<p>"არასოდეს მიცდია დროის გაყვანა, მიმაჩნია, რომ სპორტსმენმა ყოველთვის ბოლო წამებამდე უნდა იბრძოლოს!" <br> <span style="font-size: x-small;"><span style="color: #ff0000;"><strong>დოსიე:</strong></span></p><p><strong>ბექა ღვინიაშვილი </strong></p><p>დაიბადა 1995 წლის 26 ოქტომბერს, რუისში (ქარელის რ-ნი)</p><p>ვარჯიში დაიწყო 2003 წელს და დღემდე ვარჯიშობს გორის გურამ პაპიტაშვილის სახელობის ჭიდაობის კომპლექსურ სპორტულ სკოლაში.</p><p>პირადი მწვრთნელი: ანზორ თენაძე</p><p>მიღწევები: ძიუდოში - ევროპის (2011) ჩემპიონი კადეტთა შორის, ევროპის ორგზის (2013, 2014) და მსოფლიოს (2013) ჩემპიონი ახალგაზრდებს შორის. ევროპის ორგზის (2011, 2012) პრიზიორი ახალგაზრდებს შორის, მსოფლიოს ორგზის (2011, 2014) პრიზიორი ახალგაზრდებს შორის.</p><p>ახალგაზრდებს შორის გუნდურ შეჯიბრებაში ევროპის 2014 წლის ჩემპიონი და მსოფლიოს 2013 წლის ჩემპიონი.</p><p>საქართველოს ჩემპიონი (2014) და პრიზიორი (2013) უფროსებს შორის.</p><p>ვეროპის ძიუდოს ფედერაციის მიერ დასახელდა ევროპის 2013 წლის საუკეთესო ახალგაზრდა ძიუდოისტად.</p><p>საქართველოს 2014 წლის აბსოლუტური ფალავანი ქართულ ჭიდაობაში. </span></p><p>19 წლის გორელი მოჭიდავე ბექა ღვინიაშვილი საქართველოს 2014 წლის აბსოლუტური ფალავანი გახდა ქართულ ჭიდაობაში. ეს შეჯიბრება საქართველოში 1928 წლიდან იმართება და აღსანიშნავია, რომ ბექა ყველაზე ახალგაზრდაა მათ შორის, ვინც აბსოლუტური ფალავნის ტიტული მოიპოვა.</p><p>მიუხედავად ასაკისა, ღვინიაშვილისთვის ტიტულები უცხო არაა. ძიუდოში მან საერთაშორისო ასპარეზზე უკვე რამდენიმე წელია გაითქვა სახელი და არა მხოლოდ თანატოლებში, დიდებშიც იქცა ყველასთვის ერთ-ერთ მთავარ კონკურენტად წარმატებებისთვის ბრძოლაში.</p><p>მისი ტიტულების შესახებ მისივე დოსიეში შეიტყობთ, სხვა საინტერესო თემებზე კი ქვემოთ, ინტერვიუში...</p><p><strong>- ბექა, აბსოლუტური ფალავნის ტიტულის მოპოვებით ლეგენდარული მოჭიდავეების - შოთა ჩოჩიშვილის, თემურ ხუბულურის, შოთა ხაბარელის, მალხაზ ბერუაშვილისა და სხვების გვერდით დადექით, რომლებიც ადრე უკვე ფლობდნენ ამ წოდებას... </strong></p><p>- მეტად სასიხარულოა, როცა ასეთი სახელოვანი სპორტსმენების გვერდით მახსენებენ. ყველა ქართველი მოჭიდავისთვის სანატრელია აბსოლუტური ფალავნობის ტიტული. ეს ჩემთვისაც სანუკვარი ოცნება იყო და ბედნიერი ვარ, რომ ნატვრა ავისრულე.</p><p>მოგეხსენებათ, ახალგაზრდებს შორის ევროპისა და მსოფლიოს ჩემპიონი ვარ, მაგრამ ის ყურადღება და სიყვარული საზოგადოებისგან, რასაც ფალავნობის მოპოვების შემდეგ ვგრძნობ, ადრე არასოდეს მიგრძნია. თავად დავინახე, რომ ეს ტიტული სპორტის ქართველი გულშემატკივარისთვის აბსოლუტურად სხვა ფასეულობას წარმოადგენს.</p><p><strong>- აბსოლუტურ წონაში ასპარეზობა ნიშნავს იმას, რომ შესაძლოა რამდენიმე ათეული კილოგრამით მძიმე მოწინააღმდეგესთან მოგიწიოს პაექრობამ, როგორც ეს მოხდა კიდეც თქვენს შემთხვევაში... </strong></p><p>- ადამ ოქრუაშვილი უდავოდ ძალიან ძლიერი მოჭიდავეა. ძიუდოს მსოფლიო რეიტინგში იგი საუკეთესო ოთხეულში შედის, მის მიერ მოპოვებული ევროპის ვიცე-ჩემპიონის ტიტული და საქართველოს ოთხგზის აბსოლუტური ფალავანობა ქართულ ჭიდაობაში ძალიან ბევრს მეტყველებს. გასაკვირი არაა, რომ უმთავრეს კონკურენტად, როცა ფალავნობაზე ვფიქრობდი, სწორედ ოქრუაშვილი მიმაჩნდა.</p><p>ადამს ჯანიც ჩემზე მეტი აქვს, ამიტომ შეხვედრა ტაქტიკურად ჩემთვის სახეიროდ წავიყვანე და მადლობა ღმერთს, რომ შედეგიანი გდებაც შევასრულე უკანასკნელ წამებზე.</p><p><img src="pictures/artimages/image17/e178fbdbd9caa5430a13d67f87f9cb51.jpg" border="0" alt="Sportall.Ge" title="ბექა ღვინიაშვილი: გამარჯვებებს მხოლოდ მამას ვუძღვნი!" /></p><p><strong>- ბოლო შედეგიანი ილეთი რომ წამოიწყეთ, შეხვედრა შეჩერებული იყო და 4 წამი რჩებოდა. ასეთ დროს, მით უფრო წონაში ესოდენ განსხვავებულ მოჭიდავესთან, ბევრი აღარც კი გადავიდოდა შეტევაზე... </strong></p><p>- დიახ, ბევრი მართლაც ხელს ჩაიქნევდა, თუმცა იმხელა მხარდაჭერას ვგრძნობდი დარბაზიდან, კიდეც რომ წამეგო, მაინც ბოლო წამამდე უნდა მებრძოლა.</p><p>საერთოდაც, მიმაჩნია, რომ თუ საასპარეზოდ გადიხარ, ბოლომდე უნდა დაიხარჯო. არასოდეს მიცდია დროის გაყვანა და შემართების გარეშეც არასოდეს მიჭიდავია, მიმაჩნია, რომ სპორტსმენმა ყოველთვის ბოლო წამებამდე უნდა იბრძოლოს!</p><p><strong>- ბექა, ქართულ ჭიდაობაში ბევრი ისეთი ილეთია, რასაც თქვენ წარმატებით იყენებთ ძიუდოში ასპარეზობისას, თუმცა საკმაოდ ხშირად და ეფექტურად რომ გამოგდით მაგალითად "შებოჭვა" ძიუდოში, ქართულში ამას ვერ მიმართავთ...</strong></p><p>- დიახ, ქართულში მხოლოდ დგომში მიმდინარეობს ჭიდაობა. ისე კი ძიუდოში ტატამზე რომ გავდივარ, ყველაზე ნაკლებად სწორედ "პარტერში" ჭიდაობა მიზიდავს, არადა, ყველა მაგას მირჩევს: "პარტერშიც იჭიდავე, ეს აუცილებელიაო". მიუხედავად ამისა, თუ "ვაზარზე" ან "იუკოზე" დავცემ მოწინააღმდეგეს, იქვე ვცდილობ შებოჭვას და ხშირად მართლაც წარმატებით გამომდის.</p><p><strong>- წლევანდელ ფალავნობაზე უცხოელებიც ვიხილეთ არენაზე. უცხოეთში ჩვენი ეროვნული საჭიდაო სახეობის გასვლის პერსპექტივას როგორ უყურებთ?</strong></p><p>- რა თქმა უნდა, ეს კარგია. დარწმუნებული ვარ, რომ ქართული ჭიდაობა ბევრ უცხოელ სპორტსმენს მოეწონება. წლევანდელი შეჯიბრების სოლიდური საპრიზო ფონდიც, ცხადია, მიმზიდველი იყო მათთვის და ჩამოვიდნენ კიდეც. იმედი მაქვს, გაისად კიდევ უფრო მეტი უცხოელი იჭიდავებს ფალავნობაზე.</p><p><strong>- ბექა, ძიუდოში წლევანდელი თქვენი სეზონით რამდენად კმაყოფილი ხართ? </strong></p><p>- მიუხედავად იმისა, რომ წლეულს ახალგაზრდებში ევროპის ჩემპიონი და მსოფლიოს პრიზიორი გავხდი და მოვიგე საქართველოს ჩემპიონატი უფროსებს შორის, მაინც უკმაყოფილო დავრჩი, განსაკუთრებით - დიდებში საერთაშორისო ასპარეზზე. გაცილებით უკეთესი შედეგის მიღწევა შემეძლო დიდების მსოფლიოს ჩემპიონატზე, სათანადოდ მობილიზებული რომ გავსულიყავი კირილ ვოპროსოვთან საპაექროდ.</p><p><strong>- უნგრელი კრისტიან ტოტი თქვენთვის ტრადიციულ მეტოქედ იქცა. სულ ხუთჯერ შეხვედრილხართ მას და მხოლოდ ერთხელ - ისიც ბოლოს ახალგაზრდების მსოფლიოს ჩემპიონატზე დამარცხდი. </strong></p><p>- ტოტი უფრო კარგად იყო მომზადებული ამ შეჯიბრებისთვის და ამით მაჯობა.</p><p><strong>- მსოფლიო რეიტინგში ამჟამად მე-9 პოზიციაზე ხართ...</strong></p><p>- მოგეხსენებათ, რეიტინგში უფრო ზემოთაც ვიყავი, მაგრამ ცოტა ჩამოვქვეითდი, თუმცა ყველაფერი წინაა. კიდევ ბევრ შეჯიბრებაზე მომეცემა შანსი და აუცილებლად გამოვიყენებ. მთავარია ოლიმპიური თამაშების საგზური მოვიპოვო და იქ მივაღწიო წარმატებას.</p><p><img src="pictures/artimages/image17/1367558c639bcef00194289a0412b581.jpg" border="0" alt="Sportall.Ge" title="ბექა ღვინიაშვილი: გამარჯვებებს მხოლოდ მამას ვუძღვნი!" /></p><p><strong>- ცოტა ხნის წინ ნაკრებთან ერთად იაპონიაში იყავით შეკრებაზე. რა შთაბეჭდილებით მოიარეთ ძიუდოს სამშობლო?</strong></p><p>- იქიდან გამომდინარე, რომ იაპონია ძიუდოს სამშობლოა, განწყობა ამ სახეობის მიმართ განსაკუთრებულია და შეკრებაც მეტად ნაყოფიერი გამოგვივიდა. იქ ბევრი მაღალი კლასის ძიუდოისტია. ისინი ძალიან ბევრს ვარჯიშობენ. ერთი სავარჯიშო დღის განმავლობაში ოცამდე შეხვედრას ვატარებდით, როცა აქ ეს რიცხვი ათს ვერ სცილდება. წარმოიდგინეთ, რომ ამის მიუხედავად, მაინც ვუგებთ იაპონელებს შეჯიბრებებზე და იმავე რეჟიმში მთელი სეზონი რომ ვემზადებოდეთ, წარმოიდგინეთ, კიდევ რამდენს შევძლებდით ქართველი ძიუდოისტები!</p><p><strong>- თავად რა მიმართულებით გირჩევენ მწვრთნელები მომატებას?</strong></p><p>- მწვრთნელები მირჩევენ, რომ მეტი უნდა ვივარჯიშო. მეც ასე მოვიქცევი, უფრო მეტად მოვინდომებ, რათა შესაძლებლის მაქსიმუმს მივაღწიო.</p><p><strong>- და ბოლოს, ბექა, ვის უძღვნით ხოლმე თქვენს გამარჯვებებს?</strong></p><p>- მხოლოდ და მხოლოდ მამას, რომელმაც დამაყენა იმ გზაზე, რომელზეც ახლა ვდგავარ და ყოველმხრივ შემიწყო ხელი, რომ წარმატებული მოჭიდავე გავმხდარიყავი.</p><p><strong>ყოველკვირეული ჟურნალი "ლელო week"</strong></p>
არსენა
ქართველი ჰალკი
bagtatis
მთავარია, რამდენიმე წიაამორბედის მსგავსად,მიღწეულით არ დაკმაყოფილდეს,ანუ, ფინანსურად მოძლიერებამ მოტივაცია არ დაუკარგოს,როგორც ბარეორს დაემართა....
joni
საგოლ
davidbe
გენაცვალე ტაისონ,გაგვახარე ყველა.ისე,თუ მაგრად ივარჯიშებ,არ იზარმაცებ,უამრავი ტიტული წინ გაქ!!!რამდენი ნიჭიერი "გაგვიფუჭდა"სიზარმაცისთვის!რამდენი ოლიმპიური და მსოფლიო ვერ მოვიგედ მხოლოდ იმის გამო,რომ დაიზარეს და სათანადოდ არ ივარჯიშეს!!!მიდი მიაწექი რა,გაგვახარე 10-15 წელი საქართველო,შენი ოჯახიც და შენი თავიც,დავიჯერო ცუდი გვინდა ვინც ამას გისურვებთ????!რა ჯობია უამრავი ტიტულით რო გახვალ "პენსიაში"???სახელი,დიდება და სამშობლოს დიდებას რა ჯობია?!!!
ფერნანდო
მაგარი კაცი ხარ ბექა! დარწმუნებული ვარ,კიდევ ძალიან ბევრჯერ ასახელებ სამშობლოს.
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]
ᕨᕝᓗᕐ ᓮᓐᕑᓐᓠᕔᕚᓘ: ᕠᕝᓒᓝᕠ ᓒᓘᓜᓓᓐ ᕣᓛᓐᓓᓣᕠᕝᓑᓐᓡ ᓓᓐ ᕣᓡᓐᓛᓐᓠᕗᓚᕝᓑᓐᓡ ᓨᓔᓔᕒᕣᓝ
იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]
ქართველი მსაჯი მსოფლიოს ჩემპიონატზე - ვლადიმერ ნუცუბიძის ოლიმპიური შანსი
შოთა ხაბარელი: ძიუდოისტები შერიგდნენ და პატრიარქმა დალოცა
"საქართველოში მე-3 ლიგაში ვთამაშობდი და ჩეხეთის ერთ-ერთ საუკეთესო კლუბში გადავედი"
"როდესაც აღარ ვიქნები, ჩემი სახელი ძიუდოში დარჩება" - შოთა ხაბარელი ილეთის შესახებ, რომელსაც მისი სახელი ეწოდა
საქართველოს ძიუდოისტთა ნაკრები 27 ოქტომბერს აბუ-დაბის გრანდ სლემზე გამოვა
ბოლო 5 წელი - რა შედეგი ჰქონდა საქართველოს ნაკრებს ძიუდოს მსოფლიო ჩემპიონატებზე?
აღმასკომი შოთა ხაბარელის წევრობიდან გარიცხვის თაობაზე იმსჯელებს
ბუდაპეშტის გრან პრი: უშანგი მარგიანი ფინალში დამარცხდა
ბუდაპეშტის გრან პრი: ადამ ოქრუაშვილმა ბრინჯაოს მედალი მოიპოვა
შოთა ხაბარელი ძიუდოს ფედერაციის აღმასკომის წევრებს „კოლექტიურ ქევხიშვილებს“ უწოდებს
ღვინიაშვილები ტიტულის დათმობას არ აპირებენ - ინტერვიუ პაატა ღვინიაშვილთან
ქართველთან სპეციალურად წავაგე - ცრუობს თუ არა ფრანგი ოლიმპიური ჩემპიონი?
IJF-მ საუკეთესოები გამოავლინა: მწვრთნელი - გუჯეჯიანი, კაცი ძიუდოისტი - გრიგალაშვილი, წლის იპონი - ღვინიაშვილი
მგონია, რომ ჭრიკიშვილი ორი წლის წინ ბევრად ძლიერი იყო - ინტერვიუ თემურ ხუბულურთან
"ფეხბურთით უკმაყოფილონი ვართ, სხვა სახეობებში პროგრესია"
ბექაური წლის შემაჯამებელი ტურნირიდან მოეხსნა
პრაღის "სლავიას" საქართველოს 19-წლამდელთა ნაკრების მეკარე მიჰყავს
ქართული ძიუდოს კიდევ ერთი აღიარება - შოთა ჩოჩიშვილი დიდების დარბაზში
თემურ ხუბულური - NO MONEY! ანუ გატეხილი ნეკნით მოპოვებული ჩემპიონობა
თელ-ავივის გრან-სლემზე საქართველოს სახელით 6 ძიუდოისტი იჭიდავებს
აბუ-დაბის გრანდ სლემი: ხუთივე ქართველი ძიუდოისტი მედლისთვის ბრძოლას გამოეთიშა
ბუდაპეშტის გრან პრის TOP 5 იპონი - ორი ქართველებისაა [VIDEO]
ბექა ღვინიაშვილმა წონა შეიცვალა - 16-18 ივნისს ასტანის გრანდ სლემზე საქართველოს ნაკრების შემადგენლობა ცნობილია
"პირველ რიგში, შენს წინამორბედ ვაჟკაც და პატრიოტ ხალხს, კალაძეს, კობიაშვილს, ყაველაშვილს და ნურც სხვებს გვკადრებ ისეთ რამეს, რის წინააღმდგაც ვიბრძვით და ლოზუნგებზე ნუ წამოეგები" - ხაბარელმა ზივზივაძეს მიმართა
მიხეილ გიორგაძემ და მიხეილ ყაველაშვილმა შოთა ხაბარელის აღმასკომიდან შესაძლო გარიცხვაზე კომენტარი გააკეთეს