<p>სერგო კუტივაძე: "დათო, ალბათ, თვითონაც გრძნობდა ამ ყველაფერს და ფეხბურთელისთვის ძნელია, იმუშაო მწვრთნელთან, ვისგანაც ამის დიდი ინიციატივა არ მოდის..." <br> ლეგენდარული ათი ნომერი, <strong>დავით ყიფიანი</strong> 18 ივნისს 62 წლის გახდებოდა. ის სახალხო ფეხბურთელი იყო და ასეთები განსაკუთრებულად უყვართ.</p><p>ყიფიანი უყვარდა საქართველოს და საბჭოთა კავშირს, ყიფიანს იცნობდნენ და აფასებდნენ ევროპაში.</p><p>ყიფიანზე არაერთ უცხოელთან მილაპარაკია. თბილისის "ამერი" ბერლინის "ჰერტას" რომ ეთამაშებოდა, გერმანელებს თბილისში "ჰერტას" მენეჯერი <strong>დიტერ ჰიონესიც</strong> ჩამოჰყვა, <strong>ული ჰიონესის</strong> ძმა, რომელსაც გოლები მიუნხენის "ბაიერნში" გაჰქონდა, 1986 წელს კი დასავლეთ გერმანიის ნაკრებში მსოფლიოს ჩემპიონატის ვერცხლის მედალიც მოინაგრა.</p><p>ჰერ დიტერს ინტერვიუ რომ ვთხოვე, თითქმის ყველა კითხვა-პასუხში ყიფიანს ახსენებდა. მისთვის საქართველო ჯერ ყიფიანი იყო და მერე სხვა.</p><p>ყიფიანზე ახალს ვერაფერს დაწერ და იტყვი. ის ემოცია კი, რაც ამ ნიჭიერი ადამიანისგან მოდის, მომნუსხველი და დამაფიქრებელია.</p><p><strong></p><p>იური როსტის</strong> ფოტოებიც მახსოვს, "დინამოს" სტადიონი და ყიფიანი, რომელიც უკვე მიდის ფეხბურთიდან.</p><p>ყიფიანს, ალბათ, ცუდ დროს მოუწია ფეხბურთელობამაც და მწვრთნელობამაც. საქართველოს ეროვნულ ნაკრებს რომ ჩამოაშორეს, საქართველოს ფეხბურთის ფედერაციის იმდროინდელმა ხელმძღვანელობამ ასეთი განმარტება გააკეთა - ვერ უზრუნველყო კონტაქტი ნაკრების ფეხბურთელებსა და ფედერაციას შორისო.</p><p>ყიფიანი ყოველთვის გულნაკლული ჩანდა და ჰქონდა ამის მიზეზები...</p><p>იმ "დინამოში", რომელშიც ყიფიანი თამაშობდა, მთავარი მწვრთნელის, <strong>ნოდარ ახალკაცის</strong> თანაშემწე <strong>სერგო კუტივაძე</strong> იყო.</p><p>ბატონი სერგო საინტერესო მოსაუბრეა და ერთხელაც ჩამოვუგდეთ სიტყვა ლეგენდარულ დინამოელზე...</p><p>- დათო ყიფიანი 1971 წელს მოვიდა "დინამოში", როცა გუნდს გავრილ კაჩალინი თავკაცობდა. მანამდე ყიფიანი ბორია ჭელიძის გუნდში თამაშობდა. კარგი პლეადა იყო, რომელმაც საკავშირო მასშტაბითაც მიაღწია წარმატებებს.</p><p>დათო "დინამოში" მოიყვანეს, ჯერ გამოსაცდელი ვადით. ყიფიანი მყისვე მოეწონა მწვრთნელს, რადგან ძალიან კარგად აზროვნებდა მოედანზე. ფიზიკური კონდიციები კი მას ჯერ ისეთი არ ჰქონდა, საბჭოთა კავშირის ჩემპიონატში რომ ეთამაშა.</p><p>იყო სხვა პრობლემაც - რა პოზიციაზე უნდა ეთამაშა ყიფიანს, რადგან დისტანციური სისწრაფე ისეთი არ ჰქონდა, რომ გარემარბად ეთამაშა. ის ფორვარდი იყო, თუმცა ეს პოზიციაც ვერ იყო ზედგამოჭრილი მისთვის.</p><p>გაურკვევლობა მაშინ დასრულდა, როცა "დინამო" ნოდარ ახალკაცს ჩააბარეს - მან ყიფიანს ზუსტად შეურჩია პოზიცია.</p><p><strong>- ნიჭიერ ადამიანებს თავისებური ხასიათი აქვთ - როგორი იყო დამწყები ფეხბურთელი დავით ყიფიანი?</strong></p><p>- ცუდს მასზე ვერავინ იტყოდა, თავაზიანი იყო. ბევრს შრომობდა, თანაც მიზანმიმართულად. შრომა ის არ არის, რომ გამოხვიდე, ორმოცდაათი კილომეტრი ირბინო და ოფლი მოიდინო. ყიფიანმა ძალიან კარგად იცოდა საკუთარი სუსტი და ძლიერი მხარეები.</p><p>ნიჭი ერთია, თუმცა ფეხბურთელობის საფუძველი ნიჭთან ერთად, სათანადო ფიზიკური მომზადებაცაა. მუშაობდა ამ კომპონენტზე და საბოლოოდ მოხდა შერწყმა.</p><p>რაოდენ გასაკვირიც უნდა იყოს, გუნდთან ერთად ვარჯიშის შემდეგ ის მოედანზე იმისთვისაც რჩებოდა, რომ ტექნიკაზეც ემუშავა - ჩაწოდებები, დარტყმები...</p><p>მწვრთნელის დამსახურებაა, რომ ყიფიანის ტალანტს ხელი არ შეუშალა. მიუხედავად მისი ნიჭისა, ამ ფეხბურთელის ჩარჩოში ჩასმა ძნელი იყო. ის არაორდინარული მოთამაშე გახლდათ, როდის რას გააკეთებდა, ვერ წარმოიდგენდი. გაკვირვებას იწვევდა მისი ეს თვისება.</p><p><strong>- სანამ ახალკაცის თანაშემწე გახდებოდით, ყიფიანთან თამაში</strong><strong>ც მოგიწიათ...</strong></p><p>- კაჩალინმა ის ერთხელ შეტევის მარჯვენა ფლანგზე გაამწესა. ყიფიანმა მითხრა, მეტოქის ზურგს უკან ნუ მომცემ პასს, ბურთი ფეხში მომეციო. იცოდა, ბურთს ფეხში რომ მოიგდებდა, მერე უკვე ძალიან მაგარი იყო.</p><p><strong>- რას ავალებდა მას ახალკაცი? ყველაზე უფრო რაზე მიუთითებდა?</strong></p><p>- პერსონალური დავალება ახალკაცს მისთვის არასდროს მიუცია, მწვრთნელი მას სრულ თავისუფლებას აძლევდა. ყიფიანი თვითონ ირჩევდა მოქმედებებს იმის გათვალისწინებით, თუ რომელ მეტოქეს ვეთამაშებოდით. ის მართლაც შემოქმედი ფეხბურთელი იყო.</p><p><strong>- უკვე ჩამოყალიბებული, სახელგანთქმული ფეხბურთელი - როგორი იყო ასეთი ყიფიანი?</strong></p><p>- ძალიან მძიმე ხასიათი ჰქონდა მიშა მესხს, მაგრამ ამით რა?! არ მესმის, როცა ვიღაცაზე იტყვიან, ხასიათის ფეხბურთელია და ამიტომ ვერ თამაშობსო. მთავარია, მოედანზე საქმე გააკეთო, თორემ ხასიათი ყველას ერთნაირი ვერ ექნება.</p><p>ყიფიანი ითვალისწინებდა იმას, რომ მაშინდელ "დინამოში" სხვა არანაკლებ ნიჭიერი ფეხბურთელებიც იყვნენ - შენგელია, ჩივაძე, გუცაევი, დარასელია...</p><p><strong>- 1981 წელს, სანტიაგო ბერნაბეუს თასის ტურნირში მიღებული ტრავმის შემდეგ ყიფიანმა მალევე დაანება ფეხბურთელობას თავი...</strong></p><p>- 1981 წლის წარმატების შემდეგ ახალკაცმა უცბად მოინდომა გუნდის გადახალისება, "დინამოდან" ექვსი-შვიდი წამყვანი ფეხბურთელის გაშვება გადაწყვიტა. ეს დიდი შეცდომა იყო. ახალკაცს ახალგაზრდების იმედი ჰქონდა, გრიგოლ ცაავა და სხვა ნიჭიერი ბიჭები მოდიანო...</p><p>ყიფიანს მაშინ ტრავმა ჰქონდა და არ ჩანდა იმის დიდი სურვილი, ის კიდევ რომ დარჩენილიყო "დინამოში".</p><p>დათო, ალბათ, თვითონაც გრძნობდა ამ ყველაფერს და ფეხბურთელისთვის ძნელია იმუშაო მწვრთნელთან, ვისგანაც ამის დიდი ინიციატივა არ მოდის...</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/skhvadaskhva/51006-yvelaze-didi-qarthveli-athiani-dghes-davith-yifiani-62-tslis-gakhdeboda.html" target="_blank">ყველაზე დიდი ქართველი ათიანი - დღეს დავით ყიფიანი 62 წლის გახდებოდა</a></p>
Dinamo Fan
ჩვენი სიამაყე :*
piti
ყიფო *
gizog
ღმერთმა ნათელში ამყოფოს დავითის სული. ისევე, როგორც ფეხბურთიდან ცხოვრებიდანაც ადრე წავიდა. მჯერა, რომ ქართული ფეხბურთისთვის (31 წლის იყო)ჯერ როგორც ფეხბურთელს კიდევ შეეძლო ბევრი სარგებლობის მოტანა და შემდეგ კი როგორც მწვრთნელს. ერთი კი ცხადია მაშინდელი ქომაგი დამეთანხმება, მისი წასვლის შედეგ დამთავრდა ქართული ფეხბურთის ეპოქა.
gizog
მიმაჩნია, რომ აუცილებელია გაიხსენო დავით ყიფიანის მიერ გატანილი სოლო ბურთი მილანში 'ინტერი'-ს კარში, როცა ფაკეტი მოატყუა მეკარეც ზედ მიაყოლა და ცარიელ კარში შეაგორა, ინტერის ათეული ათასობით ტიფოზების წინ.
gizog
დაიწყო II ტაიმი და გუნდი გამოდის ყიფიანი გარეშე და ვინ გამჰყავთ მის ნაცვლად??? იმ დრო I ლიგაში მოთამაშე ლვოვის 'კარპატი'-ს ვინმე იურჩიშინი. ის მატჩი 2:0 წავაგეთ პირწმინდათ. მე კი დიდი ნასიამოვნები დავრჩი, რომ ღმერთმა დასაჯა დათოსთან არაკაცურად მომქცევი მწვრთნელიცა და იმპერიის ფედერაციაც.
gizog
70-იანი წლები იყო, საბჭოთა ნაკრები შეარჩევ მატჩს თამაშობდა ათენში ბერძნების წინააღმდეგ. ფრეს შემთხვევაშიც გადიოდა ევროპის თუ მსოფლიო პირველობაზე. I ტაიმი დამთავრდა 0:0 მთელი 45 წუთი ლომივით იბრძოდა დავითი, ვისაც მისი თამაშები ახსოვს, გასაჭირის დროს, როცა დაცვას უჭირდა კარის ხაზიდანაც კი გამოჰქონდა ბურთი. შემდეგ დაირდა და ისეთ პასებს აკეთებდა ბევრ დდღევანდელ მსოფლო მეპასეებსაც შეშურდება.
gizog
მე-2 დღეა დავით ყიფიანის შესახებ იწერება წერილები თუ სტატიები და ერთი ხელის თითებზე ჩამოითვლის კაცი გამოხმარებების რაოდენობას. ნეტა რა დაემართად იმ ასეულ ათასობით გულშემატკივარს ფეხბურთში ნამდვილ ხელოვნებას რომ აზიარა ბატონმა დავითმა, ერთი გასახსენებელიც კი გაიხსენეს. მადლობა ბატონ სერგოს.
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
რიო ფერდინანდმა თავისი ყველა დროის საუკეთესო თერთმეტეული დაასახელა
ლუის ენრიკე: რთულ მომენტებში ცხადი ხდება, ვინაა შენს გვერდით და ვინ - არა
"ნაპოლიმ" სიმეონე "ტორინოში" გაანათხოვრა
ფიფას ტალანტების განვითარების სქემის კოორდინატორის ვიზიტი საქართველოში
"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს
"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა
"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით
პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს
ოდიშარია განაცხადში არ იყო - რფს სახლში "კუპსთან" დამარცხდა
ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა
ქართველი მსაჯები კონფერენს ლიგის მატჩს მოემსახურებიან
არაბიძემ კორეულ კლუბს ფიფაში უჩივლა და 2.88 მილიონს მიიღებს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს
შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს
ლუკა იოვიჩი კარიერას საბერძნეთის ჩემპიონატში განაგრძობს
Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს
[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა
ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია
U19 | მონტენეგრო 2:1 საქართველო
ბელგიიდან "დინამოში" - მან ბელგიასა და რუსეთს საქართველო ამჯობინა
ნოდარ ახალკაცი ფიფას ევროპის ასოციაციების ხელმძღვანელის პოსტს დაიკავებს
"თამაშის სტილით ყიფიანს შევადარებდი" - მიხეილ აშვეთია ხვიჩა კვარაცხელიაზე
"კეთილი იყოს თქვენი მობრძანება" - პორტუგალიური კლუბი ლომინაძეს ქართულად მიესალმა
ჟინოლა მაგარი კაცია, მოვიდა და დამაწყნარა - რატომ წავიდა გია გურული ნაკრებიდან?
"ჯანომ ერთი წუთი მაინც რომ ითამაშოს საქართველოს ნაკრებში, მერე რუსები ვეღარ წაგვართმევენ-მეთქი"
ქართველმა ფეხბურთელმა სიმსივნე დაამარცხა და მოედანს დაუბრუნდება! - 22 ოქტომბრის დაიჯესტი
ᓝᓗᓐᓠ ᓙᓝᓠᓦᓐᓚᓘᓫᓔ: ᓛᓔᓠᓐᓑ ᓟᓝᓠᓓᓐᓜᓘᓐᓡ ᓠᓩᓔᓕᓘᓗ, ხᓣᓗᓘ ᓬᓔᓚᓘ ᓛᓝᓕᓘკᓔᓚᓘ
თბილისის "დინამოს" კაპიტანი თურქეთის სუპერლიგის გუნდში გადავიდა
ქართველი ზიდანი თუ ფრანგი ყიფიანი - რომელია უფრო სწორი ეპითეტი?
ნოდარ ახალკაცი: პრეზიდენტობიდან გადადგომის მიზეზი მხოლოდ ეს არ ყოფილა...
საქართველოს ფეხბურთის ფედერაციის ექსპრეზიდენტი ფიფაში დააწინაურეს
15 ფეხბურთელი, რომლითაც კავკასია ამაყობს
"როდესაც გადაწყვიტეს, რომ გამხდარიყვნენ მწვრთნელები, თავიანთ განვითარებაზე უნდა ეზრუნათ...მათ დიდი წვლილი, პასუხისმგებლობა მიუძღვით, აი, იმ თაობის სათანადოდ ვერგამოყენებაში..." - რა განაცხადა გიორგი გველესიანმა ალექსანდრე ჩივაძესა და დავით ყიფიანზე?
1982 წელს ახალკაცის, ბესკოვისა და ლობანოვსკის ერთად ყოფნამ დაგვაბნია - ბლოხინმა წარსული გაიხსენა
გიორგი ხარაიშვილი თბილისის "დინამოში" დაბრუნდა
Geo Team: ლომინაძე ორშაბათს პორტუგალიურ კლუბთან გააფორმებს კონტრაქტს
სფფ-ის აღმასკომი: საქართველოს ჩემპიონატი 10 აგვისტოს დაიწყება!
საბჭოთა კავშირის საუკეთესო ნაკრები 5 ქართველით - და როგორ გაწირა ბესკოვმა ყიფიანი...
თბილისის "დინამომ" ორი ფეხბურთელი დაიმატა
აღმასკომი ყრილობის წინ - რომან ფიფია წევრობის ერთი-ერთი კანდიდატია