<p>საქართველოს ნაკრებმა ევრობასკეტისთვის მზადება 1-ელ სექტემბერს ლიტვაში, ადგილობრივ ნაკრებთან თამაშით დაასრულა <br> საქართველოს ნაკრებმა ევრობასკეტისთვის მზადება 1-ელ სექტემბერს ლიტვაში, ადგილობრივ ნაკრებთან თამაშით დაასრულა.</p><p>მატჩის ძირითადმა 40-მა წუთმა გამარჯვებული ვერ გამოავლინა, ლამაზი ანგარიშით - 77:77 დასრულდა.</p><p>დამატებითი დროის ბოლოსაც გვქონდა თამაშის გადარჩენისა და მეორე ოვერტაიმის "მოპოვების" შანსი, მაგრამ საბოლოოდ 83:88 დავმარცხდით. თუ წაგებას ღირსეული შეიძლება ეწოდოს, ეს სწორედ ლიტვაში მოხდა.</p><p><strong></p><p>* * *</strong></p><p>გავიხსენოთ 2011 წელი, როცა ევრობასკეტისთვის მზადებისას ბოლო შეხვედრა ლიტვაში ჩავატარეთ და თითქმის ისეთივე სცენარით წარიმართა, როგორითაც 1-ელ სექტემბერს.</p><p>მაშინ 12-ქულიანი სხვაობით ჩამორჩენა აღმოვფხვერით და მეტოქეს 72:70 გავასწარით, თუმცა ბოლო წამებზე გამარჯვება ევრობასკეტის მაშინდელ მასპინძელ ლიტვას დარჩა - 88:80.</p><p>დააკვირდით, საფინალო ანგარიშში ამჯერადაც სამი რვიანი ფიგურირებს - 88:83. გადავინაცვლოთ მესამე პერიოდში, რომლის დასაწყისში ლიტველებმა სამქულიანებით უპირატესობა 16 ქულამდე გაზარდეს - 51:35.</p><p>სწორედ ამის შემდეგ დაეწყოთ დაღმასვლა, რასაც ქართველთა გამოცოცხლება დაერთო და მასპინძლები ჩვენი კალათბურთელების ლაღ თამაშს სტატისტებივით შეჰყურებდნენ. მეოთხე პერიოდის დასაწყისისთვის სხვაობა მინიმუმამდე შევამცირეთ - 60:59.</p><p>რადგან ქართველთა მწვრთნელმა იგორ კოკოშკოვმა "დამრტყმელი ხუთეული" (ცინცაძე, ჰიკმანი, მარკოიშვილი, სანიკიძე, შერმადინი) მესამე პერიოდში თითქმის არ დაასვენა, ველოდით, რომ მეოთხეში სათადარიგოებიდან რამდენიმე გამოჩნდებოდა, მაგრამ მხოლოდ ცქიტიშვილი და სანაძე ვიხილეთ, ისიც ძალიან მცირე დროით.</p><p>მეტსაც გეტყვით - ზემოთ ნახსენები ხუთეული მწვრთნელს არც ოვერტაიმში შეუცვლია. ამხანაგურ მატჩში, თან, როცა მომდევნო დღეებში დასვენების საშუალებაა, ხუთი კაცით შეხვედრის ბოლო 25 წუთის ჩატარება შეიძლება გაუმართლებლად არ მოჩანდეს, მაგრამ ევრობასკეტზე ექვს დღეში ხუთი თამაშის გამართვა გვიწევს და თუ სათადარიგოებიც სათანადოდ არ მიეხმარნენ, ძალიან გაგვიჭირდება.</p><p>ბოლო წუთებს დავუბრუნდეთ. პირველ მეოთხედში ქართველებმა ოთხი სამქულიანი ჩააგდეს. მას მერე დიდხანს მოუწიათ მოცდა, თუმცა მნიშვნელოვანი როლი მაინც სამქულიანმა ითამაშა: ძირითადი დროის დასრულებამდე 1:12 წამით ადრე მარკოიშვილმა შორეული ტყორცნით თამაშის გადარჩენის შანსი გაგვიჩინა, ხოლო სირენამდე 4 წამით ადრე ნატურალიზებულმა ამერიკელმა ჰიკმანმა ორი ზუსტი საჯარიმოთი ანგარიში გაათანაბრა - 77:77. დარჩენილ 4 წამში ლიტვამ უშედეგოდ შეგვიტია.</p><p>დამატებითი დროის სამწუთიან მონაკვეთში ქულების მოგროვება ჭირდა, თუმცა შერმადინმა მაინც დაგვაწინაურა - 79:77. ამის მერე, ერთწუთიან მონაკვეთში ლიტველები 85:79 გაიქცნენ, თუმცა არც ამჯერად დავყარეთ ფარ-ხმალი, ჯერ სხვაობა სამამდე შევამცირეთ, ხოლო ოვერტაიმის დასრულებამდე 4 წამით ადრე (ანგარიშზე 83:86) ჰიკმანს კიდევ ერთი დამატებითი დროის "გამოჭრა" შეეძლო, მაგრამ მარკოიშვილის პასის შემდეგ მარტო დარჩენილმა მიზანში ვერ მოარტყა.</p><p><strong></p><p>* * *</strong></p><p>ზემოთ ქართველთა ლაღი თამაში ვახსენეთ. შეიძლება გაგიჩნდათ კითხვა - რას გულისხმობს ეს სიტყვა? მეცნიერულ ახსნას არ მოვყვებით - ვიქტორ სანიკიძის მოედანზე მოქმედება ხომ ხშირად გინახავთ? ჰოდა, სწორედ მასავით მსუბუქად და ლაღად ითამაშა ჩვენმა ნაკრებმა.</p><p>ვიქტორმა ალეი უპებითაც დაგვამახსოვრა თავი, ფარქვეშ ეფექტური შესვლებითაც და სამქულიანებითაც. საბოლოოდ 28 ქულით მატჩის ბომბარდირი გახდა.</p><p>გიორგი შერმადინი წინა წლებთან შედარებით თავისუფლად თამაშობს და კიდევ ერთხელ დაგვანახვა, რომ მრავალმხრივი კალათბურთელია - მეტოქის ფარქვეშ თავს ისე გრძნობდა, როგორც თევზი წყალში (21 ქულა), ფარიდან ასხლეტილ ბურთებს არავის უთმობდა (14 მოხსნა), ხოლო შეხვედრა ისეთი პასით გახსნა, გიორგი ცინცაძესაც მოეწონებოდა. "ბუმ" (ცინცაძის მეტსახელი), მართალია, 10 ქულას ვერ უწია, მაგრამ ყველაზე მეტი, 41 წუთი ითამაშა, რაც იმას ნიშნავს, რომ გუნდისთვის ერთ-ერთი ყველაზე სასარგებლო იყო. ვინც შეხვედრა იხილა, ამაში თავადაც დარწმუნდებოდა.</p><p>მანუჩარ მარკოიშვილმა, როგორც ჩანს, ტრავმა მოიშუშა და ამ მოსამზადებელ ეტაპზე ყველაზე მეტი წუთი სწორედ 1-ელ სექტემბერს ერგო - 39. მანუმ თავისი ნორმა, 18 ქულა შეასრულა.</p><p>რიკი ჰიკმანი 6 ქულას დასჯერდა, მაგრამ საკუთარ შესაძლებლობებში კიდევ ერთხელ დაგვარწმუნა.</p><p>თუ ევროპის ჩემპიონატზე საქართველოს ნაკრებს მომატების პოტენციალი აქვს, ეს ჰიკმანის ფუნქციების გაზრდის ხარჯზე უნდა მოხდეს.</p><p>ასევე მეტს ველით ნიკა ცქიტიშვილისგან, თუმცა მას შესაძლებლობების დემონსტრირებისთვის სათამაშო დრო სჭირდება.</p><p>როგორც ვთქვით, სლოვენიაში სხვა სათადარიგოების წუთობრივი მაჩვენებელიც გაიზრდება. აქ კი ევრობასკეტის პირველ ოფიციალურ მატჩამდე დაგემშვიდობებით - 4 სექტემბერს სლოვენიაში საქართველო-პოლონეთია!</p><p><span style="text-decoration: underline;">1 სექტემბერი. კაუნასი, ლიტვა</span></p><p><em><strong>ლიტვა-საქართველო 88:83 დ.დ.</p><p></strong></em>19:19, 24:12, 17:28, 17:18, 11:6</p><p>ლიტვა: პოციუსი (6ქ), კალნეიტისი (2ქ, 8პ), დ. ლავრინოვიჩი (5ქ), მაციულისი (6ქ), დელინინკაიტისი (5პ), სეიბუტისი (15ქ), კლეიზა (18ქ), კ. ლავრინოვიჩი (5ქ), იავტოკასი (2ქ), ვალანჩიუნასი (10ქ, 10მ), კუზმინსკასი (11ქ), მოტიეუნასი (8ქ).</p><p>საქართველო: ცინცაძე (41 წთ, 7ქ, 5მ, 3პ, 4ჩ), შერმადინი (36 წთ, 21ქ, 14მ, 3პ), ჰიკმანი (35 წთ, 6ქ, 4მ, 3პ), მარკოიშვილი (39 წთ, 18ქ, 6მ, 4პ, 4ჩ), ფაცაცია (10 წთ), სანიკიძე (39 წთ, 28ქ, 9მ, 2პ), სანაძე (2 წთ), ცქიტიშვილი (9 წთ, 3ქ), ბურჯანაძე (6 წთ), ლეჟავა (5 წთ), ფხაკაძე (4 წთ).</p><p><strong>ყოველდღიური სპორტული გაზეთი "ლელო"</strong></p>
alex
გავიგეთ,რომ "ბუ" ცინცაძის მეტსახელია და შენ მაგათთან ძმაკაცურ ურთიერთობებში ხარ.
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
მსოფლიოს ჩემპიონატის საკვალიფიკაციო ეტაპზე საქართველოს ნაკრების მეტოქეები გაირკვა
დაეხმარება თუ არა ბოლდუინი ევრობასკეტზე საქართველოს ნაკრებს? - ნაკრების ექიმის კომენტარი
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
U16. საქართველოს კალათბურთელთა ნაკრები ლიტვასთან დამარცხდა
წინასაახალწლო ოვერტაიმი "დინამოსთან"
ლუკას სლოვენიასთან მატჩის დღე! - რა დაგვანახა საქართველოს ნაკრებმა და რაზე იმუშავებს ზუროსი...
დაეხმარება თუ არა ბოლდუინი ევრობასკეტზე საქართველოს ნაკრებს? - ნაკრების ექიმის კომენტარი
სუპერლიგის 2013/14 წლების სეზონის დაწყების თარიღი და მონაწილე გუნდები დადგინდა
ზაზა ფაჩულია: მეამაყება, რომ ასეთი გუნდის წევრი ვარ
სერგეიუს იოვაიშა: საქართველოს ამაყმა ნაკრებმა ლიტვასთან ფრეზე უარი თქვა!
საქართველოს ნაკრები ისტორიულ მსოფლიოზე - კარგი და ცუდი, გამოსასწორებელი და "გამოუსწორებელი" - თაობათა ცვლა ისევ ზუროსთან ერთად?!
ისტორიული მატჩის დღე - საქართველო კაბო ვერდეს დასამარცხებლად!..
გაორებული გრძნობები კალათბურთზე - ზეიმის დროა, პრობლემებს კი მსოფლიოზე არგასვლა ვერ აგვარებს!..
[ექსკლუზივი] იგორ კოკოშკოვი: თორნიკეს "ბრუკლინში" მოხვედრა, ერთი მხრივ, ცუდია
ურთულეს ჯგუფში - EuroBasket 2025-ზე საქართველოს ნაკრების მეტოქეები ცნობილია
ვიქტორ სანიკიძე, გიორგი ცინცაძე და გიორგი შერმადინი სიმბოლურ ნაკრებში