<p>13 აგვისტოს სოფიაში ახალგაზრდა მოჭიდავეთა მსოფლიოს პირველობა ჩვენთვის დანავსულად დაიწყო <br> 13 აგვისტოს სოფიაში ჩვენთვის დანავსულად დაიწყო ახალგაზრდა მოჭიდავეთა მსოფლიოს პირველობა "ბერძენ-რომაელთა" შორის - ჯერ იყო და, ამ ნაკრების ერთ-ერთ წევრ <strong>ფირუზ წულუკიძეს</strong> (66) ვაჰაბიტებთან კავშირის ბრალდებით (ყოველ შემთხვევაში, სააგენტო "გურიანიუსი" ასე იუწყება. <a href="/sport/tcidaoba/klasikuri-tcidaoba/53553-motcidave-firuz-tsulukidzes-musulmanobis-gamo-teroristebthan-kavshirs-abraleben.html" target="_blank"><span style="color: #ff0000;"><strong>იხილეთ ვრცლად</strong></span></a>) ქვეყნის დატოვების ნება არ მისცეს.</p><p>ჩვენს გუნდს თითქოს ეს არ ეყოფოდა და, 13 აგვისტოს ლეიბზე გასული ოთხივე ჩვენებური უსახელოდ გავარდა.</p><p>არადა, <strong>ზაზა სილაგაძეს</strong> "არმიელთა არენაზე" თითქოს ურიგო კვარტეტი არ გაუყვანია - <strong>ირაკლი შავაძე</strong> (50) ჭაბუკებში ევროპის შარშანდელი ჩემპიონია, ახალგაზრდებში კი წლევანდელი ევროპირველობის ვერცხლისმედალოსანია; <strong>ლაშა გობაძე</strong> (74) და <strong>კუკური კირცხალიაც</strong> (96) ასევე ევროპის წლევანდელი პირველობის მესამეპრიზიორები არიან.</p><p>თუმცა ვერც ამათ და ვერც <strong>ხვიჩა ჭითავამ</strong> (60) მედლის მოპოვება ვერ შეძლეს. მეტიც - სანუგეშოშიც მხოლოდ ჭითავა გადავიდა.</p><p>ეს ტურნირი და აზერბაიჯანელი რამიზ მამადოვი შავაძეს შავად მოაგონდება - მას ივლისში, ევროპის ჩემპიონატზე მოუგო, ახლა კი მეტოქემ დამაჯერებელი რევანში აუღო.</p><p>ეტყობა, ევროპის პრიზიორ მამადოვს მწარედ ახსოვდა ის მარცხი და ახლა განსაკუთრებით მოინდომა - ორი პერიოდის ჯამში 8:0 იმარჯვა. არადა, ჩვენებურმა ჩემპიონატი კარგად დაიწყო, როცა პირველივე შეხვედრაში მასპინძელი ავგუსტინ სპასოვი პირწმინდად დაჩაგრა - პირველ პერიოდში 2 უპასუხო ქულა აართვა, მეორეში - 7.</p><p>ჩვენდა სამწუხაროდ, მამადოვი ნახევარფინალში უკრაინელ ალექსანდრ ტრიფონოვთან დამარცხდა და ჩვენებურიც დაემშვიდობა ჩემპიონატს.</p><p>ძირითად ბადეში ხვიჩა ჭითავაც მეორე წრეში დამარცხდა, ოღონდ მან თურქთა მომავალ ფინალისტ ბასარ ენესთან წააგო - 0:2; 0:3. მანამდე ჩვენებურმა იოლად ჩამოიცილა გზიდან ჩეხი იაკუბ კორისტა - 8:1 და სანუგეშოშიც თავდაჯერებული გადაერთო - მაკედონიელი კრისტიან პეშკო 7:0-ზე გამოთიშა ტურნირს.</p><p>მომდევნო წრეში ძლიერი მეტოქე ელოდა - მასპინძელი რადოსლავ ვასილიევი, რომელიც საბოლოოდ მესამეზე გავიდა. ჭითავამ ეს შეხვედრაც 0:2; 0:3 დათმო და გამოვარდა.</p><p>აუხსნელია ლაშა გობაძის მარცხი ყირგიზ სამატ სირდაკოვთან მეორე წრეში - 0:1; 0:4. მანამ ჩვენებურმა ორი პერიოდის ჯამში 5:0 კი დაამარცხა ამერიკელი ჯორდან აარონ სპილერი, მაგრამ სირდაკოვთან მარცხი კაპიტულაციას ნიშნავდა - ის არაა იმ დონის მოჭიდავე, მისგან ფინალში გაღწევაზე გვეოცნება, რაც გობაძეს სანუგეშოში გადასვლის საშუალებას მისცემდა.</p><p>სასწაული არც მომხდარა - ყირგიზი მომდევნო შეხვედრაში დამარცხდა და ჩვენებურიც გავარდა.</p><p>ამ წონაში სომეხმა კარაპეტ ჩალიანმა გაიმარჯვა - ევროპის წლევანდელ ჩემპიონთაგან ჯერჯერობით მხოლოდ მან და რუსმა მუსა ევლოევმა შეძლეს დუბლის შესრულება. ამასთან, ჩალიანი შარშანდელი მსოფლიოს პირველობის ბრინჯაოსმედალოსანიცაა.</p><p>კიდევ უფრო აუხსნელი მარცხი იწვნია კირცხალიამ - ნორვეგიელ ფელიქს ბალდაუფთან პირველივე წრეში. მით უფრო, რომ ჩვენებურმა პირველი პერიოდი მოიგო - 5:3, მაგრამ მეორე 1:8 დათმო და ჯამში 11:6 დამარცხდა. სირდაკოვის არ იყოს, ფავორიტი არც ნორვეგიელი გახლდათ და მომდევნო პაექრობაში ისიც დამარცხდა. ამდენად, სანუგეშოში ვერც კირცხალია გადავიდა.</p><p><strong><span style="color: #ff0000;">დღევანდელი დღის იმედით</span></p><p></strong>14 აგვისტოს "არმიელთა არენაზე" დარჩენილი ოთხი წონითი კატეგორიის ახალგაზრდები იჭიდავებენ და ვინძლო, საჩვენო მედალიც გამოჩნდეს.</p><p>მით უფრო, ნიჭიერი ფალავნები დღესაც გვეყოლებიან. ახალგაზრდებში ევროპის ვიცე-ჩემპიონი <strong>ნიკა ცეცხლაძე</strong> (55) პირველ შეხვედრას ყირგიზ ოსკონბაი აბდუპატაევთან გამართავს.</p><p>ჭაბუკებში ევროპული ვერცხლ-ბრინჯაოს მფლობელი <strong>შმაგი ბოლქვაძე</strong> (66) თავდაპირველად პოლონელ მიშალ კოსლას, მასთან გამარჯვების შემთხვევაში კი სომეხ ტიგრან აბრაჰამიანსა და გერმანელ მარკ-ანტონიო ფონ ტუგინერს შორის უძლიერესს დაეჭიდება.</p><p>გუნდის ერთ-ერთ გამოკვეთილ ლიდერს, უფროსებში საქართველოს ჩემპიონსა და ახალგაზრდებში ევროპის კიდევ ერთ წლევანდელ მესამეპრიზიორ <strong>რობერტ კობლიაშვილს</strong> (84) წილისყრამ პირველ წრეში შვედი არგუნა - კარლ იონას პლატო. გემახსოვრებათ, რომ ჩვენებურმა ივლისში ევროპის პირველობაზე სხვა შვედს - ბერგ ზაკარიასს მოუგო.</p><p>მძიმე წონაში სილაგაძემ ამჯერად დაასვენა ევროპირველობის (თუმცა არა მხოლოდ მისი) ტრიუმფით მომგები <strong>იაკობ ქაჯაია</strong>, სანაცვლოდ კი ჭაბუკებში მსოფლიოს ვიცე-ჩემპიონი <strong>ზურაბ გედეხაური</strong> მიჰყავს.</p><p>ის პირველ შეხვედრას ამ ასაკში კონტინენტის ჩემპიონთან, გერმანელ კრისტიან ჯონთან გამართავს.</p><p><span style="color: #ff0000;"><strong>ქალები კაცებს უთანაბრდებიან</p><p></strong></span>სოფიაში ამ ჩემპიონატის დაწყებას წინ ერთი საყურადღებო ამბავი უძღოდა, თუმცა ხმები ამ ცვლილების შესახებ კარგა ხნის წინ დაირხა - საერთაშორისო ოლიმპიურმა კომიტეტმა მიიღო გადაწყვეტილება, რომ რიო დე ჟანეიროს ოლიმპიადაზე ქალთა და ვაჟთა წონები ერთმანეთს გაუთანაბროს.</p><p>შეგახსენებთ, რომ დღეს ოლიმპიადის პროგრამაში ვაჟებიდან 14 წონითი კატეგორია შედის - 7-7 თავისუფალი და ბერძნულ-რომაული სტილიდან, ქალებიდან კი - მხოლოდ 4.</p><p>სოკ-ი აპირებს, ვაჟებს თითო წონა მოაკლოს, ანუ 6-6 გახადოს, სანაცვლოდ კი ქალებს ორი დაუმატოს და ისიც 6-მდე გაზარდოს.</p><p>ამით სოკ-ი არაფერს აგებს - ოლიმპიადაზე კვლავაც 18 წონითი კატეგორია ექნება სამივე ნაკრებიდან, მაგრამ ფეხს აუწყობს თანამედროვე მსოფლიოს მოთხოვნას - ქალთა როლის, ცხოვრების ყველა სფეროში ქალთა წარმომადგენლობის გაზრდაზე.</p><p>თუმცა ეს სოკ-ის მოთხოვნაა ჭიდაობის საერთაშორისო ფედერაციისადმი, ხოლო რომელ წონებს მოაკლებენ კაცებს, ეს უკვე საკუთრივ ფილა-ს გადასაწყვეტია.</p><p>საჭიდაო სამყაროში გავრცელებულ ხმებს თუ დავუჯერებთ, ფილა ორივე სტილიდან 55 კგ წონითი კატეგორიის ამოღებას აპირებს.</p><p>ამ საკითხზე საერთაშორისო ფედერაცია 16-17 სექტემბერს ბუდაპეშტში, მსოფლიოს ჩემპიონატის წინ გასამართ კონგრესზე იმსჯელებს. სწორედ მაშინ გაირკვევა, რომელ წონებს ამოიღებენ რიოს ოლიმპიადიდან.</p><p><strong>კვარცხლბეკი</p><p></strong>50 კგ. 1. იშვანდ მაჰმუდ ფარშადი (ირანი); 2. ალექსანდრ ტრიფონოვი (უკრაინა); 3. ალექსანდრუ ვასილე ბოტეზი (რუმინეთი), ბენცე იუჰაზცი (უნგრეთი).</p><p>60 კგ. 1. კარენ ასლანიანი (სომხეთი); 2. ბასარ ენესი (თურქეთი); 3. რადოსლავ ვასილიევი (ბულგარეთი), ელმან მუხტაროვი (აზერბაიჯანი).</p><p>74 კგ. 1. კარაპეტ ჩალიანი (სომხეთი); 2. ანდრეი ანტონიუკი (უკრაინა); 3. ჯეიჰუნ ალიევი (აზერბაიჯანი), ბეკხან ოზდოევი (რუსეთი).</p><p>96 კგ. 1. მუსა ევლოევი (რუსეთი); 2. დანიელ გასტლი (ავსტრია); 3. ფათიხ ბასკოუ (თურქეთი), რომას ფრიდრიკასი (ლიტვა).</p><p><strong>ყოველდღიური სპორტული გაზეთი "ლელო"</strong></p>
dodi alfaedi
ველოდებით თავისუფლებს, პეტრიაშვილი ჩემპიონ !
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ლომი ისევ ლომობს - ქართველი ახალგაზრდების მორიგი ტრიუმფი მსოფლიოზე [VIDEO]
ჭიდაობა, მსოფლიოს ჩემპიონატი ახალგაზრდებში: უცვლელი გუნდით
2 ივლისს ახალგაზრდა მოჭიდავეები ევროპის ჩემპიონატზე გამოსვლას იწყებენ
წვერის სკანდალი ჭიდაობაში გრძელდება - ამჯერად აზერბაიჯანში
ბაქო 2015-ის შეჯამება: მწარე რეალობა ოლიმპიადამდე ერთი წლით ადრე
მოჭიდავე ფირუზ წულუკიძეს მუსულმანობის გამო ტერორისტებთან კავშირს აბრალებენ
ისევ ოქროთი დავიწყეთ - გიორგი მელია ახალგაზრდებში მსოფლიოს ჩემპიონია
ახალგაზრდების ტრიუმფატორი! ინტერვიუ ზაზა სილაგაძესთან
შმაგი ბოლქვაძემ მსოფლიოს ჩემპიონატზე სირცხვილისგან გვიხსნა
საქართველოს მოჭიდავეთა ნაკრებების მწვრთნელების ვინაობა ცნობილია
ბიჭი მებრძოლი სულით - ინტერვიუ შმაგი ბოლქვაძესთან
ორი ჯოკერი ნაკრებში - პეტრიაშვილი და ქაჯაია, შეუჩერებელი ტალანტები