- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ჭიდაობის საერთაშორისო ფედერაციამ წონითი კატეგორიები დაადგინა
<p>17 დეკემბერს ჭიდაობის საერთაშორისო ფედერაციამ საბოლოოდ გამოაცხადა წონითი კატეგორიები, რომელიც უკვე გაისად ამოქმედდება <br> 17 დეკემბერს ჭიდაობის საერთაშორისო ფედერაციამ საბოლოოდ გამოაცხადა წონითი კატეგორიები, რომელიც უკვე გაისად ამოქმედდება.</p><p>თავშივე ვიტყვით, რომ ძალაში დარჩა მოდელი, რომელიც ოლიმპიადაზე და დანარჩენ ტურნირებში წონათა განსხვავებულ ოდენობას ითვალისწინებდა - თამაშებში 6 კატეგორია იქნება, სხვა შეჯიბრებებში - 8.</p><p>ოლიმპიადაზე ქალებისა და ვაჟების წონები რომ გათანაბრებულიყო, ანუ გენდერული ბალანსი დაცული ყოფილიყო, ეს საერთაშორისო ოლიმპიური კომიტეტის მოთხოვნა იყო, რასაც ფილა ვერ გაექცეოდა.</p><p>სამაგიეროდ, ევროპისა და მსოფლიოს პირველობებში, აგრეთვე - საერთაშორისო ტურნირებში სოკ-ი არ ერევა და იქ ყველაფერი ფილა-ს გადასაწყვეტია. ეს, ერთი მხრივ, კარგიცაა - რაც მეტი კატეგორია იქნება, მით მეტ ფალავანს მიეცემა თავის გამოჩენის შანსი, მაგრამ ცუდია ის, რომ წონები განსხვავებული იქნება "თავისუფალსა" და ბერძნულ-რომაულში.</p><p>მაშ ასე, 2016 წელს, რიო დე ჟანეიროში გასამართავ ოლიმპიადაზე თავისუფალ ჭიდაობაში წონებია: 57, 65, 74, 86, 97 და 125. ბერძნულ-რომაულში: 59, 66, 75, 85, 98 და 130 კილოგრამები.</p><p>ქალები: 48, 53, 58, 63, 69 და 75. დანარჩენ შეჯიბრებებში (მათ შორის - ევროპისა და მსოფლიოს პირველობებზე) "თავისუფლებში" დაემატება 61 და 70, ბერძნულ-რომაულში - 71 და 80, ქალებში - 55 და 60 კილოგრამები.</p><p><strong></p><p>* * *</strong></p><p>ჩვენთვის არანაკლებ მნიშვნელოვანი გვგონია, რომ ადრინდელი 55 კილოგრამი რამდენადმე "დამძიმდა". ქართველები არც გენეტიკურად მივეკუთვნებით ტანჩია ერებს.</p><p>ასეთ მსუბუქ წონებში არ უჭირთ, მაგალითად, შედარებით ტანდაბალ აზიელებს და უმეტესად ისინი პირველობენ, ჩვენებისთვის კი თუნდაც ის ორიოდე კილოგრამის დამატებაც "თავისუფალში" დიდი შეღავათია, ხოლო "ბერძენ-რომაელთა" 4 კილოგრამი ხომ - საერთოდ!</p><p>აქამდე განსაკუთრებით ცუდი საკადრო ვითარება სწორედ ბერძნულ-რომაულში გვქონდა, თუმცა თავისუფალშიც საკმაოდ ბევრს იკლებდა ევროპის ჩემპიონი გიორგი ედიშერაშვილი - ბოლო ხანებში ის სულ უფრო ხშირად გამოდიოდა 60 კილოგრამში, ახლა კი დაკლება იმდენად არ გაუჭირდება. თან საერთაშორისო ტურნირებზე (ოღონდ არა ევროპა-მსოფლიოზე და ოლიმპიადაზე) ზედმეტი 2 კილოგრამი დასაშვებია (იმედია, ეს წესი ძალაში დარჩება).</p><p>სამაგიეროდ, 55-ისგან განსხვავებით, საოლიმპიადოდ საკმაოდ ცუდ ვითარებაში აღმოჩნდება "თავისუფალში" ჩვენი ლიდერი, ევროპისა და ოლიმპიადის ვიცე-ჩემპიონი ვლადიმერ ხინჩეგაშვილი - მან ან 57-ში უნდა დაიკლოს, რაც გამორიცხული გვგონია, ან - 65-ში უნდა აიწიოს.</p><p>იქიდან გამომდინარე, რომ ხინჩეგაშვილმა წონაში მოიმატა და 60-ში აინაცვლა, დაკლებაზე უფრო რეალური მისი ზედა წონაში გადასვლა გვგონია, მაგრამ იქაც საკმაოდ მძაფრი კონკურენცია დახვდება - თუნდაც ლევან ქელეხსაშვილი და კონსტანტინე ხაბალაშვილი, თუმცა აქ ნიჭიერი ახალგაზრდები სხვებიც ბლომად არიან.</p><p>თან, ერთიცაა გასათვალისწინებელი - ხინჩეგაშვილმა თამაშებამდე დარჩენილი ეს ორი სეზონი 61-ში უნდა იჭიდაოს, ანუ მისი ორგანიზმი ამ წონას, ამ სიმძიმეებს, ამ დატვირთვებსა და მეტოქეებს შეეჩვევა და მერე უცებ სულ სხვა რეალობას უნდა შეასკდეს!</p><p>ამ განსხვავების დაფარვა არ იქნება მისთვის ადვილი და იქნებ აქედანვე იფიქროს წონის კიდევ უფრო მომატებაზე, თუმცა 66-ში დასამკვიდრებლად, ვეჭვობთ, არც სიმაღლე ეყოფა და არც - ფიზიკური ძალა. ყოველ შემთხვევაში, ძალიან გაუჭირდება იქაურებთან ჭიდილი. აი, ევროპა-მსოფლიოზე კი მისთვის 61 კილოგრამი მისწრებაა - ის ახლაც არ იკლებს ბევრს 60 კილოგრამში, ხოლო ამას თუ კიდევ ერთი კილოც დაემატება, მით უფრო ნაკლები დასჭირდება.</p><p>სავარაუდოდ, ახლანდელი 66-ის ზემოჩამოთვლილ ლიდერებს არ უნდა გაუჭირდეთ იმ ერთი კილოგრამის დაკლება. მართალია, აქაურებს არაოლიმპიურ შეჯიბრებებში 70-შიც შეუძლიათ ასვლა, მაგრამ, საეჭვოა, მათ საოლიმპიადოდ 74-მდე ასვლა შეძლონ, იმის მიუხედავად, რომ ახალგაზრდები, ანუ მზარდები არიან და შეიძლება კუნთოვანი მასის ხარჯზე კიდევ მოიმატონ წონაში.</p><p>სამაგიეროდ, რიოსთვის 65-ში დაკლება გაუჭირდებათ და ამიტომ უფრო გონივრული გვგონია, აქედანვე დარჩნენ 65-ში.</p><p><strong></p><p>* * *</strong></p><p>"თავისუფალთა" ნაკრებში საკმაოდ უცნაური ვითარება იქმნება დავით ხუციშვილსა (74) და დავით მარსაგიშვილთან (84) მიმართებაში - როგორც ვხედავთ, აქ პრინციპულად არაფერი იცვლება, არადა, ხუციშვილს ზედა წონაში სურს გადასვლა.</p><p>თუმცა, როგორც ვხედავთ, 74 უცვლელად დარჩა, ანუ თუ მართლაც ზევით გადავა, 86-ში ორი ძლიერი ფალავანი მოიყრის თავს - ანუ მედლის ორი კანდიდატიდან ერთს ვკარგავთ.</p><p>ასაკის მატებასთან ერთად, ევროპის ვიცე-ჩემპიონსა და მსოფლიოს პრიზიორ ხუციშვილს თანდათან გაუჭირდება წონის "დაჭერა", მაგრამ საეჭვოა, მისი აღნაგობის კაცმა 86-ში შეძლოს ღირსეული კონკურენციის გაწევა.</p><p>სავარაუდოდ, მისთვის უკეთესი იქნება, ამ ციკლში მაინც ისევ 74-ში დაიკლოს. მით უფრო, ამ წონას 84-მდე ევროპა-მსოფლიოზე არაფერი ემატება. ევროპის ორგზის ჩემპიონს, მსოფლიოსა და ოლიმპიურ ჩემპიონ მარსაგიშვილს კარგად აეწყო საქმე - ბევრს ისედაც არ იკლებდა, ახლა კი 2 კილოგრამი კიდევ დაემატა.</p><p>მძიმე წონებში ცვლილება ცოტა უფრო მეტად დაარტყამს "ბერძენ-რომაელთა" ნაკრებს - მართალია, ჩვენს დღევანდელ ლიდერებს წონის დაკლება არ დასჭირდებათ, მაგრამ იქნებ წონაც არ ეყოთ 130-მდე და წონადაკლებულებთან ძალით დაიჩაგრონ. თუმცა ამის გაბათილება იოლად შეუძლიათ სისწრაფისა და მოქნილობის ხარჯზე, რაც წონადაკლებულებთან შედარებით, აუცილებლად ექნებათ და მთავარია, სწორად გამოიყენონ.</p><p>"თავისუფალთა" მძიმეწონოსნები დაახლოებით ამ ზღვართან არიან და დაკლება არ დასჭირდებათ, თუმცა არც ძალით დაიჩაგრებიან. სასურველი იყო, 130 აქ ყოფილიყო - მაშინ მსოფლიოს პრიზიორ ლევან ბერიანიძესაც მეტი შანსი ექნებოდა წონის დაკლებისა და სუმოდან კვლავ "თავისუფალს" დაუბრუნდებოდა, რაც ისედაც დიდ კონკურენციას კიდევ უფრო გაზრდიდა.</p><p>ამ წონის ლიდერთაგან გამონაკლისია ევროპისა და მსოფლიოს პრიზიორი გენო პეტრიაშვილი, ვისაც წონის მომატება დასჭირდება, რაც ძალასაც მოუმატებს, მაგრამ ის ჯერ 19 წლისაა, ანუ ისედაც მოზარდია და მასის მომატება პრობლემად არ ექცევა.</p><p>მისი კოზირი ისიცაა, რომ თავისი აღნაგობიდან გამომდინარე, შეუძლია, მხოლოდ კუნთოვანი მასის ხარჯზე მოიმატოს და არა ცხიმოვანის - არ დაკარგოს სისწრაფე, მოქნილობა, ტექნიკურობა, რაც მძიმეწონოსანთა კვალობაზე მომეტებულად აქვს.</p><p><strong>* * *</strong></p><p>ვფიქრობ, ჩვენი "ბერძენ-რომაელთა" დღევანდელი კონტინგენტისთვის კარგი უნდა იყოს 59 და 66 კილოგრამის შემოღება. ოლიმპიადის ვიცე და ევროპის ჩემპიონი რევაზ ლაშხი ახლახან გადმოვიდა 66-ში და ეს მისთვის ისედაც ნაცნობი წონაა.</p><p>აქ მეორე კარგი ფალავანიც გვყავს - საჩინო დავითაია და კარგია, რომ არაოლიმპიურ ტურნირებზე 70 კილოგრამიც იქნება - ევროპა-მსოფლიოზე ერთ-ერთი იქ დამკვიდრდება. სავარაუდოდ, ეს უფრო დავითაიას მხრიდანაა მოსალოდნელი, რადგან ახალგაზრდაა და წონა მომავალშიც გაექცევა. იმედია, კარგად მოერგება ახალ წონას, თუმცა, ვნახოთ, რას გადაწყვეტენ მწვრთნელები.</p><p>75 კილოგრამშიც ორი კარგი ფალავანია - ევროპისა და მსოფლიოს ვიცე-ჩემპიონი, ოლიმპიური პრიზიორი მანუჩარ ცხადაია და ევროპის ვიცე-ჩემპიონი ზურაბ დათუნაშვილი. მათ ზევით წასასვლელი არც რჩებათ - ოლიმპიადაზე მომდევნო წონა 85 იქნება, იქამდე კი ვერც ერთი ვერ გაქაჩავს. არაოლიმპიურებში 80 კილოგრამიც იქნება, მაგრამ ესეც გამორიცხული გვგონია.</p><p>ეგ კი არა, ცხადაიასთვის მთლად ოპტიმალური არც 74 ჩანს. უფრო სავარაუდოა, რომელიმემ არაოლიმპიურებში 71-მდე დაიკლოს.</p><p>პროგნოზს გავბედავთ და ამას უფრო ცხადაიას ვუწინასწარმეტყველებთ, რადგან 74-ს უფრო მორგებული დათუნაშვილი ჩანს.</p><p>ის ბევრს არ იკლებს, ხოლო 75 კიდევ უფრო ხელს აძლევს... 71-ში დაკლება არც ცხადაიას უნდა გაუჭირდეს (ოღონდ წონა მუდმივად უნდა აკონტროლოს), რაც ფიზიკური ძალის მხრივ, მეტოქეებზე გვარიან უპირატესობას მისცემს.</p><p>84-ის და 96-ის დღევანდელი ფალავნებისთვის დიდად არაფერი იცვლება. პირიქით - მათ ორიოდე კილოგრამი ემატებათ ახლანდელ წონაზე, ანუ შედარებით ცოტას დაიკლებენ. თუმცა კიდევ ერთხელ ვიმეორებთ - აქ განვიხილეთ ნაკრების დღევანდელი ლიდერები, ამჟამად არსებული კონტინგენტი, რაც ოლიმპიადამდე შეიძლება შეიცვალოს კიდეც...</p><p>მაგალითად, 55 კილოგრამში დღეს საკმაოდ ბევრი ნიჭიერი ფალავანია, რომლებიც აქამდე წონის კლების გამო ვერ ავლენდნენ თავს, ახლა კი ახალი ასპარეზი ეძლევათ.</p><p><strong>ყოველდღიური სპორტული გაზეთი "ლელო"</strong></p>
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ზოიძის ვერცხლი და ლოლუას ბრინჯაო ევროპის ჩემპიონატზე
სოლომონ მანაშვილი ევროპის ჩემპიონატის ფინალში დამარცხდა
"ვილა პარკზე" ბოლო მატჩი ჩაატარა და ცრემლები ვერ შეიკავა - მარტინესი "ასტონ ვილას" ტოვებს
იქნება თუ არა კვარაცხელია "ოსერთან" სასტარტოში? - "პარიზიენის" პროგნოზი
დე ძერბი: პსჟ - "ინტერის" მატჩისას კინოს ვუყურებ
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
"შედარება მესისთან?" - რა თქვა ლამინ იამალმა
"იცი ჩვენს შორის რა განსხვავებაა?" - თოფურიამ მახაჩევს უპასუხა
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
[VIDEO] სერიამ კულმინაციას მიაღწია - იოკიჩს მხარი მარიმ აუბა და "დენვერმა" "ოკლაჰომა" დაამარცხა
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი