20 წ. | კარგი ტაიმით მსოფლიოს ჩემპიონთან

საქართველოს 20-წლამდელთა ნაკრებმა, რომელიც 2026 წელს საქართველოში გასამართი მსოფლიო რაგბის ახალგაზრდული ჩემპიონატისთვის ემზადება, პირველი საკონტროლო შეხვედრა გამართა.   მეტოქე 20-წლამდელთა ჩემპიონატის ორგზის გამარჯვებული (2012, 2025), მოქმედი ჩემპიონი სამხრეთ აფრიკა იყო, რომელიც საქართველოს ორი მატჩის გასამართად ეწვია. პირველი შეხვედრა რუსთავის &bdquo;ხარები არენაზე“ გაიმართა და მთავარი მწვრთნელის რანგში ვეტერანი ბორჯღალოსნის, ვიტო კოლელიშვილის დებიუტი შედგა.   რადგან შეხვედრა მოსამზადებელი ხასიათის იყო, მასში შეკრებაზე გამოძახებული 38 მოთამაშიდან 30-მა მიიღო მონაწილეობა. ჩვენმა გუნდმა თითო ტაიმი თითო შემადგენლობთ ჩაატარა. შეუზღუდავი იყო შეცვლები.   თამაშმა დიდი ინტერესი გამოიწვია და სტადიონზე გულშემატკივარი მრავლად მივიდა. ისინი მთელი თამაშის განმავლობაში მხურვალედ ქომაგობდნენ ბორჯღალოსნებს და მოედანზეც დიდი ბრძოლა გაჩაღდა.   თამაში ჩვენი შეტევებით დაწყო და საწყისი 6 წუთი მეტოქის 22-ში გავატარეთ, მაგრამ ლელო ვერ გავიტანეთ. ფიზიკურად დიდი მოთამაშეებით დაკომპლექტებულმა მოწინააღმდეგემ, რომელიც ხელდახელ მაღალ ტემპში თამაშობდა, შეძლო ინიციატივის დაუფლება და პირველ ტაიმში 5 ლელო გაიტანა.   ტაიმის ბოლოს ლელოს გატანის შანსი საქართველომაც მიიღო. მეტოქის 5-მეტრიანში ბურთი ფრთაზე კარგად ჩავათამაშეთ, მაგრამ სტუმრებმა მოახერხეს თავის დაცვა და ლუკა ტაბატაძის აუტში გადაყვანა, მერე კი გიგი სირბილაძეს, რომელმაც ბურთი ლელოში ფეხით შეიცურა, მასზე თამაში მოწინააღმდეგემ დაასწრო.   მეორე ტაიმი საქართველომ პირველზე უკეთ ჩაატარა. შერკინებაში ძალები გათანაბრდა, მატჩის მიწურულს კი უპრატესობა საქართველომ მოიპოვა და მეტოქე რამდენჯერმე დააჯარიმა. სამხრეთ აფრიკა ვეღარ ახერხებდა უპრატესობის ხაზის გადაკვეთას, საქართველოს კი კიდევ რამდენჯერმე შეეძლო ლელოს გატანა, თუმცა აფრიკელებმა ამის შესაძლებლობა არ მოგვცეს და ტაიმი 0:0 დასრულდა.   &bdquo;დღეს საკუთარი შესაძლებლობების წარმოჩენის შანსი 30 მოთამაშეს მივეცით, რაც ძალიან მნიშვნელოვანი იყო. თამაში ორ ნაწილად გვქონდა დაყოფილი და ტაიმები სხვადასხვა 15-ეულით დავიწყეთ. გამოჩნდა, რომ გუნდს სწორად აქვს გაცნობიერებული საით მივდივართ. სამუშაო ბავრია, თუმცა მსოფლიოს ჩემპიონატამდე დრო გვაქვს და პროცესს ვაგრძელებთ. ვიმედოვნებ, რომ სამხრეთ აფრიკასთან მეორე მატჩში კიდევ უფრო უკეთესები ვიქნებით“ - განაცხადა ნამატჩევს ვიტო კოლელიშვილმა.   საქართველოსა და სამხრეთ აფრიკის 20-წლამდელთა ნაკრებები ერთმანეთს მეორედ 27 თებერვალს, &bdquo;ლელო არენაზე“ შეხვდებიან. თამაში 15 საათზე დაიწყება და იქ უკვე გუნდები კლასიკური, 23-კაციანი შემადგენლობებით იქნებიან წარმოდგენილი.   20-წლამდელთა ტესტ-მატჩი   რუსთავი. &bdquo;ხარები არენა“. 15:00 საათი   საქართველო - სამხრეთ აფრიკა   I ტაიმი: 15. ნიკა ხალვაში (ლელო), 14. საბა ნატროშვილი (არმია), 13. ცოტნე ცუცქირიძე (ლოკომოტივი), 12. დავით ბარბაქაძე (ლიონი, კაპ.), 11. დათა არობელიძე (არმია), 10. გიგი სირბილაძე (ოიონა), 9. დაჩი წიკლაური (ხვამლი); 1. ნიკოლოზ ბალანჩივაძე (ორიაკი), 2. გიორგი აღნიაშვილი (კარკასონი), 3. ნიკა კორახაშვილი (ოიონა), 4. საბა მღვდელაძე (კარკასონი), 5. თორნიკე ტორაძე (აია), 6. ლუკა საღინაძე (ლიონი), 7. ზაზა ლეჟავა (ფოთი), 8. ლუკა შულაია (ლელო).   II ტაიმი: 15. საბა შარვაშიძე (არმია), 14. ლუკა ტაბატაძე (არმია), 13. გიორგი მუშკუდიანი (აია), 12. დათა ახვლედიანი (ლელო), 11. გივი სოსელია (ხვამლი), 10. ლუკა დემურაშვილი (ლოკომოტივი), 9. თემურ ძოძუაშვილი (აია); 1. გიორგი ტურაშვილი (კასტრი), 2. ანრი შველიძე (ბრივი), 3. ლევან ეზიეშვილი (მონტობანი), 4. გიორგი მეფარიშვილი (აია), 5. ნიკა ჩხორთოლია (მონპელიე), 6. ლუკა ნარსია (აია, კაპ.), 7. ლუკა გაბუნია (ყაზბეგი), 8. გიორგი ბოჩიკაშვილი (ხვამლი).   Rugby.ge

20 წ. | ორი შემადგენლობით სამხრეთ აფრიკასთან

20 წ. | თასი უკვე თბილისშია!

20 წ. | მსოფლიოსთვის მზადებას ვიტო კოლელიშვილის დებიუტით და მოქმედი ჩემპიონით ვიწყებთ

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

"შტურმმა" მამაგეიშვილის მოპოვებული პენალტით გაიმარჯვა

17-წლამდე ნაკრებმა ჩრდილოეთ მაკედონიასთან მატჩებისთვის მზადება დაიწყო

რა შემთხვევაში გაათავისუფლებენ არბელოას? - ესპანური გამოცემა დეტალებზე წერს

"სჯობდა საერთოდ არაფერი ეთქვა" - კომპანიმ მოურინიო გააკრიტიკა

[VIDEO] რონალდოს 964-ე გოლი - პორტუგალიელმა დუბლი შეასრულა!

[VIDEO] შენგელიას კარგი მატჩი ყოფილ გუნდთან - "ბარსელონა" ესპანეთის თასს გამოეთიშა

როგორი შეფასებები მიიღეს ქართველმა ფეხბურთელებმა პსჟ-სა და "მეცის" მატჩში?

[VIDEO] ოთხი ქართველი "პარკ დე პრენსზე" ჩატარებულ მატჩში - პსჟ-მ "მეცს" ადვილად მოუგო

[VIDEO] ზურიკოს მეთორმეტე გოლი - "სენტ-ეტიენმა" გაიმარჯვა და მეორე ადგილზე დამკვიდრდა

[VIDEO] "რეალის" წაუგებელი სერია პამპლონაში შეწყდა - სამეფო კლუბის ლიდერობას წყალი შეუდგა...

ქოჩორაშვილის გარეშე - "სპორტინგმა" "მორიერენსეს" სძლია

[VIDEO] დავითაშვილმა ისევ გაიტანა და "სენტ-ეტიენი" "ლავალთან" დააწინაურა

პსჟ - "მეცის" მატჩის სასტარტო შემადგენლობები ცნობილია

20 წ. | ორი შემადგენლობით სამხრეთ აფრიკასთან

ანსუ ფატი შესაძლოა, ინგლისის პრემიერ ლიგას დაუბრუნდეს

20 წ. | სამხრეთ აფრიკა ჯერჯერობით დაუძლეველია

20 წ. | სამხრეთ აფრიკასთან რუსთავსა და თბილისში

20 წ. | ა ჯგუფში სამხრეთ აფრიკასთან, უელსთან და ურუგვაისთან

20 წ. | ორი შემადგენლობით სამხრეთ აფრიკასთან

20 წ. | ხარისხიანი გახურება სამხრეთ აფრიკასთან

20 წ. | სამხრეთ აფრიკისთვის 23 შეირჩა

20 წ. | დიდი სხვაობით "კუდუსთან"

20 წ. | ორი ტესტი მოქმედ ჩემპიონ სამხრეთ აფრიკასთან

20 წ. | თასი უკვე თბილისშია!