<p>ბალოტელი ევროპარლამენტში, "საუთჰემპტონი" ალპებში და მესი ვიღაც ქალის მკერდზე <br> <strong> <p><div style="text-align: center;"><span style="color: #ff0000;"><strong style="font-size: 12.1599998474121px; line-height: 1.3em;">იტალია</strong></span></div></p> <p><div style="text-align: center;"><span style="color: #000000;"><strong style="font-size: 12.1599998474121px; line-height: 1.3em;">"მისტერ ბინი" ფულით სავსე ჩემოდნებით</strong></span></div></p> </strong>8 მარტი დიდად მნიშვნელოვანი დღეა. ხვდებით, ალბათ, რატომაც... IBM-მა სწორედ 8 მარტს წარმოადგინა თავისი PC XT, ჩრდილოეთ ირლანდიამ სწორედ 8 მარტს მიიღო დიდი ბრიტანეთის შემადგენლობაში დარჩენის გადაწყვეტილება, აშშ-მა სწორედ 8 მარტს დაარტყა ვიეტნამს და დიახ, სწორედ 8 მარტს მოუგო ჯო ფრეიზერმა მუჰამედ ალის.</p><p>ჰო, კინაღამ დაგვავიწყდა: 8 მარტი არაერთი ქვეყნისთვისაა ქალთა საერთაშორისო დღე.</p><p>გასული 8 მარტის შემდეგ კი ამ დღის ისტორიას კიდევ ერთი ყურადსაღები ამბავი შეემატა: 8 მარტს იტალიის სასამართლომ სილვიო ბერლუსკონი, ფაქტობრივად, გაათავისუფლა, მიუსაჯა რა მას 45-დღიანი სოციალური მოღვაწეობა მოხუცების თავშესაფარში.</p><p>და როდის უნდა მომხდარიყო ეს, თუ არა 8 მარტს - ქალთა დღეს.</p><p>ასე რომ, დონ სილვიოს თამამად შეუძლია, რომ ისევ მილანის ქუჩებში იყიალოს და ეგებ საფეხბურთო კლუბ "მილანსაც" მიხედოს.</p><p>იტალიაში მყისვე გავრცელდა ხმები, მოხუცთა თავშესაფართან მონდომებული ქალბატონები რიგში ჩადგნენო, მაგრამ ეს ცნობა არ დადასტურდა. საფეხბურთო მილანისთვის ახლა ამაზე მნიშვნელოვანი ისაა, რომ ბერლუსკონიმ უნდა იფიქროს და მიაკვლიოს დასკვნას, ვისი ბრალია, "როსონერი" კომაში რომ ჩავარდა.</p><p>ცნობილია, რომ სილვიო "მილანის" წილის გაყიდვას გეგმავს და როგორც ამბობენ, უკვე მიაგნო ერთ სერიოზულ კანდიდატს. ეს არის ბატონი ბი ტაეჩაუბოლი (თუ როგორც ჰქვია) - 41 წლის მდიდარი ტაილანდიდან, რომელსაც, დაუდასტურებელი ინფორმაციით, "მილანის" 30 პროცენტის ყიდვა უნდა და მზადაა, ამ საქმეში 250 მილიონი ევრო გადაიხადოს.</p><p>თუ ეს სიმართლეა, "მილანის" ტიფოზებს გაუხარდებათ, რადგან ახალი და კარგი ფეხბურთელების შესაძენი ფინანსები გაჩნდება.</p><p>თუმცა აქვე უნდა ვთქვათ, რომ ბატონ ტაეჩაუბოლს (თუ როგორც არის) "მისტერ ბის" ეძახიან. იტალიის აზიური ობსერვატორიუმის პრეზიდენტი ალბერტო ფორკიელი ამბობს, მე მაგას "მისტერ ბინს" უფრო ვუწოდებდი, რადგან თავის კარიერაში 15 ფირმა გახსნა და ამ 15-დან 10 დაიხურაო.</p><p>ჰოდა, საშიში ამბავია, ემანდ "მილანსაც" იგივე არ დაემართოს, რაც "ინტერს" ან სულაც "პარმას" დაემართათ.</p><p>აღარ გახსოვთ? იხილეთ წინა "დრიბლინგები"...</p><p><p><div style="text-align: center;"><span style="color: #000000;"><strong style="font-size: 12.1599998474121px; line-height: 1.3em;">შაჩირია, შაჩირი!</strong></span></div></p> რადიოკომენტატორმა ემანუელე დოტომ მილანის "ინტერის" გარშემო დასმულ ყველაზე აქტუალურ კითხვას ამომწურავი პასუხი გასცა. ემანუელეს "ინტერისა" და "სელტიკის" მატჩი მიჰყავდა და რაკი მოედანზე საინტერესო არაფერი ხდებოდა, ამ საქმისთვისაც მოიცალა:</p><p>"ბურთი მიიღო შაჩირიმ. დიახ, შაჩირიმ და არა შაქირიმ, მეგობრებო! მისი გვარი სწორედ ასე გამოითქმის: შაჩირი. საიდან ვიცი და იქიდან, რომ ამას წინათ მანქანაში ბენზინს რომ ვასხამდი, ჩამსხმელს ვკითხე, საიდან ხარ მეგობარო-მეთქი და იმან მომიგო, ალბანეთიდანო. ჰოდა, მეც ვკითხე, ამ ჩვენი ბიჭის გვარი როგორ გამოითქმის-მეთქი და - შაჩირიო!" - გამოაცხადა ემანუელემ პირდაპირ ეთერში.</p><p>აი, ასეთები არიან იტალიელები - უყვართ ლაპარაკი და სხვა, თუნდაც უცნობ ადამიანებთან ურთიერთობა. აბა, იმ ალბანელი ჩამსხმელისთვის რომ არ ეკითხა, საიდან ხარო, ხომ ვერ გაიგებდა რომ ალბანელი იყო, აღარც შაჩირი გაახსენდებოდა და საფეხბურთო სამყაროც გააგრძელებდა დისკუსიას თემაზე "შაქირი თუ რამე სხვა"...</p><p><p><div style="text-align: center;"><span style="color: #000000;"><strong style="font-size: 12.1599998474121px; line-height: 1.3em;">ბალოტელი ევროპარლამენტში?</strong></span></div></p> აი, პოლიტიკოსები კი, რა თქმა უნდა, ყველაფრის შესახებ ყოველთვის ყველაზე უკეთ არიან ინფორმირებულები. ასე მაგალითად, იტალიის გენერალურმა მდივანმა ევროპარლამენტარმა მატეო სალვინიმ, რომელიც "მილანის" თავგადაკლული ფანია, "ვერონასთან" 2:2-ის შემდეგ "თვითერზე" ასეთი რამ დაწერა:</p><p>"ნებისმიერი ჩამოსული, რომელიც იტალიაში არ იზარმაცებს და ბეჯითად იმუშავებს, ნებისმიერი იტალიელისთვის მისაღებია. აი, მუნტარი კი თავის სამშობლოში უნდა დაბრუნდეს!" - ოჰო!</p><p>განელი ფეხბურთელის ნაცვლად მას მარიო ბალოტელიმ გასცა პასუხი, რომელმაც სალვინის რეპლიკას ასეთი კომენტარი გაუკეთა: "...და ამას უნდა ერქვას პოლიტიკოსი? ამირჩიეთ მე, ეს ყველასათვის კარგი იქნება!"</p><p>ახლა ერთი წამით წარმოიდგინეთ ბალოტელი ბრიუსელში, ტრიბუნასთან - გრანდიოზული შოუ იქნება, არა?</p><p><p><div style="text-align: center;"><span style="color: #ff0000;"><span style="font-size: 12.16px; line-height: 1.3em;"><strong>ინგლისი</strong></span></span></div></p> <p><div style="text-align: center;"><span style="color: #000000;"><span style="font-size: 12.16px; line-height: 1.3em;"><strong>"საუთჰემპტონი" შვეიცარიაში</strong></span></span></div></p> რაკი ინგლისში სათასო ბატალიები იყო, "საუთჰემპტონის" მთავარმა მწვრთნელმა რონალდ კუმანმა დრო იხელთა და პაუზა სასარგებლოდ გამოიყენა: მან თავისი შეგირდები გუნდური სულისკვეთების ასამაღლებლად შვეიცარიაში წაასხა.</p><p>ასეთი რამისთვის გრანდები აბუ დაბისა და დუბაიში დადიან ხოლმე, მაგრამ "საუთჰემპტონი" ჯერ კიდევ არ არის ისეთ სიმაღლეზე და საკუთარი გუნდური სულისკვეთების ამაღლებაში აქეთ გადაუხადონ მილიონები და ამიტომაცაა, რომ კუმანმა იდეალური ადგილი - შვეიცარიის ალპები აირჩია.</p><p>"თხილამურებით სრიალს შევეცადეთ", - აღნიშნა მცველმა ხოსე ფონტემ და ყველაზე საინტერესო ის არის, რომ ყველაზე მეტჯერ სწორედ ეს უკანასკნელი გაშხლართულა თოვლში.</p><p>ფონტეს შემდეგ გუნდში ყველაზე ცუდი მოთხილამურე იტალიელი თავდამსხმელი გრაციანო პელე ყოფილა, რომელიც შინ ძალიან ბევრი ნაკაწრით და დაბეგვილი გვერდებით დაბრუნდა.</p><p>თუმცა კუმანისთვის ესეც არ იყო საკმარისი - მან შეგირდებს მეორე დღეს ჰოკეის თამაში უბრძანა...</p><p><p><div style="text-align: center;"><span style="color: #000000;"><strong style="font-size: 12.1599998474121px; line-height: 1.3em;">...რომ შვილი სჯობდეს მამასა</strong></span></div></p> იმას, რაც დევიდ ბექჰემის შვილმა ვერ შეძლო, ახლა თეო პირესი ეცდება. ეს გახლავთ 7 წლის ბავშვი, რომელიც მარტის დასაწყისიდან ოფიციალურად გახდა ლონდონის "არსენალის" ბავშვთა გუნდის წევრი.</p><p>ცხადია, მიხვდებოდით, რომ "არსენალის" ლეგენდარული ფრანგი ნახევარმცველის, რობერ პირესის შვილია. დიდი მამის შვილმა უკვე მოასწრო ალექსის სანჩესთან ერთად სელფის გადაღება, სტადიონზე კი სულაც თვით ტიერი ანრიმ მიიყვანა.</p><p><img src="pictures/artimages/image17/0eed5893fe7363d28aff03b752841ae8.jpg" border="0" alt="Sportall.Ge" title="დრიბლინგი: რიგითი ბინი "მილანის" გადასარჩენად" /></p><p>ჰოდა, ნუთუ შეიძლება, რომ ამ ყველაფრის შემდეგ თეო დიდი ფეხბურთელი არ გახდეს?</p><p><p><div style="text-align: center;"><span style="color: #ff0000;"><strong>ესპანეთი</strong></span></p><p><strong>რეკორდების შემგროვებელი</strong></div></p> სანამ მადრიდის "რეალში" მცირე არეულობაა და ურთიერთდაკბენებიც წავიდა, "ბარსელონამ" ამით ისარგებლა და პირველ ადგილზე გადაინაცვლა.</p><p>"ბარსა" ამას, სავარაუდოდ, ლიონელ მესის გარეშეც მოახერხებდა, მაგრამ რატომ მესის გარეშე, როცა შეიძლება მესისთან ერთად? "რაიო ვალეკანოსთან" ლეომ ჰეთ-თრიკი შეასრულა და ჰოპ, არა მარტო კრიშტიანო რონალდოს წამოეწია, არამედ კიდევ ერთი-ორი რეკორდიც მიამყარა.</p><p>ალფრედო დი სტეფანო კლასიკოების საუკეთესო ბომბარდირი იყო, გერდ მიულერს ერთ სეზონში ყველაზე მეტი გოლი ჰქონდა გატანილი, მიშელ პლატინის ყველაზე მეტჯერ ჰქონდა მოგებული "ოქროს ბურთი", პაულინიო ალკანტარა "ბარსელონას" ყველა დროის საუკეთესო ბომბარდირი გახლდათ, ტელმო ზარას პრიმერა დივიზიონში ყველაზე მეტი გოლი ჰქონდა შეგდებული, რაულს - ჩემპიონთა ლიგაში, ლუიშ ფიგუს ყველაზე მეტი საგოლე პასი ჰქონდა გაკეთებული, ხოლო სესარ როდრიგესი კი კატალონიურ დერბიში "ესპანიოლის" ყველაზე დიდი რისხვა გახლდათ.</p><p>ახლა კი ეს ყველაფერი ლიონელ მესია! "ელ კლასიკოების" ბომბარდირი, "ბარსელონას" საუკეთესო გოლეადორი, ყველაზე მეტი საგოლე პასით, ყველაზე მეტი გოლით პრიმერაში, ასევე, ჩემპიონთა ლიგაში და კატალონიურ დერბებში. ერთ სეზონშიც ყველაზე მეტი გოლი აქვს გატანილი და მსოფლიოს საუკეთესო ფეხბურთელადაც ყველაზე მეტჯერ დაასახელეს.</p><p>ჰოდა, ღმერთი არ გაგიწყრეთ და არ ჰკითხოთ იმ ქალბატონს, მთავარ ფოტოზე რომ ხედავთ, რატომ ამოისვირინგა მკერდზე ლეო მესი.</p><p><strong>ყოველდღიური სპორტული გაზეთი "ლელო"</strong></p>
არმერო
ეს მუნტარი მართლაც მოსაშორებელია. დაევსოს ინძაგის თვალები, მაგას ძირითადში რომ აყენებს. ინტერის დაწუნებულ ფეხბურთელს რომ წამოიყვან,ტფუი. ...
დირკ კუიტმა ნიდერლანდური გუნდი ჩაიბარა
"სინამდვილეში, რონალდომ და ჯორჯიანამ ერთმანეთი ასე გაიცნეს" - როდრიგესის ყოფილმა თანამშრომელმა ისტორია მოჰყვა
"სპაერმა" "ტორპედო" დაამარცხა და სუპერთასის ფინალში ითამაშებს
"უდინეზეს" მეკარეს 4-წლიანი დისკვალიფიკაცია ემუქრება
სუპერკომპიუტერმა საკლუბო მუნდიალის ფავორიტი დაასახელა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
კასანომ "ნაპოლის" კვარაცხელიას შემცვლელი ურჩია
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
ოფიციალურად: ბალოტელი "ჯენოას" ფეხბურთელია
დრიბლინგი: პიცებმა დაგღუპეს შენ, პიცებმა! [VIDEO]
"ამ ფეხბურთელს ვაღმერთებ" - ბრედ პიტი
"დიდ პატივს ვცემ და მისით აღფრთოვანებული ვარ" - მესიმ რონალდოზე ისაუბრა
რობერის პირესის 7 წლის ვაჟმა "არსენალთან" კონტრაქტი გააფორმა
დრიბლინგი: რა აკადრა კონტემ ბუფონს?
დრიბლინგი: პოლ პოგბას მათემატიკა - 1+0+5=6
"მონცას" ფეხბურთელებმა ბერლუსკონის მეძავებით სავსე ავტობუსი მოსთხოვეს
ბალოტელიმ "ჯენოაში" გადასვლიდან ორ თვეში შეიძლება გუნდი გამოიცვალოს
"ბერლუსკონიმ მითხრა, რომ პოზიცია უნდა შემეცვალა, რაზეც "მილანის" მაშინდელ მწვრთნელს მოვუყევი და მიპასუხა, რომ..."' - პატომ "როსონერის" ყოფილ პრეზიდენტზე ისტორია მოჰყვა
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
"მეგობრები არ ვართ, მაგრამ..." - რა თქვა მესიმ რონალდოს შესახებ?
"მადლობა, პრეზიდენტო!" - კალაძე ბერლუსკონის გარდაცვალებას ეხმაურება
დრიბლინგი: ამხანაგ ძინპინის უსიამოვნებანი მანჩესტერში
ბერლუსკონი ფეხბურთელებს მეძავებით სავსე ავტობუსს დაჰპირდა
რობერ პირესმა საფეხბურთო კარიერა დაასრულა
ᓓᓠᓘᓑᓚᓘᓜᓒი: ᓓᓘᓓᓘ ᓥᓐᓚᓐᓥᓘᓡ ᓓᓐᓠᓓᓔᓑᓘ - ᓛᓐᓪᓐᓠᓘᓡ ᓤᓐᓜეᓑᓘ ᓣᓢᓔვᓔᓜ, იᓜᓫაᓒᓘᓡ - ᓥᓐᓚᓔᓑᓘ
"თუ სერია A-ში დავბრუნდები, იქაურობას დავანგრევ" - ბალოტელის პირობა "ჯენოას" მწვრთნელს
კონფედერაციის თასი. ბრაზილია 2013: მეცხრე და ყველაზე საინტერესო
საინტერესო მოსაზრება - პირესი: ნეიმარს დემბელე მირჩევნია
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
პირველად მესის კარიერაში - ეს კვარაცხელიას პსჟ-ის წინააღმდეგ მოხდება
მარიო ბალოტელი იტალიაში ყოფილ გუნდში დაბრუნდება
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
"ბოლო 20 წლის განმავლობაში საუკეთესო იტალიელი მე-9 ნომერია" - "ჯენოას" პრეზიდენტი ბალოტელიზე
"მესი თუ რონალდო?" - იგუაინმა უცნაური არჩევანი გააკეთა
"მონცამ" "იუვეს" ისევ მოუგო - ბერლუსკონიმ ფეხბურთელებს მეძავები უნდა დაახვედროს