ავთანდილ ჭრიკიშვილი პარიზის "დიდი მუზარადის" გამარჯვებულია [VIDEO]

1 ოქრო და 2 ვერცხლი, ანუ სამი ფინალი - ასეთია ქართველ ძიუდოისტ ვაჟთა შედეგი პარიზის "დიდ მუზარადზე", რაც კარგი მიღწევაა 1 ოქრო და 2 ვერცხლი, ანუ სამი ფინალი - ასეთია ქართველ ძიუდოისტ ვაჟთა შედეგი პარიზის "დიდ მუზარადზე", რაც კარგი მიღწევაა.ჩემპიონი ავთანდილ ჭრიკიშვილი (81) გახდა და თან რევანში აუღო მასპინძელ ლოის პიეტრის მსოფლიოს შარშანდელ ფინალში მარცხისთვის, ამირან პაპინაშვილი (60) და ვალერი ლიპარტელიანი (90) ფინალში დამარცხდნენ, თუმცა ლიპარტელიანი ფეხის ტრავმის გამო საერთოდ ვერ გავიდა კორეელ მსოფლიოს ჩემპიონ კიუ-ვონ ლეესთან საჭიდაოდ. არადა, ორიოდე კვირის წინ მას ძალზე იოლად, ძალების დაუძაბავად მოუგო ტიუმენში, ევროპა-აზიის საჩვენებელ შეხვედრაში.სიმართლე გითხრათ, ვერც ვიხსენებ, ამ პრესტიჟული და ქართველებისთვის მუდამ ძნელად მოსაგები ტურნირის ფინალში როდის გვყავდა სამი მონაწილე, ამ ტრიომ კი უკვე მეორედ იჭიდავა ხსენებულ ეტაპზე. თან, ჭრიკიშვილმა და ლიპარტელიანმა - ზედიზედ მეორედ, ხოლო პაპინაშვილი 2009 წელს გავიდა ფინალში.ჭრიკიშვილმა საწადელი მეორე ცდაზე აისრულა, მაგრამ მოგებასაც გააჩნია - დამაჯერებლად დაამარცხა მასპინძელთა ჯილა, თუმცა ცუდია, ლიპარტელიანს ზედიზედ მეორე გამარჯვების შანსი რომ არ მიეცა - ამით ისტორიაში პირველი ქართველიც გახდებოდა, ვინც განმეორებით მოირგებდა ძალის საზომად ქცეულ პარიზულ "მუზარადს".იმედია, უახლოეს წლებში ისიც აისრულებს ამ საწადელს და პაპინაშვილიც გამარჯვებული დაგვიბრუნდება პარიზიდან. ჭრიკიშვილი შენგელი ფიცხელაურის, ამირან ტოტიკაშვილის, გიორგი რევაზიშვილის, გიორგი გუგავას, დავით ასუმბანისა და ლიპარტელიანის შემდეგ მეშვიდე ქართველი გახდა, ვინც ამ ტურნირზე გამარჯვება შეძლო.პარიზში ლიპარტელიანსაც რომ გაემარჯვა, მაშინ ვაჟებში გუნდურ შეჯიბრებასაც ვიგებდით, ახლა კი კორეამ გაგვისწრო სწორედ ლეეს იმ ოქროთი - მათ ორი გაუხდათ, ჩვენ კი ერთი ოქრო გვაქვს. საერთო გუნდურ ჩათვლაში, სადაც ვაჟების და ქალების მონაგარი ერთად დაითვლება, მეოთხე ადგილზე ვართ იაპონიის, საფრანგეთისა და კორეის შემდეგ.ლიპარტელიანისგან განსხვავებით, ჭრიკიშვილმა და პაპინაშვილმა ტურნირი ცოტა მძიმედ დაიწყეს, მაგრამ აქეთ შეჯიბრება გახურდა, იქით - ისინი. სამწუხაროდ, პაპინაშვილი ბოლომდე ვერ მიჰყვა ტემპს. ჭრიკიშვილმა 5-დან სამი პაექრობა იპონით მოიგო, თითო-თითო კი ვაზარით და გაფრთხილებებით.ტექნიკური გამარჯვება იაპონელ ტაკანორი ნაგასესთან მოიპოვა, რომელიც სამჯერ გააფრთხილებინა, თვითონ კი მხოლოდ ერთხელ დასაჯეს ამგვარად. თავიდან ნოელ ვან დე კამერთან ჩახვეული ფეხით მოპოვებული იპონი და ფრანგი ჟილიამ რიუს ამოსმულით ბეჭებზე დაგდება მოსალოდნელიც იყო; ყველაზე შთამბეჭდავი გამარჯვება კი, ვფიქრობთ, კორეელთა მსოფლიოს ორგზის და ოლიმპიურ ჩემპიონ კი-ჯაე ბუმთან მოიპოვა ორი ვაზარით, ორჯერვე ბრუნზე გაისროლა ქამრიდან ჩავლებით.9 თებერვალს მას ყველაფერი გამოსდიოდა და თავსაც მშვენივრად იცავდა; თან, კვლავაც ავლენდა შესაშურ კოორდინაციას, რითაც ბოლო ხანებში გვამახსოვრებს თავს. ის ფინალში ისე ეკვეთა პიეტრის, აშკარად ძველი წყენა ამოძრავებდა, მსოფლიოდან გამოყოლილი...ფრანგი თავიდან იუკოთი დაწინაურდა, მაგრამ მერე ქართველმა გაფრთხილებაც მიაღებინა და წელში შესულს კარგი კონტრილეთიც დაუხვედრა - შიგნიდან ჩახვეული ფეხით იქით გადაჩეხა ვაზარზე... ჭრიკიშვილი აშკარა უპირატესობას ფლობდა და მსოფლიოს ჩემპიონი არ გაატოკა, დაუმტკიცა, თუ ვინაა ნაღდი ჩემპიონი ამ წონაში.<div style="text-align: center;">იხილეთ ვიდეო<a href="/mtavari/video.html?view=video&video=3580" target="_blank"><img src="pictures/artimages/image16/ac8786346899596c48f1fc8d553ad1db.jpg" border="0" alt="Sportall.Ge" title="ავთანდილ ჭრიკიშვილი პარიზის "დიდი მუზარადის" გამარჯვებულია [VIDEO]" /></a></div>წინასწარ შეხვედრებში ლიპარტელიანი კიდევ უფრო დამაჯერებლად გამოიყურებოდა და ვაგლახ, ნახევარფინალში გერმანელ მარკ ოდენტალთან მიღებული ფეხის ტრავმა რომ არა... ფინალამდე ის მაქსიმალური შედეგით მივიდა და ოთხივე პაექრობა იპონით მოიგო - ფრანგ ვინსენ მასიმინოსთან, ალჟირელ აბდერახმან ბენამადისთან, იაპონელ ჰიროტაკა კატოსთან და ოდენტალთან, რომელიც ამოსმულით ჯერ იუკოზე დააგდო, მერე კი შებოჭა. ეს იმ დროს, როცა ლამის მთელი ორთაბრძოლა კოჭლობით ჩაატარა.პაპინაშვილმა ფინალში ვერაფერი მოუხერხა "მონღოლურ სინდრომს" და ბოლდბაატარ განბატთან პირწმინდად წააგო. მასთან ჩვენებურს კარიერაში უკვე ზედიზედ მესამე მარცხი დაუგროვდა ოთხი შეხვედრიდან.ძალიან ცუდია, რომ მონღოლები გადაულახავ ჯებირად ექცნენ - შეგახსენებთ, მსოფლიოს პირველობაზე ამარტუვშინ დაშდავაასთან წააგო.მოულოდნელად, პაპინაშვილს თავიდან ცოტა გაუჭირდა და მხოლოდ მინიმალური ანგარიშით - იუკოთი დაამარცხა პერუელი ხუან პოსტიგოსი. სამაგიეროდ, მერე გახურდა და ჯერ ფრანგ ადრიან რაიმონდს, შემდეგ კი აზერბაიჯანელთა მსოფლიოს პრიზიორ ილგარ მუშკიევს რეტი დაასხა იპონებით.აღსანიშნავია, რომ მუშკიევს უკვე მეხუთედ მოუგო კარიერაში და ჯერ ერთიც არ წაუგია მასთან...ჩვენებურმა ნაკლები დღე არც ტაივანელ მინგ იენ ცაის აყარა ნახევარფინალში - ორი იუკოც აართვა, ორჯერ ვაზარზეც დააგდო და პირდაპირ ათრია ტურნირის მომავალი მესამე პრიზიორი.სამწუხაროდ, ჩვენი გუნდის სხვა მონაწილეები პარიზში უმედლოდ დარჩნენ, თუმცა ტურნირის დანარჩენ პერიპეტიებზე ხვალ ვისაუბრებთ.კვარცხლბეკივაჟები60 კგ. 1. ბოლდბაატარ განბატი (მონღოლეთი); 2. ამირან პაპინაშვილი (საქართველო); 3. შინჯი კიდო (იაპონია), მინგ იენ ცაი (ტაივანი).66 კგ. 1. მიხაილ პულიაევი (რუსეთი); 2. გიორგი ზანთარაია (უკრაინა); 3. მასააკი ფუკუოკა (იაპონია), ლოის კორვალი (საფრანგეთი).73 კგ. 1. გუი-მან ბანგი (კორეა); 2. როკ დრაკშიჩი (სლოვენია); 3. უგო ლეგრანი (საფრანგეთი), ვიქტორ სკვორტოვი (არაბთა გაერთიანებული საემიროები).81 კგ. 1. ავთანდილ ჭრიკიშვილი (საქართველო); 2. ლოის პიტერი (საფრანგეთი); 3. ჯაე-ბუმ კიმი (კორეა), ტაკანორი ნაგასე (იაპონია).90 კგ. 1. კიუ-ვონ ლეე (კორეა); 2. ვალერი ლიპარტელიანი (საქართველო); 3. მასუი ბეიკერი (იაპონია), მარკ ოდენტალი (გერმანია).100 კგ. 1. სირილ მარე (საფრანგეთი); 2. ლუკაშ კრპალეკი (ჩეხეთი); 3. ადლან ბისულთანოვი (რუსეთი), ჰენკ ხროლი (ჰოლანდია).+100 კგ. 1. რიუ სიჩინოე (იაპონია); 2. დავიდ მოურა (ბრაზილია); 3. ფაიცელ ჯაბალაჰი (ტუნისი), რენატ საიდოვი (რუსეთი).ქალები48 კგ. 1. ემი იამაგიში (იაპონია); 2. ურანცეცეგ მუნკბატი (მონღოლეთი); 3. ამანდინე ბუჩარდი (საფრანგეთი), პაულა პარეტო (არგენტინა).52 კგ. 1. მაილინდა კელმენდი (კოსოვო); 2. იაანა სუნდბერგი (ფინეთი); 3. მარეენ კრაე (გერმანია), ნატალია კუზუტინა (რუსეთი).57 კგ. 1. ანზუ იამამოტო; 2. ნაე უდაკა (ორივე - იაპონია); 3. აუტომნე პავია (საფრანგეთი), რაფაელა სილვა (ბრაზილია).63 კგ. 1. კლარისე აგბეგნენო; 2. ანნა-ლაურე ბელარდი (ორივე - საფრანგეთი); 3. მიკუ ტაჩირო (იაპონია), ანიცკა ვან ემდენი (ჰოლანდია).70 კგ. 1. ლინდა ბოლდერი (ჰოლანდია); 2. ფანი-ესტელა პოსვიტე (საფრანგეთი); 3. ჰარუკა ტაჩიმოტო (იაპონია), კალიტა ზურანჩიჩი (კანადა).78 კგ. 1. ანამარი ველენსეკი (სლოვენია); 2. მადელაინ მალონა; 3. ოდრი ჩუმეო (ორივე - საფრანგეთი), მარინდე ვერკერკი (ჰოლანდია).+78 კგ. 1. კანაე იამაბე (იაპონია); 2. ეემილიე ანდეონი (საფრანგეთი); 3. იდალის ორტისი (კუბა), ლუსია პოლავდერი (სლოვენია).ყოველდღიური სპორტული გაზეთი "ლელო"

ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა

"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე

"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

ავთანდილ ჭრიკიშვილმა და ვარლამ ლიპარტელიანმა აქტიური სპორტული კარიერა დაასრულეს

დღეს ძიუდოში ევროპის ჩემპიონატი იწყება - წილისყრამ ქართველები დაინდო

დიუსელდორფის გრანდ სლემი: ქართული შვიდეულის გერმანული ხვედრი

ოსაკას გრანდ სლემზე 4 ქართველი ძიუდოისტი იასპარეზებს

ავთანდილ ჭრიკიშვილმა აბუ-დაბის გრან სლემზე ბრინჯაოს მედალი მოიპოვა

საქართველოს ძიუდოისტთა ნაკრების შემადგენლობა მსოფლიოსთვის ცნობილია

"ზურა უმძიმეს დღეშია, 10 კილო დაიკლო, მას სრულიად ოლიმპიური გუნდი თავდებში უდგება" - ავთანდილ ჭრიკიშვილი

თბილისის გრან პრის საქართველოს ნაკრების ოთხი ლიდერი დააკლდება

პაპინაშვილი და მხეიძე მე-3 ადგილისთვის იჭიდავებენ(განახლებადი)

ირაკლი უზნაძემ პარიზის "დიდი მუზარადისთვის" შემადგენლობა დაასახელა

მსოფლიო ჩემპიონატი სამშობლოში - ქართველ ძიუდოისტებს იაპონელებთან დიდი ბრძოლა ელით!

მსოფლიოს ჩეპიონატისთვის საქართველოს ძიუდოისტთა ნაკრების განაცხადი ცნობილია

მუზარადის ბრწყინვალება - პარიზის ტურნირის შეჯამება

10-11 თებერვალს ქართველი ძიუდოისტები პარიზის გრანდ სლემზე იასპარეზებენ

[შეჯამება] დაცალკევებული ნაკრები, ოქროს ტურისტი და მსოფლიო ჩემპიონატი ძიუდოს სამშობლოში

[მსოფლიო ჩემპიონატი] წილისყრა დასრულდა - ქართველი ძიუდოისტების ბადე ცნობილია

მინსკი 2019. ლუკა მაისურაძემ ბრინჯაოს მედალი მოიპოვა, ლაშა შავდათუაშვილი მედლის გარეშე დარჩა

ვალერი ლიპარტელიანს გამოკვლევა საფრანგეთის ოლიმპიური ბაზის სამედიცინო ცენტრში ჩაუტარდა

დიდი დანაკლისი - ტატო გრიგალაშვილი თბილისის გრან-სლემს მოეხსნა

ძიუდოს მსოფლიო რეიტინგი: ქართველები ტოპებში

ამირან პაპინაშვილმა პარიზის "დიდ მუზარადზე" ვერცხლი მოიპოვა

ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..