TOP.GE
ფეხბურთისხვადასხვა
41 წლის რივალდომ "მოჯი მირიმის" შემადგენლობაში საკუთარ შვილთან ერთად ითამაშა
13:08/19-02-2014
+-

რივალდინიო 18 წლის გახლავთ, ხოლო მისი მამა, 2002 წლის მუნდიალის გამარჯვებული რივალდო "მოჯი მირიმის" პრეზიდენტია
ფეხბურთის მოყვარულთათვის საკმაოდ საინტერესო ფაქტი დაფიქსირდა ბრაზილიაში.

საქმე იმაშია, რომ სან პაულუს შტატის ჩემპიონატის მატჩში ცნობილმა ბრაზილიელმა ფეხბურთელმა რივალდომ თავის ვაჟთან, რივალდინიოსთან ერთად "მოჯი მირიმის" შემადგენლობაში ითამაშა.

რივალდინიო 18 წლის გახლავთ, ხოლო მისი მამა, 2002 წლის მუნდიალის გამარჯვებული რივალდო "მოჯი მირიმის" პრეზიდენტია.

41 წლის რივალდომ ნახევარი საათი გაატარა მინდორზე თავის შვილთან ერთად და მატჩის შემდეგ საკმაოდ ემოციური მესიჯი დატოვა საკუთარ Instangram-ის გვერდზე.

"მინდა მადლობა გადავუხადო ღმერთს, რომ მომცა ჩემს შვილთან ერთად თამაშის საშუალება. ეს იყო განსაკუთრებული დღე ჩემს ცხოვრებაში. მატჩი 1:1 დასრულდა, მაგრამ ეს დღე ისტორიაში შევა.

მადლობა, ღმერთო, ყველაფრისთვის, რაც გააკეთე და აკეთებ ჩემს ცხოვრებაში," - განაცხადა ლეგენდარულმა ბრაზილიელმა ფეხბურთელმა რივალდომ.

აქვე გეტყვით, რომ წარსულში ცნობილი ბრაზილიელი ფეხბურთელების შვილებიდან, რივალდოს ვაჟის გარდა, კიდევ რამდენიმე თამაშობს პროფესიონალურ ფეხბურთს.

ბებეტოს შვილი მათეუს ოლივეირა ბრაზილიის 20-წლამდელთა ნაკრების წევრია, ხოლო მაზინიოს 2 ვაჟი - ტიაგო და რაფინია, შესაბამისად, მიუნხენის "ბაიერნისა" და კატალონიის "ბარსელონას" ღირსებას იცავენ.

მომზადებულია bleacherreport.com-ის მიხედვით

(0)
/
Dislike(0)
კომენტარები
1
eh rivakdo.....
(1)
/
Dislike(0)
მაზინიო კი არა სნაიპერინიო ყოპილა ეგ ოხერი :DDDDDD
1:28:32 PM 2/19/2014
გამოხმაურება(0)
სიახლეები
პრემიერ ლიგა
გუნდი
სტატისტიკა
პრემიერ ლიგა
ბომბარდირებიგოლები | ასისტები
სატრანსფერო სიახლეები
Ad c2