- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
საქართველოს ჩემპიონატის II ლიგა: უცნაურიც, საინტერესოც...
<p>ბესიკ შეროზიამ ჯერ კიდევ 12 წლის წინ "ლაზიკა" მეორედან პირველ ლიგაში გადაიყვანა, ორი წლის შემდეგ კი - უმაღლესშიც! <br> ერთი ტურიც და, პირველ ლიგაში ხანგრძლივი შესვენება დაიწყება და ეს გათამაშება მომავალი წლის გაზაფხულზე განახლდება.</p><p>დაპირებისამებრ, პირველი ლიგის ამ ეტაპს აუცილებლად შევაჯამებთ, რამეთუ უამრავი "უცნაურობის" გარდა, ამ ტურნირზე საინტერესოც არაერთი რამ ხდება. თანაც, ინტრიგა მხოლოდ ის კი არ არის, A და B ზონაში პირველ-მეორე ადგილებს რომელი გუნდები დაიკავებენ - არამედ ისიც, თუ რომელი გუნდები გადაინაცვლებენ მომავალი სეზონიდან მეორე ლიგაში...</p><p>ეს საფრთხე კი ერთდროულად ექვს გუნდს (სამ-სამს - თითო ზონიდან) ემუქრება და მათ ნაცვლად მეორე ლიგიდან ორი უძლიერესი გუნდი გადმოვა.</p><p>მოკლედ, კარგია, რომ პირველი ლიგის გუნდების შემცირების ტენდენცია მიმდინარეობს, თუმცა, სასურველი იქნებოდა, რომ სამომავლოდ რაც შეიძლება ნაკლებმა გუნდმა იასპარეზოს; უფრო ზუსტად, იმდენმა, რამდენიც პირველი ლიგისათვის აუცილებელ (გნებავთ - ელემენტარულ) პირობებს დააკმაყოფილებს, თორემ, ცოტა არ იყოს, უხერხულიც არის ისეთი ფაქტების გამომზეურება, როცა სტუმრად ჩასატარებელ მატჩზე გასამგზავრებლად ტრანსპორტისა თუ კვების ფულს... თვითონ ფეხბურთელები აგროვებენ!</p><p>აღარაფერს ვამბობთ უკვე წლების განმავლობაში დამკვიდრებულ "ტრადიციაზე", როცა პირველი ლიგის ბევრი გუნდის ფეხბურთელი საერთოდ არ იღებს ხელფასს - ისე, უბრალოდ, ენთუზიაზმზე თამაშობენ!</p><p>ჰო, ეს ყველაფერი პირველ ლიგაში ხდება და ადვილი წარმოსადგენია, თუ რა პრობლემები იქნება რანგით უფრო დაბალ, ანუ მეორე ლიგაში, სადაც ასევე მალე გამოცხადდება შესვენება.</p><p>უფრო ზუსტად, დასავლეთ ზონაში პირველი წრე დამთავრდა, აღმოსავლეთში კი - გრძელდება...</p><p>თუმცა გარკვეული დასკვნების გამოტანა უკვე ახლავე შეგვიძლია და დღეს სწორედ მეორე ლიგის (სამოყვარულო სტატუსი რომ აქვს) გათამაშებაზე გვინდა ვისაუბროთ: ერთ დროს პოპულარულ გუნდებზე, ჩვენი ჩემპიონატის კვალობაზე ცნობად მწვრთნელებსა თუ ფეხბურთელებზე და ასე შემდეგ...</p><p><span style="color: #ff0000;"><strong>ძველი სახეები: ჩუბინიძე, შეროზია...</strong></span></p><p>დასავლეთ ზონაში პირველი წრე დამთავრდა და, როგორც მოსალოდნელი იყო, ამ საშუალედო ეტაპის გამარჯვებული ზუგდიდის "ლაზიკა" გახდა. თუმცა, ვიდრე ამ გუნდზე ვისაუბრებდეთ, ისიც გვინდა ვთქვათ, რომ დასავლეთ ზონის გათამაშებას უკვე წლებია იმერეთის ფეხბურთის რეგიონული ფედერაცია (პრეზიდენტი - ვალერი მანაგაძე) ატარებს.</p><p>ამ ორგანიზაციას საკუთარი ვებ-გვერდიც აქვს, სადაც ოპერატიულად შეგიძლიათ მოიპოვოთ ინფორმაცია არა მხოლოდ მეორე ლიგის დასავლეთ ზონის მატჩებზე (ეგ კი არა, მიმოხილვებიც აქვთ), არამედ ამ რეგიონული ფედერაციის ეგიდით ჩატარებული სხვადასხვა ტურნირის შესახებაც შეიტყობთ ბევრ რამეს.</p><p>...დასავლეთ ზონაში ორი ისეთი გუნდი ასპარეზობს, სხვადასხვა დროს უმაღლეს ლიგაშიც რომ უასპარეზია: სენაკის "ეგრისი" და ზესტაფონის "მარგვეთი". გურამ ჩიქობავას ხელმძღვანელობით მოასპარეზე "ეგრისი" კვალდაკვალ მისდევს "ლაზიკას", აი, "მარგვეთმა" კი პირველი წრე მესამე ადგილზე დაასრულა. თუმცა ზესტაფონელებს საამაყოდ უნდა ჰქონდეთ ის ფაქტი, რომ სწორედ "მარგვეთის" ფეხბურთელი ლიდერობს ბომბარდირთა დავაში: 20 წლის ონისე ჩინჩალაძემ 12 მატჩში 18 გოლი გაიტანა, რაც, ვფიქრობთ, ურიგო შედეგი არ უნდა იყოს.</p><p>...დღესდღეობით მეორე ლიგაში (ორივე ზონაში) მოასპარეზე გუნდებიდან "მარგვეთს" აქვს ყველაზე მეტი სეზონი (რვა) უმაღლეს ლიგაში გატარებული; ეგ კი არა, 1995-96 წლების ჩემპიონატში "მარგვეთი" მხოლოდ და მხოლოდ თბილისის "დინამოს" ჩამორჩა და ვერცხლის მედლებს დაეუფლა! თანაც, "მარგვეთმა" იმ სეზონის მართლაც დრამატულ ფინიშზე სამ გამოკვეთილ ფავორიტს აჯობა: რუსთავის "მეტალურგს", "სამტრედიას" და ფოთის "კოლხეთს".</p><p>"მარგვეთის" მაშინდელი წარმატება კლუბის იმდროინდელ პრეზიდენტ ვასილ ხაჭაპურიძესთან ერთად მთავარი მწვრთნელის, ზაურ ჩუბინიძის დამსახურებაც გახლდათ. და აი, ზაურ ჩუბინიძე დღესაც აგრძელებს თავის ხანგრძლივ სამწვრთნელო კარიერას და 73 წლის სპეციალისტი კვლავაც მშობლიურ "მარგვეთს" მოძღვრავს!..</p><p>...ლევან აკობია, მამუკა ჭკადუა, დემურ სამსეიშვილი, ნიკა ხუხია, დავით კუტალია, - ამ ფეხბურთელებს სულ ახლო წარსულში არაერთი მატჩი ჩაუტარებიათ უმაღლეს ლიგაში; ლევან აკობია წლების განმავლობაში სომხეთის პირველობაზეც ასპარეზობდა, მაგრამ ახლა "ლაზიკაში" არიან და გუნდს პირველ ლიგაში გადასვლაში ეხმარებიან.</p><p>აღარაფერს ვამბობთ "ლაზიკას" მთავარ მწვრთნელზე: ბესიკ შეროზიას ხომ მართლაც "ეხერხება" ამა თუ იმ გუნდის ზედა ლიგაში აღზევება! ამ სპეციალისტმა ჯერ კიდევ 12 წლის წინ "ლაზიკა" მეორედან პირველ ლიგაში გადაიყვანა, ორი წლის შემდეგ კი - უმაღლესშიც!</p><p>თუმცა ამ პერიოდში ჩვენთან ხომ "მოდაში" იყო გუნდების "გაერთიანება" და ამიტომაც მოხდა, რომ 2004-05 წლების სეზონში უმაღლეს ლიგაში ზუგდიდის "ლაზიკას" ნაცვლად... თბილისის "სპარტაკმა" იასპარეზა! თუმცა, შეროზია მალე "მეორე წრეზე" წავიდა და ზუგდიდის კიდევ ერთი, ახლად დაარსებული გუნდი "მგლები" ჩაიბარა და აქაც იგივე გამეორდა: პირველივე ცდაზე "მგლებმა" მეორედან პირველ ლიგაში აინაცვლეს, მერე კი, უკვე ერთი წლის შემდეგ, გუნდმა უმაღლესი ლიგის საგზური მოიპოვა!</p><p>შეროზია ორსეზონნახევარი თავკაცობდა "მგლებს" (მერე "ბაია" რომ გადაერქვა) და ვერავინ იტყოდა, რომ ეს გუნდი მაჩანჩალა იყო; თუმცა 2009-10 წლების სეზონის პირველი ეტაპი რომ დასრულდა, ეს სპეციალისტი ზუგდიდიდან წამოვიდა და პირველ ლიგაში დაბრუნდა, ოღონდ არანაკლებ კი არა, ბევრად უფრო ამბიციურ გუნდში - ფოთის "კოლხეთში". ჰოდა, სწორედ შეროზიას ხელმძღვანელობით შეძლო საქართველოში ერთ-ერთმა ყველაზე უძველესმა გუნდმა სამწლიანი პაუზის შემდეგ უმაღლეს ლიგაში დაბრუნება.</p><p>ფოთის მერე შეროზია კვლავაც პირველ ლიგას დაუბრუნდა და წინა სეზონში, პირველ ეტაპზე, ცხინვალის "სპარტაკის" ფაქტობრივად, ერთადერთი კონკურენტი სწორედ მისი დამოძღვრილი ხობის "კოლხეთი" იყო.</p><p>ახლა კი, როგორც უკვე აღვნიშნეთ, არც მეორე ლიგაში მუშაობა ითაკილა და თავის ძველ-ახალ გუნდთან, ზუგდიდის "ლაზიკასთან" ერთად ჯერ პირველ ლიგაში, მერე კი, ალბათ... უმაღლეს ლიგაში დაბრუნებასაც შეეცდება!</p><p>P.S. აღმოსავლეთ ზონაში როგორც კი პირველი წრე დასრულდება, იქ მოასპარეზე გუნდებსა თუ ფეხბურთელებზეც აუცილებლად ვისაუბრებთ.</p><p><span style="color: #ff0000;"><strong>საქართველოს ჩემპიონატი. II ლიგა</strong></span></p><p><strong>აღმოსავლეთი ზონა</strong></p><p><span style="text-decoration: underline;">XII ტური</span></p><p>მარკ სტარი-არაგვი 5:1</p><p>ბორჯომი-ლიახვი 5:2</p><p>რუსთავი-ივერიონი 3:3</p><p>დინამო (ს)-სასკო 2 2:0</p><p>იბერია-ფორვარდი 7:3</p><p>დურუჯი-გოლიადორი 7:1</p><p>აბული-ივერია 1:0</p><p>საქ. უნივერსიტეტი-ალაზანი 5:3</p><p><em>ა გ თ მ ფ წ ბ ქ</em></p><p>1. ბორჯომი 12 10 2 0 44-8 32</p><p>2. მარკ სტარი 12 10 0 2 52-9 30</p><p>3. საქ. უნივერს. 12 8 2 2 41-17 26</p><p>4. ივერია 12 8 1 3 33-19 25</p><p>5. ლიახვი 12 7 4 1 28-15 25</p><p>6. გოლიადორი 12 7 0 5 34-29 21</p><p>7. არაგვი 12 4 5 3 24-23 17</p><p>8. აბული 12 5 2 5 14-17 17</p><p>9. დურუჯი 12 5 1 6 19-20 16</p><p>10. ივერიონი 12 3 5 4 19-21 14</p><p>11. ალაზანი 12 3 3 6 19-20 12</p><p>12. დინამო (ს) 12 3 1 8 14-33 10</p><p>13. იბერია 12 3 1 8 22-44 10</p><p>14. რუსთავი 12 2 1 9 20-53 7</p><p>15. სასკო 2 12 2 0 10 10-32 6</p><p>16. ფორვარდი 12 1 2 9 10-33 5</p><p><span style="color: #ff0000;"><strong>ჭაბუკთა ლიგა</strong></span></p><p><strong>1996/97 წ.დ.</strong></p><p><span style="text-decoration: underline;">XII ტური</span></p><p>სპარტაკი-ვიტ ჯორჯია 1:4</p><p>გურია-მერანი 1:0</p><p>მეტალურგი-დილა 1:0</p><p>სიონი-ნ. დინამო 2:1</p><p>დინამო (თბ)-35-ე სს 4:2</p><p>ზუგდიდი-ტორპედო 1:1</p><p>ზესტაფონი-საბურთალო 1:0</p><p>დინამო (ბთ)-ჩიხურა 2:1</p><p><em>ა გ თ მ ფ წ ბ ქ</em></p><p>1. მეტალურგი 12 11 1 0 38-8 34</p><p>2. ვიტ ჯორჯია 12 7 4 1 28-17 25</p><p>3. ტორპედო 12 7 4 1 21-12 25</p><p>4. დინამო (თბ) 12 7 1 4 25-14 22</p><p>5. დინამო (ბთ) 12 7 1 4 26-20 22</p><p>6. დილა 12 6 4 2 24-8 22</p><p>7. მერანი 12 6 1 5 15-16 19</p><p>8. საბურთალო 12 5 3 4 20-14 18</p><p>9. 35-ე სს 12 5 2 5 21-20 17</p><p>10. სიონი 12 4 1 7 18-26 13</p><p>11. ზუგდიდი 12 3 4 5 13-15 13</p><p>12. ზესტაფონი 12 3 3 6 13-22 12</p><p>13. ნ. დინამო 12 3 2 7 19-28 11</p><p>14. სპარტაკი 12 2 2 8 13-27 8</p><p>15. გურია 12 2 1 9 4-33 7</p><p>16. ჩიხურა 12 1 0 11 7-25 3</p><p><strong>1998/99 წ.დ.</strong></p><p>სპარტაკი-ვიტ ჯორჯია 0:3</p><p>გურია-მერანი 1:3</p><p>მეტალურგი-დილა 0:3</p><p>სიონი-ნ.დინამო 2:2</p><p>დინამო (თბ)-35-ე სს 1:3</p><p>ზუგდიდი-ტორპედო 2:0</p><p>ზესტაფონი-საბურთალო 0:0</p><p>დინამო (ბთ)-ჩიხურა 1:0</p><p><em>ა გ თ მ ფ წ ბ ქ</em></p><p>1. საბურთალო 12 9 3 0 41-3 30</p><p>2. დინამო (თბ) 12 9 2 1 39-6 29</p><p>3. 35-ე სს 12 8 1 3 25-14 25</p><p>4. დილა 12 7 3 2 18-8 24</p><p>5. ტორპედო 12 7 1 4 28-13 22</p><p>6. ზუგდიდი 12 7 1 4 19-16 22</p><p>7. ნ. დინამო 12 6 4 2 15-12 22</p><p>8. ვიტ ჯორჯია 12 5 2 5 18-15 17</p><p>9. მეტალურგი 12 4 3 5 15-19 15</p><p>10. ზესტაფონი 12 3 5 4 11-11 14</p><p>11. დინამო (ბთ) 12 4 1 7 10-16 13</p><p>12. სპარტაკი 12 3 1 8 15-28 10</p><p>13. მერანი 12 3 1 8 8-30 10</p><p>14. გურია 12 2 1 9 7-43 7</p><p>15. სიონი 12 1 4 7 12-29 7</p><p>16. ჩიხურა 12 1 1 10 4-22 4</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
-
ლუხუტა
ზესტაფონის გუნდს მარგვეთი 2010 ჰქვია და არ არის იმ მარვეთის სამართალმემკვიდრე
სამი ფრე და "დილას" მოგება ბათუმში
ტური 14: დაძაბულობა, ბოლო წუთების დრამა, სადებიუტო გოლები
"იბერია 1999" და "ტორპედო" კვლავ იგებენ
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
ს.კ. "მარგვეთი": რას გვერჩის ილია კოკაია?!
სად ითამაშებენ ექსკაპიტანი და ტრიო? - "ზუგდიდმა" ბოლო სპარინგიც მოიგო
ლევან აკობია: სომხეთში ვარ და "ალაშკერტისგან" პასუხს დღე-დღეზე ველოდები
ზუგდიდის "ოდიში": მოვიპოვოთ ევროსაგზური, შევავსოთ სტადიონი!
ახლა უკვე ოფიციალურად: ბესიკ შეროზია "ზუგდიდის" მთავარი მწვრთნელი აღარაა
ლევან აკობია: დიდი გაურკვევლობაა
"ზუგდიდმა" მთავარი მწვრთნელის პოსტზე უკრაინელი სპეციალისტი მიიწვია
"ზუგდიდი": თამაშებიც და მზადებაც
"კლუბის დირექტორს გუნდი მიჰყავს შეკრებაზე თურქეთში მაშინ, როცა აქ არც მოედნები აქვთ, არც ფორმები..."
"ზუგდიდი": ზაზა ჯანაშია ბრუნდება, ბესიკ შეროზია მამუკა ჭაჭუამ შეცვალა