ბორჯღალოსნები | სამოასთვის შემადგენლობა შეირჩა

ბორჯღალოსნების სამწვრთნელო შტაბმა, მსოფლიო რაგბის ერთა თასზე სამოასთან გასამართი შეხვედრისთვის შემადგენლობა დაასახელა. მონტევიდეოში ურუგვაისთან 41:34 გამარჯვების შემდეგ, ჩვენმა გუნდმა ჩილეში გადაინაცვლა, სადაც 11 ივლისს, ჩვენი დროით 23 საათზე, ვინა დელ მარიში სამოას შეერკინება. თამაში &bdquo;ესტადიო საუსალიტოზე“ გაიმართება. პიერ-ანრი ბრონკანმა ჩილესთან მოგებული მატჩის შემდეგ 23-კაციან განაცხადში რამდენიმე ცვლილება განახორციელა. სასტარტო შემადგენლობაში ოთხი ახალი მოთამაშეა, ორმა კი პოზიცია შეიცვალა. გუნდის კაპიტანმა დავით ნინიაშვილმა, რომელმაც ურუგვაისთან ცენტრში ითამაშა, ფულბეკის პოზიციაზე გადაინაცვლა, ხოლო მეორე ცენტრი გიორგი კვესელაძე ფრთაზე დადგება. მათ ნაცვლად ცენტრში თორნიკე კახოიძე და გიორგი შველიძე შეწყვილდებიან. კახოიძე მარქაფიდან დაწინაურდა, შველიძეს კი მონტევიდეოში არ უთამაშია.   უცვლელია ღერძი, სადაც თამაშს ვასილ ლობჟანიძე და ლუკა მატკავა იწყებენ. ფრთაზე ადგილი შეინარჩუნა აკაკი ტაბუცაძემ.   ნინიაშვილისთვის, რომელსაც 24 წელი 14 ივლისს უსრულდება, ეს 50-ე სანაკრებო მატჩი იქნება. აქამდე მის ანგარიშზე 114 ქულაა. 106-ე კეპს მოიხვეჭს 29 წლის ვასილ ლობჟანიძე, რომელიც საქართველოს ნაკრებში ჩატარებული თამაშების რაოდენობით მე-4 ადგილზეა.   ორი ცვლილებაა შერკინების ხაზშიც. თამაშს იწყებს ინგლისის ვიცე-ჩემპიონი, ბურჯი ბაჩუკი ჭუმბაძე, რომელიც ერთი კვირის წინ მარქაფაში იყო. ასევე მარქაფიდან დაწინაურდა მეორეხაზელი გიორგი ჯავახია. კვლავ დამწყებთა შორის არიან ბურჯი გიორგი ახალაძე, კვაჭი ნიკოლოზ სუთიძე, მეორეხაზელი მიხეილ ბაბუნაშვილი და მესამეხაზელები - ბექა შვანგირაძე, ლუკა ივანიშვილი და თორნიკე ჯალაღონია.   სამი ახალი სახეა მარქაფაში. ურუგვაისთან არ უთამაშიათ და ახლა შეცვლაზე არიან კვაჭი ვახტანგ ჯინჭარაძე, მესამეხაზელი იოანე იაშაღაშვილი და მგეზავი თედო აბჟანდაძე. კვლავ თადარიგში არიან ბურჯი ნიკა აბულაძე, მეორე ხაზელი ლადო ჩაჩანიძე, მესამე ხაზელი ილია სპანდერაშვილი და ჰავბეკი მიხეილ ალანია. მონტენეგროში დამწყებთა შორის იყო და ახლა მარქაფაშია ბურჯი ალექსანდრე ქუნთელია.   ბრონკანმა მარქაფაში ამჯერადაც 6 მორკინალი და ორი ხაზის მოთამაშე გაამწესა.   ერთი კვირის წინ ერთა თასის პირველი შეხვედრა გამართა სამოამაც და მანაც ბონუს ქულით გაიმარჯვა. წყნარი ოკეანის კუნძლელები ჩილეში ჰონკონგს შეხვდნენ, 10 ლელო გაუტანეს და 66:19 დაამარცხეს.   მსოფლიო რაგბის ერთა თასი. II რაუნდი ჩილე. ვინა დელ მარი. &bdquo;ესტადიო საუსალიტო“. 23:00 (საქ. დრო) საქართველო - სამოა საქართველო   ხაზი: 15. დავით ნინიაშვილი (კაპ.), 14. აკაკი ტაბუცაძე, 13. გიორგი შველიძე, 12. თორნიკე კახოიძე, 11. გიორგი კვესელაძე, 10. ლუკა მატკავა, 9. ვასილ ლობჟანიძე; შერკინება: 1. გიორგი ახალაძე, 2. ნიკოლოზ სუთიძე, 3. ბაჩუკი ჭუმბაძე, 4. მიხეილ ბაბუნაშვილი, 5. გიორგი ჯავახია, 6. ბექა შვანგირაძე, 7. ლუკა ივანიშვილი, 8. თორნიკე ჯალაღონია. მარქაფა: 16. ვახტანგ ჯინჭარაძე, 17. ნიკა აბულაძე, 18. ალექსანდრე ქუნთელია, 19. ლადო ჩაჩანიძე, 20. ილია სპანდერაშვილი, 21. იოანე იაშაღაშვილი; 22. მიხეილ ალანია, 23. თედო აბჟანდაძე.

თოკო

კვესელაძეს 2019 წლის მსოფლიო აქვს ფრთაზე ნათამაშები, მაგ მსოფლიომდე 3-ჯერ ითამაშა ფრთაზე ნაკრებში და გრენობლშიც ამ სეზონში სამჯერ ფრთაზე დაიწყო. შველიძემ რაც რაგბი ევროპა ითამაშა ყველგან ძირითადიდში იყო...
.

ახალი მწვრთნელი,უკანახაზელებს,სხვადასხვა პოზიციაზე ათამაშებს,ალბათ ცდილობს,აუცილებლობის შემთხვევაში,განსხვავებულ პოზიციაზე თამაშის გამოცდილება ჰქონდეთ.მისაღები გადაწყვეტილებაა,ქულების დაკარგვად თუ არ დაგვიჯდება.წარმატებას და კარგ თამაშს ვუსურვებ ჩვენ ნაკრებს,ამ აუცილებლად მოსაგებ შეხვედრაში.
ნინი

საინტერესოა, კვესელაძე მგონი პირველად თამაშობს ფრთაზე. ასევე შველიძე ოფიციალურ თამაშში პირველადაა ძირითადში. ჭუმბაძეც სასტარტოში სიახლეა, ისევე როგორც ვახტანგ ჯინჭარაძე შემადგენლობაში.სასიხარულოა თედო რომ გამოჩნდა და დამტვრეული არაა. ნინიაშვილიც თავის ადგილზე დაბრუნდა, ეხლა ეს ვარიანტიც სცადა ბრონკანმა. წარმატებებს ნუსურვებ ჩვენს ნაკრებს, მოგება გვჭირდება (აუცილებელიცაა ტიერ 2-ის ყველა გუნდთან) თან რაც არ უნდა იყოს სამოა ზალიან დიდი ტრადიციების გუნდია, პირველის გარდა ყველა მსოფლიოს მონაწილეა, მეოთხედფინალებშიც გასულია და 17 მოგება აქვს ტიერ 1 -ის გუნდებთან, მათ შორის 2023 ში გასვლაზე იაპონიასთან და 2024 წელს იტალიასთან სახლში. ყველას გისურვებთ საქართველოს ნაკრების გამარჯვებას და თუ გამოვიდა ლამაზ თამაშსაც:)

"ბორჯღალოსნები" | მეორე ტესტი "ვოლაბებთან" - 2029 წელს ავსტრალიაში

შტორმის მოლოდინში და სრული დომინაციით - საქართველოს ნაკრებმა ერთა თასზე ჩილესაც მოუგო

დავით ნინიაშვილი: მიზანი სამი მოგებაა

"ინტერი" "ლივერპულის" ნახევარმცველს შეიძენს

"რომამ" 19 წლის პორტუგალიელი ნახევარმცველი დაიმატა

სასამართლოში გეგმავს სარჩელის შეტანას - უოლკაპს "დუბაიში" სურს თამაში

"ნაპოლიმ" 22 წლის იტალიელი ვინგერი დაიმატა

პოგბამ "მონაკოსთან" კონტრაქტი გაწყვიტა და თავისუფალი აგენტი გახდა

გოჩოლეიშვილი უკვე ესპანეთშია - გიორგი ქართველი ფეხბურთელის თანაგუნდელი გახდება

ოფიციალურად - როდრი "ბარსელონაში" გადავიდა

თეკლა ძამუნაშვილი სერბეთის სუპერლიგაში ითამაშებს

კონფერენს ლიგაზე “დინამოს” შემარცხვენელი “ჟალგირისი” უკრაინას ფინანსურად დაეხმარება

მეხუთე ქართველი ლა ლიგაში - ქოჩორაშვილის "სევილიაში" გადასვლა პრაქტიკულად გადაწყვეტილია

საუდის არაბეთის გუნდის გულშემატკივრები "შახტარის" ფეხბურთელის შეძენის წინააღმდეგი არიან

"იუვენტუსმა" "ტოტენჰემის" მეკარე ინათხოვრა

ინძაგის ბენზემას თავისი გუნდიდან მოშორება სურს

ნიდერლანდების ნაკრების ნახევარმცველი "დორტმუნდში" გადავიდა

სენეგალის ნაკრების მწვრთნელად ვიეირა დანიშნეს

"მას ყველაფერი აქვს, მეტი რა გინდათ ფეხბურთელისგან?!" - მსოფლიოში ერთ-ერთი ცნობილი ჟურნალისტის აზრით, "ოქროს ბურთი" კვარაცხელიას უნდა მისცენ

"მამარდაშვილმა ეს აღიარა" - ქართველი მომავალ სეზონშიც "ლივერპულის" მე-2 მეკარე იქნება

"ბაბუა ამაზე ყოველთვის ოცნებობდა" - ნიკოლაი გიორგობიანმა საქართველოს ნაკრებში თამაშის სურვილი გამოთქვა

თბილისში მატჩზე ან სპორტულ ღონისძიებაზე დასასწრებად მოგზაურობა: სად ვიქირაოთ ბინა და როგორ დავზოგოთ საცხოვრებელზე

"ჩემი ყოფილი ცოლია, წარმოუდგენლად მიყვარს, მაგრამ ვნება დავკარგეთ..." - როგორ მიმართა ლეგენდარულმა გვარდიოლამ ფეხბურთელებს

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“

ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა

ბორჯღალოსნები | ახალი მწვრთნელების პირველი რაზმი - დებიუტანტებით

სავსე ტრიბუნების დროა!

ბორჯღალოსნები | პირველი შეკრება ცვლილებით დაიწყო