამიმატა რეალმა ამ ტურნირისთვის და აჰა.....
პეტუხი კრიშტიანუ

კაი კაცოოოოო,მშვენიერი 11 კუში დავიჭირე,ისევე როგორც ფლამენგო ჩელსისთან და ფლუმინენსე ინტერთან!
იბერიელი

გაუმარჯოს ხვიჩა კვარაცხელიას, გაუმარჯოს ერთიანი საქართველოს, ყველას გილოცავთ მეგობრებო, წინ გამარჯვებისკენ ჩვენო ლამაზო სამშობლოვ,
კახა

კვარას და ყველას ულოცავ,ამ ბრწტინვალე გამარჯვებას. კვარა ნამდვილად არის იღბლიანი ბიჭი,საჭირო დროს საჭირო ადგილზე აღმოჩნდება ხოლმე. კვარას კარიერას სულ იღბალი გასდევს ლაიტმოტივად. აბა რა იღბალიც აუცილებელია სპორტში.ჯერ რუსეთს როგორ წყნარად დააღწია თავი, ომი დაეხმარა რეალურად, აქაც გაუმართლა მაგრად თორემ რუსებიდამ თავის დაძვრენა ძალიან გაუჭირდებოდა! მოკლედ მწვერვალზეა კვარა და იმის იქით აღარაფერია. ფინალის მოგების შემდეგ უკვე ეკუთვნის საქართველოს ყველა დროის საუკეთესო ფეხბურთელის ტიტული. 24 წლისამ ეს უკვე შეძლო.
დავით 67

პსჟ შეუჩერებელია! მიხარია რომ ხვიჩა ამ გუნდის ნაწილია. ტოტალიზატორში და საერთოდ მოთამაშეები ადრე მეცოდებოდნენ, ეხლა აღარ.პირიქით მიხარია კიდეც როცა აგებენ. საკუთარი თავი არ ეცოდებათ და სხვამ რატომ უნდა შეიცოდოს. ბოტაფოგოსთან რამდენმა გაანადგურეთ ოჯახის ბიუჯეტი??
გელა

უი უი უი ეს რა იყო.რეალის ესე მიფათახება ადვილი არაა და ვერც ყოველ კვირას ნახავ.მართლა ყოჩაღ და უფრო ნაღდია "საღოლ" ენრიკე. გუნდი კუ არა მეწყერი დააყენა
latinurad sorry

kvara vfiqrob varskvlavebshi mifrinavs. imedia daeshveba micaze... vgulshematkivrob ra tqma unda...
იხვი

აბა რა, უეჭველი. ხო იცოდნენ, მე რო რეალზე დავდე, და ჩემს ჯინაზე ჩააწყვეს თამაში. ასე შვებიან გამუდმებით, მე რო არ მოვიგო.
გგ

რეალის წაგებული მატჩები მინახავს, ასე წაგებული, - არა! აბუჩად აგდება ჰქვია ამ ყველაფერს: პსჟ-ს ფეხბურთელები იმას უკეთებდნენ რეალის ფეხბურთელებს, რაც უნდოდათ. ყოჩაღ ენრიკეს, THE გუნდი დააყენა.
მალხაზ ჯობავა

ვულოცავ ხვიჩა კვარაცხელიას და მისი თამათობით პსჟ-ს ბრწყინვალე გამარჯვებას, რ ე ა ლ ზ ე!!! არ ყოფილა შემთხვევითი ინტერთან 5-0 ხომ? ასეა ეს. კვარა რომ არ მიეყვანა ენრიკეს, არც არაფერი იქნებოდა კვარას გარეშე. შეუტიოთ კვარა! დანარჩენ ჩვენს ქართველ ლომ ბიჭებთან ერთად მსოფლიოსაც! აბა ულააა!!
სტალინი

დიდება პარიზის კომუნას და მის უნიჭიერეს ქართველ ემიგრანტ ვარსკვლავს ვაშა. წინ დიადი გამარჯვებისკენ სერ ვინსტონის ფავორიტ გუნდთან. როგორ არ გაგახსენდება 90-ნი წლების ქართველი რუსი ლტოლვილის სიმღერა Лондон Париж
zura222

ნაღდათ ტოტალიზატორის პონტებია დარწმნებული ვარ მაგაში, რეალ მადრიდი ეგრე არ აგეფს ხოლმე შანსი არაა, მაგარი მაზავშიკობა მიდის ეგრე წოდებულ დემოკრატიულ ევროპაში.
Levani

პსჟმ რეალს გადაუსვა შპაკლი :) ახალგაზრდა ფეხბურთელებმა უყურეთ რას თამაშობენ თუნდაც მენდეში,ტიპი ნადირის. ისე რაღაცით ჩვენი ხარებაშვილი წააგავს მაგას და იმედია მასეთი გახდება მალე.
ტუკო რამირესი

გილოცავთ! მგონი, ჩვენი ბიჭი მსოფლიოს ჩემპიონობასაც მალე იზეიმებს!

ლოჩოშვილის "ნიურნბერგმა" დიუსელდორფში გაიმარჯვა

სლოტი: მამარდაშვილი გამორჩეული მეკარეა - გამიკვირდება, თუ ალისონი სანაკრებო პაუზის შემდეგ დაბრუნდება

"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად

ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ

"მინდა გვარდიოლამ ესპანეთის ნაკრები ჩაიბაროს" - დავიდ სილვა

ვსა-მ დუდუ დადიანის თასი ზედიზედ მეორედ მოიგო

20 წლამდელთა ნაკრებს ვიტო კოლელიშვილი ჩაიბარებს

[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო

[VIDEO] კიტეიშვილი დაბრუნდა და "რეინჯერსს" გაუტანა

The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის

კვერნაძე ერთმატჩიანი დისკვალიფიკაციით დასაჯეს

რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო

19-წლამდელები ბოსნია და ჰერცეგოვინას დაუპირისპირდებიან - შემადგენლობა

21-წლამდელთა შემადგენლობა ოქტომბრის მატჩებისთვის

კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია

"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი

"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა

"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა

"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ

"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ

"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?

ქოჩორაშვილი არ ათამაშეს - "სპორტინგი" "ნაპოლისთან" დამარცხდა

"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო

დღეს - ენრიკე ხვიჩას გარეშე, მიქაუტაძე "იუვენტუსის" წინააღმდეგ

AS: პსჟ კვარაცხელიას საქართველოს ნაკრებში გამოძახებით აღშფოთებულია და მისი გაშვება არ უნდა

[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!

გადაწყვეტილება მიღებულია - ცნობილია, ითამაშებს თუ არა კვარაცხელია "ბარსელონას" წინააღმდეგ

"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ

[VIDEO] მბაპეს ჰეთ-თრიკი და ზარია შეცვლაზე - "რეალმა" "კაირატი" გაანადგურა

"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე

"მადლობა ჩვენი გუნდის პრეზიდენტს, მის ამ ჟესტს არასდროს დავივიწყებ" - "ბარსელონასთან" მატჩის წინ, ენრიკემ ნასერ ალ-ხელაიფის მიმართ მადლიერება გამოხატა

"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი

Le Parisien: კვარაცხელია პსჟ-ს შეიძლება ბარსელონაში გაჰყვეს

[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"რეალთან" 0:5-ის შემდეგ "კაირატის" მეკარე ავტომობილით დააჯილდოეს