7-კაცა | გიორგი ნოზაძე - შეიყვარე და გამოგვყევი

24 დეკემბერს საქართველოს 7-კაცა ეროვნულ ნაკრებსა და ქართულ კლუბებში მოთამაშე ფიჯელი და სამხრეთ აფრიკელი ლეგიონერებით დაკომპლექტებულ გუნდს შორის &bdquo;შევარდენის“ სანაკრებო ბაზაზე ამხანაგური თამაშები გაიმართა რაგბიში.   მას შემდეგ რაც 2025 წლის ივლისში ქართული 7-კაცას განვითარებაზეპასუხისმგებლობა გიორგი ნოზაძემ აიღო, კაცთა თუ ასაკობრივ ჯგუფებში, როგორც აღმოსავლეთ, ასევე დასავლეთ საქართველოში, არაერთი აქტივობა გაიმართა. სწორედ განვლილი 5 თვის ერთგვარი შეჯამება იყო &bdquo;შევარდენზე“ გამართული თამაშები, რომელმაც ხალისიან ატმოსფეროში ჩაიარა.   &bdquo;საქართველოში მყოფი ფიჯელი და სამხრეთ აფრიკელი ლეგიონერები ერთ გუნდად გავაერთიანეთ და საქართველოს 7-კაცა ნაკრების კანდიდატებით ვეთამაშეთ. ჩვენი მოთამაშეები უმეტესად აღმოსავლეთ საქართველოდან იყვნენ წარმოდგენილი, რადგან დასავლეთიდან ყველამ ვერ მოახერხა ჩამოსვლა. ამ თამაშებს სასარგებლოსთან ერთად გასართობი სახეც ქონდა. ვცადეთ სხვადასხვა ფორმატით თამაში, რაც საბოლოოდ დავასრულეთ 7-კაცა თაჩ-რაგბით“ - ამბობს გიორგი ნოზაძე და განაგრძობს:    &bdquo;სამხრეთაფრიკელები მსოფლიოს 4-გზის ჩემპიონები არიან, ფიჯელებმა კი ორჯერ მოიგეს ოლიმპიური თამაშები სწორედ 7-კაცა რაგბში. ისინი ამ სპორტის უბადლო ოსტატები არიან და როგორც მათი, ასევე სამხრეთ აფრიკელების სათამაშო კულტურა ჩვენთვის საინტერესო და მნიშვნელოვანია. დღემ ძალიან კარგად ჩაიარა. ფიჯელებიც ბედნიერები იყვნენ ერთად თამაშის შესაძლებლობა რომ მიეცათ და ამისათვის დიდი მადლობა გადაგვიხადეს“.   &bdquo;რასაკვირველია ფიჯელებისა და აფრიკელების თამაშის სილაღე გვაძლევს დიდ გამოცდილებას. ის ასევე შეგვახსენებს, რომ ესაა თამაში და მისგან სიამოვნება უნდა მივიღოთ. აუცილებლად უნდა ავღნიშნო, რომ ჩვენმა ბიჭებმა ამ მისიას თავი ძალიან კარგად გაართვეს. ეს იყო გაცნობითი და გასართობი შეხვედრა. გვაქვს სურვილი, რომ ჩვენი ჩემპიონატის დასრულების შემდეგ კვლავ გავაკეთოთ ლეგიონერების ნაკრები და ვითამაშოთ უკვე სრულფასოვანი 7-კაცა რაგბი“.   კლუბებთან ურთიერთობა   ნოზაძის თქმით, მისთვის განსაკუთრებით სასიამოვნოა ქართულ კლუბებთან ურთიერთობა. განვლილი 5 თვის განმავლობაში, როგორც ის ითვალისწინებდა კლუბების ინტერესებს, ასევე კლუბები ითვალისწინებდნენ 7-კაცა ნაკრების ინტერესს, რამაც ვარჯიშების პროცესი კიდევ უფრო პროდუქტიული გახადა:   &bdquo;არ შეიძლება არ ავღნიშნო კლუბებთან და მწვრთნელებთან კომუნიკაცია. ეს არ არის ცალმხრივი პროცესი. ჩვენ ვითვალისწინებთ ყველა კლუბის მოსაზრებას და გვჭირდება მათი მაქსიმალური ჩართულობა ნებისმიერ საკითხში. სასიამოვნოა, რომ მათგანაც ზუსტად იგივეს ვგრძნობთ“.   &bdquo;ასე გაგრძელდება მომავალშიც და რადგან იანვარში კლუბებს აქტიური მოსამზადებელი პერიოდი აქვთ, რასაც კლიმატური პირობებიც ემატება, იანვარში 7-კაცას ვარჯიშის დაწყება მიზანშეწონილად არ მიგვაჩნია. კარგად გვესმის, რომ ჩემპიონატის დასკვნით ეტაპზე კლუბებზე უფრო მეტი წნეხი მოდის და ვითვალისწინებთ მათ მოთხოვნებს“.    &bdquo;ამიტომ, როგორც დასავლეთში, ასევე აღმოსავლეთში, თებერვალ-მარტში მსუბუქი ვარჯიშები გვექნება (კვირაში ერთხელ) და მხოლოდ ტექნიკურ ნაწილზე გაკეთდება აქცენტი. აპრილის მეორე ნახევრიდან, როდესაც გუნდები საფლეიოფო განაცხადს მიღმა აღმოჩნდებიან, დავიწყებთ ვარჯიშების აქტიურ ფაზას, რათა ივლისის ტურნირებს მომზადებული შევხვდეთ. მუდმივი კომუნიკაცია გვაქვს გუნდების მწვრთნელებთან, ფიზ, მომზადების მწვრთნელებთან და თავად მოთამაშეებთან, რათა სრულად იყოს გათვალისწინებული მათი მოთხოვნები და საჭიროებები“.   &bdquo;მთლიანობაში, ოფიციალურ ტურნირებამდე 6 თვე გვაქვს მოსამზადებლად. ოპტიმისტურად ვარ განწყობილი და მჯერა, კავშირის დახმარებით, აპრილი-ივნისი დახუნძლული იქნება როგორც ვარჯიშებით, ასევე მოსამზადებელი ტურნირებით და თამაშებით“.   &bdquo;როგორც ვახსენეთ, ევროპის ჩემპიონატი ივლისში გვექნება, შესაბამისად, ეს პერიოდი შეიძლება საინტერესო იყოს ქართველი ლეგიონერებისთვის, რომლებიც საქართველოს ფარგლებს გარეთ თამაშობენ და ივლისში, თუკი ისინი იქნებიან თავისუფალი და ექნებათ სურვილი, მათი ინეტერესებიდან გამომდინარე, ჩვენც გავითვალისწინებთ მათ შესაძლო კანდიდატებად“.   კაცთა და ჭაბუკთა განვითარებისთვის   7-კაცას მწვრთნელად გიორგი ნოზაძის დანიშვნის შემდეგ, რაგბის ეს მიმდევრობა უფრო აქტუალური გახდა როგორც კაცთა, ასევე ჭაბუკთა და უფროსი საფესტივალო ასაკის მოთამაშეებისთვის. მთავარი მწვრთნელის მიზანია, რომ ივლისამდე აღდგეს 18-წლამდელთა 7-კაცა ნაკრები და ის რაგბი ევროპის ასაკობრივ ჩემპიონატს დაუბრუნდეს:   &bdquo;7-კაცას პროექტს ორი მხარე აქვს - ახალგაზრდული და ეროვნული. ორივე ძალიან მნიშვნელოვანია, რადგან ერთი მეორეს გარეშე არ არსებობს. შესაბამისად, ამ პროექტს ივლისში გასამართ 18-წლამდელთა ჭრილშიც ვუყურებ. სწორედ ამიტომ გავაკეთეთ 14 და 16-წლამდელთა ტურნირები როგორც დასავლეთ, ასევე აღმოსავლეთ საქართველოში. ამით გუნდებს, მათ მწვრთნელებს და რა თქმა უნდა თავად მოთამაშეებს, 7-კაცა რაგბში საკუთარი შესაძლებლობების გამოცდის საშუალება მივეცით. გაზაფხულზე ჭაბუკთა და საფესტივალო ასაკში კიდევ გვექნება 7-კაცა ტურნირები“.    &bdquo;ამავდროულად, კაცებში აქტიური სავარჯიშო 4 თვე გვქონდა. ვარჯიშებს ვატარებდით თბილისში, ქუთასსა და ფოთში, რათა თითოეულ პოზიციაზე გავაჩინოთ კონკურენცია, შევქმნათ სიღრმეები. ამან შედეგი გამოიღო, რადგან მხოლოდ იმერეთსა და ზღვისპირეთში გვყავს დაახლოებით 40-კაციანი ჯგუფი, რომელიც აღმოსავლეთის ჯგუფთან ერთად, გააჩენს ჯანსაღ კონკურენციას, რაც საბოლოოდ კვალიფიციურ მოთამაშეებს მოგვცემს, როგორც 7-კაცა, ასევე 15-კაცა ნაკრებისთვის და ზოგადად რაგბისთვის“.   &bdquo;განვლილი ვარჯიშების შეჯამების სახით, ნოემბერში გვქონდა თამაშები. ფოთში ვათამაშეთ დასავლეთ საქართველოს ჯგუფი, ხოლო აღმოსავლეთის ჯგუფმა &bdquo;შევარდენზე“ ითამაშა. შედეგად, დარწმუნებით შემიძლია ვთქვა, რომ ჩვენ გვყავს ჯგუფი, რომელთაც უყვართ და მზად არიან ყველაზე გუნდურ, ინტენსიურ სათამაშო სახეობაში, რასაც 7-კაცა რაგბი ქვია, ჩაებან და ყველაფერი გააკეთონ, რათა მისი ნაწილი იყვნენ“.   Rugby.ge

.

სამხრეთ ნახევარსფეროელ რაგბისტებთან თანაში,ძალიან კარგად მოგიფიქრებიათ და სისტემატურს თუ გახდით,ძალიან სასარგებლო იქნება.ლეგიონერებიც გაიხარებენ ერთად ყოფნით და ჩვენებსაც, მათ ფონზე თავის გამოცდა შეეძლებათ.საერთოდაც სამხრეთელი ბიჭების გამოყენებას,იმ მხრივაც უნდა ეცადოთ,რომ შესაძლოა ბავშვებთანაც ჩაატარებინოთ მასტერკლასები და საბავშვო რაგბში,ძირითად დისციპლინად,7 კაცა რაგბი თუ ვაქციეთ,აქ ჩამოსული სამხრეთელების მწვრთნელებად დატოვებას თუ დავიწყებთ,ტექნიკური ჩამორჩენის აღმოფხვრა,ვფიქრობ რომ საგრძნობლად დაჩქარდება.რა თქმა უნდა შერჩევა მანდაც საჭირო იქნება და ყველას ხელის ერთი მოსმით ვერ დავიტოვებთ,მაგრამ ამ ფორმაზე მგონი ფიქრი შეიძლება.

[VIDEO] "შავი ლომი" "ძებრესთან" დამარცხდა

ჩელენჯ თასი | საბრძოლო რაზმით "ძებრესთან"

"შავი ლომი" | ფინალი "ძებრესთან" ჯგუფიდან გასასვლელად - შაბათს "მიხეილ მესხზე"

ერთი კატალონიური გუნდიდან მეორეში - ტერ შტეგენს მუნდიალამდე სათამაშო პრაქტიკა სჭირდება

არტეტა მთავარი სამიზნეა - "რეალს" მწვრთნელის პოსტზე რამდენიმე ვარიანტი აქვს

"ეს გუნდზე უარყოფითად აისახება" - ფიგუ ხაბი ალონსოს გათავისუფლებაზე

[VIDEO] მიქაუტაძის სრული მატჩი და კაცნაკლული "ვილიარეალის" მარცხი "ბეტისთან"

ევრო 2026 | ფუტსალის ნაკრებმა თბილისური შეკრება დაასრულა

[VIDEO] ...აი, რატომ არ უნდა გააბრაზო "ბაიერნი" - საშინელი სამსჯავრო ლაიპციგში

სამი ფრის შემდეგ - ლობოტკამ "ნაპოლის" გამარჯვება მოუპოვა

[VIDEO] კვერნაძის საგოლე პასი - "ფროზინონემ" "მონცასთან" ფრეს მიაღწია და ისევ ლიდერია

[VIDEO] ევროპის ჩემპიონატი. საქართველოს ნაკრები იტალიასთან ბრძოლაში დამარცხდა

[VIDEOS] "რეალის" ფანების პროტესტსა და სტვენაზე პერესმა სიცილი ვერ შეიკავა - "ბლანკოსმა" ორმატჩიანი მოუგებელი სერია "ლევანტესთან" დაასრულა

[VIDEO] ქერიკის ბრწყინვალე დებიუტი - "იუნაიტედმა" მანჩესტერულ დერბიში დამაჯერებლად გაიმარჯვა

[VIDEO] "შავი ლომი" "ძებრესთან" დამარცხდა

[VIDEO] ჩაკვეტაძემ შეუცვლელად ითამაშა - "უოტფორდმა" მნიშვნელოვანი მატჩი წააგო

[VIDEO] ლოჩოშვილის მორიგი კარგი მატჩი - "ნიურნბერგმა" ერთ-ერთ ლიდერს თამაში შემოუტრიალა

"თავი ვინ ჰგონიათ?!" - კონტემ ამორიმი გააკრიტიკა

"გუნდი არ არის, ისინი უბრალოდ სამსახურში დადიან" - პერკინსმა "ლეიკერსი" გააკრიტიკა

"გრიფინმა" სუპერლიგის გუნდს ისევ მოუგო | თასის გათამაშების "კერკეტი" გუნდი კასპიდან

"მანჩესტერ იუნაიტედმა" ლუის ენრიკეზე უარი ამის გამო თქვა" - რას წერს ბრიტანული პრესა ესპანელ სპეციალისტზე?

მე-14 ტრანსფერი ბოლო 1 წელიწადში - "სიტიმ" გეჰი შეიძინა

[VIDEO] მამუკელაშვილი დაბრუნდა - "ტორონტო" "კლიპერსთან" დამარცხდა

ახალგაზრდა ქართველმა მორაგბეებმა ინგლისურ კლუბს 107:5 მოუგეს

ზაალ რუხაძე - სამხრეთაფრიკული რაგბის ახალგაზრდა ქართველი ტალანტი

7-კაცა | მადაგასკართან და გერმანიასთან მეორე ეტაპზე

7-კაცა | მზადება დაიწყო - ახალი მწვრთნელით, ახალი სისტემით და გაფართოებული შემადგენლობით

7-კაცა | მე-11 ადგილი პირველ ეტაპზე

7-კაცა | უკეთ, მაგრამ არასაკმარისად

7-კაცა | ბრძოლა გრძელდება - მე-5 ადგილის ნახევარფინალში ტონგასთან

7-კაცა | რულოფ კოცე - Sharks Academy-ს დამაარსებელი ქართული 7-კაცას განვითარებისთვის