<p>"ლიონმა" "სიუზის" აწყენინა <br> საფრანგეთის სათასო შეჯიბრებებისთვის სენსაციები უცხო ხილი არასდროს იყო. მოლოდინი არც პირველმა სათამაშო დღემ გაგვიცრუა და რიგით მეოთხე ლიგის ბინადარმა "იზიორმა" ლიგა 1-ის მკვიდრი "ლორიანი" დაიფრინა ტურნირიდან.</p><p>არადა, კრისტიან გურკუფის გუნდი თითქოს ძალიან კარგ ფორმაში იყო. მართალია, ბრეტონელთა შემადგენლობა ცოტა გადახალისებული გახლდათ, მაგრამ შედეგი მაინც ძალიან მოულოდნელია.</p><p><em></p><p>"კლასიკური სათასო მატჩი გამოვიდა. მეტოქის შემართება სულაც არ გაგვკვირვებია. სამოყვარულო გუნდებისთვის თასი ძალიან მნიშვნელოვანია. რამდენიმე შანსი გვქონდა, მაგრამ სათანადოდ ვერ გავისარჯეთ"</em> - თქვა გურკუფმა.</p><p>ასევე მეოთხელიგელ "რომორანტენთან" ძალიან იწვალა "ტულუზმა". ალენ კაზანოვას "ცალი ფეხით" სურდა მოგება და სტუმრები ადრიენ რეგატენის გოლით 85-ე წუთამდე წინაც იყვნენ, მაგრამ მასპინძლებმა მოულოდნელად გაათანაბრეს და თითქოს მატჩი დამატებით დროში უნდა გადასულიყო, როდესაც "ტულუზს" მხსნელად ოქროს შენაძენი მარტინ ბრეიტვეიტი მოევლინა და 94-ე წუთზე მოაგებინა გუნდს.</p><p>დრამატული გამოდგა ფილიპ მონტანიეს ამჟამინდელი და ყოფილი გუნდების დუელი. საბოლოოდ, აწმყომ აჯობა წარსულს და ძირითადში ნათამაშები 1:1-ის მერე, მომთანგველ პენალტების სერიაში "რენმა" "ვალანსიენს" 8:7 მოუგო. სხვათა შორის, ბრეტონელებმა ისე ერთი გოლიც პენალტით გაიტანეს.</p><p>მოკლედ უნდა ვთქვათ ორ უცნაურად განვითარებულ შეხვედრაზეც. რიგით მეხუთე ლიგის ბინადარი "ლა როშე" ლიგა 2-ის მკვიდრ "სერკლ ატლეტიკ ბასტიას" გმირულად უძლებდა და თითქოს უპირატესობაც მიიღო, როდესაც მეტოქე 10 კაცით დარჩა, მაგრამ სწორედ ამის მერე გაუშვა 3 გოლი დამატებით დროში.</p><p>ასევე ბოლო საფეხურზე, ანუ მეხუთე ლიგაში მყოფ "ობანს" ნამდვილი ტრაგედია გადახდა თავს. შეუძლებელია ეს გუნდი არ შეგეცოდოს. ობანელები თავიდანვე დაწინაურდნენ, მერე მე-80 წუთზე გაუშვეს, მაგრამ 87-ე წუთზე ისევ გაიტანეს და როცა უკვე ზეიმისთვის ემზადებოდნენ, სტუმრებმა კვლავ გაათანაბრეს. დამატებით დროში "ობანი" 10 კაცით დარჩა, მაგრამ არ გატყდა და მეტიც, წინ გასვლაც მოახერხა... თუმცა "დიჟონმა" ახლა უკვე დამატებითი დროის ბოლო წუთზე, ანუ 120-ეზე გაათანაბრა და მატჩი პენალტების სერიაში გადაიყვანა. ცხადია, თერთმეტმეტრიანებშიც სტუმრებს გაუმართლათ.</p><p>მეორე სათამაშო დღეს უფრო მეტი უმაღლესი ლიგის წარმომადგენელი გავიდა არენაზე და ყველაფერმა სიურპრიზების გარეშე ჩაიარა. თითქმის ყველა ფავორიტმა უპრობლემოდ იმარჯვა.</p><p>რაოდენ გასაკვირიც უნდა იყოს, ყველაზე მეტად "მონაკომ" იწვალა. კლაუდიო რანიერის გუნდმა ძალიან უხერხულ მდგომარეობაში ჩაიგდო თავი, რადგან მინდორზე საბრძოლო შემადგენლობით გავიდა და ამის მიუხედავად, ორჯერ აგებდა მესამელიგელ "ვანთან". თუმცა სტუმრებს იანიკ ფერეირა-კარასკომ უშველა და 86-ე წუთზე გატანილი გოლით აარიდა სირცხვილს.</p><p>იწვალა "ბორდომაც". "რაონ ლ’ეტაპი" ჟირონდელებთან შემდეგი ეტაპის საგზურისთვის ბრძოლის უკვე დამატებით დროში გაგრძელებას ფიქრობდა, დავიდ ბელიონი რომ გამოენთო, მასპინძლებს იმედის ნაპერწკალი ჩაუქრო და ყველაფერი თავის ადგილას დააყენა.</p><p>საკუთარი ადგილისკენ მიუთითა მოწინააღმდეგეს "ლილმაც". მატჩის დებიუტში ნორდინ ბენარიემ "ამიენი" დააწინაურა და სიტუაცია არია, მაგრამ... ლილელთა გმირი სალომონ კალუ გახდა.</p><p>სულაც 6 გოლი გაიტანა "ლიონმა", რომელმაც "ლა სიუზის" აწყენინა. რემი გარდის გვარდიამ გაილაღა. 6 გოლი გაუტანა მეტოქეს "ოსერმაც".</p><p>აღსანიშნავია, რომ ლიგის თასის მეოთხედფინალში ერთმანეთს "ნანტი" და "ნიცა" ხვდებიან და აგერ, ისინი აქეთაც გადაეყარნენ ერთურთს. ამჯერად კლოდ პუელის გუნდმა იძალა. "იადონები" შურისძიებას 15 იანვარს შეეცდებიან, როდესაც ისევ საკუთარ კედლებში დაუხვდებიან მეტოქეს.</p><p>რამდენიმე მატჩი უამინდობის გამო გადაიდო, მათ შორის, პსჟ-ის დაპირისპირება "ბრესტთან".</p><p><strong></p><p><em>ავრანში-ლანსი 1:3</em></strong></p><p><strong></p><p><em>ეპინალი-ნიორი 1:4</em></strong></p><p><em><strong></p><p>მონ აზერგი-ისტრი 1:1 (3:2 პენ)</strong></em></p><p><em><strong></p><p>პონტარლიე-კაენი 1:3</strong></em></p><p><em><strong></p><p>იურა სუდი-კრეტეი</strong> - <strong>გადაიდო</strong></em></p><p><em><strong></p><p>შამბლი-ანჟერი 1:1 (5:6 პენ)</strong></em></p><p><em><strong></p><p>ობანი-დიჟონი 3:3 (4:5 პენ)</strong></em></p><p><em><strong></p><p>ლა როშე-სა ბასტია 0:0 (0:3 დ.დ.)</strong></em></p><p><em><strong></p><p>მანი-მულენი 1:6</strong></em></p><p><em><strong></p><p>იზიორი-ლორიანი 1:0</strong></em></p><p>გოლი: 1:0 მბიდა (24)</p><p><em><strong></p><p>ბულონი-ბოვე 3:1</strong></em></p><p><em><strong></p><p>ბრესიუირი-სოშო 0:3</strong></em></p><p>გოლები: 0:1 პრჩიჩი (15), 0:2 ა. კამარა (30), 0:3 ა. კამარა (37)</p><p><em><strong></p><p>ლე ერბიე-პლაბენეკი 0:1</strong></em></p><p><em><strong></p><p>პუასი-კონკარნო 0:1</strong></em></p><p><em></p><p><strong>რომორანტენი-ტულუზი 1:2</strong></em></p><p>გოლები: 0:1 რეგატენი (37), 1:1 ლინორი (86), 1:2 ბრეიტვეიტი (90+4)</p><p><em><strong></p><p>რენი-ვალანსიენი 1:1 (8:7 პენ)</strong></em></p><p>გოლები: 1:0 ფერე (67-პენ.), 1:1 დოსევი (74)</p><p><em><strong></p><p>მარკუა-ოსერი 2:6</strong></em></p><p><em><strong></p><p>ბურ-პერონა-გენგამი 0:2</strong></em></p><p>გოლები: 0:1 ბოვიუ (10), 0:2 იატაბარე (30)</p><p><em><strong></p><p>ლა კაიოლი-ბალან ილ რუსი 0:2</strong></em></p><p><em><strong></p><p>სტ. არმანი-კრუა 1:1 (2:4 პენ)</strong></em></p><p><em><strong></p><p>ამიენი-ლილი 1:3</strong></em></p><p>გოლები: 1:0 ბენარიე (6), 1:1 ს. კალუ (23), 1:2 ს. კალუ (57), 1:3 როდელენი (66)</p><p><em><strong></p><p>ბასტია-ევიანი 1:0</strong></em></p><p>გოლი: 1:0 რასპენტინო (20)</p><p><em><strong></p><p>ლა სიუზი-ლიონი 1:6</strong></em></p><p>გოლები: 0:1 გომისი (6), 1:1 პიშო (41-პენ.), 1:2 გრენიე (42), 1:3 გომისი (56), 1:4 ლაკასეტი (58), 1:5 მალბრანკი (66), 1:6 ლაკასეტი (79)</p><p><em><strong></p><p>ნანტი-ნიცა 0:2</strong></em></p><p>გოლები: 0:1 დიგარი (8), 0:2 ბრიულსი (88)</p><p><em><strong></p><p>რაონ ლ’ეტაპი-ბორდო 1:2</strong></em></p><p>გოლები: 0:1 საივე (15-პენ.), 1:1 პატენი (71), 1:2 ბელიონი (86)</p><p><em><strong></p><p>როდეზი-მონპელიე 0:2</strong></em></p><p>გოლები: 0:1 მეზაგე (10), 0:2 ნიანგი (65-პენ)</p><p><em><strong></p><p>კემპერლე-აიაჩო 1:2</strong></em></p><p>გოლები: 1:0 ლე გალი (17), 1:1 ფატი (29), 1:2 ედუარდო (59)</p><p><em><strong></p><p>ბრესტი-პსჟ - გადაიდო</strong></em></p><p><em><strong></p><p>კანი-სტ. ეტიენი - გადაიდო</strong></em></p><p><em><strong></p><p>ვანი-მონაკო 2:3</strong></em></p><p>გოლები: 1:0 კაკინი (2), 1:1 ფალკაო (3), 2:1 აგემონი (35), ჯ. როდრიგესი (42), 2:3 ფერეირა-კარასკო (86)</p><p><em><strong></p><p>სეტი-კარკფუ 2:0</strong></em></p><p><em><strong></p><p>მარსელი-რეიმსი 0:0 (2:0 დ.დ.)</strong></em></p><p><strong>ყოველდღიური სპორტული გაზეთი "ლელო"</strong></p>
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
პსჟ-ს თავდამსხმელი შეიძლება "მანჩესტერში" გადავიდეს
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
ცნობილია ის ოთხი ფეხბურთელი, რომელთა შეძენაც კონტემ დე ლაურენტისს მოსთხოვა
სამწვრთნელო საქმე: ბოლო 3 თვეში 13 მწვრთნელი მოიხსნა
გასპერინიმ შესაძლოა, მომდევნო სეზონში სხვა იტალიური გუნდი გაწვრთნას
ორი მთავარი კანდიდატი - "რომას" ახალი შესაძლო მთავარი მწვრთნელების ვინაობა ცნობილია
რადამელ ფალკაოს მამა ჩოგბურთის თამაშისას გარდაიცვალა
საფრანგეთი. ლიგა 1. XXIII ტურის წინ: პარიზელებმა ისევ მოიგეს
ᓡᓐᓤᓠᓐᓜᓒᓔᓗᕘ. ᓚᓘᓒᓐ 1. XXXVIII ᕢᓣᓠᓘᓡ ᓬᓘᓜ: ᓤᓠᓗᓮᓘᓚᓘ "ᓚᓘᓚᓘ"
"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა
თემურ ქეცბაიას შანსები "ნიუკასლის" მწვრთნელობაზე მკვეთრად გაიზარდა
La Stampa: კლოპმა შეთანხმმებას მიაღწია და სერია A-ს კლუბს ჩაიბარებს
ბირმინგემის "ასტონ ვილა": შერვუდის მემკვიდრის ძიებაში
"ნიუკასლის" ფანების ფავორიტად აქამდე თემურ ქეცბაია რჩება
"ლანსის" ფანები მოედანზე გადავიდნენ და თავიანთი ფეხბურთელების ცემა უნდოდათ
"მინდა, სოროებში მოგიკითხოთ "კვარას" კრიტიკოსები - ახლა მაინც არ რცხვენია იმ ხალხს, ვინც..." - ოთარ ტატიშვილი
"ხვიჩა არის ადამიანი, რომელსაც..." - რა თქვა მაკრონმა კვარაცხელიაზე?
პრემიერლიგის აუტსაიდერის ბოლო ცდა
ზუსტად 4 წლის წინ ჩემპიონთა ლიგის ისტორიაში ერთ-ერთი საუკეთესო შეხვედრა გაიმართა [VIDEO]
პიოლი შეიძლება მალე სერია A-ში დაბრუნდეს
ფალკაო ევროპის კონტინენტს ტოვებს - ვეტერან კოლუმბიელს მექსიკაში უხმობენ
ქართველი "ნიუკასლში" ახალ სიოს მოიტანდაო... თემურ ქეცბაიამ აპოელ-ი იუარა
საფრანგეთი. ლიგა 1. XVII ტურის წინ: კუნძულოვანი ლიგა ერთი
ჩემპიონთა ლიგაზე გასულ გუნდს 35 წლის მწვრთნელი დაუნიშნეს
რადამელ ფალკაოს ქანდაკება რონალდოსა და ბეილისაზე უარესია
ᓒᓔᓜᕒᓐᓛᓘ - ᓑᕠᓔᓢᓐᓜᓣᓚᕘ ᓡᓘᕐᕛᓐᓧᕔ
საფრანგეთი. ლიგა 1. XVIII ტურის წინ: ძველ-ახალი მწვრთნელები
"რეალი" პსჟ-ს ამომავალ ვარსკვლავს ართმევს
იქნება დიდი დაბრუნება? - ანჩელოტიმ შესაძლოა, ყოფილი კლუბი ჩაიბაროს
ლიგა 1. XXII ტური: "მარსელმა" გალიდერების შანსი ხელიდან გაუშვა
საფრანგეთის თასი. 1/8-ფინალი: ბერბატოვმა ანგარიში გახსნა
"იცოდა, რომ პსჟ-ზე ჰკითხავდნენ და დაიმალა" - როტენმა მბაპე გააკრიტიკა
[PHOTO] ჩემპიონთა ლიგის ფინალის შემდეგ ვანდამ საღამო პსჟ-ს ვარსკვლავთან გაატარა
ფალკაოს უნდა კარიერა ბექჰემის გუნდში დაასრულოს
საფრანგეთი. ლიგა 1. XXII ტური: გარდის ჩქაროსნული მატარებელი
"რეალს" როდრიგო ეძვირა, რადამელ ფალკაოს შეძენა კი არ ისურვა
ᓡᓐᕤᓠᓐᓜᕒ
ანჩელოტი იტალიაში დაბრუნდება? - "რომას" მთავარი მწვრთნელის პოსტზე სამი კანდიდატურა ჰყავს