რიჩარდ ქოქრილმა ბორჯღალოსნებისა და "შავი ლომის" მთავარი მწვრთნელის პოსტი დატოვა - ვინ შეცვლის ინგლისელს?

54 წლის ინგლისელი სპეციალისტი რიჩარდ ქოქრილი ორწლიანი მოღვაწეობის შემდეგ საქართველოს ეროვნული ნაკრებისა და "შავი ლომის" მთავარი მწვრთნელის პოსტს ტოვებს. ამის შესახებ ინფორმაციას საქართველოს რაგბის კავშირი ავრცელებს.   ქოქრილის თავკაცობით საქართველოს ნაკრებმა ორჯერ მოიგო რაგბი ევროპის ჩემპიონატი (2024 და 2025 წლებში) და მოიპოვა 2027 წლის ავსტრალიის მსოფლიო თასის საგზური. 2024 წელს ბორჯღალოსნებმა ქოქრილის ხელმძღვანელობით მესამე გამარჯვება მოიპოვა ტიერ1-ის გუნდთან.   მთლიანობაში, ინგლისელის თავკაცობით საქართველოს ნაკრებმა ორი წლის განმავლობაში 22 თამაში ჩაატარა და 14 გამარჯვება მოიპოვა.   "მინდა მადლობა გადავუხადო საქართველოს რაგბის კავშირს იმ პატივისთვის, რასაც ორი წლის განმავლობაში საქართველოს ეროვნული ნაკრებისა და ფრენჩაიზის, ‘შავი ლომის’ მთავარი მწვრთნელობა ჰქვია. საქართველოში რაგბის კავშირის ყოფილმა პრეზიდენტმა იოსებ ტყემალაძემ მომიწვია და ამ შესაძლებლობისთვის მას პირადად ვუხდი მადლობას", - განაცხადა ქოქრილმა.   "ეკიპმა" 4 დეკემბერს გაავრცელა ინფორმაცია, რომ საქართველოს რაგბის კავშირი ნაკრების მწვრთნელის რიჩარდ ქოქრილის გადაყენებას და მის ნაცვლად "ბრივის" თავკაცის პიერ-ანრი ბრონკანის დანიშვნას გეგმავდა. თუმცა, როგორც ირკვევა, მას შემდეგ სიტუაცია შეიცვალა.   ცნობილი ფრანგული გამოცემის მტკიცებით, ქართული მხარისთვის ბრონკანის კანდიდატურა აქტუალური აღარაა და ახლა მოლაპარაკებებს რამდენიმე სპეციალისტთან და მათ შორის ოქტომბრის ბოლოს "პერპინიანიდან" აბარგებულ 54 წლის ფრანკ აზემასთან აწარმოებენ.   "შავი ლომი" რამდენიმე დღის წინ ჩელენჯ თასზე ირლანდიაში "ქონოთთან" გამანადგურებელი ანგარიშით 0:52 დამარცხდა, აზემას კი გადაწყვეტილება არ მიუღია, რამეთუ რამდენიმე შეთავაზება აქვს, ბურთი მოედნის მის ნახევარზეა და მალე გაირკვევა, დათანხმდება თუ არა "ბორჯღალოსნების" ჩაბარებას.

პაატა

ქოქრილი თავისი დონით საერთოდ არ შეესაბამებოდა მთავარი მწვრთნელის პოსტს, მაგრამ მაინც დანიშნეს, დამყოლი კაცი არის. სელექცია დროს ნუ დახარჯავო, ჩვენ შეგირჩევთ მოთამაშეებსო… ასე რომ მიხვდით აწი ვინც ატარებდა და ატარებს სელექციას! ჩვენი რაგბი პროგრესის გზას ვერანაირად ვერ დაუბრუნდება სანამდე ფედერაციას ეს გაყოყოჩებული დაბალკვალიფიციური ბანდა მართავს!!! ერთი-ერთში იგივე ხდება რაც ფეხბურთის და კალათბურთის ფედერაციებში! გარედან არავის აზრი არ აინტერესებთ და თავისი მოკლე ჭკუით ვითომ რაღაცას აკეთებენ!
სიმართლე

ნათქვამია "თევზი თავიდან ყარს"-ო ანუ სანამ ამ რაგბის კავშირს სათავეში უდგანან ხალხი, ვინც ქომაგებთან კავშირი გაწყვიტეს, არავითარი მნიშვნელობა აღარ აქვს თუ ვის მოიყვანენ მწვრთნელად - როგორც მინიმუმ, შედეგი უკეთესი არ იქნება! აფსუს იმ დროს, როცა გია ნიჟარაძის (და ნაწილობრივ გოჩა სვანიძის) პერიოდში ჩვენ, ქართული რაგბის მხურვალე ქომაგებს, მაშინდელი რაგბის უფროსობა გვხვდებოდნენ, გვისმენდნენ და ზოგჯერ ჩვენს აზრს ითვალისწინებდნენ - სწორედ მაშინ იყო ქართული რაგბი აღმავლობის გზაზე, ხოლო ამ პირობებში კი დაღმასვლა გარდაუვალია! მაგალითები ბოლო პერიოდში? რამდენიც გნებავთ (ჩვენი 18 წლამდელების მარცხი ესპანელებთან, ნაკრების მთავარი ტესტ მატჩის წაგება იაპონიასთან და ა.შ.) და უარესი პერსპექტივა მომავალში, თუ არ იქნა რადიკალური ცვლილებები
ქართველი

დაუბრუნეთ ჩვენს ნაკრებს ქართული შერკინება,ასწავლეთ აუტის ჩაწოდება, ასწავლეთ ხაზის სწორად გაჭრა თითქმის სულ ესაა რაც გვჭირდება
ბოროტი ბეჰემოტი

გაფარჩაკებული რაგბის კავშირი გაბანძებული გუნდის მწვრთნელად ეძებს მდარე ხარისხის სპეციალისტს და იმასაც ეხვეწება
.

საქმე აქეთკენ მიდიოდა და მივიდა!ბოლო ხანებში,რაგბის კაშირი თითქმის გაჩუმებულია და არავითარი ინფორმაცია არ გამოდის,ამიტომ რაც ხმები ვრცელდება,ალბათ ჭორ-მართალის ნარევია.ერთი რამე ცხადია,ქართული რაგბი,თითქოს არასწორი მიმართულებით მიდის.პირველ რიგში ახალგაზრდულ და საბავშვო რაგბს ვგულისხმობ.მასობრიობაზე გავაკეთეთ აქცენტი და ამან,ხარისხობრივი ზრდის ნაცვლად,კლება გამოიწვია.რაგბი,სწრაფი და ხელით უპირატესი თამაშის განვითარებისკენ მიდის,ჩვენ კი,ისევ ძალისმიერ თამაშზე ვაკეთებთ აქცენტს.სარაგბო წესების ცვლილებები,ჩვენი აქცენტების საწინააღმდეგოდ არის მიმართული და ამიტომ,სულ უფრო წამგებიან სიტუაციაში რჩება.რა თქმა უნდა ჩვენი მთავარი კოზირი,ფიზიკურობაა,მაგრამ თანამედროვე მოთხოვნებს ფეხი თუ არ ავუწყეთ,კიდევ უფრო უკან დავიწევთ.იმედი დავიტოვოთ,რომ ახალი მწვრთნელი,უფრო წარმატებული იქნება.
რეზო

კი ბატონო,მაგრამ სელექციას ხომ მწვრთნელი აწარმოებს? რამე ახსნა აქვს მამამთავრიშვილის ნაკრებში ჯიუტად გამოძახებას, რომელიც მუდმივად გგადამწყვეტ შეცდომას უშვებს, და ამ დროს იაშაღაშვილის ასევე ჯიუტად იგნორირებას? პირველ ხაზზე საერთოდ აუხსნელია! კარგი იქნებოდა ვონმეს მოეთხოვა ამის დადაბუთება, ისევე როგორც თავის დროზე მაისაშვილისთვის კარკაძის არ წაყვანაზე!!! უმნიშვნელოვანესი მატჩებისთვის 1 ნომერზე გამოიძახა აბდუშელიშვილი, თეთრაშვილი, ხატიაშვილი, მამაიაშვილი!!! 3 ზე - აფციაური ( რომელიც ძალიან პერსპექტიულია, მაგრამ მიწოლაში სუსტია), დარბაიძე( რომელსაც წუთი არ ენდო). ეს პატივცემულო ჟურნალისტებო, ჟურნალისტურ გამოძიებას მოითხოვს! ჩამოგითვალოთ, ვისი გამოძახება შრიძლებოდა და არ მოხდა? 9 ზე კიდევ ასევე ხდება ალანიას იგნორირება. ხაზში რა ვერ მოიძებნა ვერავინ? თუ არავინ არდად არასდროს არ ათამაშე, გეყოლება ერთი და იგჯვე 20 წელი
ირაკლი

მეშინია, ისევ მაისაშვილი არ დაგვრჩეს "დროებით" მწვრთნელად!
ნინი

საოცარი კომენტარებია, 2 წლის წინ მოიყვანეს დიდ გუნდებში ნამუშევარი მწვრთნელი, ბოლომდე ვერ გაამართლა და გაუშვეს, ეხლა ახალს ეძებენ. ესე იყო მაისაშვილის შემთხვევაშიც. რა არის აქ აღსაშფოთებელი?!:)))))
rigiti-ს

100%! თევზი თავიდან ყარს!!!
rigiti

რა გეჩქარებათ? ჯერ ხომ დარჩა კიდევ გასაფუჭებელი!!! მგონი პასუხისმგებლობა სხვებსაც აქვთ ასაღები!!!
ნაცარქექია

მწვრთნელი უნდა გადააყენო, როცა აგებ 30-52 ან 32-52. როცა სუხოიზე აგებ და რამდენიმე მწვრთნელის ხელში აუტის მოწოდებასაც კი ვერ სწავლობ, პრობლემა უკვე მოთამაშეებშია და არა მწვრთნელში. გვახსოვს როგორ ვდომინირებდით შერკინებაში, ეხლა აქეთ გვჩაგრავენ ვისაც მოესურვება. ყველა კომპონენტში უკუსვლა აქვს ნაკრებს. ვერა და ვერ განხორციელდა სწორი სელექცია და ნაკრების ბირთვის ჩამოყალიბება. ახალი სისხლია საჭირო როგორც ფეხბურთში, იმ განსხვავებით რომ იქ სანიოლი ნაღდად გასაშვებია, კიდევაც ბევრი ვაცალეთ.

რაგბის ფედერაცია ქოქრილის შეცვლას გეგმავს - კანდიდატი ცნობილია

რიჩარდ ქოქრილი: ჩვენგან იტალიაზე ზეწოლა იქნება - ჯგუფიდან გასვლა რეალისტურია

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

"მანჩესტერ იუნაიტედი" და "ბორნმუთი" რვაგოლიან მატჩში დაზავდნენ

"რეალის" ყოფილი მცველი მესისთან ერთად "ინტერ მაიამიში" ითამაშებს

სირილ ედუძიმ გორის "დილა" დატოვა

41 წლის ტიაგო სილვა ევროპაში აპირებს დაბრუნებას

"უპამეკანოსთან კონტრაქტის გახანგრძლივებას ვცდილობთ" - "ბაიერნის" სპორტული დირექტორი

"ერთიანობა წარმატების საფუძველია" - ჩაბი ალონსოს კომენტარი "ალავესთან" გამარჯვების შემდეგ

სუპერლიგის VIII ტური | თსუ-ს, ორბის და კსუ-კავკასიის გამარჯვებები

კვერნაძე შეცვალეს, "ფროზინონემ" ისევ გაიმარჯვა

კიტეიშვილის "შტურმი" კვლავ დამარცხდა

[VIDEO. ეროვნული ლიგა / ლიგა 2. პლეი-ოფი] "მეშახტე" და "სპაერი" პირველად! ეროვნული ლიგა კახელების გარეშე...

"ჩინებული და საკვანძო ფეხბურთელია" - მწვრთნელმა წიტაიშვილი შეაქო, რომლის მეურვეობა ზაირ-ემერიმ ვერ შეძლო

[VIDEO] გოგლიჩიძე შეცვლაზე შევიდა - "უდინეზემ" "ნაპოლის" მოუგო

მიქაუტაძის გუნდის მატჩი გადაიდო

"ტერის და ლამპარდს საკუთარი იახტა დაუთმო, მე კი ..." - ჯო კოულმა რომან აბრამოვიჩზე ისტორია გაიხსენა

მადრიდის "რეალს" უპამეკანოს დამატება სურს

"რა პრობლემა უნდა აღმოფხვრილიყო?" - არნე სლოტმა მოჰამედ სალაჰზე ისაუბრა

[VIDEO] ბითაძის უქულო მატჩი და ბრანსონის ბენეფისი - "ნიუ იორკ ნიქსი" NBA Cup-ის ფინალში გავიდა

[VIDEO] გიგა ჭიკაძე კევინ ვალეხოსთან ნოკაუტით დამარცხდა

"შავი ლომი" ირლანდიაში 0:52 დამარცხდა

[VIDEO] ქოჩორაშვილის საგოლე პასი - "სპორტინგმა" მეტოქე გაანადგურა

რიჩარდ ქოქრილი: წაგება ჩემი პასუხისმგებლობაა, მაგრამ ჩვენმა გუნდმა კარგად ითამაშა

"ბორჯღალოსნები" | ორი დებიუტანტით იაპონიასთან

"რათა შეცდომები არ განმეორდეს" - რა ითქვა აშშ-სთან მატჩის შემდეგ

ქოქრილი: გაღიზიანება მესმის, გუნდი შენების პროცესშია და მინდა ეს გაიგოთ

რაგბის ფედერაცია ქოქრილის შეცვლას გეგმავს - კანდიდატი ცნობილია

რიჩარდ ქოქრილი: მსოფლიო თასამდე ეს ჩვენთვის ყველაზე მნიშვნელოვანი ტურნირია

"ბორჯღალოსნები" | გადამწყვეტი რკენა წლის ბოლო მატჩში

[VIDEO] რა ახლოს ვიყავით გამარჯვებასთან - საქართველოს ნაკრებმა იაპონიასთან დასანანი მარცხი განიცადა